Partia Socialdemokrate u ka bërë thirrje qytetarëve që të bashkohen në protestën e së shtunës. Kjo parti ka shprehur kundërshtinë ndaj asociacionit, duke deklaruar se kryeministri Albin Kurti po e pranon duke e quajtur “vetmenaxhim”. Aktivistë të PSD-së kanë ngjyrosur rrugët e disa objekte me mbishkrimin “Albin Zajednica”.

Nënkryetari i PSD-së, Zgjim Hyseni tha se Kurti e ka quajtur asociacionin “zajednicë” për të ikur nga e vërteta.

“Emrin “Zajednicë” asociacionit ia ka lënë vet Albin Kurti. Është ai që e ka pagëzuar asociacionin me Zajednicë. Ne të gjithë kemi qenë kundër asociacionit për shkak se asociacioni në vetvetë ka qenë i dëmshëm, për shkak se paraqet ndarje etnike. Mirëpo, Kurtit nuk i ka mjaftuar kjo, ai ka pasur nevojë për një fjalë serbe, në mënyrë që kështu të krijojë një lidhje të shkurtër edhe me i sulmua politikanët e të përfitojë pushtet për vete. Pra, kur ai e ka kundërshtuar asociacionin edhe e ka quajtur zajednicë, nuk i ka bërë shumë përshtypje sa i dëmshëm është asociacioni. Po si mund të përdoret ky për të sulmuar kundërshtarët politik”, ka thënë Hyseni.

Ai shtoi se shefi i ekzekutivit po e zbaton këtë marrëveshje, ani pse tenton ta paketojë ndryshe.

“Dikur kur iu ka nevojitur për ta bërë jashtëzakonisht dëmshëm asociacionin e ka quajtur zajednicë. Sot që po i duhet për tu fshehur, asociacioni po e quan ‘vetmenaxhim’. Mirëpo, si herën e parë, si herën e dytë kemi të bëjmë me një projekt jashtëzakonisht të dëmshëm, të cilin Kurti po e zbaton. Tash që po e zbaton ka vendosur t’ia ndërrojë emrin. Ata që dikur e ka quajtur Zajednicë, tash po e quan vetmenaxhim. Në fakt kemi të bëjmë me të njëjtin projekt të dëmshëm, veçse tash është njeri tjetër që ka për ta zbatuar. Duke qenë se është njeri tjetër që do ta zbatojë, po donë edhe ta paketojë pak më ndryshe”, ka shtuar ai.

Nënkryetari i PSD-së pas aksionit simbolik ka bërë thirrje për protestën e së shtunës.

Federata Sindikale e Punëtorëve të Sektorit Privat në Kosovë ka njoftuar komunën e Prishtinës se punëtorët teknik të disa shkollave fillore dhe të mesme në kryeqytet nga nesër do të punojnë vetëm me nga dy orë gjatë orarit të punës, ndërsa për pjesën tjetër do të qëndrojnë në vendet e tyre të punës dhe nuk do të japin shërbimet e tyre.

Ky bojkot i punës, sipas kësaj sindikate po ndodhë për shkak që komuna e Prishtinës pas procedimit të tenderit për shërbime në mirëmbajtjen e shkollave me pagë neto 300 euro për këta punëtorë, ka ndryshuar shumën e pagave të punëtorëve dhe procedon me 250 euro.

Kryetari i FSPSP-së, Jusuf Azemi, ka thënë se nëse nuk kthehet shuma e proceduar si në fillim (300 euro), atëherë këta punëtor nga e hëna do të futën në grevë.

“Në takimin e mbajtur sot me punëtorët teknik të shkollave në Prishtinë, “Dardania”, “Gjergj Fishta” , “Pjetër Bogdani”, “Ismail Qemali”, “Naim Frashri”, “Asim Vokshi”, “Mehmet Gjevori”, shkolla këto fillore, dhe shkollat e mesme Ekonomia dhe Bujqësia ato te mesme që nga nesër do të punojnë vetëm nga 2 orë gjatë orarit të punës, pjesën tjetër do të qëndrojnë në vendet e tyre të punës dhe nuk do të japin shërbimet e tyre. Kjo pasi që Komuna e Prishtinës pas procedimit të tenderit për shërbime në mirëmbajtjen e shkollave me pagë neto 300 euro për këta punëtor, ndryshon shumën e pagave të punëtorëve dhe procedon me 250 euro, qa është shkelje ligjore e procedimit të tillë. Nëse nuk kthehet shuma e proceduar si në fillim atëherë këta punëtorë nga e hëna do të futën në grevë”, ka njoftuar me shkrim kryetari Azemi. 

Kina dhe Rusia “ndajnë qëllime të ngjashme”, deklaroi presidenti kinez, Xi Jinping në një takim me presidentin rus, Vladimir Putin, të hënën gjatë një vizite në Moskë.

“Është e vërtetë që të dy vendet tona ndajnë të njëjtat qëllime ose disa të ngjashme. Ne kemi bërë përpjekje për prosperitetin e vendeve tona përkatëse… ne mund të bashkëpunojmë dhe të punojmë së bashku për të arritur qëllimet tona”, tha Xi.

“Jam shumë i lumtur që mund të vizitojë sërish Rusinë, me ftesën tuaj. Dhe se Rusia është vendi i parë që vizitova pas rizgjedhjes sime si president i Kinës”, deklaroi ai.

Xi shprehu gjithashtu mbështetje për rizgjedhjen e Putinit./UBTNews/

Presidenti rus, Vladimir Putin deklaroi të hënën se Rusia do t’u sigurojë grurë falas të gjitha vendeve afrikane nëse marrëveshja e drithit në Detin e Zi nuk zgjatet gjatë muajit maj.

Putin u tha delegatëve në një konferencë parlamentare Rusi-Afrikë se vetëm një sasi e vogël e eksporteve të grurit të zhbllokuar sipas marrëveshjes ka arritur në Afrikë dhe se përmbushja e kushteve ruse për rinovimin e marrëveshjes është në interesin e Afrikës./UBTNews/