Sport

Padrejtësitë dhe diskriminimi racor në futboll

Një nga padrejtësitë më të zakonshme në futboll është ndikimi i gjyqtarëve në rezultatin e ndeshjeve.

Publikuar

Futbolli, si sporti më i ndjekur në botë, është shpesh i mbushur me momente emocionuese dhe të mrekullueshme në fushë. Megjithatë, prapa kësaj ekzistojnë sfida të mëdha që kanë të bëjnë me drejtësitë dhe padrejtësitë të cilat e bëjnë të vështirë përballjen e këtij sporti si një pasion global.

Një nga padrejtësitë më të zakonshme në futboll është ndikimi i gjyqtarëve në rezultatin e ndeshjeve. Në disa raste, vendimet janë të dyshimta dhe mund të kenë ndikim të drejtpërdrejtë në ndarjën e pikëve dhe fatin e skuadrave. Ky fenomen rrit dyshimet dhe kritikat ndaj lojës dhe shpeshherë shkakton debate dhe polemika në media.

Manipulimi i ndeshjeve është një problem serioz në futboll dhe bëhet nëpërmjet grupeve kriminale e lojërave të fatit për përfitime financiare.

Në të njëjtën kohë, përveç padrejtësive një dukuri negative tjetër është edhe diskriminimi racor. Diskriminimi racor në futboll vazhdon të jetë një sfidë e pazgjidhur përderisa në fushë, përfshihen fyerje dhe sjellje të pakuptueshme, gjë e cila dëmton dhe ul imazhin e futbollit si një sport i hapur për të gjithë.

Për të adresuar këto sfida, është e nevojshme një përpjekje e përbashkët nga të gjithë futbolldashësit, përfshirë federatat sportive, klubet dhe lojtarët. Nëpërmjet rritjes së ndërgjegjësimit, mbikqyrjes së ndaj sjelljeve të paligjshme dhe promovimit të vlerave të drejtësisë dhe barazisë, mund të ndërtojmë një mjedis më të shëndetshëm dhe më të drejtë për të gjithë ata që përfshihen në këtë sport./UBTNews/

Shkroi: Arti Haziraj

Sport

Euro 2025/ Publikohet lista e Kombëtares së Kosovës

Publikuar

nga

Përzgjedhësja e Kombëtares së Kosovës në futboll për femra, Anneli Andersen, e ka publikuar listën e Dardaneve, të cilat janë përzgjedhur për dy ndeshjet e dyta të ciklit kualifikues për Kampionatin Evropian 2025.

Dardanet ndeshjen e parë do ta zhvillojnë kundër Kroacisë, në stadiumin “Zahir Pajaziti” në Podujevë, më 31 maj. Ndeshjen e dytë Dardanet do ta zhvillojnë në stadiumin “Branko Cavlovic-Cavlek” në Karlovac, më 6 qershor, kundër Kroacisë.

Kombëtarja e Kosovës në kualifikimet për Evropianin 2025, bënë pjesë në Ligën B, në Grupin B4, së bashku me Uellsin, Kroacinë dhe Ukrainën. Në dy ndeshjet e para ka pësuar humbje ndaj Ukrainës dhe Uellsit.

Vazhdo të lexosh

Sport

Zyrtare, Milani shkarkon Piolin

Publikuar

nga

Milani ka konfirmuar zyrtarisht largimin Stefano Piolit, duke i dhënë fund periudhës së tij pesëvjeçare në skuadër. Trajneri 58-vjeçar italian mori drejtimin e kuqezinjve në tetor 2019, pas ecurisë së shkurtër dhe zhgënjyese nën drejtimin e Marco Giampaolos, i cili humbi katër nga shtatë ndeshjet e tij të para në krye të klubit.

Pioli ndihmoi të rivendoste njëfarë stabiliteti te Milani dhe i udhëhoqi ata drejt Scudetto-s së tyre të parë në një dekadë në sezonin 2021-22, duke marrë më të mirën nga lojtarët si Rafael Leao, Theo Hernandez dhe Fikayo Tomori. Ai gjithashtu e çoi klubin në gjysmëfinalen e Champions League në sezonin 2022-23.

Siç bëhet e ditur në një deklaratë, Milani dhe Pioli janë ndarë zyrtarisht, me trajnerin që largohet nga posti pas ndeshjes së fundit të sezonit kundër Salernitanas më 25 maj.

AC Milan dhe Stefano Pioli njoftojnë se trajneri do të largohet pas përfundimit të sezonit aktual, pasi ka qenë në krye të ekipit të parë që nga tetori 2019. AC Milan falënderon nga zemra Stefano Pioli dhe gjithë stafin e tij për drejtimin e ekipit të parë gjatë pesë viteve të fundit, duke siguruar një titull të paharrueshëm të ligës dhe duke rivendosur praninë e vazhdueshme të AC Milan në kompeticionin më të lartë evropian”, thuhet në deklaratën zyrtare të lëshaur nga Milani.

Vazhdo të lexosh

Sport

Trepça, kampione e Kosovës pas 12 vitesh

Publikuar

nga

KB Trepça është kampionia e re e Superligës së Kosovës në basketboll.

Trepça e mposhti në palestrën “Minatori” në Mitrovicë Golden Eagle Yllin me rezultat minimal 67:66, fitore kjo e cila ia siguroi zyrtarisht titullin e kampiones.

Trepça dhe Ylli ishin duke barazuar 2:2 në serinë e finales, dhe me fitoren të mitrovicasve puna e kampionit është tanimë çështje e mbyllur.

Basketbollistët më meritorë në triumfin të Trepçës ishin Edwards Brandon me 15 pikë e tri kërcime dhe Darnell Edge me 15 pikë e pesë kërcime dhe gjashtë asistime.

Ndërkaq, basketbollisti më i dalluar te Ylli ishte Alonzo Verge me 28 pikë, katër kërcime e tetë asistime.

Titulli i Trepçës është i pari për klubin mitrovicas që nga viti 2012.

Vazhdo të lexosh

Sport

Giroud: Euro 2024 është e fundit për mua me Francën

Publikuar

nga

Sulmuesi francez Olivier Giroud synon të tërhiqet nga futbolli në nivel të kombëtareve pas Kampionatit Evropian të muajit të ardhshëm. Giroud , i cili u largua nga Milani për t’u bashkuar me skuadrën e Major League Soccer Los Angeles FC në fillim të këtij muaji, ka bërë 131 paraqitje për Francën dhe ishte një pjesë kyçe e skuadrës së tyre fituese të Kupës së Botës në vitin 2018.

Me 57 gola, 37-vjeçari është golashënuesi më i mirë i të gjitha kohërave në kombëtaren e Francës, pasi ka kaluar Thierry Henry-n gjatë Kupës së Botës 2022.

Të jem i sinqertë, kjo do të jetë gara ime e fundit me “Les Bleus”. Natyrisht, do të më mungojë shumë,” tha Giroud për “L’Equipe” në një intervistë të botuar të enjten. “Ne duhet t’u hapim rrugë të rinjve. Gjithmonë kam thënë se do të ndaloja kur trupi im të më kërkojë këtë. Mendoj se më kanë mbetur edhe dy vite të mira. Por sa i përket skuadrës franceze, mendoj se ky do të jetë fundi i saj“, bëri të ditur Giroud.

Franca, e cila u eliminua nga Zvicra në 1/16 të Euro 2020, e ngriti trofeun për herë të fundit në vitin 2000. Ata do të përballen me Austrinë në ndeshjen hapëse të fazës së grupeve të Euros më 17 qershor, përpara se të përballen me Holandën dhe Poloninë.

Vazhdo të lexosh

Të kërkuara