Vera e vitit 2025 do të jetë shumë e ngjeshur me aktivitete ndërkombëtare në basketboll. Kosova do të paraqitet me pesë grupmosha në të dyja konkurrencat në garat evropiane.

Federata e Basketbollit të Kosovës do të organizojë FIBA U-16 Ëomen’s EuroBasket 2025 Divizioni C, që do të mbahet nga 8 deri 13 korrik 2025. Përveç me U16F, Kosova do të paraqitet edhe me U20, U18, U16 në konkurrencën e meshkujve dhe U18 te femrat, në Divizionin B.

U20 (Divizioni B) në konkurrencën e meshkujve do të mbahet në Yerevan të Armenisë nga 11 deri më 20 korrik. U18 i femrave do të mbahet nga 4 deri më 13 korrik. Kujtojmë që vashat e Kosovës kishin triumfuar këtë verë në Divizionin C në Prishtinë dhe tashmë garojnë në Divizionin B.

Divizioni B i U18 te meshkujt do të organizohet nga 25 korriku deri më 3 gusht në Pitesti në Rumani. Meshkujt U16 që po ashtu fituan në Divizionin C në Shqipëri, tashmë marrin pjesë në Divizionin B, në Shkup të Maqedonisë Veriore. Ky kampionat organizohet nga 7 deri më 16 gusht.

Edon Zhegrova është njëri prej sensacioneve të futbollit evropian në këtë edicion. Ylli kosovar është bërë njëri prej lojtarëve më të mirë në futbollin francez dhe paraqitjet e tij brilante s’kish se si të mos iu binin në sy klubeve të mëdha evropiane. Mediat italiane raportojnë se janë katër klube italiane që e pëlqejnë “Messin e Kosovës”.

Në ditët e fundit, Juventusi duket të jetë klubi më i interesuar për 25 vjeçarin, por prapa nuk mbetet as Roma, e cila e do në kryeqytet futbollistin e Lillet. Milani është duke e vëzhguar qe një kohë të gjatë ish-futbollistin e Baselit, i cili edhe vetë e ka shfaqur publikisht simpatinë që e ka për Kuqezinjtë.

Një tjetër faktor që mund të ndikojë që Zhegrova të përfundojë në “San Siro” është trajneri Paulo Fonseca, pasi të dy kanë punuar bashkë në Francë.

Përfaqësuesin kosovar e pëlqen edhe Napoli pasi trajneri Antonio Conte ka simpati të madhe për lojën e tij. Zhegrova do ta ketë mundësinë t’i tregojë vlerat e tij pikërisht sonte në Itali, kur të përballet me Bolognën në Ligën e Kampionëve.

Edoni i ka shënuar 8 gola në këtë sezon në të gjitha garat, prej tyre 4 në Champions dhe 4 në Ligue 1, vlera e kartonit të futbollistit më të mirë shqiptar të momentit sipas “Transfermarkt” është 25 milionë euro.

Atë e pëlqejnë edhe klubet angleze dhe ato gjermane, ndërsa ëndërr e fëmijërisë së Zhegrovës është Barcelona.

Sot do të mbyllet raundi i pestë i fazës së grupeve në Champions League, me disa ndeshje interesante që do të mbajnë fansat të ngjitur pas ekraneve. Supersfida e mbrëmjes është ajo mes Liverpulit dhe Real Madridit, dy ekipe të mëdha që gjithmonë ofrojnë spektakël në këtë kompeticion. Të dyja skuadrat do të luftojnë për fitore, duke e ditur rëndësinë e kësaj ndeshjeje për vendet e larta në grupin e tyre.

Përveç kësaj ndeshje, Juventusi do të udhëtojë në transfertë për të sfiduar Aston Vilën, ndërsa Dortmundi do të presë Dinamon e Zagrebit në shtëpi. Po ashtu, Lille e Edon Zhegrovës do të përballet me Bolonjën në një sfidë të rëndësishme për grupin e saj. Këto ndeshje pritet të ofrojnë emocione të mëdha dhe të përcaktojnë shumë për pozitat e ekipeve në grupe./UBTNews/

Në një mbrëmje plot gola dhe emocion, gjashtë ndeshje të zhvilluara në orën 21:00 në Champions League ofruan gjithçka, nga goleada e deritanishme te befasi të mëdha. Në Etihad, Manchester City, i cili ishte në krye të lojës me një avantazh të thellë 3-0 deri në minutën e 75-të, përfundoi ndeshjen me një barazim zhgënjyes 3-3 kundër Feyenoordit. Ky rezultat konfirmon krizën që po kalon kampioni i Premier League, i cili tani ka filluar të ndjejë pasojat e një forme të dobët.

Në ndeshjet e tjera, Bayern Munich mposhti Paris Saint-Germain me një fitore të ngushtë 1-0, falë një goli të Kim Min-Jae në minutën e 57-të, pas një ndëshkimi me karton të kuq ndaj Dembelesë të PSG-së. Ky rezultat e lë ekipin francez në një pozicion të vështirë në pjesën e poshtme të grupit.

Interi siguroi një fitore të ngushtë 1-0 ndaj RB Leipzigut, falë një autogoli të Lukebas në pjesën e parë. Barcelona arriti një fitore bindëse 3-0 kundër Brestit, me dy gola të Lewandowskit dhe një të Dani Olmos. Atalanta regjistroi fitoren më të thellë të mbrëmjes, duke mposhtur Young Boys 1-6, ndërsa Arsenali ishte i pafalshëm në fitoren 1-5 ndaj Sportingut, duke vazhduar shkëlqimin e tij në këtë fazë të garës.

Në ndeshjet e tjera, Bayer Leverkusen shkatërroi Salzburgun 5-0, duke treguar forcën e tij në këtë edicion të Champions League./UBTNews/