Kronikë e zezë

Tetë vjet burgim e 2.200 euro gjobë për vjedhje të rëndë

Published

5 years ago

April 19, 2021

Betim Gashi

Gjykata Themelore në Ferizaj – Dega Kaçanik, ka shpall aktgjykim dënues ndaj të pandehurit J.B. A.H., Ç.L. dhe A.L.. shtetas të Republikës së Kosovës, Të akuzuar sipas aktakuzës së Prokurorisë Themelore në Ferizaj për shkak të veprës penale të kryer në bashkëkryerje dhe vazhdim vjedhje e rëndë nga neni 315 paragrafi 1, nën paragrafi 1.1 lidhur me nenin 77 të Kodit Penal të Republikës së Kosovës (KPRK); veprën penale vjedhje e rëndë në tentativë nga neni 315 paragrafi 1, nën paragrafi 1.1, lidhur me nenin 77 nenin 28 të KPRK-së, veprën penale të kryer në bashkëkryerje cenimi i paprekshmërisë së banesave dhe objekteve nga neni 197 paragrafi 1 të KPRK-së.

Gjyqtari individual i Divizionit Penal Burim Çaka, pas mbajtës së shqyrtimit gjyqësor, dëgjimit të palëve, administrimit të të gjitha provave, të pandehurin J.B. për veprat penale si në aktakuzë e shpalli fajtor dhe i shqiptoi dënim unik burgimi në kohëzgjatje prej pesë (5) vjet dhe dënim me gjobë në shumë prej njëmijedyqind (1.200) euro; të pandehurin A.H. e shpalli fajtor dhe i shqiptoi dënim unik burgimi në kohëzgjatje prej një (1) viti e tridhjetë (30) ditëve dhe dënim me gjobë në shumë prej katërqind (400) euro; të pandehurin Ç.L. e gjykoi me dënim burgimi në kohëzgjatje prej një (1) viti e tridhjetë (30) ditëve dhe dënim me gjobë në shumë prej katërqind (400) euro; dhe të pandehurin A.L. me dënim burgimi në kohëzgjatje prej një (1) viti dhe dënim me gjobë në shumë prej dyqind (200) euro.

Të pandehurit akuzohen se gjatë vitit 2020 – 2021, në vazhdimësi dhe në bashkëkryerje, kanë kryer dymbëdhjetë (12) vjedhje të rënda, përkatësisht të pandehurit në vende dhe kohë të ndryshme kryesisht në shtëpi, lokale dhe ordinanca, pas marrëveshjeve paraprake në mes tyre, me qëllim të përfitimit të dobisë pasurore të kundërligjshme që vetës t’i sjellin dobi pasurore, me përdorimin e forcës dhe duke eliminuar pengesat, kanë arritur të vjedhin një televizor “Samsung”, cigare në vlerë prej treqind (300) euro dhe gjashtëdhjetë (60) euro para të metalta; tridhjetë (30) telefona të markave të ndryshme në vlerë prej dymijë (2.000) euro; një çantë ngjyre e zezë me vlerë të pa përcaktuar nga i dëmtuari, një palë rroba (trenerka) dhe stoli ari në vlerë prej njëqind (100)euro; një shumë të hollave të metalta prej 40-50 euro; një shumë të hollave të metalta prej 10-15 euro; një (1) sef të metaltë në vlerë prej pesëdhjetë (50) euro, një gotë në të cilën kanë qenë të vendosura dyqindegjatëdhjetepesë (265) euro; sasi të llojeve të ndryshme re cigareve dhe një sef të metaltë ku brenda kane qenë të vendosura shuma prej peqind (500) euro; tetëdhjetë litra vaj ushqimor me vlerë prej njëqind (100) euro, dymbëdhjetë (12) pako çaj nga një kg në vlerë prej shtatëdhjetepesë (75) euro, detergjent për rroba ku nuk është përcaktuar sasia dhe vlera; një sopatë dhe një toster vlera e pa-përcaktuar; një komplet thika dhe një palë këpucë; një lap-top me vlerë prej dyqind (200) euro.

Kundër këtij aktgjykimi, palët kanë të drejtë ankese në afat prej pesëmbëdhjetë (15) ditëve nga dita e pranimit të aktgjykimit në formë të shkruar. Ankesa i drejtohet Gjykatës së Apelit në Prishtinë, përmes Gjykatës Themelore të Ferizajt.

Kronikë e zezë

Shtatë raste të dhunës në familje në Kosovë brenda 24 orëve të fundit

Published

3 hours ago

February 9, 2026

UBTNEWS

Policia e Kosovës njofton së brenda 24 orëve të fundit janë regjistruar shtatë raste të dhunë në familje. Rastet janë regjistruar në Fushë Kosovë, Prishtinë, Dragash, Vushtrri, Skenderaj, Mitrovicë e Jugut dhe në Leposaviq.

Në Fushë Kosovë është arrestuar një burrë, pasi i njëjti dyshohet se pas një mosmarrëveshje ka sulmuar fizikisht viktimën grua, sipas Raportit të Policisë.

Sipas Policisë, viktima nuk ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.

Rasti ka ndodhur më 08.02.2026 rreth orës 11:45.

Ndërsa, në Prishtinë janë arrestuar dy burra, si shkak i një mosmarrëveshje që ka përfunduar në përleshje mes te dyve.

Sipas Policisë të dyshuarit pas intervistimit janë dërguar në mbajtje, ndërsa rasti po vazhdon procedurën hetimore.

“Raportohet se pas një mosmarrëveshje dy të dyshuar meshkuj kosovarë kanë sulmuar njëri tjetrin. Të dyshuarit janë arrestuar dhe me vendim të prokurorit dërgohen në mbajtje. Rasti në procedure hetimore”, thuhet në Raportin 24 orësh.

Ndërkaq, në Dragash është arrestuar një burrë, i cili dyshohet se ka sulmuar viktimën grua pas një mosmarrëveshje që ka ndodhur mes tyre.

Policia njofton se viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje.

Rasti ka ndodhur më 08.02.2026 rreth orës 13:00.

Edhe në Vushtrri është arrestuar një burrë për veprën e njëjtë- dhunë në familje ndaj viktimës grua.

Ndërsa me vendim të prokurorit pas intervistimit palët janë liruar dhe rasti vazhdon te trajtohet ne procedure te rregullt, sipas Policisë së Kosovës.

“Është arrestuar i dyshuari mashkull kosovar pasi që, dyshohet se kishte kryer veprën e lartcekur ndaj viktimës femër kosovare. Me vendim të prokurorit pas intervistimit palët janë liruar dhe rasti vazhdon te trajtohet ne procedure te rregullt”, thuhet në Raport.

Një burrë tjetër është arrestuar në Skenderaj, pasi i njëjti dyshohet se ka kryer veprën penale- dhunë në familje ndaj viktimës grua.

I dyshuari pas intervistimit, me vendim të prokurorit është liruar në procedurë të rregullt.

Në Mitrovicën e Jugut, Policia njofton së po heton një rast për kanosje ndaj dy viktimave gra nga një burrë.

“Raportohet se i dyshuari mashkull kosovar ka kanosur dy viktimat kosovarë. Lidhur me rastin është njoftuar prokurori. Rasti po hetohet nga ekipet relevante policore”, thuhet ne Raport.

Rasti i fundit për dhunë në familje është regjistruar në Leposaviq. Një burrë është arrestuar pasi ka kryer veprën e lartcekur ndaj viktimës grua.

Sipas Policisë, i dyshuari me vendim te prokurorit është dërguar në mbajtje.

Kronikë e zezë

Në Fushë Kosovë arrestohet një i dyshuar për sulm seksual

Published

3 hours ago

February 9, 2026

UBTNEWS

Një burrë është arrestuar në Fushë Kosovë, pasi i njëjti dyshohet se ka kryer veprën penale -sulm seksual ndaj viktimës grua, sipas Raportit 24 orësh të Policisë së Kosovës.

I dyshuari pas intervisitimit me vendim te prokurorit është liruar në procedurë të rregullt.

“Është arrestuar i dyshuari mashkull kosovar pasi që, i njëjti dyshohet se ka kryer veprën e lartcekur ndaj viktimës femër kosovare. Pas intervistimit me vendim të prokurorit i dyshuari lirohet në procedurë të rregullt”, thuhet në Raportin një ditor.

Kronikë e zezë

Tri raste për dhunë në familje në 24 orët e fundit në Kosovë

Published

3 days ago

February 6, 2026

ubtnews

Policia e Kosovës ka arrestuar tre persona në tri raste të ndryshme për dhunë në familje gjatë 24 orëve të fundit.

Në Pejë, është arrestua një burrë nën dyshimin për dhunë psikike dhe fizike ndaj viktimës grua.

“Është arrestuar i dyshuari kosovar nën dyshimin se i njëjti ka ushtruar dhunë psikike dhe fizike ndaj viktimës femër kosovare”, thuhet në Raportin e fundit të Policisë së Kosovës.

Asaj i është ofruar tretman mjekësor në Spitalin e Pejës.

I dyshuari pas intervistimit, në konsultim me prokurorin është liruar në procedurë të rregullt.

Policia e Kosovës, në Malishevë ka arrestuar një burrë nën dyshimin se ka ushtruar dhunë fizike dhe psikike ndaj viktimës grua.

Gjatë arrestimit të dyshuarit, Policia njofton se ai ka qenë i dhunshëm dhe ka lënduar dy zyrtarë policor.

“Gjatë arrestimit i dyshuari ka qenë i dhunshëm ku si pasojë dy zyrtarë policor kanë pësuar lëndime. Lidhur me rastin zyrtarët policor kanë pranuar tretman mjekësor, ndërsa i dyshuari është dërguar në QKUK në repartin e psikiatrisë për tretman”, sipas raportit të Policisë.

Lidhur me rastin zyrtarët policor kanë pranuar tretman mjekësor, ndërsa i dyshuari është dërguar në QKUK në repartin e psikiatrisë për tretman.

Në Mitrovicën e Jugut, Policia ka arrestuar një person si të dyshuar për sulm fizik ndaj një burri tjetër dhe një gruaje.

Rasti ka ndodhur më 05.02.2026.

Me vendim të prokurorit i dyshuari është dërguar në mbajtje.

Kronikë e zezë

Arrestohet një person në Prizren, për lëndime të renda trupore

Published

3 days ago

February 6, 2026

ubtnews

Një burrë është arrestuar në Prizren, pasi që dyshohet se i kishte shkaktuar lëndime të rënda trupore viktimës burrë, sipas Raportit të fundit të Policisë së Kosovës.

Viktima është dërguar për tretman mjekësor në Spitalin e Prizrenit, ndërsa Policia gjatë një kontrolli në shtëpinë e të dyshuarit ka gjetur dhe konfiskuar një pistoletë.

“Është arrestuar i dyshuari mashkull kosovar pasi që dyshohet se i kishte shkaktuar lëndime të rënda trupore viktimës mashkull kosovar. Viktima është dërguar në Spitalin e Prizrenit për tretman mjekësor”, sipas Raportit të Policisë.

I dyshuari me vendim të prokurorit është dërguar në mbajtje.