Art

Kështjella më e madhe e rërës në botë u ndërtua në Danimarkë

Publikuar

Kështjella e rërës në Danimarkë ka shënuar rekord Guinness si kështjella më e madhe e rërës në botë. Kjo kështjellë me lartësi 21.16 metra, është 3.5 metra më e lartë sesa këstjella e Gjermanisë, e cila mbante rekordin botëror, me 17.66 metra.

Kështjella është e strukturuar në formë të një trekëndëshi për të shmangur shembjen si shumë kështjella të tjera. Një strukturë prej druri u ndërtua rreth saj për të lejuar artistin të gdhendte figura interesante në rërë.

Ky monument në fshatin e vogël bregdetar të Blokhus, që ngjason me piramida, përbëhet nga 4 mijë e 860 tonë rërë.

Për të siguruar qëndrueshmërinë e rërës, kështjella ishte përzier me rreth 10% argjilë. Kur gjithçka mbaroi, u vendos një shtresë shtesë ngjitëse për të siguruar që do të zgjasë gjatë gjithë dimrit.

Nën drejtimin e artistit të famshëm, Wilfred Stijger nga Holanda, 30 skulptorë më të talentuar të rërës në botë kontribuan në krijimin e strukturës gjigante.

Projektuesi holandez tha se për këtë vepër arti u inspirua nga pandemia e koronavirusit./UBTNews

Vazhdo të lexosh

Art

Artistja nga Gaza gërsheton bukurinë me dhimbjen në pikturat e saj

Pikturat e saj u ekspozuan në galeritë në disa vende evropiane dhe arabe.

Publikuar

nga

Pikturat me ngjyra të errëta të artistes palestineze Abeer Jebril, tregojnë balerina të lidhura me tela me gjemba, duke kërcyer në shkëmbinj ose duke u përballur me barrikada për të pasqyruar atë që ajo e quan realiteti i “bombës së kurdisur” të grave në Gaza.

Ajo shpreson se portretet e saj do të tërheqin vëmendjen ndaj problemeve sociale dhe politike me të cilat përballen gratë në Gaza, shtëpia e dy milionë njerëzve, e shkatërruar nga luftërat dhe kufizimet ekonomike.

Artistja tha se puna e saj përshkruan gjithashtu kufizimet me të cilat përballen gratë brenda familjes dhe komunitetit në Gaza, një territor tradicionalisht konservator i sunduar nga grupi islamik Hamas, që nga viti 2007. Frymëzuar nga Edgar Degas, një artist impresionist francez, Jebril tha se një balerinë i përshkruan gratë si të bukura, të lira, të fuqishme dhe atletike.

“Arsyeja që zgjodha balerinën është se e shoh atë si një ikonë të bukurisë dhe fuqisë. Prandaj, unë e zgjodha atë për t’u bërë heroina e veprave të mia”, tha 35 vjeçarja, për Reuters në shtëpinë e saj në Gaza.

Një pikturë përshkruan një balerinë që po shkel mbi gurë ndërsa një grua e tretë e mbështjell trupin e saj rreth një granate. Ajo tha se pikturat e saj hedhin dritë mbi mënyrën se si “gratë vuajnë nga dominimi i burrave dhe paaftësia për të thënë një fjalë për çështjet që kanë rëndësi”.

Portretet e saj, janë ekspozuar në galeritë në disa vende evropiane dhe arabe./klankosova.tv

Vazhdo të lexosh

Art

​Hapet ekspozita “Raffaello portertist” në Muzeun Kombëtar të Kosovës

Në muret e Muzeut të Kosovës janë vendosur 14 portrete në përmasa origjinale të artistit italian, Raffaello.

Publikuar

nga

Në mesin e shumë vendeve të botës edhe në Kosovë është bërë hapja e ekspozitës “Raffaello portretist”. Në muret e Muzeut të Kosovës janë vendosur 14 portrete në përmasa origjinale të artistit italian, Raffaello. Mes teknologjisë së re dhe klasikes, kjo ekspozitë po cilësohet të jetë e nivelit ndërkombëtar.

Ministri i Kulturës, Rinisë dhe Sportit, Hajrulla Çeku tha se kjo ngjarje shënon një bashkëpunim kulturor mes Kosovës dhe Italisë, duke shtuar se është e rëndësishme që në vend po ekspozohen veprat e artistit botëror italian.

“Portretet që kemi sot këtu na sjellin dimension të paraqitjes artistike. Unë jam shumë i lumtur që si MKRS, si institucione shtetërore të kulturës edhe si Muze i Kosovës, kemi mundësi me qenë e pjesë e organizimeve të tilla dhe projekteve të rëndësishme të nivelit ndërkombëtar. Pasi që kjo është një ekspozitë lëvizëse, ka lëvizur në gjithë botën dhe do të lëvizë edhe në vende të tjera. Jemi të lumtur që jemi pjesë e një organizimi të këtillë ndërkombëtar”, ka thënë Çeku.

Zëvendësshefi i Misionit të Italisë në Kosovë, Ugo Ferrero ka thënë se kjo ekspozitë do të jetë e hapur deri më 10 tetor. Ai u ka bërë thirrje qytetarëve që të shohin këtë ekspozitë me veprat më të rëndësishme të Raffaellos.

“Si ambasadë italiane këtu në Kosovë, në Prishtinë jemi shumë të lumtur që më në fund e kemi hapur këtë ekspozitë në Muzeun Kombëtar të Kosovës, në bashkëpunim me muzeun dhe Ministrinë e Kulturës, ne mendojmë se hapja e kësaj ekspozite, duke respektuar të gjitha masat antiCOVID është shumë e rëndësishme, dhe kultura duhet të fillojë…, natyrisht duke respektuar të gjitha masat, që janë në fuqi dhe duke sjellë këtu një nga kryeveprat, një nga artistët më të rëndësishëm italianë Rafaelo, me këtë ekspozitë që përfshinë klasiken dhe teknologjitë e reja, është vërtet e rëndësishme”, ka thënë ai.

Ndërsa, drejtori i Muzeut të Kosovës, Ajet Leci tha se ekspozimi i 14 portreteve në ambientet e tyre, ka rëndësi të veçantë për Muzeun e Kosovës.

“Ne me Ambasadën e Italisë kemi pasur edhe bashkëpunime të mëhershme, që besoj që këto bashkëpunime do t’i kemi edhe në të ardhmen. Ne paraprakisht biseduam me zëvendës-ambasadorin që të kemi aktivitete të përbashkëta në të ardhmen”, u shpreh ai.

Ndër portretet që bien në sy janë “Portreti i Baldassarre Castiglione” (Luvri) dhe “Portreti Zonja me njëbrirësh” (Galeria Borghese). Kjo ekspozitë është e hapur nga ora 10 e mëngjesit deri në orën 18:00.

Ekspozita është realizuar me mbështetjen e Ambasadës së Italisë në Prishtinë, Institutit italian të Kulturës në Tiranë dhe Ministrisë së Kulturës, Rinisë dhe Sportit të Kosovës. Ekspozita, e cila tashmë ka ndaluar në Tunizi, Turqi dhe Finlandë, pas Kosovës do të vazhdojë në Maqedoninë e Veriut. 

Vazhdo të lexosh

Art

Për herë të parë ekspozohet vizatimi i sapozbuluar i Van Goghut

Publikuar

nga

Një vizatim me laps i piktorit Vincent van Gogh është ekspozuar për herë të parë në kryeqytetin e Holandës, në Amsterdam.

Vepra artistike “Study for Worn Out”, në të cilën shfaqet një i moshuar i lodhur, ishte vizatuar në fillimet e karrierës së artistit, në vitin 1882.

Nga muzeu “Van Gogh” konfirmuan se kjo skicë po qëndronte në koleksionin e një familjeje holandeze për më shumë se një shekull. Por të enjten u ekspozua për herë të parë në muzeun e Amsterdamit.

Një nga studiuesit e muzeut “Van Gogh” tha se kjo copëz arti s’është parë më herët.  

Kjo vepër do të ekspozohet deri më 2 janar, para se t’iu kthehet koleksionuesve privatë./UBTNews

Vazhdo të lexosh

Art

Hapet ekspozita “Pogradeci Art Colony 2021”

Publikuar

nga

Në Galerinë e Artit pranë Qendrës Kulturore “Lasgush Poradeci”, në Pogradec është çelur ekspozita me punime të piktorëve nga Shqipëria, Kosova dhe disa vende të Europës në kuadër të Kolonisë Ndërkombëtare të Artit Figurativ “Pogradeci Art Colony 2021”.

Artdashësit pogradecarë patën mundësi gjatë mbrëmjes së të mërkurës të ndjekin nga afër këtë ekspozitë ku pikturat me temë nga qyteti i Pogradecit, zënë një vend kryesor.

Tashmë Pogradeci është një nga qytetet e rëndësishëm të piktorëve nga e gjithë bota, i cili frymëzon çdokënd për krijimtari artistike.

Këtë vit kolonia ishte në edicionin e 12-të saj. Piktorët pjesëmarrës me ftesë të Sajmir Ahmetit u shprehën entuziastë për qëndrimin e tyre në Pogradec, ndërsa shtuan se tashmë ky qytet është i listuar për t’u vizituar gjithmonë nga ata, si një vlerë e shtuar edhe për sezonin turistike të këtij qyteti.

Kolonia është një event që organizohet me mbështetjen e Bashkisë Pogradec.

Ekspozita mund të vizitohet deri në datën 12 shtator./atsh

Vazhdo të lexosh

Të kërkuara