Sport

Ademi me mesazh për skuadrat kosovare, kërkon korrektësi në edicionin e ri

Sezoni i ri 2022/23 i Superligës së Kosovës fillon nesër, ku do të zhvillohen tri ndeshje me fillim nga ora 17:00.

Publikuar

Presidenti i Federatës së Futbollit të Kosovës (FFK), Agim Ademi, ka shfrytëzuar rastin që të iu urojë skuadrave kosovare një edicion sa më të mirë në Superligë.

Sezoni i ri 2022/23 i Superligës së Kosovës fillon nesër, ku do të zhvillohen tri ndeshje me fillim nga ora 17:00.

Trepça’89 kundër Dritës, Gjilani përballë Ferizaj dhe Dukagjini me Prishtinën do të jenë tri ndeshjet e programit të nesërm, kurse të dielën do të zhvillohet ndeshja mes Drenicës e Llapit.

Ndërkaq, sa i përket ndeshjes mes Malishevës dhe Ballkanit, kjo përballje do të zhvillohet më vonë për shkak se kampioni kosovar është ende i angazhuar në garat evropiane.

Para se të filloj ky kampionat, presidenti i FFK-së, Agim Ademi, nëpërmjet një mesazhi ka uruar klubet për një edicion sa më të mirë, duke kërkuar një garë korrekte përplot me emocione.

Më poshtë e gjeni mesazhin e Ademit.

“Të nderuar!

Drejtues të klubeve, futbollistë, trajnerë, gjyqtarë, kontrollorë, vëzhgues, futbolldashës dhe gazetarë sportivë!

Këtë fundjavë nisim edicionin e ri të garave 2022/23. Përpara kemi një rrugë të gjatë, por me përplot emocione që sjellë loja e futbollit dhe ecuria e garës javë pas jave.

Katër skuadrat tona që na përfaqësuan në Evropë shfaqën vlerat në rritje të futbollit tonë. Suksesi i FC Ballkanit në Ligën e Konferencës, duke arritur në fazën e “play-off”-it, e dëshmon progresin që po e bën Superliga jonë nga viti në vit.

Po ashtu, edhe paraqitja e FC Drita ishte mbresëlënëse, teksa SC Gjilani e KF Llapi me lojërat e tyre dhuruan emocione të mëdha tek futbolldashësit tanë.

Sidoqoftë, nuk duhet të kënaqemi me kaq, pasi futbolli ynë i ka mundësitë për arritje edhe më të mëdha.

Tani po e nisim një tjetër kampionat me 10 ekipe elitare, ku secila prej tyre ka bërë përgatitjet e duhura për ta filluar sa më mirë këtë edicion, teksa një javë më pas fillon edhe gara në Ligën e Parë, që po ashtu po tregohet mjaft e fortë dhe tërheqëse.

FFK me të gjitha organet e saj i ka bërë përgatitjet e duhura për mbarëvajtje të kampionatit dhe për garë korrekte. Sistemi VAR është treguar shumë i suksesshëm dhe ka ulur ndjeshëm pakënaqësitë e klubeve dhe të dashamirëve të futbollit në vendimet e gjyqtarëve.

Për këtë arsye, FFK, sivjet e ka licencuar edhe grupin e dytë të gjyqtarëve dhe operatorëve për sistemin VAR, me qëllim të zbatimit të kësaj teknologjie edhe në Ligën e Parë. Gjithsesi, implementimi i saj do të varet nga mundësitë e operatorit televiziv për t’i mbuluar të gjitha ndeshjet e kësaj kategorie.

Jam i vetëdijshëm që kriza financiare nëpër të cilën po kalon e gjithë Evropa, si pasojë e agresionit të Rusisë në Ukrainë, nuk është periudhë aspak e lehtë as për sponsorët dhe donatorët e klubeve tona, por jam i bindur se me organizim dhe menaxhim të mirë klubet do të arrijnë ta përballojnë me sukses edhe këtë fazë.

FFK, si çdo herë, do të jetë afër klubeve, do t’i mbështesë ato në kërkesat e tyre drejtuar institucioneve qendrore e lokale për investime në infrastrukturë, por edhe do të vazhdojë t’i ndihmojë me aq mundësi sa ka dhe aq sa i lejohet, për t’u krijuar kushte sa më të mira për zhvillimin e aktivitetit.

Në fund, uroj të gjithë protagonistët e garës për një edicion të mbarë, të suksesshëm e me sa më shumë emocione. Le të punojmë të gjithë në frymën e korrektësisë që në fund të edicionit të nxjerrim kampion skuadrën meritore, ashtu sikurse edhe skuadrat që do të na përfaqësojnë në Evropë.

Suksese për të gjitha klubet, teksa për tifozët kam një lutje: Ejani sa më shumë në stadiume, përkrahni ekipet tuaja të zemrës dhe jepni jehonë garës.

Urime e na priftë e mbara!

#BashkëPërFutbollin”.

Lajmet

Cristiano Ronaldo dëshiron të luajë deri në Euro 2024

Ronaldo ka shënuar 117 gola në 189 paraqitje për Portugalinë.

Publikuar

nga

Cristiano Ronaldo i ka vendosur synimet për të arritur në Euro 2024 dhe sulmuesi portugez thotë se nuk e ka në plan të tërhiqet së shpejti.

Udhëtimi im nuk ka përfunduar ende, do të duhet të durosh “Cris” edhe për një kohë“, tha Ronaldo të martën, pasi mori një çmim në Federatën Portugeze të Futbollit (FPF) Quinas de Ouro në Lisbonë. si golashënuesi më i mirë i të gjitha kohërave të Kombëtares.

Dua të jem pjesë e Kupës së Botës dhe Euro 2024 gjithashtu. Ndihem shumë i motivuar. Ambicia ime është e madhe”, ka thënë 37-vjeçari.

Ronaldo ka shënuar 117 gola në 189 paraqitje për Portugalinë dhe pret të luajë në turneun e tij të 10-të madhor ndërkombëtar për vendin e tij në Katar 2022. /UBTNews/

Vazhdo të lexosh

Lajmet

Vdekja e Emiliano Sala-s: Piloti u kishte treguar miqve të tij se dyshonte për cilësinë e avionit

Ai i tha një miku se kishte dëgjuar një zhurmë në një fluturim të mëparshëm.

Publikuar

nga

Piloti i avionit të Emiliano Sala u tha miqve se avioni ishte “i dyshimtë” përpara fluturimit që vrau futbollistin argjentinas, dhe mund të zbulohet.

David Ibbotson dëgjohet në një audio ekskluzive të siguruar nga BBC duke thënë “Unë do të vesh jelekun tim të shpëtimit” në udhëtimin nga Franca në Uells.

Ai i tha një miku se kishte dëgjuar një zhurmë në një fluturim të mëparshëm. Avioni u rrëzua në Kanalin Anglez në vitin 2019.

Një podkast i ri zbulon gjithashtu pamjet e herës së fundit që dyshja u panë të gjallë.

Sala sapo ishte bërë nënshkrimi rekord i skuadrës së atëhershme të Premierligës, Cardiff City, me 15 milionë funte nga klubi francez Nantes, kur avioni u rrëzua në Kanalin Anglez.

Ai u fluturua nga z. Ibbotson – një pilot me kohë të pjesshme që nuk kishte licencë për të transportuar pasagjerë me pagesë – në Francën perëndimore për të thënë lamtumirën e tij dhe për të mbledhur disa gjëra.

Ai fluturoi për në Nante të shtunën, 19 janar, dhe planifikoi të kthehej të hënën – ditën e rrëzimit.

Audioja e një telefonate me një koleg pilot është marrë ekskluzivisht nga BBC, duke zbuluar për herë të parë vështirësitë teknike që Ibbotson kishte në udhëtimin për në Francë.

Në të, ai thotë se dëgjoi “një zhurmë” gjatë fluturimit dhe u ankua se mund të ndjente një “mjegull shumë të ulët” brenda aeroplanit 35-vjeçar të Piper Malibu.

“Unë jam në mes të kanalit dhe ‘bang’,” i tha Ibbotson mikut, Kevin Jones, në lidhje me fluturimin e tij për në Nantes.

“Unë jam duke fluturuar së bashku dhe pastaj “boom”. Mendova, “çfarë nuk shkon?” Kështu që unë vendosa gjithçka përpara dhe kontrollova parametrat e mi, gjithçka ishte mirë dhe ende po fluturonte, por tërhoqi vëmendjen”.

Ibbotson, 59 vjeç, tha se e kuptoi gjithashtu se pedali i frenave të majta të Piper Malibu nuk po funksiononte pasi u ul në aeroportin Nantes Atlantique. “Ky avion duhet të kthehet në hangar“, i tha ai mikut të tij.

Biseda u regjistrua aksidentalisht dhe që atëherë është marrë nga podkasti i BBC: The Emiliano Sala Story.

Përpara fluturimit për në Cardiff, Ibbotson shtoi:“Normalisht do të kisha jelekun tim të shpëtimit midis ulëseve, por nesër do ta vesh”.

Dy personat e vetëm në aeroplan ishin Emiliano Sala dhe Z. Ibbotson, nga Crowle, në North Lincolnshire, trupi i të cilëve nuk u gjet kurrë.

Futbollisti kishte shprehur frikën e tij për aeroplanin edhe me një shënim zanor dërguar miqve të tij më të ngushtë teksa avioni po lëvizte në pistën e Aeroportit Nantes Atlantique.

Lojtari u tha atyre: “Unë jam i frikësuar” dhe se avioni në të cilin ishte “duket sikur po prishet”. “Nuk e di nëse dikush do të më kërkojë sepse nuk do të më gjejë”, u tha Sala miqve të tij për një aksident të mundshëm.

Argjentinasi nuk e dinte që Ibbotson nuk ishte i kualifikuar për ta fluturuar atë në atë natë fatale. Montuesi i gazit ishte vetëm një pilot amator dhe nuk kishte licencë për të transportuar pasagjerë me pagesë ose për të fluturuar ligjërisht në errësirë.

Rreth një orë pas ngritjes nga pista tre, në Nante, Piper Malibu N264DB humbi kontaktin me radarin mbi Kanalin Anglez dhe u nisën shpëtimet ajrore dhe detare.

Hetuesit e aksidentit ajror zbuluan se futbollisti do të kishte qenë “thellësisht i pavetëdijshëm” nga helmimi me monoksid karboni dhe se ndoshta edhe piloti do të ishte prekur.

Trupi i lojtarit u gjet nga rrënojat kur u zbulua 68 metra nën Kanalin Anglez, dy javë pas përplasjes. Avioni N264DB u la në shtratin e detit./UBTNews/

Vazhdo të lexosh

Lajmet

Tifozi i Bayernit hakon faqen zyrtare të klubit, ja si e shpërblen kampioni gjerman

Tifozi, Daniel ‘Ghost’ Martins, është një gjeni në sigurinë e informacionit, siç raportohet nga “Daily Mail”

Publikuar

nga

Bayern Munich ka shpërblyer një tifoz që hakoi faqen e tyre zyrtare dhe më pas i paralajmëroi për të metat e tyre të sigurisë.

Tifozi, Daniel ‘Ghost’ Martins, është një gjeni në sigurinë e informacionit, siç raportohet nga “Daily Mail”. Me sa duket nga mirësia e zemrës së tij, ai vendosi të kontrollojë nëse faqja e internetit e klubit të tij të dashur ishte gati.

Sidoqoftë, ai shpejt zbuloi se nuk ishte ashtu. Tifozi i Bayernit gjeti një sërë problemesh sigurie, të cilat mund të kishin çuar në ekspozimin e informacionit financiar, mes të dhënave të tjera të ndjeshme.

Më pas ai u përpoq të informonte klubin dhe përfundimisht mori një përgjigje. Martins tha: “Sapo gjeta fajin, menjëherë, në mbrëmje, bëra një raport dhe ua dërgova atyre. Ata morën pak kohë për ta rregulluar, dhe as që mu përgjigjën në fillim”.

Por një gazetar nga ‘Globo’ (Daniel Mundim) e pa këtë fakt dhe më ndihmoi të kontaktoja me ta. Me sukses”, shtoi më tej Martins.

Përfundimisht, klubi gjerman ra në kontakt me Martins. Ata ishin të kënaqur me punën e tifozit të tyre dhe e korrigjuan shpejt problemin, përpara se t’i dërgonin një dhuratë shumë të veçantë.

Pavarësisht që hakoi faqen zyrtare, ndërhyrja e Martins në fakt i ndihmoi ata në planin afatgjatë. Për rrjedhojë, ata vendosën ta shpërblejnë me një gjest të veçantë.

Tifozi zbuloi: “Si një mënyrë për të më falënderuar, ata më dërguan një fanellë të nënshkruar nga idhulli më i madh i klubit, Thomas Muller“.

Vazhdo të lexosh

Sport

Japonia mposht Amerikën, kjo e fundit nuk regjistroi asnjë goditje drejt portës

Kjo e fundit nuk arriti që të regjistrojë as edhe një goditje të vetme në portën e japonezëve.

Publikuar

nga

Kombëtarja e Japonisë e ka mposhtur sot me rezultat solid Amerikën, ndeshje kjo e cila ishte në rolin e miqësores.

Pas plot 90′ minutave lojë të zhvilluara, Japonia mposht me rezultat 2:0 Amerikën, ku kjo e fundit nuk arriti që të regjistrojë as edhe një goditje të vetme në portën e japonezëve.

Fillimisht, rezultatin i pari e zhbllokoi Daichi Kamada, i cili kalon Japoninë në avantazh prej 1:0 në minutën e 24’.

Ndërkaq, golin e fundit të ndeshjes e shënoi Kaoru Mitoma, i cili vulos rezultatin final 2:0 në minutën e 88’.

Japonia dhe Amerika hynë në lojë me rekorde identike duke qenë të pamposhtura në 12 nga 14 ndeshjet e tyre të mëparshme. Megjithatë, japonezët vazhduan me fitore për të mbajtur të paprekur formën e tyre të fortë.

Më poshtë mund të gjeni statistikat e ndeshjes.

Vazhdo të lexosh

Të kërkuara