Sport

Mediumi spanjoll: Rumania mund ta humb ndeshjen ndaj Kosovës në tavolinë

Federata e futbollit të Rumanisë është e ekspozuar ndaj sanksioneve të ashpra.

Publikuar

2 javë më parë

më

Për shkak të ndërprerjes së ndeshjes ndërmjet Rumanisë dhe Kosovës pas vendosjes së një pankarte ku thuhej “Kosova është Serbi” nga tifozët rumunë në Bukuresht, Federata e futbollit të Rumanisë është e ekspozuar ndaj sanksioneve të ashpra si mbyllje të pjesshme ose totale të stadiumit për tifozët, humbje të ndeshjes, si dhe një gjobë të madhe financiare.

Do të jenë ditët në vijim kur UEFA do të hapë një dosje pas incidenteve të ndodhura mbrëmë në duelin mes Rumanisë dhe Kosovës në Bukuresht. Ndeshja u ndërpre për rreth një orë pasi lojtarët kosovarë u larguan nga fusha në minutën e 19- të të ndeshjes, kur tifozët rumunë filluan të thërrisnin ‘Serbi, Serbi!’ dhe u shfaq një pankartë ‘Kosova është Serbi’.

Gazeta spanjolle “Mundo Deportivo” citon nenin 11 të Kodit Disiplinor të UEFA-s i cili thotë se shoqatat kombëtare janë përgjegjëse për “ndërprerjen e ndeshjes dhe braktisjen e fushës nga lojtarët”.

Për më tepër, neni 14 në lidhje me aktet raciste thotë qartë se “nëse një ose më shumë anëtarë të një federate fyejnë ose sulmojnë për shkak të origjinës së tyre racore, fetare etj.”, ata janë të ekspozuar ndaj mbylljes së pjesshme të stadiumit të tyre përveç gjobës. Por vetë shkrimi lë të hapur mundësinë e mbylljes totale për një ose më shumë ndeshje. Madje edhe humbjen e ndeshjes.

Për më tepër, neni 16 i UEFA-s për rendin dhe sigurinë e mban federatën lokale përgjegjëse për sjelljen e tifozëve të saj. Ndër të tjera, për përdorimin e “gjesteve, fjalëve apo çdo metode tjetër për të transmetuar një mesazh provokues” dhe veçanërisht të atij që ka ngjyrim politik, ideologjik apo fetar.

Kështu, Rumania është e ekspozuar ndaj një sanksioni të ashpër nga UEFA dhe do të shohim se çfarë qëndrimi do të mbajë Komisioni Disiplinor për vendimin e lojtarëve kosovarë për të lënë fushën e lojës.

Etiketa
Vazhdo të lexosh

Sport

​Shtëpia e Ramosit në Sevilla u plaçkit derisa fëmijët e tij ishin brenda

Incidenti ka ndodhur më 20 shtator.

Publikuar

7 orë më parë

më

27 Shtator, 2023

nga

Garda Civile e Spanjës është duke e hetuar një vjedhje që ka ndodhur në shtëpinë e mbrojtësit të Sevillas, Sergio Ramos.

Incidenti në fjalë ka ndodhur në shtëpinë e Ramosit në Bollullos de La Mitacion, 20 kilometra larg qendrës së Sevillas më 20 shtator.

Në atë kohë 37 vjeçari ishte në stadiumin “Sanchez Pizjuan” duke luajtur në Ligën e Kampionëve në ndeshjen e fazës së grupeve të Sevillas ndaj Lens.

Gruaja e Ramos, Pilar Rubio, ishte gjithashtu larg shtëpisë asokohe, por një burim i tha “ESPN” se katër fëmijët e çiftit dhe kujdestarët e tyre ishin në shtëpi. Askush nuk u lëndua gjatë incidentit.

Vazhdo të lexosh

Sport

Bajoku “shkatërron” boksierin serb

Bajoku ishte më i mirë në tri raundet, në luftën e kategorisë deri 67 kilogramë.

Publikuar

9 orë më parë

më

27 Shtator, 2023

nga

Boksieri Shpëtim Bajoku ka qenë bindës përballë boksierit të Serbisë, Semir Aliçiq, në Kampionatin Ballkanik që ka nisur të mërkurën.

Bajoku ishte më i mirë në tri raundet, në luftën e kategorisë deri 67 kilogramë.

Pasi gjyqtari i ringut shpalli Bajokun fitues, boksieri serb bëri veprim antisportiv. Ai nuk ia zgjati dorën boksierit të Kosovës.

Bajoku e pati mposhtur serbin në qershor në një turne në Kumanovë. Luftën e radhës, Bajoku e zhvillon të shtunën.

Ballkaniku po mbahet në Albena të Bullgarisë.

Vazhdo të lexosh

Sport

Ukraina nuk do të marrë pjesë në garat e futbollit me ekipe ruse

Kjo pas vendimit të UEFA-s për të ripranuar ekipet e të rinjve të vendit në turnetë evropiane.

Publikuar

10 orë më parë

më

27 Shtator, 2023

nga

Shoqata e Futbollit të Ukrainës (UAF) thotë se nuk do të marrë pjesë në garat e futbollit me ekipe ruse, pas vendimit të UEFA-s për të ripranuar ekipet e të rinjve të vendit në turnetë evropiane.

“UAF dënon fuqishëm vendimin e sotëm të UEFA-s për kthimin e ekipeve U-17 nga Federata Ruse në garat ndërkombëtare”, tha UAF në një deklaratë. “UAF insiston në ruajtjen e vendimeve të mëparshme të UEFA-s dhe FIFA-s në lidhje me parandalimin e të gjitha ekipeve ruse nga pjesëmarrja në garat ndërkombëtare”.

UAF ka kërkuar gjithashtu bashkëpunimin e organeve të tjera të futbollit për të mbajtur të njëjtin qëndrim kundër ripranimit të Rusisë në futbollin e të rinjve.

“UAF konfirmon se ne nuk do të marrim pjesë në asnjë garë me pjesëmarrjen e ekipeve ruse”, thuhet mes tjerash në deklaratë./UBTNews/

Vazhdo të lexosh

Sport

Kuka për Qendrën e Xhudos: Ëndrra po bëhet realitet

Janë ndarë 5.5 milion euro për zgjerimin e kësaj qendre.

Publikuar

10 orë më parë

më

27 Shtator, 2023

nga

Trajneri i xhudos, Driton Kuka është shprehur shumë i kënaqur me vendimin e Qeverisë së Kosovës për të ndarë mjete për zgjerimin e Qendrës Nacionale të Xhudos në Pejë.

Ai përmes një reagimi në rrjetet sociale ka thënë se përmes këtij projekti, po realizohet ëndrra për kushte optimale të xhudistëve që Kosovës po i sjellin medalje elitare evropiane dhe botërore.

“Ëndrra po behet realitet. Vendi ku farkohen medaljet e Arta Evropiane, Botërore e Olimpike po bëhet me kushtet më optimale për stërvitje elitare”, ka shkruar Kuka.

Ndryshe, në mbledhjen e Qeverisë së Kosovës janë ndarë 5.5 milion euro për zgjerimin e kësaj qendre.

“Me vendimin e sotëm të Qeverisë përfundon shpronësimi, shumë shpejtë shpallet procedura e prokurimit për ndërtimin, respektivisht zgjerimin e këtij kompleksi sportivë, i cili bën pjesë në kuadër të programit shtetërorë pesë vjeçar, ‘Kosova, shtet i xhudos’, por njëherit ndërtimi i këtij kompleksi, pra zgjerimi i Qendrës Nacionale të Xhudos në Pejë është edhe përmbushje e zotimeve tona në përgatitje të Lojërave Mesdhetare Prishtina 2030. Kostoja e këtij investimi do të jetë 5.5 milionë euro”, tha Çeku.

Vazhdo të lexosh

Të kërkuara