Sport

Llapi përforcon sulmin

Published

on

Klubi futbollistik Llapi ka siguruar transferimin e sulmuesit të qendrës, Valmir Berisha nga Liria me kontratë për dy-vitet e ardhshme. Kështu ka bërë të ditur skuadra e Tahir Batatinës përmes një njoftimi në faqen zyrtare të hënën.

28-vjeçari vjen në klubin nga Podujeva me një bagazh të madh e eksperiencë ndërkombëtare. Fillimi i karrierës së tij në Halmstad dhe pjesëmarrja në klube prestigjioze si Roma, e pjesëmarrja e tij në kombëtaret zinxhirë të Suedisë janë vetëm disa nga momentet që e bëjnë të dallohet në skenën ndërkombëtare të futbollit.

Besojmë se përvoja e Valmir Berishës do të shtoj forcat e skuadrës sonë dhe do të kontribuoj në arritjen e objektivave tona në garat evropiane dhe sezonin e ri të Superligës.

Pas prezantimit të tij nga Drejtori Sportiv, Mentor Zhdrella, sulmuesi është prononcuar për faqen zyrtare të klubit: “Është vërtetë kënaqësi të bashkohem me një skuadër kaq të respektuar dhe të ndjekur në futbollin e Kosovës. Dua të falënderoj stafin drejtues, drejtorin dhe trajnerin për besimin e tyre. Jam i përkushtuar plotësisht që të jap maksimumin në çdo ndeshje dhe të kontribuoj për suksesin e KF Llapi. Tifozëve u premtoj angazhim maksimal për t’i gëzuar ata me shumë suksese në vazhdim“, ka thënë Berisha.

Berisha është përforcimi i dytë këtë afat kalimtar pas zyrtarizimit të Blend Baftiut të Llapi./UBTNews/

Sport

Drama e re në Spanjë: Reali në shënjestër për sulmet ndaj arbitrimit!

Published

on

La Liga ka ndërmarrë një hap të pazakontë duke paraqitur një padi kundër Real Madridit pranë Komitetit të Disiplinës së Federatës Mbretërore Spanjolle të Futbollit. Sipas raportimeve të “El Partidazo de Cope”, arsyeja e këtij veprimi lidhet me ankesën zyrtare të Realit pas ndeshjes kundër Espanyolit, ku klubi madrilen kritikoi ashpër arbitrimin, veçanërisht për mosndëshkimin me karton të kuq të Romeros pas një ndërhyrjeje ndaj Kylian Mbappé.

Sipas La Ligës, letra e dërguar nga Real Madridi vë në dyshim integritetin e garës dhe ushtron presion mbi gjyqtarët, duke cënuar imazhin e kampionatit. Pas pranimit të padisë, Komiteti i Disiplinës do të kërkojë shpjegime nga klubi madrilen dhe mund të hapë një procedurë hetimore, e cila në rast të shkeljeve të konstatuara, mund të rezultojë në sanksione për “Los Blancos”.

Ndërkohë, presidenti i La Ligës ka bërë deklarata të forta në një intervistë për gazetën gjermane “Süddeutsche Zeitung”, ku kritikoi mënyrën se si UEFA shpërndan të ardhurat nga Champions League dhe Botërori i Klubeve. Sipas tij, ky sistem po ndihmon një numër të vogël klubesh të pasurohen edhe më shumë, duke krijuar një oligarki në futbollin evropian dhe duke thelluar pabarazinë mes skuadrave.

Ky tension i ri mes La Ligës dhe Real Madridit vetëm sa shton përplasjet mes palëve, duke rritur temperaturat në futbollin spanjoll. Mbetet për t’u parë nëse klubi madrilen do të përballet me ndëshkime disiplinore apo nëse ky konflikt do të marrë përmasa edhe më të mëdha./UBTNews/

Continue Reading

Sport

Zyrtare, ‘ylli’ i Ballkanit pjesë e CR Cluj në Rumani

Published

on

Mesfushori i Ballkanit, Lindon Emërllahu, është zyrtarisht lojtari më i ri i CFR Cluj në Rumani. Klubi rumun ka konfirmuar transferimin përmes një njoftimi zyrtar, duke e cilësuar Emërllahun si “lojtarin më të mirë në Kosovë”.

Presidenti i CFR Cluj, Nelu Varga, ka zbuluar se klubi ka paguar 700 mijë euro për mesfushorin therandas, ndërsa Ballkani ka ruajtur 15% të kartonit të tij për një transferim të ardhshëm.

“Mirë se vjen, Lindon, dhe shumë suksese në fanellën e qershive!”, thuhet në njoftimin e klubit rumun./UBTNews/

Continue Reading

Sport

​Bujupi i shënon Liverpoolit në Youth League

Published

on

By

Reprezentuesi i Kombëtares së Kosovës, Eliot Bujupi i ka shënuar Liverpoolit në Youth League.

Sulmuesi Dardan po kalon formë të jashtëzakonshme. 18-vjeçari ka shënuar 18 gola në 25 ndeshje në të gjitha garat me Stuttgartin U19.

Bjupi i shënoi skuadrës angleze në minutën e tetë pas asistimit nga Boakye. Kjo ndeshje është e vlefshme për playoff-in e fazës 1./16 të kësaj gare.

Continue Reading

Sport

Interi “hakmerret” ndaj Fiorentinës, ndikon dhe vendimi i gabuar i gjyqtarit

Published

on

By

Interi ka mposhtur Fiorentinën në shtëpi, ndërsa e sheh veten në vendin e dytë në klasifikim, 1 pikë pas Napolit. Gjyqtari u bë protagonist i takimit, ku pas një vendimi të gabuar të tij, zikaltrit shënuan gol.

Interi nuk do të dorëzohet në asnjë moment kur diskutohet për kreun e Serisë A, ku të hënën triumfoi ndaj Fiorentinës, duke ruajtur distancën vetëm 1 pikë nga vendi i parë që mbahet nga Napoli. Në Meazza, të besuarit e Simone Inzaghit vinin të motivuar për t’u hakmarrë Fiorentinës, dhe diçka të tillë e arritën duke fituar në shifrat 2-1. Një ndeshje në të cilën protagonist ishte gjyqtari kryesor La Penna.

Goli i parë i zikaltërve erdhi pas një këndoreje, por më herët duhet të ishte akorduar rivënie fundore për Fiorentinën, por nuk u pa nga gjyqtari La Penna, i cili akordoi goditje këndi, nga ku u shënua goli i parë në favor të zikaltërve. Më saktë, ishte një autogol i Pongracic. Në fraksionin e parë, një penallti e shndërruar në gol nga Mondragora riktheu ekuilibrat.

Në pjesën e dytë, Arnautovic solli fitoren, me Interin që mposht Fiorentinën, por qëndron pranë Napolit kryesues. Miqtë e kontestuan së tepërmi rastin ku gjyqtari veproi gabim, ndërsa ky episode nuk i shpëtoi as mediave italiane, të cilat e cilësuan të drejtë reagimin e ekipit nga Firence, por që asgjë nuk mund të ndryshonte më pas.

Continue Reading

Të kërkuara