Kronika e zezë

Aktakuzë për krime lufte kundër ish-pjesëtarit të shërbimit shtetëror serb

Në njoftim bëhet e ditur se ata kishin rrahur e torturuar viktimën për fatin e të cilit nuk dihet asgjë.

Publikuar

Prokuroria Speciale e Republikës së Kosovës (PSRK), ka ngritur aktakuzë për krime lufte në Gjykatën Themelore në Prishtinë, kundër të pandehurit me inicialet S.F, ish-pjesëtar i Sigurimit Shtetëror të Serbisë.

Përmes një njoftimi për media, prokuroria jep detaje për krimet e kryera nga S.F dhe zyrtarë të tjerë deri tani të paidentifikuar nga organet e ndjekjes.

“Prokuroria njofton se ekziston dyshimi i bazuar mirë, se i pandehuri S.F. në cilësinë e personit zyrtar, si pjesëtar i Sigurimit Shtetëror të Serbisë, së bashku edhe me dy zyrtarë tjerë të këtij shërbimi, deri më tani të panjohur për organet e ndjekjes, me datë 10.04.1998, derisa viktima H.Sh, mjek me profesion, po udhëtonte me veturë private nga Gllogoci për në Prishtinë së bashku edhe me dy persona tjerë, përkatësisht H.S dhe Sh.H, me të arritur në udhëkryqin e Sllatinës, afër aeroportit të Prishtinës, të njëjtit janë ndaluar nga pjesëtarë të uniformuar të Policisë Serbe dhe Sigurimit Shtetëror të Serbisë, në mesin e të cilëve ishte edhe i pandehuri S.F”, njofton Prokuroria Speciale.

Në njoftim bëhet e ditur se ata kishin rrahur e torturuar viktimën për fatin e të cilit nuk dihet asgjë.

“Në atë mënyrë që pasi ishin ndaluar, fillimisht ishin legjitimuar nga ana e policisë, pastaj H.Sh. ishte marrë nga i pandehuri S.F. dhe dy të dyshuarit tjerë – të tre të veshur me rroba civile, i njëjti ishte futur në veturën të cilën e drejtonte i pandehuri S.F. dhe ishte dërguar në ndërtesën e Sigurimit Shtetëror në Prishtinë, ku fillimisht u ishte nënshtruar rrahjeve dhe torturave dhe nga ajo ditë për fatin e tij nuk dihet asgjë. Me këto veprime, i pandehuri në bashkëkryerje, ka kryer veprën penale ‘’Krime lufte kundër popullatës civile’’ nga neni 142 lidhur me nenin 22 të Ligjit Penal të RSFJ-së”, bënë të ditur prokuroria.

Kronika e zezë

Tentim vrasje në Prishtinë

Hetimet po vazhdojnë.

Publikuar

nga

Një person është duke u trajtuar në QKUK, pasi që dyshohet se ndaj të njëjtit pas një mosmarrëveshje verbale, një i panjohur ka shtënë me armë zjarri dhe si pasojë ka pësuar lëndime në dorë.

Rasti ka ndodhur mbrëmë në Prishtinë dhe është njoftuar prokurori, ndërsa hetimet po vazhdojnë.

Vazhdo të lexosh

Kronika e zezë

Një muaj paraburgim për terroristin që po trajtohet në QKUK

Ai dyshohet për vepra të rënda kundër rendit kushtetues dhe sigurisë së Republikës së Kosovës.

Publikuar

nga

Gjykata Themelore Prishtinë i ka caktuar masën e paraburgimit të pandehurit me inicialet V.T., pas seancës dëgjimore e cila u mbajt në hapësirat e Qendrës Klinike Universitare të Kosovës (QKUK).

Sipas njoftimit, kohëzgjatja e paraburgimit është prej një muaj.

Ai dyshohet për vepra të rënda kundër rendit kushtetues dhe sigurisë së Republikës së Kosovës nga neni 126 i KPKS – së dhe kryerja e veprave terroriste nga neni129 i Kodit Penal të Republikës së Kosovës.

“Prishtinë, 25 Shtator 2023 – Gjykata Themelore në Prishtinë, Departamenti Special ka mbajtur seancën dëgjimore në hapësirat e Qendrës Klinike Universitare të Kosovës ( QKUK), duke vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit në çështjen penale kundër të pandehurit V.T, i dyshuar për vepra të rënda kundër rendit kushtetues dhe sigurisë së Republikës së Kosovës nga neni 126 i KPKS – së dhe kryerja e veprave terroriste nga neni129 i Kodit Penal të Republikës së Kosovës. Gjyqtari i Procedurës Paraprake e ka aprovuar si të bazuar kërkesën e Prokurorisë Speciale të Republikës së Kosovës për caktimin e masës së paraburgimit kundër të pandehurit V.T dhe të njëjtit i ka caktuar masën e paraburgimit në kohëzgjatje prej 1 (një) muaji”, thuhet në komunikatën për media.

Bëhet e ditur po ashtu, se masa e paraburgimit është caktuar në harmoni me nenin 182 të KPPRK dhe nenin 184 paragrafi 1 nën paragrafi 1.1 e 1.2 pika 1.2.1, 1.2.2 dhe 1.2.3 dhe paragrafit 1.3 të KPPRK-së.

Si gjithmonë, kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.

Vazhdo të lexosh

Kronika e zezë

Zhduket një burrë në Gjilan

Ai është larguar nga shtëpia dhe nuk është kthyer më.

Publikuar

nga

Një burrë është zhdukur pasditen e së dielës në qytetin e Gjilanit. Rastin në polici e ka raportuar një grua, e cila ka informuar se ai është larguar nga shtëpia dhe nuk është kthyer më.

“Lidhur me rastin janë ndërmarrë të gjitha veprimet e nevojshme për procedura të mëtejme hetimore”, thuhet në raportin 24-orësh të policisë.

Vazhdo të lexosh

Kronika e zezë

Shpërndante kokainë, arrestohet 44 vjeçari

Ngjarja ka ndodhur në Gjilan.

Publikuar

nga

Hetuesit policorë nga Drejtoria për Hetimin e Trafikimit me Narkotikë në Gjilan, me qëllim të zbardhjes së një rasti, ku një person dyshohet se merrej me trafikim të narkotikëve, kanë ndërmarrë veprime operative dhe hetimore.

Policia e Kosovës gjatë trajtimit të rastit ka ardhur te konstatimi se i dyshuari, E. F., (viti i lindjes 1979, mashkull kosovar), me veprimet e tij ka konsumuar veprën penale ‘blerja, posedimi, shpërndarja dhe shitja e paautorizuar e narkotikeve, substancave psikotrope dhe analoge’.

Sipas Policisë, i dyshuari gjatë veprimtarisë së shpërndarjes së lëndëve narkotike (kokainës), me qëllim që të mos bije në sy të Policisë, ka përdorur një shtëpi me qira dhe njëkohësisht ka shfrytëzuar vetura nga ‘rent a car’.

“Sot, më 22.09.2023, Policia ka arrestuar personin e dyshuar. Në koordinim me organet e drejtësisë është bërë kontrolli i banesës së të dyshuarit ku janë konfiskuar: 6.4 gramë substancë, që dyshohet të jetë kokainë, 1.5 gramë, dyshohet të jetë marihuanë, para të gatshme, një veturë dhe pesë telefona celularë. Në konsultim me prokurorin kompetent, i njëjti ka urdhëruar që pas intervistimit i dyshuari të ndalohet për 48 orë”, thuhet në njoftim.

Vazhdo të lexosh

Të kërkuara