Sport

​“Qëndruan 20 ditë në Brazil”, ish-agjenti i Neymar zbulon dështimin e Realit për ta transferuar atë

Published

on

Neymar ka qenë sinonim i lajmeve të Barcelonës në vitet e fundit, por tani është zbuluar se Real Madridi u përpoq ta nënshkruante me atë tre herë deri më tani.

Ish-agjenti i lojtarit Wagner Ribiero ka thënë në një intervistë me “L’Equipe” se Madridi u përpoq të nënshkruante me brazilianin në tre raste të ndara, përfshirë edhe atë në vitin 2019, kur ata u përpoqën ta joshnin nga Paris Saint-Germain.

Ribiero gjithashtu përshkroi se si klubi u përpoq ta nënshkruante me atë kur ai ishte vetëm 13-vjeç, por u penguan nga kërkesat financiare nga Santos në atë kohë, ndërsa ata gjithashtu u përpoqën ta nënshkruanin me Neymar përpara Barcelonës në vitin 2013.

U zbulua sesi Madridi dërgoi tre zyrtarë, përfshirë edhe avokatët në Brazil në vitin 2013 për t’u përpjekur të bindnin Neymarin të bashkohej me “Los Blancos” përpara gjigantëve “katalanas”, por pavarësisht se kaluan 20 ditë në Brazil, ata ishin të pasuksesshëm në këtë operacion.

Superylli brazilian ka shënuar 83 gola në 106 paraqitje për kampionët francezë, por ai është kufizuar nga dëmtimet e shumta që nga largimi nga “Camp Nou” në vitin 2017.

Në të vërtetë, sulmuesi humbi të dyja ndeshjet së fundit në Ligën e Kampionëve kundër “Blaugranëve” për shkak të problemeve të tij muskulare.

Lajmet

​Ademi: Avdullahu mund të bëhet Xhaka i Kosovës

Published

on

President i Federatës së Futbollit të Kosovës, Agim Ademi, ka folur para ndeshjes kualifikuese mes Zvicrës dhe Kosovës, duke shpjeguar pse Leon Avdullahu vendosi të përfaqësojë Kosovën.

Ademi tha se Zvicra nuk ka arsye të frikësohet, pasi marrëdhëniet mes dy federatave janë të mira.

Ai theksoi në një intervistër për medium zviceran ‘Blick’ se Avdullahu e mori vendimin me zemër dhe është pjesë e një projekti afatgjatë për të ndërtuar një gjeneratë të re lojtarësh që synon Kampionatin Evropian, ku mes tyre ai shihet si lider i ardhshëm.

“Ne kemi sjellë shumë lojtarë të rinj midis 17 dhe 20 vjeç për të formuar ekipin tonë për dhjetë vitet e ardhshme. Qëllimi është të arrijmë Kampionatin Evropian. Dhe Leoni luan një rol veçanërisht të rëndësishëm si udhëheqës. Ne e shohim atë si pjesë të brezit të ri që do të formojë themelin. Ne besojmë se ai mund të bëhet Granit Xhaka i Kosovës. Sigurisht, ai është ende i ri – dhe nuk duam t’i bëjmë shumë presion. Por mendojmë se ai ende mund të zhvillohet shumë mirë”, ka thënë Ademi.

Duke folur për raportet me Zvicrën, kreu i FFK-së nënvizoi mirënjohjen ndaj këtij vendi për kontributin në zhvillimin e futbollistëve shqiptarë dhe tha se Kosova respekton çdo zgjedhje të lojtarëve me dy shtetësi. Ai nuk përjashtoi që në të ardhmen edhe talente të tjerë si Albian Hajdari të bashkohen me Kosovën.

“Ne nuk e detyrojmë askënd të luajë për ne. Kushdo që ndjehet kosovar dhe dëshiron të kontribuojë është i mirëpritur”, përfundoi Ademi.

Continue Reading

Lajmet

Turqia mund Serbinë në basketboll

Published

on

Eurobasketi 2025 ka hyrë në fazën finale të garës në grupe. Në ndeshjen më interesante, Turqia dje ka mundur Serbinë, në një ndeshje shumë dramatike dhe të paqartë.
Ndeshja e zhvilluar në Riga përfundoi me rezultatin 95:90. Pas kësaj fitoreje, Turqia ngelet në krye të grupit, me pesë fitore e asnjë humbje.
Çereku i parë u mbyll me rezultat 19:18, ndërsa ekipet shkuan në pushim te rezultati 49:46 për Turqinë.
Çereku i tretë u mbyll me rezultatin 74:73, për të ardhur te rezultati final 95:90.
Alperen Sengun ishte lojtari më i mirë për Turqinë, me 28 pikë, 13 kërcime e tetë asistime.
Një kontribut shumë të madh dhanë dy lojtarët shqiptarë që luajnë për Turqinë. Erxhan Osmani shënoi 10 pikë, ndërsa dhe Kenan Spahiu 5 pikë./S.K/Fanatic/

Continue Reading

Lajmet

Scamacca largohet nga grumbullimi me Italinë

Published

on

Gianluca Scamacca është detyruar të tërhiqet nga kampi stërvitor i ekipit kombëtar të Italisë, pasi ende po ndjen efektet e dëmtimit të rëndë në gju që pësoi sezonin e kaluar, sipas raportimeve të fundit.

Scamacca ishte midis 28 lojtarëve të thirrur në skuadrën e parë të kombëtares italiane nga Gennaro Gattuso që nga emërimi i tij si trajner i përgjithshëm.

Ish-sulmuesi i West Ham ka luajtur si titullar në të dyja ndeshjet e para të Atalantës në Serie A të sezonit 2025-26, dhe tashmë është jashtë formacionit në ligë, pavarësisht se mungoi në pjesën më të madhe të sezonit 2024-25 për shkak të lëndimit.

Skamacca pësoi një këputje të ligamentit të kryqëzuar (ACL) gjatë një ndeshjeje miqësore para sezonit gushtin e kaluar dhe, megjithëse ishte rikthyer në fushë në janar, ai pësoi një tjetër dëmtim serioz, këtë herë në kofshë, i cili gjithashtu kërkoi ndërhyrje kirurgjikale për t’u zgjidhur.

Edhe pse ishte mjaftueshëm i aftë për të luajtur si titullar për Atalantën në dy ndeshjet e para të sezonit, Scamacca ka vuajtur përsëri nga dhimbjet në gju gjatë pushimit të ndeshjeve ndërkombëtare.

Kjo do të thotë që Scamacca nuk do të jetë i përfshirë në asnjërën nga dy ndeshjet e ardhshme të Italisë, të cilat zhvillohen kundër Estonisë të premten në mbrëmje dhe kundër Izraelit të hënën./S.K/KP/

Continue Reading

Sport

Futbollisti francez dënohet me 90 mijë euro për dhunë psikologjike ndaj bashkëshortes

Published

on

Ish-reprezentuesi i Francës, Wissam Ben Yedder, u shpall të mërkurën fajtor për dhunë psikologjike ndaj bashkëshortes së tij të ndarë dhe u urdhërua të paguajë një gjobë prej 90,000 €.

Avokatja e tij, Marie Roumiantseva, tha se 35-vjeçari nuk ishte i pranishëm në shpalljen e aktgjykimit dhe se do të apelojë vendimin.

Kjo është dënimi i dytë për Ben Yedder brenda më pak se një viti. Në nëntor, mori dënim me dy vjet burg me kusht për sulm seksual ndaj një gruaje, të kryer dy muaj më parë. Më 2023, një gjykatë spanjolle e dënoi me gjashtë muaj burg me kusht për evazion fiskal gjatë periudhës 2016–2019 te Sevilla.

Ai është nën hetim,  me vëllain e tij Sabri, për përdhunimin e dy grave më 2023, akuza të cilat të dy i mohojnë. Për çështjen e dhunës psikologjike, prokuroria franceze kishte kërkuar një dënim me tetë muaj burg me kusht dhe një gjobë prej 10,000 €.

Në vend të kësaj, gjykata e dënoi me gjobë 90,000 € dhe urdhëroi të paguajë 60,000 € të tjera – gjysmën si kompensim për bashkëshorten dhe gjysmën për shpenzime gjyqësore. Çifti është në proces divorci.

Ben Yedder, ish-kapiten i Monacos në Ligue 1, renditet i dyti në listën e golashënuesve më të mirë në historinë e klubit.

Ai është pa klub që nga një periudhë e shkurtër këtë vit te Sepahan në Iran.

Continue Reading

Të kërkuara