Sport
Real Madrid-Dortmund, formacionet e mundshme
Borussia Dortmund dhe Real Madridi do të takohen në një përsëritje të finales së UEFA Champions League të sezonit të kaluar sonte në mbrëmje. Liga e Kampionëve rikthehet të martën dhe liderët aktualë të fazës së ligës, Borussia Dortmund, do të shpresojnë të vazhdojnë fillimin e tyre mbresëlënës në kompeticion kur të ndeshen kundër Real Madridit në stadiumin “Santiago Bernabéu”.
Gjigantët spanjollë e kanë nisur fushatën e tyre në Champions League me një fitore dhe një barazim dhe do të shpresojnë të marrin tre pikët të martën për të rritur shpresat e tyre për të përfunduar në tetëshen më të mirë.
Borussia Dortmund ka pasur vështirësi në ndeshjet si mysafirnë Bundesligë këtë sezon, por një paraqitje e fortë në Madrid do të ishte një deklaratë e madhe e kredencialeve të tyre. Por Verdhezinjtë do të duhet të përballen pa të dëmtuarit Karim Adeyemi, Julien Duranville, Yan Couto dhe Gio Reyna të martën. Edhe pse Pascal Gros duhet të jetë në gjendje të paraqitet në fushë.
Ndërsa Real Madridi ka bërë një fillim të ngadaltë të sezonit, ata gjithmonë duket se gjejnë një mënyrë për të fituar kur ka më shumë rëndësi. Dy ndeshje të vështira e presin Carlo Ancelotti-n në harkun kohor prej katër ditësh me përballjen e CL kundër Borussia Dortmundit që do të pasohet nga El Clasico në La Liga.
Kylian Mbappe dhe Vinicius Junior ishin të dy në objektivin e Real Madridit kundër Celta Vigo të shtunën. Dhe ata të dy do të jenë të etur për të vazhduar atë ecuri kundër Borussia Dortmund.
Jude Bellingham do të jetë një tjetër lojtar për t’u parë teksa do të përballet me ish-klubin e tij për herë të dytë. Real Madridi do të duhet të përballet pa të dëmtuarit Dani Carvajal, David Alaba dhe Brahim Diaz të martën.
Këto janë formacionet e mundshme:
Real Madrid: Courtois – Militão, Tchouaméni, Rüdiger – Vázquez, Valverde, Camavinga, Mendy – Bellingham, Vinicius – Mbappe
Borussia Dortmund: Kobel – Ryerson, Anton, Schlotterbeck, Bensebaini – Can, Groß, Sabitzer – Brandt, Gittens – Guirassy/UBTnews/
FIFA ka njoftuar një partneritet të rëndësishëm me Zyrën e Kombeve të Bashkuara për Drogën dhe Krimin (UNODC) për të nisur edicionin e dytë të Programit të Integritetit Global të FIFA-s. Ky projekt ka për qëllim të mbrojë futbollin nga kërcënimi i manipulimit të ndeshjeve dhe korrupsionit.
Programi, i cili ka filluar në mars 2021, do të vazhdojë me edicionin e ardhshëm nga marsi i vitit të ardhshëm deri në dhjetor 2027. Ky edicion do të përshtatet në tri nivelet e kompetencës të 211 shoqatave të lidhura me FIFA-n: standarde, të ndërmjetme dhe të avancuara.
“Integriteti, qeverisja e mirë, etika dhe loja e ndershme janë vlera në zemër të futbollit dhe për të cilat FIFA kujdeset shumë. Trukimi i ndeshjeve është një rrezik i qartë dhe evident, dhe së bashku me federatat, ne po punojmë për ta zhdukur atë“, tha presidenti i FIFA-s, Gianni Infantino.
Programi Global Integrity i FIFA-s synon të gjenerojë, dokumentojë dhe shpërndajë studime të rasteve, praktikat dhe mësimet më të mira për të përmirësuar luftën globale kundër manipulimit të ndeshjeve. Kjo do të përfshijë specialistë të ligjit të futbollit, zyrtarë të FIFA-s dhe UNODC-së, përfaqësues të organeve kryesore drejtuese të sportit, akademikë, gjyqtarë, ish-futbollistë dhe ekspertë nga kompani të specializuara në identifikimin e trukimeve të ndeshjeve.
Ky bashkëpunim është një hap i rëndësishëm drejt forcimit të integritetit në futboll dhe do të ndihmojë në krijimin e një ambienti më të sigurt për sportistët dhe tifozët anembanë botës. FIFA dhe UNODC janë të angazhuar për të adresuar kërcënimet e trukimit të ndeshjeve dhe për të promovuar një kulturë loje të ndershme dhe transparente./UBTNews/
Fillimisht ishte minuta e tretë, kur Asani lëshoi një “perlë” me të majtën e tij. Më pas tri minuta më vonë, detyroi kundërshtarin të gabonte dhe i vetëm përballë portierit nuk mund të gabonte. Dhe pse është vetëm raundi i tretë, Asani ndodhet në kuotën e gjashtë golave tashmë. Asani është “ringjallur” te Guangju pas Europianit të luajtur me Shqipërinë./UBTNews/
Fillon një “jetë” e re për Leonardo Bonuccin, pasi ish-mbrojtësi italian është gati të rikthehet në kombëtaren e tij, këtë herë në një rol krejtësisht të ri. Pas tërheqjes nga futbolli i luajtur verën e kaluar, Bonucci do t’i bashkohet stafit të Kombëtares U-20 të Italisë si bashkëpunëtor i trajnerit Bernardo Corradi.
Historia e tij me axurrët vazhdon, duke pasur parasysh se Bonucci debutoi me kombëtaren e të rriturve më 3 mars 2010 në moshën 22-vjeçare. Gjatë karrierës së tij, ai ka luajtur 121 ndeshje për Italinë dhe ka shënuar 8 gola, me aventurën më të paharrueshme që u kurorëzua me triumfin në Euro 2020 në “Wembley” kundër Anglisë.
Pas përfundimit të karrierës si lojtar, dëshira e Bonuccit për t’u bërë trajner po merr gjithnjë e më shumë formë. Ai pritet të sjellë përvojën e tij të vyer për talentet e rinj të Kombëtares U-20 gjatë Botërorit që do të zhvillohet në Kili, duke u angazhuar për të ndihmuar skuadrën të “hakmerret” për humbjen e fundit ndaj Uruguait në 2023.
Ky hap i ri tregon angazhimin e tij për të kontribuar në zhvillimin e futbollit italian, duke ndihmuar brezat e ardhshëm të lojtarëve të arrijnë suksese në arenën ndërkombëtare./UBTNews/
Lufta kundër trukimit të ndeshjeve, FIFA pakt me Kombet e Bashkuara
Valdeta Mehanja: Historia frymëzuese e një piloteje në ushtrinë amerikane
Gjykata Evropiane thotë se ligji rus për “agjentët e huaj” shkel të drejtat e njeriut
Dy supergola në 6 minutat e para në Championsin e Azisë, Jasir Asani feston me shqiponjë
“Po flasim për qenie njerëzore” – Kurti kundër paktit Rama-Meloni
Përurohet rruga “Nekibe Kelmendi” në Prishtinë
Shporta minimale për një familje katër anëtarëshe në Maqedoni arrinë në 995 euro
Takimi në Pentagon, Haradinaj: Argumentova nevojën për anëtarësimin e përshpejtuar të Kosovës në NATO
Aeroporti i Zelandës së Re vendos afat kohor për përqafimet
-
Lajmet2 months agoMbyllet olimpiada e Parisit 2024- Kurora e sportit i përket Amerikës
-
Lajmet2 months agoZgjedh Menaxhment, Biznes dhe Ekonomi në UBT – Ferizaj dhe bëhuni liderët e së ardhmes
-
Lajmet1 month agoKurti: Përdhunimi është mjeti që përdori Serbia në Kosovë në mënyrë që të lë pasoja të përhershme në familje
-
Kulturë3 weeks agoMarigona Ferati, profesoresha e UBT-së, zëri i artit në jurinë ndërkombëtare në festivalin e teatrove në Oman