Sport

Real Madridi synon mesfushorin danez Victor Froholdt

Published

11 months ago

November 24, 2025

UBT News

Real Madridi po planifikon lëvizje konkrete për Victor Froholdtin, mesfushorin 19-vjeçar danez që luan për FC Porto.

Froholdt iu bashkua Portos verën e kaluar nga Copenhagen për rreth 20 milionë euro dhe është shndërruar shpejt në një nga lojtarët kryesorë të skuadrës.

Gjatë sezonit, ka regjistruar 17 paraqitje në të gjitha garat, duke shënuar 2 gola dhe dhënë 2 asistime, e ka kontratë me klubin deri më 2030.

Sipas raportimeve të “Tutto Sport”, interesi për Froholdtin është rritur, me disa nga klubet më të mëdha evropiane që e monitorojnë nga afër. Borussia Dortmund, Atletico Madrid, Napoli, Manchester United dhe Juventusi e kanë futur në listat e tyre të dëshirave.

Raportet tregojnë se edhe Juventusi mund të tentojë ofertë, duke shfrytëzuar marrëdhëniet që ka zhvilluar me Porton gjatë viteve të fundit.

Performancat e Froholdtit në sezonin e tij të parë në Portugali kanë konfirmuar talentin dhe potencialin e madh të mesfushorit, i cili tashmë konsiderohet një nga lojtarët e rinj më të ndjekur në Evropë. /A.Z/UBT News/

Up Next

Real Madridi i Alonsos në krizë

Don't Miss

Chivu: Humbja ndaj Milanit mund të lërë gjurmë te Interi

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/