Kronika e zezë

Arrestohet një person nën dyshimet për posedim droge dhe arme

Publikuar

Policia e Kosovës, njësia rajonale Prishtinë më datë 06.06.2021 pas një hetimi ka realizuar një operacion policor lidhur me veprat penale për blerje, posedim, shitje dhe shpërndarje të paautorizuar e narkotikëve, si dhe mbajtje nën kontroll dhe shfrytëzim i paautorizuar i armëve, i cili ka rezultuar me arrestimin e një person të dyshuar.

Në vazhdën e veprimeve të mëtejme policore në bashkëpunim me autoritetet kompetente, në konsultim me prokurorin kujdestar të Krimeve të Rënda si dhe me urdhër verbal të Gjyqtarit të Procedurës Paraprake, është bërë kontrollimi i 4 lokacioneve (banesave)të personave të dyshuar të cilat i kanë përdorur për shitje dhe shpërndarje të narkotikëve.

Tek i dyshuari E A. (1992) në momentin e ndalimit janë gjetur një revole e kalibrit 7.62 mm me dy karikator me gjithsej 16 fishekë të kalibrit 7.62 mm, një telefon i modelit Iphone 11, një çantë e zezë në cilën ishin 570 euro para të gatshme si dhe një çelës i derës.

Gjatë realizimit të kontrollit janë gjetur dhe sekuestruar edhe 11 paketime me narkotikë të dyshuar për kokainë me peshë 1054.5 gram, një paketim në formë katrorë i mbështjellë me ngjitës ngjyrë e kafe, e mbushur me narkotikë të dyshuar kokainë me peshë 1246.6 gram, tri paketime të mbushura me narkotikë të dyshuar për kokainë me peshë 208.6 gram, një peshore digjitale ,,SCALE’, një veturë e tipit Mercedes G-KLAS e blinduar, një veturë e tipit AlfaRomeo, një pushkë automatike me bajonetë AK-47 me kalibër 7.62 mm, me dy karikator me 58 fishekë të kalibrit 7.62 mm e gjetur në bagazhin veturës, revole e kalibrit 9X19mm me 14 fishekë të kalibrit 9X19 mm, peshore digjitale CEG Model: Tiketë e trafikut e Policisë së Kosovës e të dyshuarit F. U. , dy çelësa të veturës dhe një çelës i skuterit, gjashtë fishekë të kalibrit 7.62 mm dhe një komplet për pastrimin e armëve, nëntë copë çelësa të dyerve të ndryshëm, pasaportë e shpuar e lëshuar nga Republika e Maqedonisë së Veriut, patentë shofer i lëshuar nga Republika e Kosovës, tre çelësa , dy të dyerve dhe një elektronikë, një fishek i kalibrit 9×19 mm, dhe pajisje për gjetjen e përgjuesve, një skalper.

Personi i dyshuar E.A është arrestuar dhe dërguar në mbajtje, përderisa lidhur me këtë rast është intervistuar edhe një femër e mitur e cila pas intervistimit në prezencë te prindit është liruar. Rasti është në proces hetimor nga njësia kompetente.

Kronika e zezë

Arrestohet për vrasje – kishte përplasur gruan e tij shtatzënë me kamion

Publikuar

nga

Një burrë nga Teksasi akuzohet për vrasje pasi pretendohet se ka përplasur gruan e tij shtatzënë, duke vrarë foshnjën e palindur.

Christopher Gonzales, 26 vjeç, është arrestuar dhe akuzuar për vrasje të shkallës së parë dhe sulm të rëndë të shkallës së dytë.

Ai është arrestuar dhe akuzuar për vrasje pasi dyshohet se ka përplasur gruan e tij shtatzënë me një kamion pas një grindjeje, duke vrarë foshnjen e saj të palindur.

Kur u intervistua nga policia, Gonzales thuhet se rrëfeu se po ngiste kamionin ndërsa e dinte që gruaja e tij ishte duke qëndruar para. Ai gjithashtu dyshohet se pranoi para hetuesve se e dinte se ai kishte vozitur mbi gruan e tij kur ndjeu një përplasje dhe e dëgjoi atë të bërtiste.

Gruaja thuhet se u dërgua menjëherë në një njësi të kujdesit intensiv në Lubbock, Texas, ku foshnja e palindur u shpall e vdekur pasi mjekët kryen kontrollin./UBTNews

(Drin Ismajli, student në Shkenca Politike në UBT)

Vazhdo të lexosh

Kronika e zezë

Aksident në rrugën Prishtinë-Ferizaj, një i lënduar

Publikuar

nga


Në rrugën Prishtinë-Ferizaj, rreth orës 11:40 një automjet transportues ka shkaktuar aksident duke u përplasur me një motoçikletë.

Lajmin e ka konfirmuar zëdhënësi i Policisë për rajonin e Prishtinës, Agron Borovci, i cili njoftoi se si pasojë e aksidentit motoçiklisti ka pësuar lëndime trupore. Me këtë rast po merret njësiti i trafikut i policisë së Kosovës./UBTNews

Vazhdo të lexosh

Kronika e zezë

Malishevasi rrah policin, arrestohet pas disa ditësh në arrati

Publikuar

nga

Para dy ditësh është arrestuar një person në Malishevë.

Në raportin 24-orësh është bërë e ditur se i dyshuari në fjalë para disa ditës kishte sulmuar fizikisht një polic.

Me vendim të prokurorit, i dyshuari dërgohet në mbajtje.

“Është arrestuar i dyshuari mashkull kosovar, pasi që ditë më parë kishte sulmuar fizikisht zyrtarin policorë. Me vendim të prokurorit, i dyshuari pas intervistimit është dërguar në mbajtje”, thuhet në raport.

Vazhdo të lexosh

Kronika e zezë

Gjendet një person i vdekur në oborrin e QKUK-së

Publikuar

nga

Një person është gjetur i vdekur dje në oborrin e QKUK-së.

Vdekjen e tij e ka konstatuar mjeku kujdestar.

Lidhur me rastin janë njoftuar familjarët e viktimës dhe me urdhër të prokurorit kujdestar, trupi i pa jetë i viktimës dërgohet në IML për obduksion, njofton policia në raport, transmeton Klan Kosova.

Vazhdo të lexosh

Të kërkuara