Automobilizëm elektrikë

Hyundai do të investojë 21 miliardë dollarë në SHBA më 2025-2028

Published

on

Grupi i Koresë së Jugut Hyundai Motor ka njoftuar një investim të rëndësishëm prej 21 miliardë dollarësh në ekonominë amerikane gjatë periudhës 2025-2028. Ky investim është një hap i rëndësishëm i kompanisë për të forcimin e pranishmërisë dhe kapaciteteve të saj në Shtetet e Bashkuara, duke synuar zhvillimin e teknologjive të avancuara dhe rritjen e prodhimit në sektorë të ndryshëm.

Sipas njoftimit të Hyundai, nga ky investim, 9 miliardë dollarë do të përdoren për rritjen e kapaciteteve të prodhimit të automobilave në SHBA. Zgjerimi i kapaciteteve të prodhimit do të mundësojë që Hyundai të arrijë të prodhojë çdo vit 1.2 milion makina të markave Hyundai Motor, Kia dhe Genesis, në Shtetet e Bashkuara. Pjesa më e madhe e këtij investimi do të përfshijë modernizimin e objekteve të prodhimit në Alabama dhe Gjeorgji, për të mbështetur rritjen e prodhimit dhe për të përmirësuar zinxhirët e furnizimit.

Përveç kësaj, Hyundai ka planifikuar të investojë 6 miliardë dollarë për zhvillimin e bizneseve të saj të logjistikës dhe çelikut në SHBA. Ky investim synon të përmirësojë lokalizimin e prodhimit të komponentëve të automjeteve, përfshirë bateritë për automjetet elektrike, duke theksuar angazhimin e kompanisë për të mbështetur zhvillimin e teknologjive të reja dhe për të përmirësuar infrastrukturën e prodhimit në SHBA.

Një projekt i veçantë i planifikuar nga Hyundai është ndërtimi i një fabrike çeliku në Luiziana, nëpërmjet njësisë së saj Hyundai Steel, që do të ketë një kapacitet prej 2.7 milionë tonë çeliku në vit deri në vitin 2029. Ky investim i madh, që arrin në 5.8 miliardë dollarë, është një element kyç për përmirësimin e industrisë çeliku në SHBA dhe për sigurimin e materialeve të nevojshme për prodhimin e automjeteve.

Përveç këtyre investimeve në prodhim dhe infrastrukturë, Hyundai ka planifikuar gjithashtu një investim prej 6 miliardë dollarësh për projekte inovative, duke përfshirë zhvillimin e teknologjive si drejtimi autonom, robotika dhe inteligjenca artificiale. Këto nisma synojnë të përforcojnë partneritetet strategjike të Hyundai me kompanitë amerikane dhe të kontribuojnë në zhvillimin e mëtejshëm të industrisë së automjeteve.

Në përgjithësi, investimet e Hyundai pritet të krijojnë deri në 14,000 vende pune direkte me kohë të plotë në SHBA, duke kontribuar në forcimin e ekonomisë amerikane dhe në zhvillimin e sektorëve të rinj. Pas këtij njoftimi, aksionet e Hyundai Motor u rritën me 3.9%, duke reflektuar besimin e tregut në planet e saj të ardhshme.

Ky investim i madh është një shembull i angazhimit të Hyundai për të fuqizuar pranishmërinë e saj në një nga tregjet më të mëdha të automjeteve në botë, duke kontribuar gjithashtu në rritjen e punësimit dhe përparimin teknologjik në SHBA./UBTNews/

Automobilizëm elektrikë

Kia po ndal së prodhuari një nga modelet më të shitura

Published

on

KIA përjeton riorganizim të madh të ofertës së modeleve, që përfshin ndërprerjen e prodhimit të modeleve të njohur Ceed dhe Ceed SW, ndryshime në motorizimin e modelit Picanto dhe një version më të fuqishëm të modelit Xceed.

Picanto, modeli i dytë më i shitur i markës koreane pas Sportaget, tani do të ofrohet vetëm me një motor benzinë 1.0-litërsh me tre cilindra, me fuqi 67 kuaj/fuqi (KF). Kështu, hiqen nga oferta motori i mëparshëm 1.0 me 62 KF dhe motori 1.2-litërsh me katër cilindra e 76 kuaj/fuqi.

Xceed, versioni crossover, në krye të gamës merr një motor të ri më të fuqishëm, benzinë 1.6-litërsh me katër cilindra dhe 177 kuaj/fuqi. Motori aktual bazë 1.5-litërsh me 158 KF zëvendësohet me një të ri hibrid 1.0-litërsh me tre cilindra, që jep 113 kuaj/fuqi.

Lajmi më i madh është ndërprerja e plotë e prodhimit të modelit Ceed dhe versionit karavan Ceed SW. Një zëdhënës i KIA-s ka konfirmuar se modelet, të prodhuar në fabrikën e Kia-s në Zilina, Sllovaki, nuk do të kenë pasardhës direkt, as modeli Proceed, prodhimi i të cilit përfundoi që në dhjetor 2024.

Mendohet se boshllëkun e lënë nga këto tre modele do ta mbushë modeli i ri K4, i cili pritet të vijë në Evropë më vonë, edhe pse ende nuk ka konfirmim zyrtar.  Ky është një model i ri i KIA-s që do të konkurrojë Volkswagen Golfin, dhe aktualisht prodhohet në Meksikë për tregun e Amerikës së Veriut, ndërsa njësi testuese janë parë tashmë në rrugët evropiane.

Me ndërprerjen e prodhimit të Ceedit, lirohen kapacitete prodhimi në fabrikën e Zilinas për modelet elektrike të ardhshme. Zëdhënësi ka konfirmuar se kjo hapësirë do t’i dedikohet modelit të ri elektrik EV4, modeli i parë elektrik i Kia-s në segmentin C, i cili do të fillojë së shpejti me shpërndarjen.

Gjithashtu, nga fillimi i 2026 në të njëjtën fabrikë fillon prodhimi edhe për EV2, modeli i ri elektrik fillestar i KIA-s. Koncepti i EV2 është prezantuar dhe do të jetë teknologjikisht i ngjashëm me një model të Hyundai-t, i cili pritet të quhet Ioniq 2 dhe do të prezantohet në Panairin e Automjeteve në Mynih.

Ceed u prezantua më 2006 dhe gjatë ekzistencës së tij ka qenë një nga modelet më të shitura të markës, veçanërisht në Evropë, me një mesatare vjetore prej rreth 80 mijë njësish. Më pas erdhën versionet Ceed SW dhe Proceed, ndërsa Xceed (versioni crossover i Ceed) u prezantua në vitin 2019.

Continue Reading

Automobilizëm elektrikë

Njihuni me veturën që e tejkalon shifrën e pabesueshme prej 800 mijë eurosh

Published

on

Një Prodrive 25 i rrallë është shfaqur në tregun e veturave të përdorura, çmimi i të cilit tejkalon shifrën e pabesueshme prej 800,000 eurosh.

Një homazh modern i rrallë dhe i ndërtuar me kujdes për një nga veturat sportive më legjendare të Subarus tani po arrin një çmim afër shtatë shifrave në tregun e veturave të përdorura.

Prodrive 25, model me edicion të kufizuar bazuar në WRX STI të Subaru, u prezantua disa vite më parë si homazh bashkëkohor për modelin legjendar 22B. U prodhuan vetëm 25 ekzemplarë, dhe njëri prej tyre përfundoi në tregun e veturave të përdorura me një çmim prej 700,000 paundësh, ose 808,206 eurosh.

Përshpejtimi nga 0 në 100 km/h zgjat më pak se tre sekonda.

Vetura është e lyer me ngjyrën e kaltër klasike të Subaru, është në gjendje të shkëlqyer dhe ka përshkuar vetëm 306 kilometra.

Continue Reading

Automobilizëm elektrikë

Ja 10 veturat elektrike më të shitura në Evropë

Published

on

Pavarësisht vështirësive të muajve të fundit, kompania e Elon Musk, Tesla, vazhdon të kryesojë në renditjet e veturave elektrike më të shitura në Evropë. Si në qershor, ashtu edhe në gjysmën e parë të vitit, Model Y është vetura elektrike më e shitur në kontinent.

Pavarësisht një rënieje prej 33 për qind në shitje, Model Y mbetet vetura elektrike më e shitur në tregun evropian.

Model Y i ridizenjuar deri tani nuk ka arritur të sjellë rritjen e pritur të shitjeve për markën. Ndërkohë, konkurrenca nga BYD dhe Grupi Volkswagen e bën të vështirë për Teslan të mbajë pozicionin e saj kryesues.

Kështu, VW ID.7 bëri kërcimin më të madh, duke pasur parasysh se shitjet e Passatit elektrik u rritën me plot 573 për qind në gjysmën e parë të vitit.

Skoda ka një performancë shumë të dukshme me vetëm dy modele, ndërsa modeli Elroq vazhdon të ngjitet. Renault 5 është vetura më e përballueshme që hynë në këtë listë. Pavarësisht pozicioneve të larta, të gjitha modelet e Teslas kanë rënie të dukshme në shitje.

Tregu i automjeteve elektrike pati 1,193,397 regjistrime në gjashtë muajt e parë, rritja 25 për qind u gjenerua nga pothuajse të gjitha markat, përveç Teslas.

Continue Reading

Automobilizëm elektrikë

Franca tërheq 2.5 milionë vetura për shkak të një defekti

Published

on

Franca ka urdhëruar tërheqjen e 2.5 milionë veturave të pajisura me “airbag” me defekt që mund të shpërthejnë në rast përplasjeje dhe kanë shkaktuar një sërë vdekjesh.

Vjen pas një aksidenti fatal në fillim të muajit në Reims ku një 37-vjeçare që po voziste një Citroen C3 u godit në kohë nga copëza metali që fluturuan pas një përplasjeje të vogël.

Është drama e fundit në skandalin 20-vjeçar të prodhuesit japonez Takata, pajisjet e së cilit ishin instaluar në pothuaj të gjithë prodhuesit kryesorë të automjeteve.

Ministria e Transportit lëshoi urdhër që të largohen nga përdorimi veturat që kanë “airbag” Takata, deri në ndërrimin e pajisjeve.

Mendohet se 35 persona kanë vdekur në botë si pasojë e “airbag”-ut Takata dhe rreth 100 milionë automjete janë tërhequr në disa shtete.

Continue Reading

Të kërkuara