Melissa Barrera, e cila u largua nga një film hollivudian në fillim të kësaj jave për postimet e saj pro Palestinës, tha se “heshtja nuk është një opsion për mua”.

Pas lajmit për shkarkimin e saj nga një vazhdim i Scream, Barrera shkroi në Instagram: “Së pari dhe më kryesorja, unë dënoj antisemitizmin dhe islamofobinë. Unë dënoj urrejtjen dhe paragjykimin e çdo lloji ndaj çdo grupi njerëzish”.

“Unë do të vazhdoj të flas për ata që kanë më shumë nevojë dhe do të vazhdoj të avokoj për paqen dhe sigurinë, për të drejtat e njeriut dhe lirinë. Heshtja nuk është një opsion për mua”, shtoi ajo.

Kompania e prodhimit Spyglass i tha Variety të martën se Barrera nuk u pushua nga puna për shkak të mbështetjes së saj për palestinezët, por se postimet e saj në mediat sociale u interpretuan si antisemitike, për të cilat ata nuk kanë tolerancë./UBTNews/
​

Aktorja meksikane, Melissa Barrera u përjashtua nga vazhdimi i ardhshëm i filmit, “Scream”, pasi produksioni tha se postimet e saj të fundit pro-Palestinës janë antisemitike.

Ylli i filmit ka postuar rregullisht në lidhje me konfliktin Izrael-Gaza. Gjithashtu rishpërndau edhe një postim në të cilin e akuzonte Izraelin për “gjenocid dhe spastrim etnik”.

Kompania prodhuese Spyglass tha se ka “zero tolerancë për antisemitizmin dhe nxitjen e urrejtjes në çdo formë”.

Postime të tjera të shpërndara nga Barrera gjatë javëve të fundit ishin edhe për shtrembërimin e Holokaustit “për të nxitur industrinë izraelite të armëve” dhe një tjetër duke thënë se Gaza “aktualisht po trajtohet si një kamp përqendrimi”.

Një zëdhënës i kompanisë tha për Variety se qëndrimi i saj ishte “pa dyshim i qartë”./UBTNews/

Aktori Alec Baldwin bëri një paraqitje të papritur në “Saturday Night Live” këtë fundjavë. Kjo është hera e parë që ai u paraqit në një program që nga aksidenti fatal gjatë xhirimeve të filmit “Rust”.

Baldwin, i cili më herët udhëhoqi po këtë emision – u shfaq në fund të një skice rreth historive të gjumit për aplikacionin “Calm”, duke proklamuar moton “Mirë të gjithë, le të qetësohemi!”.

Në tetor të vitit 2021, Baldwin ishte në prova të filmit të tij “Rust”, ku për shkak të armës që u shkrep nga aktori u qëllua për vdekje kinematografja Halyna Hutchins si dhe u plagos regjisori Joel Souza./UBTNews/