Lajmet nga UBT

Promovohet libri “Seksualiteti i Njeriut”, i profesorit të UBT-së, Hajrullah Fejza

Në prani të mysafirëve, studentëve dhe profesorëve, në ambientet e UBT-së, në Prishtinë, është promovuar libri “Seksualiteti i Njeriut”, i profesorit të UBT-së, Hajrullah Fejza.

Publikuar

Rektori i UBT-së, prof.dr Edmond Hajrizi tha se botimi i këtij libri ishte shumë i nevojshëm për këtë kohë pasi që shpesh herë mënyrat jo të sakta të informimit përmes internetit dhe kanaleve tjera të internetit nuk ofrojnë njohuri të duhura.

“Kohëve të fundit, edukimi seksual është bërë një temë e cila po vërehet se në shoqërinë tonë ka nevojë të trajtohet, dhe konsiderojmë që është pikërisht akademia dhe aspekti profesional i trajtimit të saj, ai i cili prinë drejt kësaj teme në shqyrtimin dhe dhënien e përgjigjeve drejt pikëpyetjeve konkrete, në aspektin e edukimit dhe të ngritjes së debatit e trajtimit për informimin dhe edukimin mbi shëndetin seksual”, tha rektori Hajrizi.

Dekan i Shkencave Mjekësore në UBT, prof.dr Fitim Alidema, njëherësh edhe recenzent i librit, ka vlerësuar tejet lartë këtë libër të autorit Hajrullah Fejza duke thënë se edukimi mbi seksualitetin duhet të fillojë nga familja, nga prindërit, në shkollë nga mësimdhënësit të përgatitur për të trajtuar tema të tilla.

“Ky libër  dhe disa kapituj me rendësi të këtij libri do të ju shërbej studenteve tanë të Shkencave Mjekësore të edukohen më mirë rreth jetës seksuale po ashtu të marrin më shumë informacione rreth jetës seksuale të shëndetshme, Këto informacione t’i shpërndajnë edhe te moshatarët e tyre”, tha prof.dr Fitim Alidema.

Specialisti i sëmundjeve infektivë, njëherit edhe recenzent i librit, prof.dr Ilir Tolaj, ka vlerësuar punën e profesorit Fejza, duke thënë se ai i ka kushtuar një vëmendje të veçantë edukimit seksual për nga aspekti shkencorë.

“Seksualiteti është një pjesë integrale e të qënit njeri dhe një diskutim i hapur i çështjeve të seksualitetit është i rëndësishëm për promovimin e shëndetit dhe përgjegjësisë seksuale. Libri i doktorit të mjekësisë dhe shkencave, Hajrullah Fejza, i cili është i pari i këtij lloji në gjuhën shqipe, i adreson shumë aspekte seksuale, dhe zotëri Fejza seksualitetit të njeriut dhe shëndetin seksual i referohet përmes shumë faktorëve që ndikojnë në funksionimin seksual dhe riprodhimin”, ka thënë Tolaj.

Profesoresha e Psikologjisë në UBT, Violetë Zefi, nënvizoi rëndësinë e edukimit seksual duke theksuar se një lëndë e tillë do të ishte shumë e mirëseardhur në shkolla.

“Kjo e ka vënë në pah rëndësinë që e ka edukimi seksual dhe rrjedhimisht domosdoshmërisht një lëndë e tillë të fillohet të ligjërohet, personalisht do të preferoja ta quaja jo edukim seksual por edukim shëndetësorë”, ka thënë ajo.

Autori i librit, Hajrullah Fejza ka treguar se ky libër ju dedikohet atyre që duan të mësojnë për seksualitetin e që vijnë nga fusha e shkencave mjekësore, psikologjike e sociale e pastaj edhe gjithë atyre njerëzve kureshtar që duan të informohen për seksualitetin, duke filluar nga parahistoria e deri në ditët e sotme.

Tutje, Hajrullahu tha se shpreson shumë që ky libër do t’iu shërbej për të mësuar ato gjëra për të cilat lexuesit kanë nevojë më shumë, duke qenë i sigurt se të gjitha informatat e dhëna kanë mbështetje në evidencë të bazuar shkencore.

Vazhdo të lexosh

Lajmet nga UBT

UBT pjesë e rrjetit të universiteteve që kanë nënshkruar dokumentin Magna Charta Universitatum

Publikuar

nga

Institucioni lider i arsimit të lartë në vend – UBT, nga sot është bërë pjesë e rrjetit të universiteteve që kanë nënshkruar dokumentin Magna Charta Universitatum.

Dokumentin e ka nënshkruar rektori i UBT-së, prof.dr Edmond Hajrizi, duke u bërë pjesë e një rrjeti të madh global të më shumë se 900 institucioneve të arsimit të lartë të të gjithë botës që kanë nënshkruar këtë dokument.

Rektori Hajrizi është shprehur i lumtur me nënshkrimin e këtij dokumenti duke thënë se UBT me këtë rast ka shënuar edhe një tjetër sukses në arenën ndërkombëtare.

“Nënshkrimi i dokumentit që daton nga 18 shtatori i vitit 1988, është një hap tjetër i madh dhe shumë i rëndësishëm i UBT-së në përfaqësimin e Kosovës në arenën ndërkombëtare. Një dokument që bazohet në parime të lirisë akademike dhe autonomisë institucionale është në përputhshmëri me atë që UBT prezanton, ndaj si e tillë është diçka shumë e rëndësishme për ne”, ka thënë rektori i UBT-së, prof.dr Edmond Hajrizi.

UBT me nënshkrimin e Magna Charta Universitatum, dëshmon edhe njëherë lidershipin, cilësinë dhe profesionalizmin në fushën e arsimit, duke respektuar gjithmonë parimet themelore të fushëveprimit dhe misionit të institucioneve të arsimit të lartë.

Magna Charta Universitatum është një deklaratë e nënshkruar në vitin 1988, me rastin e 900 vjetorit të Universitetit të Bolonjës, e cila dëshmon dhe pohon parimet themelore mbi të cilat duhet të bazohet misioni i universiteteve.

Vazhdo të lexosh

Lajmet nga UBT

Rektori Hajrizi pjesë e diskutimeve të XR EdTech Experience

Shquhet si një nga emrat më të mëdhenj në fushën e arsimit, teknologjisë dhe industrisë XR.

Publikuar

nga

Rektori i UBT-së, prof.dr Edmond Hajrizi, ishte pjesëmarrës i serive të bashkëbisedimit XR EdTech Experience, të organizuara nga themeluesi dhe presidenti i gjigantit të teknologjisë, EON Reality, Dan Lejerskar.

Në këtë bashkëbisedim, rektori Hajrizi ka diskutuar me presidentin e EON Reality, Dan Lejerskar, për arsimin, teknologjinë, industrinë XR, realitetin virtual, si dhe ndikimin e teknologjisë në një gamë të gjerë të fushave të jetës.

Presidenti i gjigantit të teknologjisë EON Reality, Dan Lejerskar, ka vlerësuar personalitetin e prof.dr Edmond Hajrizit, punën e palodhshme dhe angazhimin e tij në shkencë, teknologji, biznes dhe inovacion, duke thënë se ajo që është duke bërë rektori Hajrizi me UBT-në është diçka unike në evropë.

“Ju keni krijuar diçka që sipas mendimit tim, është unike në Evropë. Kam vizituar qindra institucione akademike, por s’kam parë sikurse institucioni juaj. Është vërtetë unike, pasi që ju keni sjellë një qasje të re”, ka thënë presidenti i gjigantit të teknologjisë, EON Reality, Dan Lejerskar.

Rektori i UBT-së, prof.dr Edmond Hajrizi, ka thënë se është i lumtur që UBT ka një bashkëpunim me një gjigant të teknologjisë, siç është EON Reality, duke vlerësuar sjelljen e trendëve të reja të teknologjisë në botë.

“Jam i lumtur për një bashkëpunim tejet të frytshëm me EON Reality, sepse ky bashkëpunim bën bashkë dy ide që trasojnë të njëjtën rrugë, atë të zhvillimit të dijes në fushën e teknologjisë dhe inovacionit, përmes XR, AR dhe VR, ndaj UBT do të vazhdojë të jetë e përkushtuar ndaj partnerëve të saj dhe sjelljes së trendëve të reja të teknologjisë për studentët dhe të rinjtë e tjerë”, ka thënë rektori Hajrizi.

XR EdTech Experience janë diskutime javore, të cilat çdo javë sjellin një nga emrat më të mëdhenj në arsim, teknologji dhe industri XR, që mbulojnë një gamë të gjerë temash rreth fushave të ndryshme inovative dhe shkencore.

Vazhdo të lexosh

Lajmet nga UBT

UBT dhe University of Cambridge sjellin në Kosovë qendrën e parë të politikave publike

UBT dhe University of Cambridge sjellin në Kosovë qendrën e parë të politikave publike – Public Policy Simulation Lab.

Publikuar

nga

Ky bashkëpunim, sjellë këtë qendër në kuadër të 20 inovacioneve për 20-vjetorin e UBT-së, që do të ketë benefite të mëdha për studentët e UBT-së, me fokus ata të shkencave politike, politikave publike, ekonomisë e inxhinierisë. Ndër të tjera, nga kjo marrëveshje e UBT-së me University of Cambridge, do të përfitojnë edhe profesionistët dhe akademikët e UBT-së, por edhe do të jetë një mbështetje edhe për Qeverinë e Kosovës, nivelin lokal të qeverisjes, si dhe për organizatat e ndryshme të cilat kanë nevojë për ndihmë në këtë fushë. 🎯Për më shumë, ndiqni videon mëposhtë. 👇

Vazhdo të lexosh

Kulturë, Lifestyle

UBT pjesë e festivalit ndërkombëtar të artit: “Nën braza të kohës”

Festivali: “Nën braza të kohës”, do të mbahet nga data 5 korrik deri më 11 korrik 2021

Publikuar

nga

Peja do të jetë nikoqir i edicionit të tretë të festivalit ndërkombëtar të artit: “Nën braza të kohës”, i cili këtë edicion për fokus ka tri pika kryesore: Elfriede Jelinek, Christoph Schlingensief dhe Rosa Luxemburg, të cilat nën titullin: “Nanë! Pse nuk ma dhe një trup tjetër?” do të prezantohen më 10 korrik në stadiumin e futbollit në Pejë.

UBT si institucioni më i madh i arsimit të lartë në vend, edhe këtë vit do të jetë pjesë e këtij festivali, kështu duke vënë në dispozicion rrjetin universitar në Ballkan, duke i ftuar dhjetëra studentë e profesorë ndërkombëtarë në këtë festival.

Në këtë festival në të cilin do të marrin pjesë shumë universitete partnere të UBT-së nga Evropa Qendrore dhe Ballkani, do të marrin pjesë edhe shumë performues, muzikantë, artistë, të arteve pamore, arkitektë, regjisorë filmi dhe shkencëtarë.

Festivali: “Nën braza të kohës”, do të mbahet nga data 5 korrik deri më 11 korrik 2021, në stadiumin e futbollit “Shahin Haxhiislami”, në Pejë.

Vazhdo të lexosh

Të kërkuara