Policia holandeze sekuestron 1.6 ton kokainë

Droga ishte fshehur në tre kontejnerë që mbërritën në portin më të madh të Evropës.

Published

3 years ago

December 29, 2021

UBT news

Doganat holandeze sekuestruan më shumë se 1.6 ton kokainë të fshehur në ngarkesat e bananeve dhe kokrrave të kakaos në portin e Roterdamit, thanë prokurorët sot.

Droga me një vlerë prej 127 milionë eurosh, ishte fshehur në tre kontejnerë që mbërritën në portin më të madh të Evropës.

“Kontenieri i parë erdhi nga Ekuadori dhe ishte i ngarkuar me banane të destinuara për një kompani në Barendrecht, afër Roterdamit”, thanë prokurorët.

“Droga në kontejnerin e dytë u gjet në një ngarkesë me kokrra kakao, gjithashtu nga Ekuadori, por që kishte kaluar tranzit nëpër Kolumbi dhe më pas kishte mbërritur përmes Antwerp-it”, thanë ata.

Një kontejner i tretë, përmbante pesë çanta sportive plot me drogë.

Konfiskimet janë rritur shumë këtë vit në portin e Roterdamit, i cili tashmë konsiderohet si një nga portat kryesore të Evropës për drogën, veçanërisht kokainën./UBTNews/

Aksident trafiku në Klinë të Ulët, një e vdekur dhe katër të lënduar

Published

7 hours ago

April 30, 2025

Albina Zeneli

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Aktualitet

Punëtorët e KEK-ut protestojnë më 1 maj

Published

12 hours ago

April 30, 2025

Albina Zeneli

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Aktualitet

Zhduket një person në Shtime

Published

13 hours ago

April 30, 2025

Albina Zeneli

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është larguar nga shtëpia dhe nuk është kthyer më.

Rasti vazhdon të hetohet.