Kronikë e zezë

Arratiset nga burgu terroristi që planifikonte masakrën në një xhami të Zvicrës

Published

5 years ago

April 19, 2021

Betim Gashi

Është e paqartë se ku mund të jetë ai tani dhe nëse ai vazhdon planet për një sulm të mundshëm. Pëshpëritet se ai është arratisur në vendin e prejardhjes së familjes së tij, në Ballkan.

Miran S. * atëbotë 17 vjeçar, kishte marrë si model sulmin në një xhami në Christchurch, Zelandë e Re.

Në verën e vitit 2019, adoleshenti kishte shpërndarë në mediat sociale video dhe fotografi të masakrës në Zelandën e Re, në të cilën vrasësi Brenton Terrant, 30 vjeç, kishte vrarë 51 myslimanë, shkruan Tages Anzeiger.

“Në një moment dua ta bëj të njëjtën gjë në Zvicër”, kishte shkruar ai. Ai po planifikonte një sulm ndaj myslimanëve – në Zvicër.

Në biseda dhe forume të ndryshme, Miran S. kishte mësuar si konstruktohej një bombë, transmeton albinfo.ch. Për ta bërë këtë, ai kishte porositur disa kilogramë acid klorhidrik dhe aceton në një dyqan në internet.

“Unë do t’i vras të gjithë këta myslimanë,” shkruante ai në rrjetet sociale. Shënjestra e tij thuhet se ka qenë një nga xhamitë në qytetin St. Gallen, transmeton albinfo.ch. Se cila ishte saktësisht, është e paqartë.

Siç raporton “Tages-Anzeiger”, Miran S. ishte arrestuar menjëherë pas postimeve të tij. Me sa duket, shërbimi i inteligjencës zvicerane kishte marrë një informacion nga Britania e Madhe. Miran S. lirohet pas një hetimi të kryer.

Pak kohë më vonë ai arrestohet sërish dhe përfundon për herë të dytë në burg. Këtë herë ai është dërguar në qendrën Kantonale të masave në Uitikon ZH – një burg për adoleshentët dhe të rriturit e rinj. Terroristi i mundshëm duhet të trajtohej këtu, transmeton albinfo.ch. Autoritetet e klasifikojnë atë si “shumë të rrezikshëm”.

Mbetet e paqartë se si është bërë terrorist Miran S. Ai është rritur në një familje të krishterë; prindërit e tij nuk duan ta komentojnë për media. Ndërsa të afërmit e përshkruajnë atë herë si “simpatik”, herë si “të paqartë”. Ai është rritur në një familje me probleme.

Sidoqoftë, Miran S. nuk qëndron në burg për shumë kohë: ai arriti të arratisej para disa muajsh. Është e paqartë se ku mund të jetë tani terroristi i mundshëm dhe nëse ai vazhdon planet për një sulm të mundshëm, shkruan blick.ch. Pëshpëritet se ai është arratisur në vendin e prejardhjes së familjes së tij, në Ballkan.

Lajmet

Accident tragjik në Vragoli: Humb jetën këmbësori, lëndohen dy të tjerë

Published

21 hours ago

July 24, 2026

UBTNews

Një person ka humbur jetën dhe dy të tjerë kanë mbetur të lënduar si pasojë e një aksidenti të rëndë trafiku që ka ndodhur në orët e para të mëngjesit të sotëm në rrugën nacionale Prishtinë–Pejë, përkatësisht në fshatin Vragoli.

Siç raporton Ekonomia Online, ngjarja ka ndodhur rreth orës 03:00, kur një veturë ka goditur për morto një këmbësor.

Rastin e ka konfirmuar zëdhënësja e Policisë së Kosovës, Luljeta Mehmeti, e cila bëri të ditur se në vendngjarje kanë dalë menjëherë njësitë relevante dhe ekipe mjekësore, të cilat kanë konfirmuar vdekjen e viktimës.

“Si pasojë e aksidentit, lëndime po ashtu kanë marrë i dyshuari, vozitësi i veturës, si dhe një pasagjer”, ka deklaruar Mehmeti.

Lidhur me rastin është njoftuar prokurori kompetent, me urdhër të të cilit trupi i pajetë i viktimës është dërguar në Institutin e Mjekësisë Ligjore për obduksion. Ndërkohë, njësitet policore kanë nisur hetimet për zbardhjen e plotë të rrethanave të këtij aksidenti tragjik. /Ekonomia online/

Lajmet

Raporti i Policisë për vetaksidentin me motoçikletë në Malishevë

Published

23 hours ago

July 24, 2026

UBTNews

Një aksident me pasojë fatale ka ndodhur pasditën e së enjtes në Malishevë, ku ka humbur jetën një person.

Sipas raportit 24-orësh të Policisë së Kosovës, ngjarja ka ndodhur më 23 korrik 2026, rreth orës 15:40.

Drejtuesi i motoçikletës, burrë, dyshohet se nga pakujdesia ka shkaktuar vetaksident.

Si pasojë e lëndimeve të rënda të marra në aksident, ai ka ndërruar jetë.

Me vendim të prokurorit kujdestar, trupi i pajetë i viktimës është dërguar në Institutin e Mjekësisë Ligjore (IML) për t’iu nënshtruar obduksionit. Policia po vazhdon hetimet për zbardhjen e plotë të rrethanave të ngjarjes. /E.A/

Lajmet

Plagosje me armë pas një mosmarrëveshjeje në Vushtrri, pesë të arrestuar

Published

23 hours ago

July 24, 2026

UBTNews

Një person është plagosur me armë zjarri, ndërsa një tjetër ka pësuar lëndime trupore gjatë një mosmarrëveshjeje mes disa personave në Vushtrri.

Sipas Policisë së Kosovës, në incident dyshohet se janë përfshirë gjashtë persona. Viktimat janë dërguar për trajtim mjekësor, ndërsa në vendin e ngjarjes policia ka sekuestruar tri gëzhoja.

Gjatë veprimeve hetimore është sekuestruar edhe një pistoletë me katër fishekë. Policia ka arrestuar pesë të dyshuar, ndërsa një tjetër ndodhet në kërkim.

Me vendim të prokurorit, pas intervistimit, katër të dyshuar janë liruar në procedurë të rregullt, ndërsa njëri është dërguar në mbajtje.

D.L

Lajmet

Katër raste të dhunës në familje brenda një dite në Kosovë

Published

23 hours ago

July 24, 2026

UBTNews

Policia e Kosovës ka raportuar katër raste të dhunës në familje të regjistruara gjatë 23 korrikut në Prishtinë, Pejë dhe Mitrovicën e Jugut.

Në Prishtinë janë evidentuar dy raste. Në rastin e parë, një burrë u shoqërua në stacionin policor nën dyshimin se kishte sulmuar fizikisht një grua dhe kishte dëmtuar disa gjësende në një lokal. Ndërsa në rastin e dytë, dy burra u arrestuan pasi dyshohet se ishin përfshirë në një përleshje fizike me njëri-tjetrin. Në të dyja rastet, pas intervistimit dhe me vendim të prokurorit, palët janë liruar, ndërsa rastet janë proceduar në procedurë të rregullt.

Në Pejë, policia arrestoi një grua të dyshuar se kishte ushtruar dhunë fizike ndaj një gruaje tjetër. Viktimës i është ofruar trajtim mjekësor, ndërsa pas intervistimit të palëve dhe në konsultim me prokurorin, e dyshuara është liruar dhe rasti vazhdon në procedurë të rregullt.

Ndërkaq, në Mitrovicën e Jugut është arrestuar një burrë nën dyshimin se kishte ushtruar dhunë psikike ndaj një burri. Edhe në këtë rast, pas intervistimit dhe me vendim të prokurorit, palët janë liruar, ndërsa rasti do të trajtohet në procedurë të rregullt.

Policia e Kosovës njoftoi se të gjitha rastet janë duke u hetuar në koordinim me prokuroritë kompetente.

D.L