Lajmet

Deputetja e AAK-së thotë se pandemia është betejë e përbashkët e të gjitha partive politike

Publikuar

Deputetja e Aleancës për Ardhmërinë e Kosovës (AAK), Albena Reshitaj ka thënë se menaxhimi i pandemisë është betejë e përbashkët e të gjitha partive politike.

Në një intervistë për Ekonomia Online, Reshitaj tha se prioritet kryesor i Qeverisë duhet të jetë sigurimi i vaksinave, duke shtuar se duhet një plan veprues konkret nga ministri i shëndetësisë, Arben Vitia, për të dalë nga kjo situatë.

“Menaxhimi i pandemisë është betejë e jona e përbashkët e të gjithëve, prandaj konsideroj që janë dy çështje të rëndësishme që ne duhet t’i shohim, mospolitizimin e menaxhimit të pandemisë nga të gjithë krerët politik, një fokusim i madh i qeverisë së Kosovës në menaxhimin e pandemisë. Nuk ka prioritet më të madh këto ditë sesa menaxhimi i pandemisë, por edhe sigurimi i vaksinave për të gjithë qytetarët e vendit që kanë nevojë të vaksinohen. Prandaj konsideroj se sikurse Qeveria ashtu edhe ministria e Shëndetësisë duhet të fokusohen në sigurimin e vaksinave në planin veprues sesi si do të menaxhohet dhënia e vaksinave”, deklaroi ajo.

Sipas saj, për vaksinimin masiv të popullatës duhet të angazhohet një ekip i veçantë i mjekëve dhe duhet të ketë një plan konkret nga institucionet përgjegjëse.

“Nevojiten ekipe të veçanta të mjekëve, ekipet mobile që duhet të përgatiten edhe në raste ku duhet të vaksinohen individë të cilët janë me aftësi të kufizuara apo të moshuar. Një plan veprues konkret nga ministria e Shëndetësisë do të duhet të bëhet sa më shpejt unë pres reflektim nga ministri i shëndetësisë Arben Vitia për zgjedhjen sa më shpejt të kësaj situate”, shtoi Reshitaj.

Deputetja e AAK-së ka folur edhe për dialogun Kosovë-Serbi, duke theksuar se pjesë e ekipit në këtë proces duhet të jetë edhe opozita.

“Normalisht për shkak të presioneve politike dhe agjendave politike edhe dialogu është nga çështjet që duhet të vazhdojë dhe të zgjidhet sa më parë. Unë dua të besoj se vetëm AAK-ja por edhe të gjitha partitë opozitare do të duhet të jenë pjesë e dialogut Kosovë-Serbi. Unë dua të besoj që edhe Qeveria do të marrë me konstruktivitet përvojën e gjithë atyre politikave të cilët kanë qenë në të kaluarën pjesë e dialogut dhe bashkërisht do të japim më të mirën që ta përmbyllim këtë çështje njëherë e përgjithmonë”, deklaroi Reshitaj.

Lajmet

Sulm me thikë në qendrën e kujdesit ditor në Brazil, pesë të vdekur – tre nga ta fëmijë

Publikuar

nga

Një adoleshent hyri në një qendër të kujdesit ditor në jug të Brazilit dhe goditi tre fëmijë dhe dy punëtorë për vdekje të martën përpara se të mposhtej nga policia, thanë zyrtarët.

Sekretarja Komunale e Arsimit, Gisela Hermann përshkroi një “skenë tmerri” në Saudades, qytet në shtetin Santa Catarina. Ajo tha në një intervistë telefonike se një mësuese dhe një asistente arsimore ishin në mesin e viktimave. Ajo shtoi se fëmijët e tjerë ka të ngjarë të shtrohen në spital si rezultat i sulmit.

Silvia Fernandes dos Santos, një zyrtare e bordit lokal të shkollës, tha se sulmi ndodhi rreth orës 10:00 të mëngjesit me kohë lokale. Adoleshenti u mor në paraburgim nga policia pasi u përpoq të vriste veten, tha ajo.

“Ai u përpoq të vriste veten, por nuk mundi. Kështu që ai u dërgua në spitalin më të afërt. Njerëzit ishin shumë të zemëruar dhe ata donin të jepnin drejtësinë e tyre”, tha dos Santos përmes telefonit.

Policia në qytetin Chapecó, afër Saudades, tha se po hetonin incidentin, por nuk mund të jepnin asnjë informacion menjëherë./UBTNews

(Arjeta Ibishi, studente në Media dhe Komunikim në UBT)

Vazhdo të lexosh

Lajmet

Shpëtohet foshnja 23-muajshe që ra nga ura në ujë pas një aksidenti

Publikuar

nga

Vajza 23-muajshe, e cila ra nga një makinë të dielën pas përplasjes së shumë automjeteve në një urë në Ocean City, Maryland, pritet të shërohet plotësisht falë një “heroi të përulur”, i cili u hodh në ujë për të shpëtuar fëmijën, thanë autoritetet të hënën.

Tetë persona u dërguan në spitale të dielën pasi përplasja në urën Route 90 la një makinë të varur nga mbrojtësja, thanë autoritetet.

“Të tetë u lëshuan nga spitalet dhe po e marrin veten”, tha Ryan Whitington, zjarrfikës dhe mjek në Departamentin e Zjarrit të Ocean City.

Ai tha se njeriu që e shpëtoi vogëlushen po zgjedh të mbetet anonim. Departamenti i zjarrfikësve po e quan “heroi i përulur” për aktin heroik.

Në momentin e aksidentit ai ishte duke lëvizur në urë dhe makina e tij ishte gjithashtu e përfshirë në përplasje, tha Whitington. Shoferët po tregonin si ndodhi kur drejt gjirit Assawoman, ai pa vajzën të shtrirë në ujë, me fytyrë poshtë.

“Ai menjëherë u hodh në veprim”, tha ai, duke shtuar se uji në atë zonë është rreth 5 metra i thellë, dhe kërcimi ishte më shumë se 25 metra.

“Ai shpëtoi një fëmijë 23-muajsh. Nuk ka asnjë dyshim se nëse ai nuk do të kishte bërë atë që bëri ne do të kishim një titull ndryshe nga kjo histori”, tha Whitington.

Autoritetet gjetën një automjet gjysmë mbi mbrojtëse dhe shumë njerëz të lënduar, tha departamenti.

Rob Korb, një anëtar i Departamentit të Zjarrit dhe një nënkryetar i lartë zjarrfikës në Qarkun Worcester, i tha CNN se ai “ngeci” mbi incidentin ndërsa ai ishte jashtë dhe po punonte për detyra.

“Heroi i vërtetë në këtë situatë është bamirësi që u hodh në ujë për t’ia shpëtuar jetën. Unë do të doja t’i jepja dorën e tij ose t’i blija një birrë, ose të dyja një ditë”, tha Korb.

Shtatë njerëz u dërguan për trajtim në spitalet lokale ndërsa fëmija u dërgua me avion në Spitalin e Fëmijëve Johns Hopkins, tha departamenti.

Autoritetet tani po hetojnë shkakun e aksidentit. “Ishte një ditë me fat për shumë njerëz që pësuan lëndime traumatike”, tha Whitington./UBTNews

(Arjeta Ibishi, studente në Media dhe Komunikim në UBT)

Vazhdo të lexosh

Lajmet

Britani, votuesit në zgjedhjet e “super të enjtes”

Publikuar

nga

Anglia mban zgjedhjet lokale ndërsa Skocia dhe Uellsi do të zgjedhin anëtarët e rinj të parlamentit

Rreth 48 milionë votues britanikë do t’u drejtohen qendrave të votimit sot për zgjedhjet lokale në Angli dhe për të zgjedhur anëtarët e rinj të parlamenteve të Skocisë dhe Uellsit, transmeton Anadolu Agency (AA).

Në këtë ditë të zgjedhjeve, e quajtur “super e enjtja”, do të votohet për kryebashkiakun e kryeqytetit Londër dhe këshilltarë të rinj në 143 komuna, si dhe anëtarë të rinj të parlamenteve të Skocisë dhe Uellsit.

Anglia

Votuesit do të shkojnë në qendrat e votimit për të zgjedhur rreth 5.000 kandidatë në 143 këshilla në të gjithë vendin.

Zgjedhjet gjithashtu mbahen për 39 komisionerë të policisë dhe 13 kryetarë bashkish, përfshirë ato të Londrës.

Kryebashkiaku aktual i Londrës, Sadiq Khan është kandidati i Partisë Laburiste që përballet me 19 sfidues, përfshirë Shaun Bailey të Partisë Konservatore.

Qytetarët gjithashtu votojnë për 25 vende në Asamblenë e Londrës.

Në Hartlepool, votuesit do të zgjedhin një deputet të ri në një zgjedhje shtesë.

Sipas anketave të mbajtura në fund të prillit, konservatorët gëzojnë një epërsi të fortë me 43 për qind, të ndjekur nga Partia e Laburiste me 34 për qind.

Konservatorë synojnë 2.052 vende ndërsa Laburistët do të përpiqen të qëndrojnë në 1.621 vende.

Parlamentet e zhvendosura

Votuesit skocezë do të votojnë për të zgjedhur 129 anëtarë të rinj të parlamentit lokal ndërsa votuesit në Uells do të zgjedhin 60 anëtarë të Parlamentit të Uellsit.

Zgjedhjet në Skoci janë zgjedhjet e para të përgjithshme që nga votimi i Brexit-it, të cilat partitë pro pavarësisë, përfshirë Partinë Kombëtare Skoceze, thonë se i dhanë një goditje të madhe ekonomisë së vendit.

Kryeministrja dhe liderja e SNP-së, Nicola Sturgeon këmbëngulë që vendi duhet të thotë fjalën e tij për të ardhmen dhe është zotuar të mbajë një referendum të dytë për pavarësinë, të quajtur “indyref2”.

Referendumi për pavarësi i vitit 2014, ku nuk fitoi asnjëra palë, ishte para mbajtjes së Brexit-it në 2016, një rezultat që shumica e votuesve skocezë kundërshtuan.

Në manifestin e saj, SNP u premtoi votuesve se do të “të zhvillojnë një referendum të pavarësisë post-pandemike për të vendosur mbi të ardhmen e Skocisë në duart e Skocisë”.

Megjithatë, në ditët e fundit të fushatës zgjedhore, Sturgeon tha se prioriteti i vendit do të jetë rikuperimi nga pasojat e pandemisë së COVID-19.

Nëse Parlamenti i ri skocez formohet nga një shumicë pro pavarësisë, politika e Skocisë dhe e Britanisë së Madhe do të duhet të merren me perspektivën e “indyref2”.

Zgjedhjet në të gjithë Mbretërinë e Bashkuar do të fillojnë në orën 07:00 dhe do të mbyllen në orën 22:00.

Për shkak të pandemisë, shumica e numërimit të votave do të fillojë të premten në mëngjes dhe disa madje edhe të shtunën, por rezultatet e “exit poll”-eve” do të tregojnë rezultatet në një masë të madhe.

Vazhdo të lexosh

Lajmet

Debate për lirimin me kusht të ish-krerëve të UÇK-së

Publikuar

nga

Zyrtarë nga qeveria e Kosovës dhe presidenca thonë se Kosova nuk mund të dalë garante për lirimin me kusht të ish-krerëve të UÇK-së që po gjykohen në Hagë. Ekspertët juridikë thonë të kundërtën.

Ditët e fundit disa zyrtarë të partive politike opozitare akuzuan institucionet e Kosovës se nuk po japin garanci për lirim me kusht të ish-krerëve të Ushtrisë Çlirimtare të Kosovës. Mbrojtja e të akuzuarve të krerëve të ish-UÇK-së, kishte kërkuar më herët lirim me kusht për të akuzuarit, por kjo kërkesë ishte hedhur poshtë nga Dhoma e Gjyqtarëve të Apelit.

Njëri nga gjyqtarët e Gjykatës Speciale, Kai Ambos, përmendi në një opinion personal, i cili nuk ka të bëjë me vendimin për refuzimin e kërkesës për lirim me kusht, mundësinë që në të ardhmen “shtete të treta” mund të dalin si garantues të mundshëm për ndonjë të akuzuar për lirim me kusht.

Reagime nga qeveria dhe presidenca

Por sipas zëdhënësit të qeverisë së Kosovës, Përparim Kryeziu, “Kosova nuk është “shtet i tretë”, sepse Gjykata Speciale ligjërisht është e Kosovës”. “Bazuar në dispozitat ligjore, garancia nuk kërkohet as nga shteti amë e as nga kryeministri i shtetit amë nga i cili vjen i akuzuari dhe të cilit shtet i takon sipas juridiksionit Gjykata Speciale. Pra, Kosova nuk mund të shërbejë si garantuese, ashtu siç po raportohet. Krahasimet e Gjykatës Speciale me gjykata ndërkombëtare sikurse me Tribunalin e Hagës janë të paqëndrueshme, si në raport me vetë gjykatat, njëra vendore e tjetra ndërkombëtare, ashtu edhe në raport me personat apo institucionet që kanë pasur mundësi të ofrojnë garanci”, u shpreh zëdhënësi i qeverisë.

Hysni Gucati arrestohet pas nxjerrjes së dokumenteve të Gjykatës Speciale për Kosovën

Edhe zyrtarë të presidencës së Kosovës thonë se Kosova në raport me Gjykatën Speciale është vend amë dhe nuk mund të japë garanci të tilla. “Çështja e garancisë është përmendur në mendimin e njërit prej gjyqtarëve të Gjykatës Speciale, por nuk është pranuar si opsion nga Paneli i Apelit të Dhomave të Specializuara. Për më tepër, në mendimin e ndarë, gjyqtari Kai Ambos, i referohet qartë një shteti të tretë. Republika e Kosovës, me asnjë interpretim, nuk mund të konsiderohet shtet i tretë, sepse gjykata funksionon nën juridiksionin e Republikës së Kosovës. Kjo gjykatë është themeluar nga vetë Kuvendi i Kosovës si dhe vepron në përputhje me ligjet dhe Kushtetutën e Kosovës”, tha këshilltari për media në Presidencë, Bekim Kupina.

Ministrja e Drejtësisë në qeverinë e Kosovës, Albulena Haxhiu, tha se me gjithë debatin  e ngritur rreth garancisë për ish-krerët e UÇK-së që të lirohen me kusht, deri tani Kosova nuk ka marrë kërkesa për garanci për të akuzuarit e Speciales.

Ekspertët: Kosova mund të konsiderohet si vend i tretë

Njohës të çështjeve juridike thonë se në raport me Gjykatën Speciale Kosova mund të konsiderohet në këtë rast si vend i tretë. Ehat Miftaraj, nga Instituti i Kosovës për drejtësi i tha DW-së, se shtetet sponsorizuese të Gjykatës Speciale nuk mund të dalin garant për të akuzuarit, sepse në perceptimin publik, kjo mund të cilësohet ndërhyrje në drejtësi.    

“Vend i tretë për të dhënë garanci lidhur me të akuzuarit në Hagë, është edhe Kosova, ose thënë ndryshe është vendi i parë në raport me shtetet tjera. Shtetet e fuqishme që kanë qenë sponsorizuese dhe promovuese të Gjykatës Speciale nuk dalin garant, sepse mund të konsiderohet si paragjykim dhe një lloj ndërhyrjeje në procesin gjyqësor, për shkak se kjo gjykatë financohet kryekëput nga këto shtete, prokurorët dhe gjykatësit vijnë nga këto shtete. Shtetet demokratike i kushtojnë rëndësi jo vetëm pavarësisë në ligj dhe procedurë, por edhe në dukje, dhe perceptimit në publik, thotë Ehat Miftaraj. Sipas tij, të akuzuarit në Hagë kanë qenë jashtëzakonisht bashkëpunues, dhe në bazë të praktikës, ligjit mbi dhomat e specializuara dhe rregullave të brendshme nuk do të duhej të mbahen më shumë së një vit në paraburgim.

“Në skenarin më të keq, me ose pa garanci nga Kosova ose një shtet i tretë, në momentin që gjykimi kalon në shqyrtim gjyqësor, të akuzuarit mund të mbrohen në liri. Përjashtimisht, kjo masë mund të ndryshojë, nëse nuk i respektojnë masat dhe kufizimet që mund t’u përcaktojë gjykata. Nuk ka logjikë që një proces gjyqësor i drejtë, që promovon të drejtat dhe liritë e të pandehurve, t’i mbajë në paraburgim të akuzuarit pesë vite, aq sa pritet të zgjas procesi gjyqësor në shkallë të parë”, thotë Ehat Miftaraj.

Krocia hedh poshtë lajmet për ofrim garancish

Mediet në Prishtinë si dhe në Serbi, njoftuan duke ju referuar ish-kandidatit për deputet nga radhët e Partisë Demokratike të Kosovës (PDK) Hysen Berisha, se “Kroacia ka ofruar garanci për lirimin me kusht nga Gjykata Speciale të krerëve të UÇK-së”. Por, kjo u hodh poshtë nga presidenti i Kroacisë, Zoran Milanoviq.

“Kjo është e pamundur, nuk mund të jap garanci të tillë, sepse kjo nuk është kompetencë e imja”, tha Milanoviq gjatë një vizite në qytetin kroat, Sisak.

Gjykata Speciale në Hagë konfirmoi në tetor të vitit të shkuar aktakuzën ndaj ish-presidentit të Kosovës, Hashim Thaçi, ish-kreut të Partisë Demokratike të Kosovës, Kadri Veseli, ish-anëtarit të Shtabit të Përgjithshëm të UÇK-së, Rexhep Selimi dhe ish-zëdhënësit të UÇK-së, Jakup Krasniqi, të cilët tashmë po gjykohen në Hagë të akuzuar krime lufte.

Kadri Veseli në Gjykatën Speciale për Kosovën

Ata dyshohen për veprat penale që kanë të bëjnë me krime lufte, ndalim të paligjshëm ose arbitrar, trajtim mizor, torturë dhe vrasje të paligjshme dhe krime kundër njerëzimit, burgosje, akte të tjera çnjerëzore, zhdukje me forcë të personave dhe përndjekje. Sipas prokurorisë Speciale të Dhomave të Specializuara, këto vepra janë kryer ndërmjet marsit të vitit 1998 dhe shtatorit 1999.DW

Vazhdo të lexosh

Të kërkuara