Lajmet

Kush do të përfitojë nga marrëveshja e kufirit detar Liban-Izrael?

Libani duhet të rimëkëmbet ekonomikisht përpara se të kërkojë të shfrytëzojë burimet e reja.

Publikuar

Libani dhe Izraeli kanë nënshkruar një marrëveshje historike për demarkimin e një kufiri detar të diskutueshëm prej kohësh pas vitesh negociatash të ndërmjetësuara nga SHBA, duke i hapur rrugën Libanit për të shfrytëzuar burimet energjetike në brigjet e tij.

Megjithatë, analistët theksojnë se Libanit i mungon infrastruktura dhe qeverisja për një zhvendosje të shpejtë për t’u bërë një vend eksportues i naftës, kështu që marrëveshja nuk ka gjasa të kompensojë krizat ekonomike dhe sociale të vendit në një afat të shkurtër.

Sipas kufijve të miratuar rishtazi, Libani ka të drejtë të eksplorojë rezervuarin Qana ose Sidon, pjesë të të cilit shtrihen në ujërat territoriale të Izraelit. Ndërsa Izraeli ruan të drejtat për fushën e gazit Karish.

Libani ka përjetuar një kolaps të rëndë socio-ekonomik që pothuajse dyfishoi shkallën e varfërisë shumëdimensionale nga 42 përqind në 2019 në 82 përqind të popullsisë totale në 2021.

Autoritetet libaneze shpresojnë se marrëveshja detare mund të jetë një hap për Libanin për të filluar rindërtimin e ekonomisë së tij si një lëvizje drejt daljes nga kriza.

Që nga viti 2006, Evropa e ka parë gjithnjë e më shumë Mesdheun lindor si një burim të mundshëm energjie me potencial për të nxitur rritjen ekonomike në vendet fqinje, për të zbutur ndryshimet klimatike duke kufizuar varësinë e Evropës nga nafta dhe qymyri dhe për të reduktuar varësinë nga furnizimet me gaz rus.

Laury Haytayan, eksperte e politikave të naftës dhe gazit në Institutin e Qeverisjes së Burimeve Natyrore, shpjegoi për FRANCE 24 se do të ketë një pritje mjaft të gjatë përpara se të nxirret ndonjë gaz nga fusha e Qanës.

Nëse fusha e Qanës përmban një sasi nafte të mjaftueshme për shfrytëzim komercial, kompanisë do t’i duhet të lidhë “një marrëveshje të qartë me Izraelin” përpara se të bëjë ndonjë investim të madh, tha Haytayan, dhe kjo mund të çojë në vonesa të mëtejshme.

Haytayan tha se nëse Libani zbulon mjaftueshëm naftë për të eksportuar, ai ndoshta do të mbështetet në një rrugë që kalon përmes Egjiptit për të furnizuar Evropën. Kjo do të kërkonte më shumë zhvillim të tubacionit të vetëm ekzistues në Liban – tubacionit arab të gazit – i cili aktualisht rrjedh vetëm në një drejtim. Ndërsa për të filluar eksportin, kjo do të kërkonte shumë investime.

Nëse sasia e zbuluar nuk është e mjaftueshme për eksport, gazi mund të përdoret për të plotësuar nevojat e brendshme të energjisë së Libanit, tha Haytayan.

Sibylle Rizk, drejtoresha e politikave publike në Kulluna Irada, një grup avokues i angazhuar për reformën politike në Liban, thotë se pretendimet e autoriteteve se kërkimi i ri i naftës dhe gazit është thelbësor që Libani të rimëkëmbet nga kriza e tij e thellë socio-ekonomike, janë mashtruese. Edhe në një skenar të rastit më të mirë, të ardhurat e mundshme nga ndonjë zbulim nafte nuk priten për gjashtë deri në shtatë vjet, tha Rizk.

Rizk tha se Libani duhet të rimëkëmbet ekonomikisht përpara se të kërkojë të shfrytëzojë burimet e reja të energjisë. Vetëm atëherë vendi mund të përfitojë siç duhet nga të ardhurat e ardhshme të naftës dhe gazit.

Rizk vuri në dukje se humbjet në sektorin financiar privat janë rreth 72 miliardë dollarë, duke shtuar se Libani nuk mund të llogarisë në të ardhurat nga nafta dhe gazi për të shpëtuar sektorin e tij financiar dhe për të kompensuar dështimet e tij./UBTNews/

Lajmet

​Kuvendi miraton projektligjin për rrugët

Të zgjedhurit e popullit i dhanë dritën e gjelbër Projektligjit për rrugët.

Publikuar

nga

Kuvendi i Kosovës në seancën e sotme plenare, ka miratuar një sërë projektligjesh. Të zgjedhurit e popullit i dhanë dritën e gjelbër Projektligjit për rrugët, Projektligjit për faturat e kulturave bujqësore dhe fletëmagazinave, ndërkaq u miratua edhe Programi Kombëtar i Shkencës 2023-2028, raporti vjetor i Fondit të Kursimeve Pensionale të Kosovës për vitin 2022, po ashtu raporti për gjendjen në mjedis për vitin 2022, si dhe rezoluta për vlerësimin e punës së Zyrës së Rregullatorit të Energjisë për vitin 2022.

Krahas kësaj, në mungesë të kuorumit, kuvendi dështoi të miratoi të miratojë Projektligjin për verëra dhe Projektligjin për shpronësimin e pronës së paluajtshme.

Në këtë seancë s’po marrin pjesë deputetët opozitarë. Të njëjtit pasi dështoi të themelohet komisioni hetimor parlamentar për kontratat njëburimore lëshuan sallën.

Vazhdo të lexosh

Lajmet

​Përkujtohen viktimat në 25-vjetorin e masakrës së Podujevës

Kryeministri tha se njësoj të bashkuar jemi edhe ne sot në kujtim dhe në nderim të rënies së tyre për tokën e Kosovës dhe për lirinë e popullit.

Publikuar

nga

Në përvjetorin e 25-të të masakrës së kryer në Podujevë nga njësiti serb “Skorpionët”, kryeministri Albin Kurti bëri sot homazhe te varrezat e të vrarëve të familjeve Bogujevci, Duriqi dhe Llugaliu.

Sikurse ishin të bashkuara familjet Bogujevci, Duriqi dhe Llugaliu, kryeministri tha se njësoj të bashkuar jemi edhe ne sot në kujtim dhe në nderim të rënies së tyre për tokën e Kosovës dhe për lirinë e popullit.

“Ata na e kujtojnë dhe përkujtojnë se sa i lartë ishte çmimi i shtetit dhe lirisë, që e gëzojmë sot, se si rrënjët e shtetit dhe të lirisë janë te gjaku i martirëve dhe dëshmorëve. Njëkohësisht, zëri ynë do të jetë gjithnjë më i fuqishëm si institucional ashtu edhe qytetar për kërkim të drejtësisë”, tha ai.

Në mesin e të mbijetuarve të kësaj masakre, kryeministri përmendi Saranda Bogujevcin, tashmë deputete dhe nënkryetare e Kuvendit të Republikës së Kosovës, e cila bashkë me të mbijetuarit e tjerë i bënë ballë breshërive të plumbave dhe të cilët sot janë ndër dëshmitarët e gjenocidit të Serbisë në Kosovë.

“Në mesin e atyre që u masakruan këtu ishte edhe Saranda Bogujevci e cila iu mbijetoi 16 plumbave, pra para 25 viteve trupi i njomë i Saranda Bogujevcit, atëherë e mitur, përfundoi me 16 plumba dhe ata pesë që shpëtuan nga kjo masakër ishte një mrekulli e vërtetë dhe sot janë dëshmitarë të gjenocidit të Serbisë në Kosovë”, tha ai.

Kurti vazhdoi duke i bërë thirrje edhe një herë Prokurorisë në Kosovë të punojnë në ndjekjen e kriminelëve dhe vënien e drejtësisë, e cila do të finalizohej me vënien prapa grilave të vrasësve mizorë të familjeve Bogujevci, Duriqi e Llugaliu.

Ngjashëm, u shpreh edhe Enver Duriqi, të cilit në këtë masakër iu vranë katër fëmijë të moshave 3, 5, 8 edhe 10-vjeç, bashkë me gruan dhe prindërit.

“Është mbajtur një gjykim sa për sy e faqe dhe kisha me quajt se ata i kanë metodat e veta, injorojnë, nuk gjykojnë, nuk i pranojnë krimet, por si do që të jetë, ne do të qëndrojmë edhe më të fortë”, tha Duriqi.

Vazhdo të lexosh

Lajmet

S’ka kuorum për themelimin e Komisionit Hetimor Parlamentar për kontratat njëburimore

Kjo pasi deputetët e Lëvizjes Vetëvendosje nuk kanë marrë pjesë në votim.

Publikuar

nga

Në mungesë të kuorumit, ka dështuar të formohet Komisioni Hetimor Parlamentar që do t’i hetojë kontratat njëburimore të Qeverisë Kurti. Kjo pasi deputetët e Lëvizjes Vetëvendosje nuk kanë marrë pjesë në votim.

Gjatë diskutimit që ka zgjatur rreth tri orë, deputetët e opozitës e kanë akuzuar pushtetin për numër të madh të kontratave njëburimore të nënshkruara gjatë kësaj qeverisje.

Në sallë ishin të pranishëm 63 deputetë, ndërsa në votim morën pjesë 26 përfshirë edhe Konjufcën që votoi pro themelimit të këtij komisioni. Ata kanë kërkuar që Prokuroria të merret me hetimin e tyre. Por deputetët e pushtetit kanë thënë se themelimi i komisionit është ia panevojshëm dhe ka mohuar akuzat e opozitës se në këtë qeveri janë lidhur më shumë kontrata njëburimore se në qeveritë e kalaruar.

Shefja e GP të Vetëvendosjes, Mimoza Kusari-Lila, ka refuzuar t’i paraqesë në Kuvend pesë emrat e grupit të saj për komisionin hetimor, me arsyetimin se duhet të binden se opozita po kërkon zgjedhje fillimisht e pastaj i dërgojnë emrat.

“Shumë lartë e vlerësojmë ofertën për pesë anëtarë, ne frikësohemi se komisioni po i shtyn zgjedhjet e shumëkërkuara nga opozita dhe nuk po dimë a janë më me prioritet komisionet apo zgjedhjet. Derisa ta marrin vendimin dhe derisa të jemi të bindur se këta vërtetë po kërkojnë zgjedhje ne nuk i kemi këta 5 emra”, ka thënë ajo.

Shefi i GP të PDK-së, Abelard Tahiri, ka propozuar një datë për zgjedhje.

“Marrë parasysh josinqeritetin e këtyre dhe frikën për të shkuar ne e dimë që ajo ka qenë vetëm një lojë fjalësh sepse këta nuk guxojnë ta shpërndajnë kuvendin më 9 qershor. Nuk mundet me kaq lehtësi dhe me këtë sportivitet kaq të madh me anashkalu votimin e një komisioni hetimor”, ka thënë Tahiri.

Kurse Driton Selmanaj nga LDK-ja ka thënë se komisioni hetimor duhet të themelohet, ndërkohë ka treguar pozicionin e partisë për zgjedhje.

“Atë që mund të them në emër të LDK, ne kemi filluar me u dashuruar në postulatin hajnat në burg, por jo hajnat në zgjedhje. Ne po duam hajnat vërtetë të përfundojnë në burg. Mesa po e shohim VV po do me shku me postulatin hajnat në zgjedhje sepse po i duhen paratë për të bërë fushatë edhe një herë. Ne insistojmë në themelimin e komisionin hetimor”, deklaroi Selmanaj.

Shefi i GP të AAK-së, Besnik Tahiri, ka thënë se VV-ja po i ik temës së komisionit hetimor sepse ka frikë.

“Është një ikje nga tema nga komisioni hetimor që në fakt është frika e qeverisë me u ballafaqu me të vërtetën dhe mos emërimi i kandidatëve e vërteton pohimin tonë se tenderët njëburimorë janë vatra korruptive e kësaj qeverie”, deklaroi Tahiri.

Vazhdo të lexosh

Lajmet

​BQK: Dërgesat e mërgatës deri në fund të shkurtit arritën në mbi 174 milionë euro

Sipas një komunikate, 174.30 milionë euro është vlera preliminare e remitancave.

Publikuar

nga

Banka Qendrore e Kosovës ka njoftuar se vlera preliminare e dërgesave nga mërgata për muajin shkurt 2024, është 87.90 milionë euro. Sipas një komunikate, 174.30 milionë euro është vlera preliminare e remitancave.

“64.40%, dërgesat përmes IFJB-ve, 312.70 milionë euro, asetet e kompanive të sigurimeve, 2.80 miliardë euro, asetet e fondeve pensionale, 555.20 milionë euro, asetet e ndërmjetësve të tjerë financiar, 60.60%, kreditë e ekonomive familjare, sektori mikrofinanciar, 41.40 milionë euro, kreditë e reja nga ndërmjetësit e tjerë financiarë. Rreth 88 milionë euro është vlera preliminare e dërgesave të mërgatës që janë sjell në Republikën e Kosovës për muajin shkurt 2024”, thuhet në njoftimin e BQK-së.

Sipas raportit, prurjet më të mëdha të remitancave ishin nga institucionet financiare jo-bankare me pjesëmarrje prej 64.4 për qind, pasuar nga kanalet tjera me 19.7 për qind dhe bankat me 15.9 për qind.

Për sa i përket aseteve të kompanive të sigurimit, BQK-ja tregon se deri në këtë muaj vlera e tyre ishte 312.7 milionë euro, duke shënuar rritje prej rreth 600 mijë euro krahasuar me janarin e 2024-së.

Ndërsa asetet e fondeve pensionale kanë arritur vlerën e 2.8 miliardë euro, e cila përfaqëson rritje për 46.5 milionë euro.

Në fund, BQK-ja tregon se asetet e ndërmjetësve tjerë financiar në fund të muajit shkurt 2024 janë rritur për 15.1 milionë euro, duke arritur vlerën e 555.2 milionë eurove.

Vazhdo të lexosh

Të kërkuara