Tifozët e Gjeorgjisë kanë treguar një qëndrim agresiv para ndeshjes së sotme me Shqipërinë, duke sulmuar një tifoz shqiptar në Tbilisi mbrëmjen e djeshme. Si pasojë e goditjeve të marra, tifozi shqiptar është dërguar në spital për trajtim.

Tensionet mes tifozëve kanë qenë të pranishme, duke u rritur pas ndeshjes së kaluar në “Air Albania” në shtator, ku tifozët gjeorgjianë shprehën pakënaqësitë e tyre për atmosferën e krijuar, përfshirë vërshëllimat ndaj himnit të Gjeorgjisë. Kjo ngjarje duket se ka nxitur reagimin e ashpër të tifozëve vendas.

Ndeshja e sotme, e cila zhvillohet në stadiumin e Tbilisit, nis në orën 18:00, dhe pritet të ketë rreth 500 tifozë shqiptarë që do ta mbështesin Kombëtaren. Shqipëria ndodhet tre pikë më pak në renditje se Gjeorgjia, duke e bërë këtë ndeshje edhe më të rëndësishme për të dyja ekipet në kuadër të Ligës së Kombeve.

Përveç tensioneve të natyrshme mes tifozëve, autoritetet lokale janë të vëmendshme për të parandaluar ndodhi të tjera të dhunshme gjatë ndeshjes. Situata mbetet e ndjeshme dhe tifozët inkurajohen të ruajnë qetësinë për të siguruar një atmosferë sportive./UBTNews/

Sulmuesi i krahut te Kosova, Edon Zhegrova ka premtuar se ndaj Qipros do të jap maksimumin që Kosova të marrë një fitore të re pas asaj ndaj Lituanisë.

Ai në konferencë për media deklaroi se humbja nga Rumania në “Fadil Vokrri” ishte një episod jo i mirë, por që ka shërbyer për të mësuar nga gabimet e asaj ndeshje.

“Jo, presion nuk kam. Ndaj Rumanisë kemi luajtur mirë por është dashur të bëhet më shumë. Për ndeshjen e nesërme jemi gati dhe do të japim maksimumin për ta marrë një fitore të re”, tha Zhegrova.

Kosova dhe Qipro përballen nesër në “Fadil Vokrri” me fillim nga ora 20:45.