Sport

Licencohet Federata e Pikados e Kosovës

Published

5 years ago

August 21, 2020

Esad Dujaka

Sportit të Kosovës i shtohet edhe një federatë. Nga sot, zyrtarisht do të ketë të drejtë të zhvillojë veprimtarinë e saj, Federata e Pikados e Kosovës.Me këtë rast, ministrja e Kulturës, Rinisë dhe Sportit, Vlora Dumoshi, i ndau licencën kryetarit të kësaj federate, Arben Sllovinja.

Sipas komunikatës ministrore, Dumoshi vlerësoi se sporti i pikados është një aktivitet sa zbavitës aq edhe atraktiv, e që ata që janë të apasionuar pas këtij sporti prej sot kanë një organizatë sportive e cila i përfaqëson dhe i organizon.

“Themelimi i Federatës së Pikados dhe licencimi i saj e pasuron sportin e Kosovës duke e shtuar numrin e organizatave sportive që operojnë në vendin tonë dhe ne si ministri jemi tejet të lumtur që ka të interesuar që ta promovojnë, zhvillojnë dhe avancojnë këtë lloj sporti në vendin tonë edhe nëpërmjet organizimit zyrtar në rrugë institucionale”, tha ndër të tjera ministrja Dumoshi.

Ajo i uroi sukses rrugëtimit të kësaj federate të re dhe u shpreh se MKRS-ja do të jetë adresë bashkëpunimi e mbështetjeje për këtë federatë.Ndërsa, kryetari Sllovinja e falënderoi ministren Dumoshi për pritjen dhe dorëzimin e licencës. Ai e njoftoi ministren me aktivitetet dhe organizimin e federatës, për klubet dhe anëtarët e kësaj federate të re.

Sllovinja u shpreh se do të përpiqen maksimalisht që Kosovës t’i sjellin sa më shumë suksese në këtë sport.

Related Topics:dumoshi pikado ministria sllovinja sporti

Up Next

Gjilani kalon pengesën e parë në garat evropiane

Don't Miss

Sevilla – Inter: Statistika, analizë dhe parashikim për finalen e Ligës së Evropës

Sport

18 vite mik me topin e basketbollit! Drilon Hajrizi vjen me një rrëfim krejtësisht ndryshe

Published

2 days ago

May 17, 2025

Albina Zeneli

Pjesë e emisionit “n’RITËM” me autore dhe moderatore Albina Zeneli, ishte basketbollisti i njohur Drilon Hajrizi.

Ai jep kontribut në KB Trepca e foli për fitoren kundër Bashkimit me rezultat 80:74, e po ashtu tregoi pak detaje sa i përket përballjes së radhës që do ta kenë të dielen nga ora 19:00 në Prizren, e në rast se ky ekip fiton bëhet kampion duke e mbrojtur titullin.

Tash e 18 vite si një sportist profesionist, Driloni jep ca këshilla edhe për studentët e rinj duke theksuar se ky profesion është njëherë pasion por gjë me rëndësi unike sigurisht që sipas tij është shkollimi sepse mendon se është e vetmja metodë që nuk të lë pa financa.

Për më shumë detaje ju ftojmë ta ndiqni intervistën e plotë në linkun e mëposhtëm. /UBT News/

https://www.facebook.com/campusradio100.7/videos/649951138079163

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

5 days ago

May 14, 2025

Albina Zeneli

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Sport

Xabi Alonso, së shpejti trajner i Real Madridit

Published

6 days ago

May 12, 2025

Albina Zeneli

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Sport

Legjenda e mundjes Sabu vdes në moshën 60 vjeçare

Published

7 days ago

May 12, 2025

Albina Zeneli

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.