Lajmet

Shenjat e horoskopit në dashuri

Published

5 years ago

on

Dashuria nuk është komplekse, njerëzit janë kompleks, dhe njerëzit dinë t’i komplikojnë edhe gjërat më të thjeshta. Dashuria nuk është koncept i rëndë për t’u kuptuar të paktën jo në teori. Përderisa ndjenjat që dashuria zgjon janë universale, arsyeja pse dashurojmë ndryshon nga personi në person.

Kur është fjala për dashuri romantike, reagimi obsesiv dhe psikologjik është shumë i rëndësishëm, mirëpo ajo që e aktivizon atë është individuale dhe e ndryshme tek çdo njeri.

Ke bërë një njohje të re dhe gjithçka duket se po shkon mirë. Mes jush ka mirëkuptim, joshje dhe pasion, por paralelisht, ekziston edhe një “gjemb” i vogël që të bën të ndjehesh në siklet dhe të kesh pasiguri.

Dashi Dashi në dashuri

Në lojën e dashurisë të lindurit nën shenjën e Dashit janë gjithë zjarr, por dinë të jenë edhe romantikë me partnerin. Në dashuri godasin lehtë sidomos në moshë të pjekur. Disa prej tyre janë besnikë kur martohen dhe janë për familje të madhe, për të tjerë dashuria është një problem i dorës së dytë. Në lidhjet personale ata janë të sinqertë, të drejtëpërdrejtë, janë miq bujarë dhe entuziastë. Kanë dëshira të forta seksuale.

që i bën dashnorë pasionantë, por dhe të bezdisshëm. Dëshira e tyre e fortë seksuale i bën donzhuanë dhe martesat mund të dështojnë. Në se ty të pëlqen një Dash duhet të lidhesh me të me mish dhe shpirt, ndryshe do ta humbasësh.

Si ta bësh për vete Dashin

Çfarë të bëni:

  • Terhiq vemendjen e tij duke e pare ne sy.
  • Ji i gatshem te besh cdo gje, qe nga nje takim ne mesnate ne plazh dhe deri tek sportet ekstreme.
  • Tregohu i forte. Nje Dash do te te habise gjithmone, pavaresisht nga ajo qe ti pret.
  • Cdo dite eshte nje aventure e ndryshme.
  • Ji gati te perballesh me nje tip energjik por ne te njejten kohe edhe romantik.
  • Ji kurajoz. Dashi e vlereson shpirtin e iniciatives dhe shpirtin e pavaresise.
  • Ji krenar per shpirtin e tij te pandalshem.
  • Meso te relaksohesh dhe te defrehesh pasi do te te ngaterroje ne nje rrjete pasioni.

Demi Demi në dashuri

Në dashuri ata janë të devotshëm, romantikë dhe hera-herës posesivë, kërkojnë durim dhe besnikëri. Janë shumë të ndjeshëm dhe është e domosdoshme të gjejnë një marrëveshje fizike të përkryer me partnerin e tyre. Dashurinë ata e shprehin copë. Janë partnerë besnikë dhe konstantë, e duan shtëpinë, janë prindër xhentilë dhe s’kërkojnë shumë nga fëmijët e tyre. Nëse dikush ofendon unin e tyre, ata bëhen të tërbuar dhe janë gati për paqe vetëm nëse kërkesat e tyre pranohen. Demat duhet të mos përdorin pasurinë për të mbuluar një dëshirë të thellë. Kanë gjithashtu nevojë të eksplorojnë thellë shpirtin e tyre për t’u ndjerë në harmoni me botën. Duhet të gjejnë vlerat e tyre më të vërteta dhe më të thella. Kur t’i gjejnë ato, s’do të lidhen më me zinxhirë pas njerëzve apo pas parasë.

Si ta bësh për vete Demin

Çfarë të bëni:

  • Pergatitini ushqimin e tij te preferuar. Kompletojeni mbremjen me qirinj e muzike romantike.
  • Merrni kohe dhe kujdesuni per te dhe bejeni te ndihet i vecante. Do ta vleresoje.
  • Ji i gatshem te kalosh shume kohe me te. Gjithmone e vlereson kur e perkedhel.
  • Prit qe te te mbeshtese. Kjo shenje do ju prese gjithmone me krahe te hapur kur te keni nevoje per te.
  • Mbeshteteni ne zgjedhjet e tij te perditshme te lidhura me punen dhe karieren.

Binjaket Binjakët në dashuri

Në dashuri Binjakët nuk janë të qëndrueshëm dhe besnikë, hera-herës kanë një aspekt që mund të quhet imoral. Ka Binjakë që përfshihen në emocione të forta, ka edhe të tjerë që janë kundër sentimentalizmit sepse janë llogjikë. Në dashuri thellësia e ndjenjave të tyre zgjat pak, më tej ata bëhen flirtues dhe të cekët. U pëlqen biseda e nivelit të lartë, por mund të futen në grindje pa kuptim duke u bërë gënjeshtarë dhe tradhëtarë. Ata janë të paqëndrueshëm sepse janë gjithmonë në kërkim të diçkaje më të re dhe u pëlqen të bredhin lule më lule (sidomos meshkujve). Janë të aftë për pasione të thella. Janë simpatikë dhe joshës kanë nevojë të mbështeten tek një person me karakter të fortë që të përpiqen të organizojnë jetën e tyre në të gjitha gjërat e vogla praktike.

Si ta bëni për vete një të shenjës së Binjakëve

Çfarë të bëni:

  • Mesoni te vleresoni flirtet.
  • Jini fleksibel dhe te hapur, pasi Binjaket duan te luajne dhe ndoshta ju nuk do te jeni partneri i vetem.
  • Ji terheqes dhe gjthmone pak rreshkites, pasi Binjaket adhurojne gjuetine.
  • Ji i mireinformuar mbi gjithcka pasi Binjaket jane degjues shume te mire.
  • Ji elokuent ne te folur pasi do te te perfshije ne biseda terheqese.
  • Perdor mendjen dhe trupin tend ne dashuri, pasi nje Binjak do ju pergjigjet dyfish nese do te dini te stimuloni edhe mendjen e tij.
  • Jepini lirine per te cilen ka nevoje. Do te ndihmoje te vleresosh cdo gje qe te ofron jeta.
  • Ji i gezueshem pasi nese je i merzitshem Binjaku do te avulloje sa te hapesh e te mbyllesh syte.

Gaforrja Gaforrja në dashuri

Të lindurit e Gaforres në dashuri janë të devotshëm, romantikë dhe të aftë të arrijnë rezultate, janë kurnacë mbrojtës për të dashurin e tyre. Shpesh herë ata martohen të rinj, por nuk zhgënjejnë pritjet e partnerit sepse janë më të pjekur se mosha e tyre dhe i edukojnë mirë fëmijët e tyre. Gratë kërkojnë tek burri mbrojtje dhe udhëheqje ndërsa burrat kërkojnë një dashuri materne. Të gjithë ata kanë tendencë xhelozie dhe janë tepër posesivë. Ata nuk kërkojnë shumë, një shtëpi, paqe dhe rehati. Në jetën intime janë të ndjeshëm, xhentilë të ngrohtë me partnerin. Shpesh e teprojnë me fantazinë dhe duan të përjetojnë një ideal romantik. Megjithë zig-zaget dhe flirtet në dashuri ata mbeten të lidhur ndaj familjes, partnerit dhe fëmijëve.

Si ta bëni për vete Gaforren

Çfarë të bëni:

  • Jepini shume vemendje dhe vleresoni sigurine materiale.
  • Mesoni te vleresoni qetesine dhe rehatine e shtepise pasi ai do te tregoje se sa mund te jene te kenaqshme keto ore.
  • Kujtohu dhe festo ditet e shenuara si Shen Valentini dhe pervjetorin e takimit tuaj te pare.
  • Tregoji se sa e vlereson pasurine e jetes suaj se bashku.
  • Hapi zemren tende, do te mesoje se si te jepni dhe te merrni emocione, te keni besim dhe te gjeni siguri ne lidhjen tuaj.

Luani Luani në dashuri

Në dashuri të lindurit e shenjës së Luanit janë të ngrohtë, romatikë dhe kanë dëshira të forta seksuale, të cilat shpesh i bëjnë jokonstantë me partnerin, gjë që mund të shkojë deri në ndarje. Duan të kenë shumë të dashur dhe t’i kenë të pashëm. Luanët në dashuri nuk janë besnikë, por i mbeten besnikë familjes. Seksualiteti i tyre është dominant dhe gjëja që pëlqejnë më shumë është admirimi. Kur takojnë për herë të parë një person interesant, e tërheqin atë me sensualitetin e tyre të zjarrtë dhe të parezistueshëm. Kur një person i shenjës së Luanit bie në dashuri, ai bie seriozisht dhe nëse kjo dashuri është reciproke, jeta do të jetë një aventurë e bukur për ta. Por, sigurisht që jeta nganjëherë është e tillë dhe zemra e Luanit shpesh herë e plagosur dhe e thyer, i duhet shumë kohë Luanit për ta shëruar dhe për ta marrë veten.

Si ta bëni për vete Luanin

Çfarë të bëni:

  • Sigurohu qe t’i thuash shpesh Luanit se sa eshte i mrekullueshem, i bukur, dhe shkelqyes. Do te dije te ta ktheje me dashuri dhe me dhurata.
  • Kenaqeni duke i lejuar momentet e tij te te qenit ‘I famshem’ dhe ai do t’i ndaje keto momente me ty.
  • Vleresoje dhe inkurajoje sensin e tij te humorit, sepse jo vetem qe do te kenaqe, por edhe do te ndricoje ditet e tua.
  • Mesohu te jesh i nenshtruar dhe mesohu ta pranosh. Do te te detyroje te nenshtrohesh ose do te largohet.
  • Tregoji se sa i rendesishem eshte per ty.
  • Hapi zemren tende, pasi kjo shenje mund te jete shume me shume se sa thjesht i dashuri.

Virgjeresha Virgjëresha në dashuri

Në dashuri të lindurit e Virgjëreshës janë të devotshëm ndaj partnerit. Nuk janë shumë të ndjeshëm, por mungesa e ndjenjave tek disa është një koracë që fsheh shumë emocione që ata kanë frikë t’i shprehin sepse s’besojnë tek të tjerët. Ata janë të fshehtë dhe të rezervuar në dashuri dhe janë më tepër mekanikë sesa pasionantë dhe, duke marrë parasysh këtë duhet të gjejmë një partner që u përshtatet. Ata ndihen inferiorë ndaj të tjerëve dhe prandaj fshehin me kujdes ndjenjat. Shpesh janë dhe romantikë të ëmbël.

Si ta bëni për vete Virgjëreshën

Çfarë të bëni:

  • Ji i durueshem dhe pranoje kujdesin e tepert qe u jep detajeve. Do te perfitosh pasi dashuria e saj do te kete nje afrim vigjilent dhe te detajuar per ta bere me te mire jeten tende.
  • Tregoji se sa je i imresionuar nga sforcot e saj te vazhdueshme per te permiresuar gjithcka qe e rrethon, pasi do te sforcohet edhe me shume per te te dhene nje imazh perfekt.
  • Ji nje mik dhe nje shoqerues intelektual, ashtu si edhe i dashur.
  • Virgjeresha ka nevoje per nje partner qe di te vleresoje dhe kultivoje aftesite analitike.

Peshorja Peshorja në dashuri

Në lidhjet personale janë të mirëkuptueshëm, sheshojnë çdo gjë me kompromis dhe shpesh i japin të drejtë të dashurit dhe kur s’ka të drejtë fare. E duan seksin e kundërt dhe rrezikojnë të kenë shumë partnerë e të mos jenë besnikë. Në fakt vuajnë nga teprica e romanticizmit. Martesat e tyre mbijetojnë sepse ata krijojnë një bashkim shpirtëror me partnerin dhe tolerojnë difektet e tij. Duhet të kenë kujdes që kur të fejohen të mos i zgjasin marrëdhëniet për një kohë të gjatë, por të martohen sa më shpejt.

Si ta bëni për vete Peshoren

  • Mundohu ta mbash gjithmone situaten e qete dhe harmonioze, pasi Peshorja vlereson kur gjerat jane te ekuilibruara .
  • Kultivo interes per artin dhe letersine. Peshorja do te te tregoje vleren e muzikes dhe poezise.
  • Pranoji ekstravagacat e vogla dhe beji komplimente te vazhdueshme, e do te ta ktheje me shume sensualitet.
  • Merri nje mendim mbi gjerat qe po ndodhin ne jeten tende, pasi do te dije te te ndihmoje te marresh nje vendim te arsyeshem.
  • Kupto qe jeta me nje Peshore eshte gjithmone si nje jete ne peshore, megjithate kjo shenje do te sjelle ekuiliber ne jeten tuaj.

Akrepi Akrepi në dashuri

Në dashuri të lindurit e shenjës së Akrepit janë pasionantë, besnikë me partnerin dhe kujdesen për të, të butë dhe janë të devotshëm ndaj tij. Janë epshorë në ekstrem dhe kanë dëshira të forta seksuale, pra duhet të kenë kujdes për organet e tyre gjenitale (riprodhuese). Në dashuri kërkojnë të arrijnë një bashkim, një bashkim shpirtrash me partnerin, pra kërkojnë shpirtin më tepër se trupin, kështu janë të aftë të arrijnë majat e pasionit ku mund të takojnë perversione të rrezikshme, duke u bërë përbindësha sadistë të erotizmit. Akrepi është simbol i seksit dhe janë dashnorë pasionantë, energjikë dhe seksualë. Ata e konsiderojnë bashkimin me atë që duan të shenjtë. Ndjenjat e tyre janë aq të thella saqë shpesh ata bëhen protagonistë të dashurive tragjike dhe të dhunshme.

Si ta bëni për vete Akrepin

Çfarë të bëni:

  • Tregohu i kendshem sa me shume te mundesh sa here te jesh ne prezencen e tij. Do te vleresoje terheqjen tende seksuale ose te pakten ate qe duket si e tille.
  • Ji i gatshem te flasesh me detaje per deshirat e tua erotike apo sekretet e tua me te fshehta.
  • Ndaj gjithcka me te, do te doje te dije gjitcka per deshirat e tua te fshehta dhe do te doje te t’i plotesoje.
  • Investo ne çarçafe mendafshi dhe qirinj. Akrepi do te marre persiper muziken e ambientit dhe masazhet.
  • Hyr ne marredhenien me te thelle qe mund te kesh imagjinuar ndonjehere.
  • Akrepi eshte partneri me pasional dhe magnetik qe ke njohur.

Shigjetari Shigjetari në dashuri

Në dashuri Shigjetarët janë ekspertë, flirtues, kërkojnë një partner të dëgjueshëm e të nënshtruar, që të jetë i kënaqur t’i ndjekë e t’u bindet. Megjithatë nuk janë tiranë kur gjithçka shkon mirë, përkundrazi tregohen bujarë dhe duan të bëjnë dhurata të papritura. Janë tipa pasionantë dhe dashurinë e shprehin copë. Nëse partneri i mashtron hidhen menjëherë në krahët e një partneri tjetër. Ka Shigjetarë që në dashuri kanë ‘qimet e derrit’ dhe gjejnë një partner që s’bën për ta. Nëse martohen janë bashkëshortë besnikë dhe prindër të denjë. Por ata janë dashnorë të lirisë dhe të dhënë pas karrierës kështu që në jetën e tyre, mbetet pak hapësirë për shtëpinë e familjen.

Si ta bëni për vete Shigjetarin

Çfarë të bëni:

  • Tregoji gjithmone anen tende te ndriçuar dhe te kenaqur. Shigjetari do te te jape shembull duke u treguar gjithmone xhentil dhe optimist.
  • Jepi lirine fizike dhe emotive per te cilen ka nevoje.
  • Degjoje pasi do te te mesoje te arrish ate liri aq te shenjte ne jeten tende.
  • Mbaj gjithmone gati nje valixhe udhetimi me pak gjera thelbesore. Mund te te kerkoje papritur te niseni ne ndonje udhetim neper vende te largeta apo ekzotike.
  • E vlereson nje barcalete te mire, nje xhiro ne trenin e shpejtesise, apo nje shetitje ne mal.
  • Ji entuziast, energjik, dhe gjithmone gati per aventura.
  • Provo te gjitha aspektet e marredhenies, pasi Shigjetari mund te jete ne te njejten kohe i dashuri yt, miku yt me i mire, si edhe frymezimi yt.

Bricjapi Bricjapi në dashuri

Në dashuri ata janë të devotshëm dhe kurrë emotivë. Zakonisht në dashuri janë të pavendosur (edhe pse shpesh pamja e tyre mund të jetë tërheqëse) dhe nuk nxitojnë të zgjedhin partnerin e tyre të ardhshëm të jetës sentimentale. Në lidhjet personale Bricjapët kanë probleme. Në fakt janë shumë të përqëndruar tek uni i tyre dhe janë shumë të kujdesshëm me të panjohurit. Janë pak pasivë dhe të turpshëm dhe presin që hapin e parë ta bëjnë të tjerët. Kanë pak miq, por janë shumë besnikë ndaj tyre dhe nëse tradhëtohen hakmerren rëndë. Bricjapët ka raste që nuk e vlerësojnë shumë seksin e kundërt dhe para se të nisin një lidhje që mund të çojë në martesë, peshojnë me kujdes gjithë pro-të dhe kundrat. Dhe sa martohen janë besnikë përjetë. Kur vendosin të martohen janë ekzigjentë, kërkojnë mirëkuptim nga ana e një personi të pjekur dhe të ekuilibruar dhe e shpërblejnë me pasion dhe besnikëri. Bricjapët s’janë romantikë, por mbeten melankolikë.

Si ta bëni për vete Bricjapin

Çfarë të bëni:

  • Kupto devotshmerine e tij ndaj punes dhe deshiren e tij per te patur sukses.
  • Beji dhurata te kujdesshme qe tregojne devotshmerine tende dhe aftesine per tu kujdesur per parate. Do te vleresoje gjestin dhe veprimin tuaj.
  • Ji i durueshem dhe kupto qe gjerat e mira i vijne atyre qe dine te presin.
  • Bricjapi, kur eshte gati do te besoje verberisht tek ty dhe mund te behet i varur.
  • Mundohu gjithmone te dish se cfare po ben dhe bej gjithmone ate qe thua.

Ujori Ujori në dashuri

Në dashuri ata e luajnë mirë lojën dhe janë flirtues. Entuziazmohen lehtë, shpesh janë dhe të paqëndrueshëm, kur martohen duhet të jenë të vëmendshëm për të mos rënë në kurthin e mosbesnikërisë, venë në provë durimin e familjarëve dhe të tjerëve sepse nuk i pranojnë lehtë marrëdhëniet dhe detyrimet.
Në dashuri apo miqësi nuk i jepen kollaj tjetrit, sepse janë gjykatës të mirë të natyrës njerëzore dhe mund të konsiderohen të ftohtë. Por nuk gjejnë miqësinë apo dashurinë që është ndjenjë për ta, bëhen miq apo dashnorë të pashoq dhe besnikë përjetë në miqësi. Në se tradhëtohen, zemërimi i tyre është i tmerrshëm. Nëse zhgënjehen s’të falin.

Si ta bëni për vete Ujorin

Çfarë të bëni:

  • Mundohuni te flisni per argumente te ndryshme dhe Ujori do te kete gjithmone dicka per te shtuar.
  • Surprizoje me nje objekt te vecante dhe jo te zakonshem. Ai adhuron surprizat dhe sa me origjinale te jene, aq me te keshillueshme jane.
  • Mbaj nje distance sigurie nga pikpamja emotive, te pakten ne fillim, pasi Ujori eshte nje shenje e larget ne fillim dhe ka nevoje per hapesirat e tij per te qene i lumtur.
  • Vleresoje devotshmerine e tij per qellime speciale dhe ideale, dhe ai do te te tregoje vleren e berjes se botes nje vend me te mire dhe me krijues.
  • Hyr ne intimitet me pare me mendjen e tij dhe me pas me trupin e tij. Do te te kape menderisht dhe do te te intrigoje totalisht.

Peshqit Peshqit në dashuri

Në dashuri Peshqit janë krijues, romantikë, të ndjeshëm dhe të këndshëm me partnerin. Pak miqësi, por shumë dashuri karakterizojnë eksperiencën e tyre të dashurisë. Peshqit në dashuri janë të brishtë, hera-herës seksualë dhe me partnerin duan më tepër një bashkim shpirtëror sesa material. Peshqit kanë gjithnjë nevojën të dinë që kanë mbështetjen dhe simpatinë e të tjerëve. Plagosen dhe dëshpërohen lehtë nëse personat që dashurojnë nuk e tregojnë çdo çast simpatinë e tyre për ta. Gjithë Peshqit kanë etje për simpati, për ndjenjë dhe për dashuri. Kur ndonjëri u afron dashurinë nuk kënaqen plotësisht, por kur u mohohet ankohen pafundësisht. Nuk është e domosdoshme të duan persona konkretë. Meshkujt Peshq zgjedhin gjithnjë gra më të mira se veten, qoftë nga pikpamja ekonomike dhe nga ajo shoqërore. Nga pikpamja seksuale Peshqit janë më shumë pasivë, shumë të papërfillshëm. Kur martohen përgjithësisht janë besnikë, e duan shtëpinë, por nuk e mbajnë siç duhet meqë janë ëndërrimtarë.

Si ta bëni për vete një person të Peshqve

Çfarë të bëni:

  • Meso qe te lejosh te te zbrese edhe ndonje lot kur sheh filma dramatike apo degjon pjese muzikore. Peshqit do te dijne te vleresojne sensibilitin tend dhe do te dine ta largojne lotin tend me nje te puthur.
  • Hyr ne kontakt me dashurine tende per cdo qenie ne univers. Do te te beje te kuptosh shume gjera.
  • Meso se si te komunikosh miliarda shprehje dahurie, te gjitha pa thene asnje fjale. Do te jete i afte te lexoje shpirtin tend me ane te syve te tu.
  • Ofroji mbeshtetje, dhe meso si te sillesh me kembe ne toke pa e lenduar ndjeshmerine e tij.
  • Dashuro artet e bukura dhe veren e mire, Peshqit do te dijne te te duan per kete./astrologjia.com

Related Topics:
Continue Reading

Lajmet

REL: Dosja e Prokurorisë: Si operonte rrjeti i dyshuar kosovar i trafikimit të drogës

Published

7 hours ago

on

June 10, 2026

By

Pesë personat e arrestuar më 9 qershor në Kosovë, në kuadër të një operacioni ndërkombëtar policor, dyshohen se kanë qenë pjesë e një rrjeti që trafikonte drogë nga Amerika e Jugut dhe Lindja e Mesme, drejt Kosovës dhe vendeve të Bashkimit Evropian. Hetimet për rastin nisën nga mesazhet e dekoduara në aplikacionin Sky ECC. Radio Evropa e Lirë ka siguruar detajet nga hetimet e Prokurorisë.

Në orët e hershme të mëngjesit të së martës, Policia e Kosovës, në bashkëpunim me Prokurorinë Speciale të Kosovës dhe autoritete policore evropiane, bëri pesë arrestime në një aksion të shpërndarë në pesë qytete kosovare.

Aksioni filloi në përndjekje të një grupi të dyshuar për trafikim të drogës dhe shpëlarje të parave.

I quajtur “White Star” (Ylli i bardhë), operacioni pati si provë kryesore të dhënat e siguruara nga platforma Sky ECC, komunikimet në të cilën u dekriptuan nga autoritetet evropiane në vitin 2021.

Sipas dosjes së Prokurorisë Speciale, të cilën e ka parë Radio Evropa e Lirë, të dyshuarit që nga fillimi i vitit 2019 kanë marrë pjesë në veprimtarinë e një grupi të organizuar kriminal, që merrej me “blerjen, posedimin, shpërndarjen dhe shitjen e paautorizuar të narkotikëve”.

Në dokumentin e Prokurorisë thuhet se grupi dyshohet se trafikonte kokainë nga shtetet e Amerikës së Jugut; heroinë nga Irani, Afganistani dhe Turqia; si dhe marihuanë nga Shqipëria, Maqedonia e Veriut dhe Spanja.

“Në Kosovë, pjesëtarët e këtij grupi kriminal e bëjnë përzierjen e narkotikut me sodë bikarbonat dhe përzierës të tjerë me qëllim të shtimit të peshës, më pas të njëjtën e paketojnë me anë të një makine me presion dhe narkotikun e vendosin duke e kamufluar nëpër produkte të ndryshme”, thuhet në dokumentin e Prokurorisë.

Sipas Prokurorisë, droga transportohej më pas përmes kompanive transportuese drejt Serbisë, Bosnje e Hercegovinës, Kroacisë, Gjermanisë, Zvicrës, dhe vendeve të tjera të Bashkimit Evropian.

Përveç trafikimit të narkotikëve, pesë të arrestuarit dyshohen edhe për pastrim parash.

Sipas Prokurorisë, ata dyshohet se “fitimet e siguruara nga aktiviteti kriminal i transferonin në biznese të ndryshme, të themeluara nga vetë të dyshuarit ose persona të afërt me ta”.

Një pjesë e mjeteve, sipas dokumentit, konvertohej në prona të luajtshme dhe të paluajtshme, përfshirë tokë, shtëpi, banesa dhe vetura.

Arrestimi i të dyshuarve u mbështet nga agjencia e zbatimit të ligjit e BE-së, Europol, dhe nga autoritetet e Francës, Belgjikës dhe Holandës.

Sipas Europolit, grupi kriminal operonte nga Kosova, ndërsa anëtarët e tij koordinonin trafikimin ndërkombëtar të drogës, dhe menaxhonin pastrimin e fitimeve të paligjshme në disa shtete evropiane.

Në njoftimin për aksionin për kapjen e të dyshuarve, Europoli tha se nga fillimi i hetimeve (të lidhura me platformën Sky ECC) janë hetuar 42 persona, janë kryer 76 kontrolle dhe janë sekuestruar pasuri me vlerë të vlerësuar të përgjithshme prej rreth 80 milionë eurosh.

Sipas Prokurorisë Speciale të Kosovës, aktiviteti i të arrestuarve të djeshëm është i ndërlidhur me një rast të hetuar paraprakisht gjatë vitit 2025, në aksionin e quajtur “Qielli i Thyer”.

Në një njoftim të dhjetorit të vitit të kaluar, Prokuroria kishte njoftuar se 33 persona ndodheshin në paraburgim, nën dyshime për trafikim me drogë, shpëlarje parash e vepra të tjera ilegale.

Prokurori special, Fatos Ajvazi, i tha Radios Evropa e Lirë se pesë të arrestuarit më 9 qershor nuk konsiderohen udhëheqës të strukturës së dyshuar kriminale.

“Të paktën, deri më tani, nuk ka rezultuar një gjë e tillë. Këta janë anëtarë të grupeve që veç i kemi në paraburgim”, bëri të ditur Ajvazi.

Sipas tij, provat kryesore në këtë rast kanë qenë komunikimet e siguruara nga platforma e dekriptuar Sky ECC.

“[Komunikimet në Sky ECC] kanë qenë provat kryesore, mirëpo i kemi ndërlidhur edhe me prova tjera”, tha ai.

Ajvazi sqaroi se mesazhet fillimisht janë pranuar nga Europoli, dhe më pas janë siguruar përmes bashkëpunimit juridik ndërkombëtar nga autoritetet franceze.

Ai shtoi se nga hetimet e deritanishme, përfshirë rastet e vitit të kaluar, është vënë masë ndaluese për pasurinë prej 80 milionë eurosh.

Sipas prokurorit, personat e arrestuar në Kosovë e kanë zhvilluar aktivitetin kryesisht brenda vendit, por kanë pasur veprimtari edhe jashtë.

Rasti ndaj pesë të arrestuarve të fundit, dhe ai ndaj të dyshuarve të arrestuar më herët, vazhdon të jetë në fazën e hetimeve.

Ndërsa ende nuk ka aktakuzë për pesë të dyshuarit e kapur të martën, gjykata pritet të vendosë të mërkurën nëse do t’i dërgojë në paraburgim. /REL/

/E.A/

 

Continue Reading

Lajmet

Rritet interesimi i maturantëve për Psikologji në UBT: Program me standarde evropiane

Published

7 hours ago

on

June 10, 2026

By

Fakulteti i Psikologjisë në UBT ofron një program bashkëkohor studimi, i cili është i hartuar sipas standardeve më të larta evropiane, duke përmbushur plotësisht udhëzimet e EuroPsy (European Certificate in Psychology) dhe Kornizën Kombëtare të Arsimit të Kosovës. Ky program synon të përgatisë profesionistë të aftë në fushën e psikologjisë, të cilët janë të gatshëm të kontribuojnë me sukses si në tregun vendor, ashtu edhe në atë ndërkombëtar.

Programi është i dizajnuar për të ndërtuar baza të forta akademike dhe profesionale, duke filluar nga teoritë themelore mbi zhvillimin e individit, personalitetin, proceset e të menduarit dhe të nxënit, e deri te vlerësimi dhe trajtimi i psikopatologjive dhe çështjeve psiko-sociale. Përmes një kurrikule gjithëpërfshirëse dhe bashkëkohore, programi integron qasje nga fusha të ndryshme të psikologjisë dhe shkencave të lidhura, duke reflektuar saktësisht nevojat e tregut të punës, trendët rajonalë dhe zhvillimet globale.

Qëllimi kryesor i këtij programi është avancimi i metodologjisë së mësimdhënies dhe mësimnxënies, forcimi i kontributit në komunitet, si dhe promovimi i kërkimit shkencor. Për ta përmbushur këtë mision, UBT ofron një kurrikulë të strukturuar në mënyrë rigoroze sipas standardeve evropiane, e cila ndërlidhet me metoda mësimore bashkëkohore dhe praktike, si dhe me një staf akademik të kualifikuar me përvojë të pasur vendore dhe ndërkombëtare.

Pas përfundimit të studimeve në nivelin Bachelor, studentët pajisen me kompetenca të avancuara, duke u bërë të aftë të kuptojnë dhe të zbatojnë metoda e teknika të ndryshme psikologjike. Ata zotërojnë qasjet themelore për integrimin e njohurive psikologjike dhe aplikojnë me sukses njohuritë nga shkencat natyrore dhe shoqërore të ndërlidhura me këtë fushë.

Të diplomuarit janë të përgatitur të kryejnë vlerësime psikologjike të individëve, grupeve apo organizatave, si dhe të interpretojnë dhe zbatojnë teori psikologjike në praktikën e përditshme. Ky proces studimi zhvillon një të menduar kritik dhe analizë të thellë profesionale, duke u mundësuar studentëve të komunikojnë në mënyrë efektive, si në aspektin verbal ashtu edhe me shkrim, duke respektuar dhe zbatuar gjithmonë etikën më të lartë profesionale.

Gjithashtu, si rezultat i kërkesave të mëdha për të studiuar në këtë drejtim, me akreditimin e fundit është rritur kuota e studentëve në programin e Psikologjisë.

Me një qasje moderne dhe plotësisht të orientuar drejt praktikës, programi i Psikologjisë në UBT përgatit gjenerata të reja liderësh të aftë për të ndikuar pozitivisht në shoqëri. Cilësia e lartë e këtij programi dëshmohet edhe nga sukseset dhe rangimet ndërkombëtare të vetë institucionit.

Në vitin 2026, UBT është vlerësuar si i pari në botë në kategorinë “University Brand and Reputation” në rangimin global WURI, gjë që vërteton reputacionin dhe ndikimin e tij të jashtëzakonshëm në arsimin e lartë. Ndër sukseset më madhore, UBT ka fituar titullin “Engaged University of the Year”, duke u pozicionuar si universiteti më i mirë në botë në këtë kategori dhe duke lënë pas institucione prestigjioze nga Suedia, Kanadaja, Australia dhe Arabia Saudite.

Me mbi 25 vite traditë, inovacion të vazhdueshëm dhe ekselencë akademike, UBT mbetet padyshim alternativa kryesore dhe më e sigurt për të gjithë ata që synojnë një karrierë të shkëlqyer dhe me ndikim në fushën e psikologjisë dhe shkencave sociale.

/A.K/

Continue Reading

Lajmet

Biblioteka Kombëtare e Kosovës ‘Pjetër Bogdani’ ka njoftuar hapjen e një ekspozite fotodokumentare me rastin e shënimit të Ditës së Çlirimit të Kosovës.

Published

9 hours ago

on

June 10, 2026

By

Ekspozita mban titullin “KFOR and Kosovo +25” dhe është organizuar në bashkëpunim me organizatën britanike Heartstone, duke sjellë një pasqyrë vizuale mbi zhvillimet në Kosovë gjatë më shumë se dy dekadave të fundit.

Në fokus të ekspozitës është edhe roli i KFOR në vendosjen dhe ruajtjen e paqes në Kosovë pas vitit 1999.

Hapja e ekspozitës do të bëhet më 12 qershor 2026 , në orën 16:00, në hollin e ekspozitave të Bibliotekës Kombëtare të Kosovës në Prishtinë./A.K/

Continue Reading

Lajmet

Ditari: Lajmet kryesore që shënuan datën 10 qershor 1993-1998?

Published

10 hours ago

on

June 10, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

 Foto: Nënë Tereza

 10 qershor 1993

Për arsimin pa ndonjë marrëveshje

Dje, në Prishtinë u mbajt rundi i ri i bisedimeve për çështjet e arsimit shqip në Kosovë. Delegacioni shqiptar, Gert Arensit, ia paraqiti edhe një herë qëndrimet lidhur me këtë çështje duke kërkuar si hap të parë hapjen pa kushtëzime të objekteve për nxënësit, studentët e arsimtarët shqiptarë, të cilët me dhunë janë nxjerrë jashtë nga regjimi serb.

Arens bëri edhe një përpjekje që në takime të ndara me delegacionin shqiptar dhe atë serb, të gjejë një zgjidhje të pranueshme, por as kësaj here nuk u arrit ndonjë zgjidhje konkrete.

Pala serbe vazhdon të kushtëzojë zgjidhjen me pranimin e sovranitetit serb mbi arsimin shqip të Kosovës.

Arensi në fund të takimeve të veçanta deklaroi se së shpejti do ta thërrasë takimin e ri në Gjenevë.

Arensi tha se shpreson se “është bërë një hap i vogël përpara”.

Ministri i Arsimit të Serbisë i deklaroi “Borbës” së sotme se “është me rëndësi se ekziston pajtimi për të vazhduar bisedat. Po kështu ekziston edhe gatishmëria që arsimi shqip deri në fillim të vitit të ri shkollor të normalizohet”.

Merret vesh se pala serbe, posaçërisht ministrja për minoritete e Jugollavisë së vetëshpallur, radikalja e Sheshelit, Savoviq, insiston që askund në dokumente të mos përmendet delegacioni shqiptar i Kosovës, por ai të prezentohet si grup i Fehmi Aganit me shokë. Madje, edhe në Televizionin e Beogradit, delegacioni shqiptar prezentohej si “grup përfaqësuesish të institucioneve dhe të asociacioneve shqiptare”.

Përkundër këtyre deklaratave, shihet fare qartë se pala serbe nuk ka ndërmend të heq dorë nga represioni mbi shkollën shqipe, përkatësisht të mbajë me dhunë të mbyllura objektet, edhepse përmes deklaratave mundohet të mbulojë qëllimin e tejdukshëm.

 

10 qershor 1994

Represioni në Kosovë

Mitrovicë: – Më 7 qershor rreth orës 1:00, policia serbe, bastisi shtëpinë e Maliq Miftarit në Shipol të Mitrovicës. Policia nga Maliq Miftari mori një pushkë gjuetie për të cilën dispononte lejen.

Prizren: – Dje, inspektorët serbë, morën në pyetje për herë të katërt, Bashkim Ibrahimin, veprimtar i Këshillit për Financim të Prizrenit. Bëhet me dije se pas marrjes në pyetje të Bashkim Ibrahimit, inspektorët dhe policia shkuan në zyrën e Këshillit për Financim, me ç’rast plaçkitën kompjutorin dhe të gjitha shënimet tjera.

Dëshmitarët që e panë Bashkim Ibrahimin duke dalur nga zyra së bashku me policinë serbe, njoftojnë se Bashkimi dorën e djathtë e kishte të përgjakur.

Ferizaj: – Më 7 e 8 qershor, sipas thirrjeve, vëllezërit Isa e Idriz Behluli dhe axha i tyre Xhemshir Behluli, u paraqitën në stacionin e policisë në Ferizaj. Policia nga personat e lartëshënuar kërkoi që të dorëzojnë armë, ndërsa u liruan me kusht që të paraqiten sërish nesër në stacionin e policisë në Ferizaj.

Dje rreth orës 9:00, inspektorët serbë ndërhynë në lokalet e shkollës fillore “Gjon Serreçi”, të cilët u interesun për vulat dhe dëftesat e klasëve të teta.

Pardje, rreth orës 10:00, inspektorët morën në pyetje Osman Islamin nga Lloshkobarja e Ferizajt. Inspektorët nga Osman Selmani u interesuan të dinë rreth aktivitetit të LDK-së në degë e nëndegë, rreth komisioneve të LDK-së, Këshillit për Financim etj.

Shtime: – Dje rreth orës 11:00, policia nën pretekst të kërkimit të armëve, bastisi shtëpinë e Muharrem Salihut, kryetar i Aktivit të LDK-së në Godanc të Shtimes. Meqë Muharrem Salihu nuk dispononte me kurrfarë arme, policia atë e mori vete në stacionin e policisë, të cilit iu kërcënuan për aktivitetin e tij në fshat.

Kamenicë: – Dje në Kamenicë, inspektorët serbë morën në pyetje Refik Kryeziun, delegat i Odës Ekonomike të Kosovës. Refik Kryeziu në organet e policisë u mbajt prej orës 9 deri në orën 10.30, ndërsa u lirua me kusht që të paraqitet sërish në polici të njëjtën ditë në orën 12:00. Inspektorët nga Refik Kryeziu u interesaun të dinë rreth formimit të Odës Ekonomike të Kosovës dhe nga kush është kandiduar ai për delegat.

Bëhet me dije se Refik Kryeziu është mbajtur në polici deri rreth orës 16:00 dhe është rrahur brutalisht nga kuislingu shqiptar, Naser Shevelli.

Refik Kryeziu u lirua me kusht që të paraqitet sërish të nesërmen në stacionin e policisë në Kamenicë.

Dje prej orës 10 deri në orën 12, inspektorët serbë morën në pyetje Ramadan Kastratin, sekretar i Këshillit komunal për Financim të Kamenicës.

Istog: – Policia serbe e postkomandës së Banjës së Pejës, gjatë kësaj jave, nën pretekst të kërkimit të armëve thirri që të paraqiten në polici, Bajram Mehajn, i cili çdo ditë kërkohet në shtëpi, Rexhep Maksutajn, Isa Sylajn, Binak Morinajn, Islam e Adem Pepajn, Shaban, Haxhi e Musli Podrimajn dhe Shaban Mehajn.

Bëhet me dije se nga personat e lartëshënuar është keqtrajtuar fizikisht Binak Morinaj.

Më 28 maj, një patrullë e policisë serbe, hyri në shitoren e fshatit Uçë dhe kërkuan nga Ramë Hajzeraj që të dorëzojë një revole të kalibrit 7.65 m.m, ndërsa kur ia bastisën shtëpinë tek ai gjetën një revole të kalibrit 9 m.m.

Më 31 maj, inspektorët serbë morën në pyetje Sylë Maksutajn, nga i cili u interesuan të dinë rreth mbajtjes së Kuvendit të LDK-së, si dhe për veprimtarët e Këshillit komunal për Financim të Istogut.

Po këtë ditë, dy policë, nën pretekst të dorëzimit të armëve hynë në shtëpinë e Mehmet Hysenjat nga Dubrava, të cilët kërkuan djalin e tij, Ukë Hysenajn, i cili punon përkohësisht në botën e jashtme.

Më 1 qershor, një patrullë e policisë rrahu brutalisht, Bajram Berishën, drejtor i shkollës fillore, në Saradran të Istogut.

Po këtë ditë, policia e Gjurakocit ishte në fshatin Tomoc, të cilët iu kërcënuan që t’i dorëzojnë armët, Musë Kabashit, Idriz Hysenajt e Sali Llabjanit. Bëhet me dije se Eshref Halitaj dhe Metë Kabashi dorëzuan nga një revole.

Po këtë ditë, në stacionin e policisë në Istog, policia rrahu rëndë Smajl Alushajn nga Mojstiri, nën pretekst të dorëzimit të një revoleje.

Suharekë: – Dje pasdite në stacionin e policisë në Suharekë, është rrahur rëndë Qazim Sallauka nga Topliçani i Suharekës. Njoftohet se Qazim Sallauka është rrahur aq rëndë sa për një kohë edhe i ka humbur vetëdija.

Shkaku i rrahjes brutale të Qazim Sallaukës nga ana e polcisë serbe, tash për tash nuk dihet.

Dje, në stacionin e policisë në Suharekë është rrahur rëndë edhe Nebih Zogaj, drejtor i shkollës fillore “Ismail Qemali” në Bellanicë.

Edhe për Nebih Zogajn njoftohet se është torturuar shumë në polici, i cili u dërgua menjëherë për shërim në spitalin e Gjakovës.

Junik: – Pardje, policia e postkomandës së Junikut, thirri për t’i dorëzuar armët, Ali, Sylë e Ahmet Jasiqin nga Juniku. Bëhet me dije se Sylë dhe Ahmet Juniku i kanë dorëzuar armët para një kohe, të cilët me vete i kishin edhe dëshmitë, ndërsa Ali Jasiqi u deklarua se nu disponon me kurrfarë arme. Ali Jasiqin, policia e urdhëroi që patjetër të dorëzojë një pushkë.

 

10 qershor 1995

BSPK proteston kundër proceseve të montuara ndaj ish-policëve të Kosovës

Lidhur me proceset e montuara politike e të përfunduara në Pejë e në Gjilan dhe atyre që po mbahen në Prizren e Prishtinë kundër ish-policëve të Kosovës, BSPK edhe njëherë proteston kundër vazhdimit të dhunës dhe represionit që po e zbaton regjimi okpues serb ndaj aktivistëve e veprimtarëve sindikalë.

Lidhur me procesin kundër 72 ish-policëve në Prishtinë, që vazhdon më 12 qershor dhe që është më i madhi në vargun e proceseve të montuara politike, kjo sindikatë vlerëson se

faji i vetëm i ish-policëve të Kosovës mund të jetë fakti se ata nuk u pajtuan me okupimin e Kosovës dhe me voluntarizmin, arbitaritetin e diskriminimin që ushtrohej mbi ata dhe popullin e Kosovës.

Në një kumtesë edhe njëherë përkujtohet fakti se prej pushtimit të Kosovës nga Serbia më 5 korrik 1990, rreth 3.500 punëtorët të organeve të punëve të brendshme të Kosovës u përjashtuan nga puna dhe u hodhën në rrugë pa asnjë të drejtë.

Për këtë shkak, thuhet në kumtesë, më 29 gusht 1990 dega e Sindikatës së Pavarur të punërtorëve të Punëve të Brendshme iu bashkua BSPK-së.

Në vazhdim të kumtesës numrohen shumë aksione të kësaj sindikate në drejtim të mbrojtjes së të drejtave të anëtarëve të saj, mirëpo Serbia, organizimin sindikal e kualifikoi si veprimtari armiqësore, duke arrestuar, maltretuar, keqtrajtuar me qindra aktivistë të kësaj sindikate.

Në kumtesë thuhet se aktualisht në burgje ndodhen 145 anëtarë të kësaj dege sindikale, dhe tërhiqet vërejtja se shumica prej tyre janë keqtrajtuar, madje edhe në kundërshti me vetë ligjet aktuale të Serbisë.

Kjo degë sindikale nënvizon se akuza serbe është absurde, kur të kihet parasysh fakti se qindra aktivistë sindikalë u arrestuan dhe u torturuan dhe se shumë prej tyre janë akuzuar dhe po dënohen për gjoja krijimin e një ministrie paralele të Punëve të Brendshme, në rrethana kur Serbia në Kosovë kishte vetëm në uniformë të policisë mbi 16.000 njerëz, pa përfshirë pjesën operative të sigurimit publik dhe atij shtetëror, në kuadër të cilit punon dhe vepron policia sekrete.

Është qesharake edhe akuza për formimim e policisë paralele në rrethanat e okupimit ushtarak e policor në Kosovë, kur kontrollohet e përgjohet çdo gjë.

Prandaj BSPK vlerëson se regjimit serb i duhen shpifjet, akuzat e proceset e tilla për të sulmuar politikisht dhe për të dënuar në procese të montuara njerëz të pafajshëm.

Në fund të kumtesës u bëhet edhe njëherë thirrje opinionit demokratik ndërkombëtar dhe sindikatave kombëtare e ndërkombëtare që të ngrehin zërin e tyre për mbrojtjen e lirive të drejtave sindikale në Kosovë, e veçmas për mbrojtjen e aktivistëve që u gjykuan e po gjykohen vetëm e vetëm pse kanë provuar të mbrojnë të drejtat e liritë e tyre të ligjshme.

 

10 qershor 1997

Nënë Tereza u nderua me Medaljen e Artë nga Kongresi amerikan

Të shoqëruar me këngët e një kori fetar, bashkëpunëtorë, anëtarë të Dhomës së Përfaqësuesve të Kongresit Amerikan, senatorë, zyrtarë e klerikë të lartë, përfaqësues të shoqatave misionare dhe qytetarë të thjeshtë, u mblodhën në fundjavën e shkuar nën kupolën e Kongresit Amerikan për të marrë pjesë në ceremoninë e nderimit të Nënë Terezës, me Medaljen e Artë të Kongresit Amerikan – medaljen më të lartë që jep organi më i lartë ligjdhënës në SHBA, njofton “Bujku”.

Të pranishmit shpërthyen në duartrokitje kur në podium u ngjit Nënë Tereza, murgjesha 87-vjeçare, e cila ka fituar famë në mbarë botën me punën e saj bamirëse për të varfërit dhe të paaftit.

Pas fjalës së hapjes së kongresmenit Henri Hajd dhe një lutjeje të kapelanit të Kongresit Amerikan Lori Xhejms Zogolvi, fjalën e mori anëtari i Dhomës së Përfaqësuesve nga shteti Ilinoi Xhesi Xhekson -Junior.

Kongresmeni Xhekson lexoi pastaj tekstin e aktit nëpërmjet të cilit Kongresi Amerikan i jep Nënë Terezës Medaljen e Artë.

“Kongresi Amerikan vlerëson se Nëna Tereza ka ndikuar thellë mbi jetën e personave të ndryshëm në të gjitha sferat e jetës, në çdo kënd të botës. Ajo ka themeluar Organizatën Misionare të Bamirësisë, e cila ka mbi 3. 000 anëtarë në 25 vende. Nënë Terzea është, për mendimin e Kongresit të SHBA-ve, një instrument i vullnetit të Zotit. Dashuria e Zotit që rrjedh nga Nëna Terezë ka ndikuar në mënyrë të pashlyeshme në historinë e njerëzimit. Nëna Tereze udhëheq nëpërmjet shembullit pesonal dhe u tregon njerëzve se si të jetojnë me dashuri për njerëzimin”.

Kryetari i Dhomës së Përfaqësuesve Njut Gingriç theksoi se në një mjedis si kapitoli amerikan, ku preokupimet kryesore janë fuqia ekonomike, ushtarake dhe sekulare, Nëna Tereze tregon se fuqia e shpirtit kapërcen të gjitha fuqitë e tjera. Nënë Tereza, vazhodi z. Gingriç, tregon se si njëri që është i gatshëm të jetojë në përputhje me besimin e vet, mund të transformojë njerëzit rreth vetes.

Pastaj, duke ia dhënë një kopje të aktit të Kongresit, kryetari i Dhomës së Përfaqësuesve, tha:

– Nënë Tereza, nuk jemi ne që të të nderojmë ty me këtë akt. Jeni Ju që na nderoni ne duke pranuar të vini këtu dhe të ndani kohën tuaj me ne. Përjetë ne jemi borxhlinj.

Nëna Terze i ftoi të pranishmit të thonë lutje për punën e Organizatës së saj dhe shtoi:

– Jam shumë mirënjohës për dhuratën që më bëtë. Do të lutem për Ju, për bijtë dhe bijat që bëjnë pjesë në Organizatën Misionare të Bamirësisë, që ata të kenë sukses në përpjekjet e tyre që t’u japin të varfërve dashurinë dhe kujdesin që na mëson Zoti, thuhet në njoftim.

 

10 qershor 1998

Klinton: Jemi të vendosur për parandalimin e gjakderdhjes në Kosovë

Presidenti i SHBA-vë. Bill Klinton, në një konferencë shtypi në Uashington, tha se janë po shqyrtohen të gjitha alternativat për të ndalur dhunën në Kosovë. Për të parandaluar ‘spastrimin etnik’ në Kosovë kam autorizuar NATO-n që të hartojë plane për veprime të mundshme ushtarake në Kosovë, tha Klinton.

Presidenti i SHBA-ve tha se aleatët e NATO-s nuk përjashtojnë asnjë alternativë për t’iu përgjigjur situatës në Kosovë, e cila vazhdon të rëndohet.

Në njoftimin e “Zërit të Amerikës” thuhet se Klinton ka vlerësuar se ekzistojnë ndryshime midis gjendjes në Kosovë dhe asaj në Bosnjë, para se të ndërhynin trupat e NATO-s. Shtëpia e Bardhë po kërkon nga OKB-ja miratimin e një rezolute, me të cilën do të dënohen me termat më të ashpër sulmet serbe në Kosovë.

  1. Klinton tha se adminstrata amerikane është e vendosur për parandalimin e gjakderdhjes, si ajo në Bosnjë.

“Jam i vendosur që të bëj ç’është e mundur për të ndalur një përsëritje të mizorive dhe të spastrimit etnik si ato në Bosnjë. Kam autorizuar dhe po përkrah një proces të shpejtuar planifikimi për NATO-n, tha presidenti Klinton.

Sekretarja e shtetit dhe sekretari i mbrojtjes kanë theksuar që të mos përjashtohet asnjë alternativë për ndalimin e dhunës serbe në Kosovë, tha në konferencën për gazetarë në Uashington presidenti i SHBA-ve Bill Klinton.

Continue Reading

Të kërkuara