Lajmet

“Të kontrollohet shfrytëzimi i veturave nga zyrtarët, jo edhe ndaj gjeneralëve të FSK-së”

Published

5 years ago

May 25, 2021

Betim Gashi

Vendosjen e një rendi dhe disipline ndaj zyrtarëve shtetërorë për ndalimin e keqpërdorimit të automjeteve jashtë orarit të punës, e sheh si te domosdoshme, analisti Fatmir Çollaku. Mirëpo, ai nuk është i pajtimit që të njëjtin trajtim të kenë edhe gjeneralët e Forcës së Sigurisë së Kosovës, raporton Ekonomia Online.

Në një intervistë për Ekonomia Online, Çollaku tha se vendimet për ndalimin e përdorimit të panevojshme të veturave zyrtare është produktive për ruajtjen e buxheti, por që sipas tij duhet të ketë përjashtime tek gjeneralët si rrjedhojë e natyrës të punës së tyre.

Gjatë këtij muaji, ministri i Mbrojtjes, Armend Mehaj, ua ka ndaluar gjeneralëve përdorimin e automjeteve jashtë orarit të punës.

“Përgjithësi vendimet e ministrive, Qeverisë dhe agjencioneve tjera për kursime për shpenzime të panevojshme apo edhe shfrytëzim të veturave në kohë private në parim është një vendim i mirë por në rastin konkret të kemi specifikisht e Ministrisë së Mbrojtjes ku bëhet fjalë për gjeneralët dhe unë mendoj se do të duhej këta të kursehen nga ky vendim, gjegjësish mendoj se specifika e punës tyre, delikacia, shërbimet që kanë ata do të duhej të kenë edhe jashtë kohës së punës veturat zyrtare se po e përsëris edhe njëherë specifika e lëmisë tyre dhe punës tyre kërkon pak një përjashtim nga ky vendim. Përndryshe për nivelin tjetër komandues dhe zyrtarë tjerë të ministrisë mendoj që është vendimi në parim është i drejtë pasi republikës tonë i nevojitet një racionalitet në shfrytëzim të aseteve. Pse mos të kursehen shërbimet e panevojshme të strukturave të ndryshme, që të mos përdoren veturat zyrtare. Ne shohim veturat e Qeverisë në kohën jashtë orarit të punës, pse të mos vihet një rend dhe diciplinë. Por gjeneralët ish dashtë të kursehet nga ky vendim.

Në vitin e kaluar Qeveria Kurti I ka votuar vendimin i cili ndalon shfrytëzimin 24 orë të veturave nga zyrtarët shtetërorë. Ku parashihet që një gjë e tillë mund të bëhet vetëm me një aprovim paraprak nga institucioni përkatës.

Mirëpo, shpesh herë është raportuar për keqpërdorimin e veturave nga zyrtarët.

“Institucionet tjera është dashtë t’ia nisin më herët këtë praktikë pasi abuzimet që janë të dukshme, të gjithë qytetarët kanë pasur raste të shohin, për shembull unë kam pasë rast të shohë pas orës 17 një zyrtar shkon dhe i merr fëmijët në shkollë. Po ashtu edhe zyrtarë të tjerë kur shkojnë dhe parkojnë palidhje atje dhe i irriton qytetarët se si keqpërdorët vetura zyrtare dhe shpenzimet të tjera. Pra duhet të vihet një rend dhe disiplinë që zyrtarët qeveritar dhe agjencioneve të tjera të kenë kujdes në shfrytëzimin racional të asetev publike, pasi me të vërtet paraja publike duhet të kursehet dhe të përdoret funksionalisht në shërbim të qytetarëve dhe jo të abuzohet nga zyrtarë të ndryshëm kush do që janë ata”.

Ndërsa sipas Çollakut, shfrytëzimi i veturave shtetërore në mënyrë racionale bën diferencë të madhe në ruajtjen e buxhetit të Kosovës.

“Ka rëndësi financiare nëse e analizojmë sa vetura janë dhe sa ato mund të abuzohej apo shfrytëzohet e panevojshme, sigurisht se një shumë e konsiderueshme e buxhetit do të ruhej ose do të kursehet… Të shfrytëzohen në mënyrë racionale asetet publike”, tha ai për Ekonomia Online.

Vendi

Votohet Qeveria Kurti me 66 vota pro

Published

8 seconds ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci, ndërsa Ministër i Rinisë dhe Sportit Daulina Osmani.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Vendi

Kurti prezanton kabinetin e ri qeveritar

Published

23 minutes ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.

Vendi

Osmani cakton Kurtin mandatar për formimin e Qeverisë së re

Published

2 hours ago

February 11, 2026

ubtnews

Presidentja e Republikës së Kosovës, Vjosa Osmani – Sadriu, ka caktuar Albin Kurtin mandatar për formimin e Qeverisë së re të Kosovës.

Përmes një njoftimi publik, Presidentja bëri të ditur se vendimi është marrë në përputhje me Kushtetutën e Republikës së Kosovës, duke i dhënë kështu kryetarit të Lëvizjes Vetëvendosje mandatin për formimin e ekzekutivit të ri. Ky hap vjen pas përmbylljes së procedurave të nevojshme institucionale dhe hap rrugën për krijimin e kabinetit të ri qeveritar.

Presidentja Osmani i uroi suksese Kurtit në udhëheqjen e Qeverisë së re, duke theksuar rëndësinë e punës në shërbim të qytetarëve dhe forcimit të institucioneve të Republikës së Kosovës. “Ju priftë e mbara!”, përfundoi ajo mesazhin e saj publik.

Lajmet

Albulena Haxhiu zgjidhet kryetare e Kuvendit të Kosovës

Published

4 hours ago

February 11, 2026

ubtnews

Në seancën e mbajtur më 11 shkurt 2026, Albulena Haxhiu është zgjedhur kryetare e Kuvendit të Republikës së Kosovës.

Haxhiu mori 66 vota për, 44 vota kundër dhe 8 abstenime, duke siguruar kështu mbështetjen e nevojshme për të marrë drejtimin e institucionit legjislativ.

Seanca konstituive u kryesua nga deputeti më i moshuar i Kuvendit, Avni Dehari nga Lëvizja Vetëvendosje, i cili u asistua nga deputetja më e re në moshë, Fatma Taçi nga KDTP.

Me zgjedhjen e kryetares së Kuvendit, pritet të vazhdojnë procedurat e tjera për konstituimin e plotë të legjislaturës së re.

Në Kosovë u mbajtën më 28 dhjetor 2025 zgjedhjet e jashtëzakonshme parlamentare pas një ngërçi politik që la vendin pa qeveri funksionale për mbi një vit.

Lëvizja Vetëvendosje (LVV), e udhëhequr nga Albin Kurti, fitoi qartë me 51.10% të votave, duke siguruar 57 ulëse në Kuvend, një rekord që nga pavarësia e vendit.

Partia Demokratike e Kosovës (PDK) dhe Lidhja Demokratike e Kosovës (LDK) morën respektivisht 22 dhe 15 mandate, ndërsa Aleanca për Ardhmërinë e Kosovës (AAK) dhe Lista Serbe siguruan disa ulëse të tjera.

Pjesëmarrja në zgjedhje ishte rreth 47.5%, e ngjashme me zgjedhjet e mëparshme, duke reflektuar sfidën e mobilizimit të votuesve.

Komisioni Qendror i Zgjedhjeve certifikoi rezultatet dhe seanca konstituive e Kuvendit u caktua për 11 shkurt 2026, duke hapur rrugën për krijimin e institucioneve funksionale dhe miratimin e buxhetit. Këto zgjedhje shënojnë një hap vendimtar për kapërcimin e ngërçit politik dhe stabilizimin e qeverisjes në Kosovë.