Lajmet

​Punëtorët e “Pastrimit” kërkojnë rritje pagash

Kryetari i sindikatës, Florim Cakiqi tha se me pagat aktuale është vështirësuar shumë jeta e punëtorëve.

Publikuar

Punëtorët e kompanisë rajonale për mbeturina “Pastrimi” kanë protestuar sot (e mërkurë) para selisë së kompanisë duke kërkuar rritje pagash, të shujtave dhe përmirësim të kushteve të punës.

Kryetari i sindikatës, Florim Cakiqi tha se me pagat aktuale është vështirësuar shumë jeta e punëtorëve të “Pastrimit”, marrë parasysh inflacionin.

“Duke marrë parasysh gjendjen financiare të punëtorëve dhe kushtet e vështira e kemi bërë një protestë paqësore dhe kemi kërkesa prej punëtorëve për rritjen e pagave, rritjen e shujtës, nivelizimin e pagave dhe kushtet e punëtorëve”, tha ai.

Safet Berisha, përfaqësues i mekanikës, tha se pagat për herë të fundit iu janë rritur para 5 vitesh.

“Kemi probleme edhe nëpër pika të grumbullimit të bërllokut sepse kur nuk e ke kamionë nuk mundesh me heq as bërllok qysh duhet… 330 euro punëtorë fizikë, shoferë 345 dhe mekanika 345 (janë pagat). Para pesë vjetëve na ka rritë rrogën 20 euro, që pesë vjet nuk e ka rritë rrogën e as shujtën, që pesë vjet jemi qysh jemi sot… Qysh nuk është vështirë kur vjen njeri në sabah në punë e fëmijët t’i lypin 50 centë e ju nuk keni me ju jap fëmijëve 50 centë”, ka thënë ai.

Ndonëse ka dalë për të protestuar, Rrahman Hetemi thotë se nuk shpreson të ketë përmirësim të gjendjes.

“Për besë , për nja 26 vite jam këtu, s’pres kurrgjë. Sikur ma përpara njëjtë… Para një viti kam pasur aksident, këta e din edhe mediat. Me 28 janar, edhe tha përfaqësuesi jone i sindikatës, gjoja e kemi sigurimin, i kemi kushtet. Unë kam qëndru 10 ditë në spital, dhe i kam marrë prej sigurimit tonë, firma që e ka bë, 134 euro, a shpenzime i kam afër 1000 euro që i kam bë në spital. Sot ankoj, dhe më ka rekomanduar mjeku ta bëj rezonancën… Nuk kam mundur si me 130 euro a këta më thonë kemi siguri e sigurimi nuk përgjigjet”, tha ai. 

Lajmet

​PedaKos mbyll projektin për edukimin në fëmijëri të hershme

Koordinatorja e projektit “Pedakos”, Anna Toldo tha se gjatë këtij projekti janë mbajtur 100 orë trajnime.

Publikuar

nga

Është përmbyllur projekti PedaKos, i cili fokus kishte edukimin në fëmijërinë e hershme në Kosovë. Ky projekt ka nisur të implementohet nga viti 2018 dhe është mbështetur nga Agjencia Italiane për Bashkëpunim dhe Zhvillim dhe zbatuar nga Volantari nel Mundo RTM me mbështetjen e Ambasadës së Italisë në Kosovë.

Koordinatorja e projektit “Pedakos”, Anna Toldo tha se gjatë këtij projekti janë mbajtur 100 orë trajnime.

“Kemi pasur një vizitë një javore për 37 pjesëmarrës në Regiio Emilia. Veprimi i dytë ishte ambienti i mësimit dhe kemi ofruar 15 shkolla me një atelie. Ofrojmë vegla të ndryshme të cilat janë të dobishme për të ofruar një hapësirë ushqyese të mirë. Pas përmirësimit të ambientit jemi fokusuar në praktika të mira, 15 institucionet parashkollore janë përfshirë edhe prindërit dhe kanë krijuar ngjarje ku prindërit kanë marrë pjesë”, ka treguar ajo.

Ministrja e Arsimit, Arbërie Nagavci tha se për qeverinë është prioritet edukimi në fëmijërinë e hershme, për çka kanë punuar edhe në ndryshimet legjislative.

“Edukimi në moshën e fëmijërisë së hershme është një nga prioritetet e qeverisë tonë, në më pak se dy vite qeverisje e kemi reflektuar edhe në përmirësimin e legjislacionit, besoj që shumë shpejt do të kalojë edhe në lexim të dytë Ligji për Edukim të Hershëm”, ka thënë ajo.

Nagavci ka shtuar se 6,5 milionë euro janë planifikuar në buxhetin aktual për ndërtimin e objekteve.

Ambasadori i Italisë në Kosovë, Antonella De Riu ka folur për rëndësinë e këtij projekti.

“Lidhja ndërmjet të gjitha shtëpive dhe komuniterteve, vazhdimësia dhe sensi i një identiteti të përbashkët është trashëgëmia që Pedikos ju jep”, ka thënë ambasadori.

Presidenti i Reggio Children, Cristian Fabbi tha se ky projekt ka përfshirë shumë komunitete.

Vazhdo të lexosh

Lajmet

Ukraina hap çështje penale kundër themeluesit të grupit Wagner

Ai është akuzuar për shkelje të integritetit territorial dhe paprekshmërisë së Ukrainës.

Publikuar

nga

Zyra e prokurorit të përgjithshëm të Ukrainës thotë se ka hapur një çështje penale kundër Yevgeny Prigozhin, themeluesit të Grupit Wagner, grup ky i cili po lufton në Ukrainë.

Prigozhin është akuzuar për shkelje të integritetit territorial dhe paprekshmërisë së Ukrainës dhe për një luftë agresioni kundër vendit, tha zyra në një deklaratë të postuar në Telegram.

Prigozhin është një aleat i ngushtë i presidentit rus Vladimir Putin dhe forcat e tij mercenare janë përfshirë në beteja të përgjakshme të shkatërrimit në rajonin lindor të Ukrainës, Donetsk, muajt e fundit./UBTNews/

Vazhdo të lexosh

Lajmet

Tahiri: Kurti të kërkojë garanci nga Escobar dhe Lajçak se Asociacioni nuk do të ketë kompetenca ekzekutive

Sipas saj, hapi i parë është që Kurti të kërkojë një letër garancie nga ndërmjetësuesit amerikanë dhe BE.

Publikuar

nga

Ish kryenegociatorja e Kosovës në bisedimet Kosovë-Serbi, Edita Tahiri, ka deklaruar se, siç u shpreh, pas pranimit të Asociacionit, kryeministri Kurti nuk guxon të japë kompetenca ekzekutive për asociacionin.

Sipas saj, hapi i parë është që Kurti të kërkojë një letër garancie nga ndërmjetësuesit amerikanë dhe BE, Escobar dhe Lajçak, me të cilën ata sigurojnë që Asociacioni nuk do të ketë kompetenca ekzekutive dhe nuk do të jetë një nivel i tretë i qeverisjes në Kosovë.

Në llogarinë e saj në Facebook, Tahiri shkruan se një letër të tillë ajo si kryenegociatore ka arritur që ta sigurojë nga Mogherini si ndërmjetësuese e BE-së me të cilën ajo ka siguruar se për BE-në Asociacioni nuk ka kompetenca ekzekutive dhe se nuk do të jetë nivel i tretë qeverisjeje në Kosovë.

Vazhdo të lexosh

Lajmet

BE-ja sërish kërkon që Asociacioni të formohet, nuk i diskuton kushtet e Kurtit

Peter Stano nuk ka komentuar gjashtë kushtet që Kurti përmendi të enjten.

Publikuar

nga

Bashkimi Evropian e ka përsëritur kërkesën që Kosova ta formojë Asociacionin e komunave me shumicë serbe.

Zëdhënësi i BE-së, Peter Stano, ka folur për Radio Evropa e Lirë lidhur me kushtet që i ka përmendur kryeministri Albin Kurti për themelimin e Asociacionit, duke thënë se blloku nuk i komenton “të gjitha prononcimet e të tjerëve”.

Stano e ka përsëritur “urgjencën që për BE-në ka lëvizja përpara e dialogut dhe zbatimi i marrëveshjeve të arritura, një prej të cilave është edhe ajo për Asociacionin”.

Të enjten Kurti zbuloi gjashtë kushtet që ky asociacion të formohet, duke thënë që ai nuk mund të jetë njëetnik, që duhet të jetë në përputhje me Kushtetutën dhe ligjet e vendit, ta ketë një emër tjetër, mos ketë kompetenca ekzekutive, si dhe ta ketë të përfshirë parimin e reciprocitetit mes shteteve sa i përket të drejtave të pakicave kombëtare, bazuar në modelet evropiane.

Kryeministri po ashtu ka kërkuar heqjen e strukturave ilegale në Veri të Kosovës, dorëzimin e armëve, tërheqjen e letrave që Serbia ua ka dërguar pesë shteteve të Bashkimit Evropian të cilat nuk e kanë njohur Kosovën.

Ai po ashtu ka kërkuar që Asociacioni të përfshihet në një marrëveshje finale me Serbinë, dhe të hyjë në fuqi pasi Serbia ta ketë njohur Kosovën.

Vazhdo të lexosh

Të kërkuara