Sport

​Juventusi rrezikon dënim të rëndë edhe nga UEFA

Juventusi së fundi u penalizua me minus 15 pikë në kampionat.

Publikuar

Juventusi së fundi u dënua ashpër nga Federata e Futbollit në Itali duke u penalizuar me minus 15 pikë në kampionat, por ky mund të mos jetë lajmi i vetëm i keq për bardh e zinjtë, pasi për shkeljet e pretenduara klubi mund të dënohet edhe nga UEFA.

Deri më tani, UEFA ka qëndruar në heshtje në lidhje me këtë situatë, por nga Nyoni po vëzhgohet me kujdes gjithçka që ndodh rreth Juventusit. Rastet e fitimeve kapitale dhe pagave nuk do të kalojnë pa u vënë re para organit më të lartë të futbollit evropian.

Presidenti i UEFA-së Aleksander Ceferin duket i gatshëm t’i shtrijë dorën klubit të Juventusit, pasi armiku i madh Agnellit është larguar nga skena dhe një drejtues i ri ka marrë detyrën e të parit të klubit nga Torino.

Në pritje të dënimit të Gjykatës së Drejtësisë së BE-së, të planifikuar për në mars, UEFA i kërkon klubit italian të largohet publikisht nga ideja për themelimin e Superligës Evropiane.

Për sa i përket fitimeve kapitale, nëse FIGC do të konfirmojë dënimin, do të jetë e vështirë për Juventusin të marrë pjesë në garat evropiane edhe nëse arrin të kualifikohet përmes kampionatit, Kupës së Italisë apo Ligës së Evropës.

UEFA do të ndiqte hapat italianë dhe do ta përjashtonte atë apriori. Pastaj është edhe çështja e pagave, në këtë rast hyn në lojë Fair Play Financiar. Nëse konfirmohen dyshimet për mashtrim financiar, marrëveshja për shlyerjen e borxheve mund të anulohej dhe dënimet rrezikojnë të jenë edhe më të rënda, me Juventusin që do të mbetej jashtë garave evropiane edhe për më shumë se një sezon.

Sport

Klopp për shpenzimet e Chelseat: Nuk flas asgjë pa avokatin tim

Vetëm në merkaton dimërore, Chelsea shpenzoi plot 330 milionë euro në transferimet e lojtarëve.

Publikuar

nga

Merkatoja e janarit e këtij viti solli befasi të shumta, ku të gjithë vëmendjen e morri skuadra e Chelseat me shpenzimet e saja marramendëse.

Vetëm në merkaton dimërore, Chelsea shpenzoi plot 330 milionë euro në transferimet e lojtarëve si Enzo Fernandez, Mykhalo Mudryk, Benoi Badiashile, Noni Madueke, Malo Gusto, Andrey Santos, David Datro Fofana, Joao Felix dhe Gabriel Slonina.

Në anën tjetër, njëri nga rivalët e Chelseat, Liverpooli kishte një merkato të qetë, ku bëri vetëm një transferim, atë Cody Gakpos nga PSV.

Jurgen Klopp nuk e kishte mundësinë ekonomike për ta përforcuar më shumë skuadrën, edhe pse mesfusha e Liverpooli po çalon, që ka ndikuar në formën aktuale të skuadrës.

Klopp ka folur për shpenzimet marramendëse të Chelseat, duke thënë se do t’i nevojitej avokati i tij për ta komentuar këtë situatë.

“Nuk do të flas asgjë pa avokatin tim. Nuk e kuptoj këtë pjesë të biznesit, janë shifra të mëdha. Ata me të vërtetë janë lojtarë shumë të mirë, kështu që urime. Unë nuk e kuptoj si është e mundur, por nuk është puna ime që ta shpjegoj”, tha Klopp.

Vazhdo të lexosh

Sport

Miliarderi nigerian jep një injeksion të madh parash për gjigantin historik të futbollit

Situata financiare e Sheffield United është dëshmuar si një problem i madh në klub gjatë gjithë sezonit.

Publikuar

nga

Pronari i ri i ardhshëm i Sheffield United, Dozy Mmobuosi ka siguruar një injeksion parash me tetë shifra për të shmangur kërcënimin e administrimit të klubit.

Nigeriani, i cili bëri pasurinë e tij në teknologji dhe bashkëthemeloi “Tingo Mobile”, tani i vlerësuar në rreth 6.7 miliardë euro, shpreson të përfundojë një blerje prej 100 milionë eurosh të Sheffield United nga Princi Abdullah në javët e ardhshme.

“Sportsmail” e kupton se duke pasur parasysh pozicionin e rrezikshëm financiar të klubit, Mmobuosi është zotuar t’i financojë ata para kohe, ndërsa skuadra e Paul Heckingbottom përpiqet për t’u ngjitur në Premier Ligë.

Fondet besohet të jenë më shumë se 11 milionë euro, të paguara me këste, të cilat mbulojnë kostot e funksionimit, duke përfshirë pagat e lojtarëve, dhe atyre të mbetura në krye të faturave rutinë.

Gjithashtu besohet të sigurohet që Sheffield të vazhdoj me pagesat për transferimet e mëparshme, duke përfshirë Genk për Sander Berge dhe Liverpool për Rhian Brewster.

Situata financiare e Sheffield United është dëshmuar si një problem i madh në klub gjatë gjithë sezonit, me një frikë shumë reale nga administrata, e cila do të shkaktonte një zbritje prej 12 pikësh.

Kjo do të pengonte ndjeshëm skuadrën e Heckingbottom, e cila është e dyta në Championship dhe 12 pikë larg nga Middlesbrough të vendit të tretë, përpara ndeshjes së shtunës kundër Rotherham United.

Mësohet se Mmobuosi e ka udhëzuar klubin që të mbajë Berge dhe Iliman Ndiaye në ditën e fundit të afatit, me palën subjekt interesi nga klubet e Premier Ligës.

Vazhdo të lexosh

Sport

Arteta shpallet trajneri i muajit për herë të tretë këtë sezon

Ai ishte shpallur trajneri më i mirë i muajit për muajt nëntor dhe dhjetor.

Publikuar

nga

Mikel Arteta e ka fituar çmimin e trajnerit më të mirë në Premier Ligë për muajin janar, duke e fituar kështu plot tre herë këtë sezon.

Arteta ishte shpallur trajneri më i mirë i muajit për muajt nëntor dhe dhjetor, dhe tani e fiton përsëri çmimin pas një muaji fantastik të “Topçinjëve”.

Arteta mposhti kolegët e tij si Steve Cooper (Nottingham Forest), Roberto De Zerbi (Brighton), Unai Emery (Aston Villa) dhe Thomas Frank (Brentford).

Arsenali arkëtoi shtatë pikë nga tre ndeshje kur po e vazhdojnë aventurën drejt titullit të parë të Premier Ligës që nga sezoni 2003/04.

Pas një barazimi pa gola me Newcastle në shtëpi, Arsenali e mposhti Tottenhami si mysafirë për herë të parë që nga viti 2014, para se ta përmbyste rezultatin në 3:2 dhe të fitonte ndaj Manchester United.

Ky është çmimi i tretë i trajnerit më të mirë të muajit për Artetan që nga fillimi i sezonit 2022/23, ku e kishte fituar këtë edhe në muajin gusht.

Vazhdo të lexosh

Sport

Zaniolo: Ka shumë lajme të rreme për mua

“Jam i gatshëm për ta ndihmuar AS Roman dhe që ta jap më të mirën nga vetja për klubin”, shtoi ai.

Publikuar

nga

Njëra nga sagat më të çuditshme të merkatos së janarit është ajo e Nicolo Zaniolos së Romës, i cili e dëshironte largimin nga klubi.

Bournemouthi bëri ofertë për Zaniolon në regjionin e 30 milionë eurove, ofertë kjo e cila u pranua nga Roma, por që lojtari e refuzoi kalimin te skuadra angleze.

Më pas, Roma e dënoi Zaniolon duke e përjashtuar nga skuadra, gjë që bëri t’ia ndërronte mendjen yllit italian dhe ta pranonte kalimin te Bournemouthi, por që ky i fundit vendosi të largohej nga marrëveshja.

Ndërkaq, kishte spekulime se Zaniolo ishte afër transferimit te Leeds fillimisht, pastaj edhe te Evertoni, por që si duket këto ishin të pavërteta.

“Ka shumë lajme të rreme për mua. Jam i gatshëm për ta ndihmuar AS Roman, dhe jam i gatshëm që ta jap më të mirën nga vetja për klubin”, tha Zaniolo.

Zaniolo nuk ishe kurrë afër kalimit te Leeds United ose Evertoni. Bournemouthi kishte një marrëveshje me Romën, por që lojtari e refuzoi.

Vazhdo të lexosh

Të kërkuara