Kulturë, Lifestyle

Muzeu “Shtëpia me Gjethe” përkujton shkrimtarin Petro Marko

Muzeu Kombëtar “Shtëpia me Gjethe” përkujton sot poetin, shkrimtarin dhe përkthyesin Petro Marko.

Publikuar

Petro Marko lindi më 25 nëntor të vitit 1913, në fshatin Dhërmi të Himarës. Kreu Shkollën Tregtare të Vlorës. Më 1 mars 1936 botoi numrin e parë të së përdyjavshmes letrare “ABC”. Po atë vit mori pjesë në Luftën Civile të Spanjës me një grup prej dyzetë shqiptarësh dhe hyri në repartin Garibaldi të Brigadave Ndërkombëtare. Në Madrid, së bashku me Skënder Luarasin, filloi botimin e një reviste njëzetfaqëshe në gjuhën shqipe me titullin “Vullnetari i Lirisë”, që doli vetëm dy numra.

Më 1940 u detyrua të kthehej në atdhe nga mërgimi në Francë. Një vit më vonë u arrestua nga italianët dhe u internua bashkë me gjashtëqind të burgosur të tjerë nga vendet ballkanike në ishullin Ustika, në detin Tirren. Në tetor 1944 u kthye në Shqipëri si partizan. Pas disa vitesh si kryeredaktor i gazetës “Bashkimi” më 1947 u arrestua nga komunistët dhe u burgos në Tiranë.

Pas rënies së Koçi Xoxes, u lirua dhe u lejua të punonte si mësues në Tiranë. Pas botimit të romanit “Një emër në katër rrugë” (Tiranë,1973), iu ndalua botimi për një periudhë prej tetë vitesh. Vdiq në Tiranë, më 27 dhjetor 1991.

Ndër veprat e tij mund të përmendim: “Hasta la vista”, 1958; “Qyteti i fundit”, 1960; Rrugë pa rrugë, 1964; Nata e Ustikës, 1989.

Vazhdo të lexosh

Kulturë, Lifestyle

Kjo është arsyeja pse Brad Pitt nuk e përdor kurrë emrin e tij të vërtetë

Ai nuk e ka përdorur emrin e tij të vërtetë që kur u shpërngul nga vendlindja e tij, Misuri.

Publikuar

nga

Brad Pitt ka pasur gjithmonë një reputacion si një nga aktorët më të pashëm në Hollywood, por pak njerëz e dijnë emrin e tij të vërtetë.

Që kur fitoi famë dhe popullaritet, bukuria e tij nuk ka lënë thuajse askënd indiferent dhe Angelina Jolie dhe ai ende konsiderohen si një nga çiftet më të bukur në historinë e industrisë së filmit.

Emri i tij është i njohur në të gjithë planetin, por shumë nuk e dinë se ai nuk e ka përdorur emrin e tij të vërtetë që kur u shpërngul nga vendlindja e tij, Misuri.

Aktori foli një herë për rrethanat që çuan në largimin e tij nga Misuri. Pitt shpjegoi se ai duhet të kishte mbaruar shkollën, por ai thjesht nuk mund të priste fillimin e karrierës së tij filmike. Ai u largua para se të diplomohej.

“Gjithmonë ankohesha se nuk kishte akademi filmi në Misurin jugor dhe më shkonte mendja se mund të shkoja në të, kështu që fjalë për fjalë i paketova gjërat, hipa në makinë dhe u largova. Nuk u diplomova”, pranoi Pitt në Festivalin Ndërkombëtar të Filmit në Santa Barbara.

Emri i vërtetë i aktorit është William Bradley Pitt, i quajtur sipas babait të tij William Alvin Pitt. Brad vendosi të shkurtojë emrin e tij për shkak të dëshirës së tij për të ndjekur aktrimin.

Për ta mbajtur më të lehtë në kujtesë, aktori ka përdorur emrin e tij të mesëm, ndaj sot shumë nuk e dinë se si quhet. Përveç kësaj, pakkush e di se edhe Brad iu nënshtrua korrigjimit estetik.

Brad Pitt nuk është i vetmi aktor që ka ndryshuar emrin për t’u bërë i famshëm në Hollywood. Jamie Foxx tani është i njohur me këtë emër, por ne pyesim veten nëse do të kishte qenë kështu nëse ai do t’i kishte qëndruar emrit të tij të vërtetë, dhe ky është Eric Marlon Bishop. Edhe legjendarja Marilyn Monroe ndryshoi emrin e saj, në fakt quhej Norma Jean Mortenson.

Vazhdo të lexosh

Kulturë, Lifestyle

Pink ia realizoi ëndrrën një fanseje të sëmurë me kancer

Publikohet videoja.

Publikuar

nga

Këngëtarja e mirënjohur, Pink ia realizoi ëndrrën një fanseje të sëmurë nga kanceri.

42-vjeçarja zhvilloi me fansen e saj, Diane Berberian, një telefonatë tridhjetë minutëshe në Zoom muajin e kaluar, duke e ndihmuar atë të realizonte një nga qëllimet e fundit madhore të mbetura në listën e saj të dëshirave.

Më 27 nëntor, Berberian publikoi në Facebook një sekuencë nga biseda e saj me Pink dhe falënderoi të gjithë ata që e ndihmuan atë ta realizonte këtë ëndërr.

Në fund të bisedës, Berberian ia dha një mesazh këngëtares: “Mos heq dorë! Mos ndalo së bëri atë që po bën”./UBTNews

Vazhdo të lexosh

Kulturë, Lifestyle

Promovohet libri: “200 Këngë nga Opusi Muzikor i Kantautorit Ilir Shaqiri”, nga profesori i UBT-së, Korab Shaqiri

Hajrizi ka thënë se përmes kësaj vepre, autori i librit ka dhënë një kontribut të çmuar në aspektin akademik dhe profesional.

Publikuar

nga

Muzikologjia dhe etnomuzikologjia tashmë kanë një vepër të re, pas promovimit të librit: “200 Këngë nga Opusi Muzikor i Kantautorit Ilir Shaqiri”, nga autori dhe profesori i UBT-së, Prof. Ass. Dr. Korab Shaqiri.

Në këtë promovim, pjesëmarrës të së cilit ishin figura publike, kompozitorë dhe autorë, profesorë, studentë, si dhe pjesëmarrës të tjerë, u prezantua libri i cili me vete sjell tekstet dhe kreativitetin e kompozitorëve dhe autorëve që punuan së bashku me Ilir Shaqirin, një kolos të këngës së mirëfilltë shqipe.

Rektori i UBT-së, prof.dr. Edmond Hajrizi ka thënë se përmes kësaj vepre, autori i librit, Korab Shaqiri, ka dhënë një kontribut të çmuar në aspektin akademik dhe profesional, duke iu ndihmuar shumë studiuesve të muzikës për të ardhmen.

“Është kënaqësi që sot promovojmë një libër të profesorit tonë, Korab Shaqiri, një libër i cili përmbledh një veprimtari të gjerë të të nderuarit Ilir Shaqiri. Është kënaqësi se ne këtë promovim po e bëjmë në qendrën tonë të dijes, qendër kjo me konceptin e menaxhimit të dijes, pra me idenë që të përmblidhen veprat, të përpunohen, të kurohen, të menaxhohen dhe të ruhen me vite të tëra, sepse mendoj se ka shumë vlera, kontribute, por që shpesh nuk i kemi të dukshme”, ka thënë rektori Hajrizi.

Redaktori letrar i librit “200 Këngë nga Opusi Muzikor i Kantautorit Ilir Shaqiri”, Arben Veselaj, ka vlerësuar lartë këtë libër, duke thënë se autori i këtij libri me përmbledhjen e 200 këngëve brenda një opusi ka ofruar një antologji të veçantë të poezisë.

“Kur e kam lexuar për herë të parë materialin e përzgjedhur nga Korab Shaqiri me 200 tekste të këngëve të Ilir Shaqirit vetëm atëherë e kam kuptuar se sa e thellë dhe sa e gjerë është krijimtaria e artistit tonë. I përmbushur çdo herë me anën muzikore të artit të tij, më duhet ta pranoj se jo shumë shpesh kisha vrarë mendjen se duhet bërë një analizë tekstuale të kësaj krijimtarie”, ka thënë Veselaj.

Profesoresha në Fakultetin e Muzikës Moderne, Prodhim Digjital dhe Menaxhment në UBT, Kristina Përkola, ka vlerësuar lartë librin e autorit Korab Shaqiri, duke thënë se një libër i tillë i ka munguar muzikologjisë.

“Muzikologjisë dhe etnomuzikologjisë tonë si drejtime relativisht të reja tek ne i kanë munguar dhe vazhdojnë ti mungojnë botimet, monografitë, apo edhe përmbledhjet e veprave muzikore të klasifikuara, qoftë sipas zhanreve, formave, përmbajtjes apo autorëve. Prandaj dalja në dritë e librit ‘200 Këngë nga Opusi Muzikor i Kantautorit Ilir Shaqiri’, paraqet disa momente të rëndësishme për muzikologjinë shqiptare, veçanërisht atë të Kosovës”, ka thënë profesoresha Përkola.

Përgjegjësi për botime i Institutit për Trashëgimi Shpirtërore dhe Kulturore të Shqiptarëve në Shkup, Sevdail Demiri, para të pranishmëve tha se kjo vepër është një thesar i çmuar i trashëgimisë shqiptare, të përmbledhura në librin me tekst dhe nota muzikore që janë vet historia e shqiptarit ndër shekuj.

“Padyshim kjo vepër përbën një nga thesaret më të çmuara të trashëgimisë tonë kulturore-artistike në rrafsh kombëtar e cila sublimohet në veprimtarinë e bujshme prej disa dekadave të mjeshtrit të madh të këngës shqipe, Ilir Shaqiri”, ka thënë përgjegjësi për botime i Institutit për Trashëgimi Shpirtërore dhe Kulturore të Shqiptarëve në Shkup, Sevdail Demiri.

E nën emocion, autori i librit, njëherit profesori i UBT-së, Prof. Ass. Dr. Korab Shaqiri, ka thënë se ky libër do t’iu shërbejë muzikantëve jo vetëm vendorë por edhe ndërkombëtarë, për të njohur këtë lloj krijimtarie letrare e muzikore që është krijuar në një kohë shumë të rëndësishme për vendin tonë.

“Duke punuar në këtë libër, kujtesa më kthente në vitet e mia të fëmijërisë, kur babai im më merrte në prehër, pranë një pianoje të vjetër në banesën tonë të ngushtë në Prishtinë. Idetë dhe motivet e atyre këngëve së pari tingëllonin aty, për t’u shpërndarë më vonë gjithandej audiencës ku jetojnë shqiptarët. Dhe s’kisha si ta imagjinoja, nuk mund ta dija unë, se pas shumë vitesh ato krijime do të bëheshin subjekt i admirueshëm studimi për mua. Ky ritual domethënës, do të praktikohej shpesh në banesën tonë, deri atëherë kur këmbët e mia të vogla u zgjatën për të arritur pedalet e pianos”, ka thënë autori i librit “200 Këngë nga Opusi Muzikor i Kantautorit Ilir Shaqiri”, Korab Shaqiri.

Kantautori Ilir Shaqiri, ka thënë se ndihet i nderuar me rastin e promovimit të këtij libri, dhe se me këtë libër përpos këngëve po vihen në pah edhe ata që i kanë krijuar ato, duke përfshirë autorët e poezisë, muzikës, e orkestracionit.

“Të gjitha këngët në këtë libër kanë autorët e tyre, të poezisë, të muzikës, të orkestracionit, si dhe vitin se kur janë realizuar ato. Brenda gjithë këtyre viteve, që nga viti 1983 deri në ditët e sotme, duke u evidentuar të gjithë këto, autorët dhe viti se kur janë realizuar këto këngë, përmes tekstit dhe melodisë ne do të arrijmë të njohim atë periudhë jo të lehtë për vendin tonë, por që sot na jepet mundësia që shumë gjëra të asaj kohe dhe asaj periudhe t’i kemi t’i trajtojmë dhe t’i përurojmë sot, siç po përurojmë në universitetin tuaj”, ka thënë kantautori, Ilir Shaqiri.

Me këtë libër, autori Korab Shaqiri, përmbajtjen e këngëve të kantautorit Ilir Shaqiri, në një tregim të gjatë me vëmendje rreth ideve dhe idealeve të këngëve të realizuara asokohe, në një krijimtari unike me gjuhë universale muzikore.

Vazhdo të lexosh

Kulturë, Lifestyle

Aktori Alec Baldwin dhe gruaja e tij fshinë llogaritë në Twitter

“Kjo llogari nuk ekziston…”

Publikuar

nga

Aktori Alec Baldwin dhe bashkëshortja e tij, Hilaria, fshinë llogaritë e tyre në rrjetin social Twitter, vetëm disa ditë pasi ylli i Hollywood-it ka mohuar përgjegjësinë për të shtënat fatale me armë zjarri gjatë xhirimeve të filmit “Rust” në muajin tetor, ku mbeti e vdekur kinematografja Halyna Hutchins.

Llogaria e tij – të cilën ai e përdorte për t’u deklaruar në lidhje me rastin – u fshie të dielën. Tashmë përdoruesve të Twitterit kur e kërkojnë aktorin u del mesazhi “Kjo llogari nuk ekziston”.

Kurse llogaritë e tyre në rrjetin social Instagram, janë aktive. Aktori përmes Instagramit shprehu ngushëllime për vdekjen e ish-senatorit amerikan, Bob Dole./UBTNews

Vazhdo të lexosh

Të kërkuara