Lajmet

​Zelensky kërkon dërgimin e shpejtë të tankeve perëndimore në Ukrainë

Zelensky i kërkoi gjithashtu Perëndimit të dërgojë raketa me rreze të gjatë dhe avionë luftarakë.

Publikuar

2 muaj më parë

më

Presidenti i Ukrainës, Volodymyr Zelensky ka falënderuar liderët perëndimorë për dërgimin e tankeve për të mbështetur luftën kundër Rusisë, por tha se ato duhet të dorëzohen shpejt.

Në fjalimin e tij të mërkurën mbrëma, Volodymyr Zelensky i kërkoi gjithashtu Perëndimit të dërgojë raketa me rreze të gjatë dhe avionë luftarakë, shkruan BBC.

Komentet e tij erdhën pasi SHBA dhe Gjermania njoftuan se do të dërgonin tanke Abrams dhe Leopard në Ukrainë.

Rusia e dënoi njoftimin si një “provokim të hapur” dhe tha se çdo tank i furnizuar do të shkatërrohej.

Tanket do të “digjen si gjithë të tjerët”, tha Dmitry Peskov, zëdhënësi i presidentit rus Vladimir Putin.

Zelensky tha se i tha Sekretarit të Përgjithshëm të NATO-s, Jens Stoltenberg se “duhet bërë përparim në aspekte të tjera të bashkëpunimit tonë të mbrojtjes” – me Ukrainën që kërkon furnizime me raketa me rreze të gjatë dhe artileri.

Ai bëri presion jo vetëm për një dorëzim të shpejtë të tankeve perëndimore, por edhe për një numër të konsiderueshëm: “Ne duhet të formojmë një forcë të tillë tankesh, një forcë të tillë lirie që pasi të godasë, tirania të mos ngrihet më kurrë”.

Ndërsa Zelensky ka të ngjarë të përqendrohet tani në pajisjen e forcave ajrore të Ukrainës me avionë luftarakë më të avancuar teknologjikisht pas sigurimit të tankeve. Shumë qeveri perëndimore mbeten kundër një lëvizjeje të tillë – nga frika se avioni mund të përdoret për të goditur objektivat brenda Rusisë.

Në fjalimin e tij në Bundestag në Berlin të mërkurën, duke përshkruar detajet e planit të tankeve, kancelari gjerman Olaf Scholz këmbënguli se “nuk do të ketë dërgesa avionësh luftarakë në Ukrainë”.

Presidenti amerikan Joe Biden njoftoi të mërkurën se SHBA do të dërgojë 31 tanke luftarake M1 Abrams në Ukrainë.

Vendimi për dorëzimin e tankeve u njoftua disa orë pasi Gjermania tha se do të dërgonte 14 Leopard 2 të saj në fushën e betejës ukrainase.

Berlini hapi gjithashtu rrugën për vendet e tjera evropiane për të dhuruar tanke të prodhimit gjerman nga rezervat e tyre.

Ukraina ka lobuar aleatët perëndimorë për të dërguar pajisjet për muaj të tërë.

Ajo përshëndeti njoftimet e dyfishta si një pikë kthese që do të lejonte ushtrinë e saj të rifitonte vrullin dhe të rimarrë territorin e pushtuar. pothuajse një vit pas pushtimit të Moskës.

Ai tha gjithashtu se tanket mund të ndihmojnë në parandalimin e një ofensive të mundshme ruse në pranverë.

Etiketa
Vazhdo të lexosh

Lajmet

Ambasadat e Britanisë në Kosovë dhe Serbi: Kurti e Vuçiq bënë hap të guximshëm në Ohër

Nga ambasada thonë se Kurti dhe Vuçiq kanë bërë hapa të guximshëm dhe të rëndësishëm.

Publikuar

1 min më parë

më

20 Mars, 2023

nga

Ambasadat e Britanisë së Madhe në Kosovë dhe Serbi ka thënë se e mirëpresin marrëveshjen e kësaj fundjave në Ohër të Maqedonisë së Veriut.

Ambasada shkruan se kryeministri i Kosovës, Albin Kurti dhe presidenti serb, Aleksandër Vuçiq kanë bërë hapa të guximshëm dhe të rëndësishëm duke rënë dakord për një plan për zbatim këtë fundjavë.

“Ne presim – dhe qëndrojmë të gatshëm të mbështesim – të dyja palët të lëvizin shpejt për ta bërë marrëveshjen realitet”, thuhet në njoftim.

“Ambasadorët e Britanisë së Madhe në Beograd dhe Prishtinë mirëpresin marrëveshjen e kësaj fundjave në Ohër: Albin Kurti dhe Aleksandër Vuçiq bënë një hap të guximshëm dhe të rëndësishëm përpara duke rënë dakord për një plan për zbatimin këtë fundjavë. Ne presim – dhe qëndrojmë të gatshëm të mbështesim – të dyja palët të lëvizin shpejt për ta bërë marrëveshjen realitet”, njoftojnë Ambasadat e Britanisë së Madhe në Kosovë dhe Serbi.

Vazhdo të lexosh

Lajmet

Qeveria ndan mbi 7.2 milionë euro për subvencionim të tarifave të rrymës

Mjetet janë ndarë për masën e zbatimit 3.7 – Mbështetje në tejkalimin e krizës energjike të Pakos Ringjallja Ekonomike.

Publikuar

31 minuta më parë

më

20 Mars, 2023

nga

Qeveria e Kosovës ka mbajtur një mbledhje elektronike të hënën ku ka ndarë 7 milionë e 278 mijë euro për subvencionim të tarifave të energjisë elektrike.

Mjetet janë ndarë për masën e zbatimit 3.7 – Mbështetje në tejkalimin e krizës energjike të Pakos Ringjallja Ekonomike.

“Mjetet e ndara do të përdoren për subvencionimin e energjisë elektrike për konsumatorët fundorë, me qëllim të uljes së ndikimit të tarifave të energjisë, që reflektojnë në faturat e konsumatorëve. Kushtet dhe kriteret e shfrytëzimit të këtyre mjeteve përcaktohen me vendimin e Qeverisë së Republikës së Kosovës Nr. 21/94 të datës 24 gusht 2022”, thuhet në njoftimin e Zyrës së Kryeministrit. 

Vazhdo të lexosh

Lajmet

Kurti takoi ambasadorët e akredituar: Kosova ka votat e nevojshme për anëtarësim në KiE

Ai i informoi ata për ecurinë e bisedimeve që u zhvilluan të shtunën në Ohër të Maqedonisë së Veriut.

Publikuar

36 minuta më parë

më

20 Mars, 2023

nga

Me ftesë të tij, kryeministri i Republikës së Kosovës, Albin Kurti, bashkë me zëvendëskryeministrin e parë, Besnik Bislimi, priti ambasadorët, të ngarkuarit me punë, shefat e misioneve diplomatike dhe zëvendësambasadorët e akredituar në Kosovë.

Sipas një komunikate të Qeverisë, në këtë takim të gjerë e të përbashkët, ai i informoi ata për ecurinë e bisedimeve të shtunën në Ohër të Maqedonisë së Veriut, dhe për rezultatin e arritur aty me rastin e dakordimit publik për aneksin e zbatimit të Marrëveshjes Bazë.

“Në tekst të Aneksit të dakorduar në Ohër thuhet që Kosova dhe Serbia angazhohen plotësisht për t’i respektuar të gjitha nenet e Marrëveshjes dhe Aneksit, dhe për t’i zbatuar të gjitha detyrimet e tyre përkatëse – që rrjedhin nga Marrëveshja dhe Aneksi – në mënyrë të përshtatshme dhe në mirëbesim. Aty po ashtu thuhet se Kosova dhe Serbia pajtohen që të gjitha nenet të zbatohen në mënyrë të pavarur nga njëra-tjetra”, thuhet në komunikatën e Qeverisë.

Kryeministri Kurti theksoi se delegacioni i Republikës së Kosovës kanë qenë maksimalisht të përkushtuar dhe konstruktiv, por edhe kreativ me oferta e propozime që u refuzuan nga pala tjetër, e cila, sikurse në Bruksel me 27 shkurt, përsëri refuzon të nënshkruajë.

“Rruga për procedimin e aplikimit të Kosovës për anëtarësim në Këshillin e Evropës dhe në Bashkimin Evropian është e hapur. Sa i përket anëtarësimit në Këshillin e Evropës, Kosova tashmë ka numrin e nevojshëm të votave të shteteve anëtare, ndërkohë që departamenti ligjor i Këshillit ka konfirmuar se nuk ka asnjë pengesë juridike për anëtarësimin e plotë të Republikës së Kosovës në këtë organizatë të rëndësishme”, tha ai.

Vazhdo të lexosh

Lajmet

Erdogan: 104 miliardë dollarë dëme nga tërmeti shkatërrues në Turqi

Erdogan deklaroi kështu në Konferencën e Donatorëve Turqi – Siri.

Publikuar

48 minuta më parë

më

20 Mars, 2023

nga

104 miliardë dollarë, pra 97 miliardë euro, janë dëmet e shkaktuara në Turqi nga tërmeti katastrofik që shkaktoi vdekjen e më shumë se 50 mijë njerëzve, tha Recep Tayyip Erdogan.

“Pavarësisht situatës së tij ekonomike, është e pamundur për çdo vend të luftojë vetëm një fatkeqësi të kësaj shkalle”, tha presidenti turk, duke folur në Konferencën e Donatorëve Turqi – Siri.

“Ne nuk do ta harrojmë kurrë solidaritetin e treguar në këto ditë të vështira nga të gjithë miqtë tanë, BE së bashku me instrumentet termike, shtetet anëtare, vendet kandidate, OKB dhe organizata të tjera ndërkombëtare”, tha ai.

Megjithatë, ai ka bërë të qartë se ka ende shumë për të bërë.

“Kontributet do të na ndihmojnë në përpjekjet tona për tu shëruar nga tërmetet dhe për të fshirë gjurmët e fatkeqësisë. Kjo sepse lufta jonë e vërtetë fillon tani”, tha ai.

Sipas presidentit turk, synimi është ndërtimi i strukturave të sigurta me cilësi të lartë për të plotësuar nevojat e banimit brenda zonës sizmike.

Shefja e Komisionit, Ursula von der Leyen njoftoi se krahu ekzekutiv i BE-së do të japë 1 miliard euro për të ndihmuar në rindërtimin e Turqisë.

Vazhdo të lexosh

Të kërkuara