Aktualitet

Parashikimi i motit për 5 ditët në vijim

Published

on

Prishtina Weather bën të ditur se gjatë ditëve në vijim do të kemi mot stabil derisa prej të dielës do të kemi ngritje të temperaturave.

Ditëve në vijim mot stabil, kryesisht me diell, e orëve të pasdites edhe me vranësira. Temperaturat më afër vlerave mesatare. Nga e diela më nxehtë.

21.07.2021 – Periudha e motit jostabil që patëm ditëve të fundjavës, por edhe këtyre dy ditëve të para të javës, përfundoj.  Para kemi mot më të qëndrueshëm, që do të karakterizohet me mot kryesisht me diell, e orëve të pasdites do të ketë edhe zhvillime të vranësirave, por pa mundësi për të reshura.  Në aspektin termik temperaturat do të jenë më afër vlerave mesatare, e tek nga dita e diel, i nxehti afrikan fillon sërish të rrisë temperaturat mbi vlera mesatare.

Indeksi i cilësisë së ajrit do të jetë kryesisht përreth vlerave të pranueshme dhe të mira.

Indeksi i rrezeve UV, në këto ditë me intervale më të gjata me diell, mbetet kryesisht në vlera të larta, por edhe shumë të larta.  E në këto raste preferohet t’i ikim qëndrimit më të gjatë në diell nga ora 10 deri 16.

22.07 – Kryesisht me diell dhe jo aq nxehtë, në mëngjes më freskët.  Pasdite me zhvillime të vranësirave lokale, e në mbrëmje sërish kthjellime.

23.07 – Kryesisht me diell e orëve të pasdites edhe me zhvillime të vranësirave lokale.

24.07 – Kryesisht me diell, e pasdite me vranësira të shpërndara përreth viseve malore, që më vonë mund të sjellin ndonjë rigë lokale shiu.

25.07 – Kryesisht me diell dhe më nxehtë.

26.07 – Shumë nxehtë e kryesisht me diell.  Pasdite vonë përreth viseve malore mundësi për rrebesh shiu.

Temperaturat minimale do të luhaten nga 12C deri 14C, e ditën e hënë shënojnë rritje deri në 16C.  Maksimalet deri të shtunën luhaten ndërmjet 25C e 27C, e të dielën shënojnë rritje deri në 30C, e të hënën i afrohen edhe shkallës prej 35C.

Era do të fryjë e lehtë dhe mesatare kryesisht nga krahu verior 2-10m/s.

Shtypja atmosferike mbetet nën vlera normale edhe ditën e hënë, më pas shënon rritje.

Aktualitet

Fundjavë me shi, ja parashikimi i motit për sot

Published

on

Sot mbi vendin tonë parashihet të jetë një mot i kthjellët.

Por, nuk do të mungojnë as reshjet e shiut të cilat do të shoqërohen me temperatura të larta.

Pranvera filloi me minimale me 6°C kurse maksimalen do ta kemi 14°C. /UBT News/

 

Continue Reading

Bota

Macron: Izraeli nuk ka asnjë arsye që të sulmojë Libanin

Published

on

Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.

Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.

Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.

Continue Reading

Bota

Izraeli sulmon Bejrutin, zbaton formulën diktatoriale

Published

on

Izraeli ka realizuar një sulm ajror mbi periferitë jugore të Bejrutit, duke zbatuar një formulë që kritikët e konsiderojnë si diktatoriale, ku me mbështetje të fuqishme amerikane, ai vepron në territorin libanez pa patur një miratim të drejtpërdrejtë ndërkombëtar. Sipas një raporti nga një gazetar i Al Jazeera, Ushtria Izraelite ka bombarduar zonat e dendura dhe të banuara të qytetit.

Para fillimit të sulmit, ushtria izraelite ka dhënë tre të shtëna paralajmëruese, për të sinjalizuar banorët për rrezikun e afërt. Pasi shpalli alarmin, ushtria ka kërkuar evakuimin e detyruar të qytetarëve, duke u urdhëruar ata që të largohen të paktën 300 metra larg objekteve që Izraeli pretendon se i përkasin Hezbollahut. Sipas raporteve, qindra banorë janë larguar nga zona, duke u përpjekur të shpëtojnë nga sulmet.

Izraeli ka pohuar se sulmet ishin të fokusuara në një magazinë drone të Hezbollahut, por ky veprim ka ngjallur shqetësime të mëdha ndërkombëtare për pasojat e mundshme të rritjes së tensioneve mes Izraelit dhe grupeve të armatosura libaneze. Presidenti i Libanit ka dënuar këto sulme, duke i konsideruar ato si shkelje të drejtpërdrejta të marrëveshjes së armëpushimit, që ndalon përdorimin e forcës nga ana e Izraelit në territorin libanez.

Ky incident është pjesë e një cikli të vazhdueshëm tensionesh mes Izraelit dhe Hezbollahut, ndërsa dy shtetet janë përfshirë në një konflikt të gjatë që ka shkaktuar pasoja të rënda për civilët në rajon.

Continue Reading

Bota

Tërmeti i fuqishëm në Azinë Juglindore, rritet numri i viktimave, spitalet nevojë urgjente për gjak

Published

on

Tërmeti i fuqishëm që goditi Azinë Juglindore mesditën e së premtes ka shkaktuar një tragjedi të madhe, me magnitudë 7.7, duke prekur kryesisht Tajlandën dhe Mianmarin. Dëmet janë të mëdha dhe numri i viktimave po rritet vazhdimisht.

Nga Mianmari raportohet për të paktën 21 të vdekur deri tani. Këto informacione janë dhënë nga organizatat e ndihmës dhe burime lokale në rajonet e Taungo, Bago, Pyavbve dhe Mandalay, ndërsa numri i viktimave pritet të rritet ndërsa vijon operacioni i shpëtimit.

Gjenerali Zaw Min Tun, zëdhënës i juntës ushtarake të Mianmarit, ka njoftuar se në spitalet e vendit po mbërrijnë një numër të madh të plagosurve. Kjo ka çuar në një thirrje urgjente për furnizime me gjak, pasi spitalet po përballen me një ngarkesë të madhe dhe kërkojnë mbështetje.

Në Mianmar, tërmeti ka shkaktuar shembjen e një ure dhe disa ndërtesave, ndërsa në qytetin Aung Ban është rrëzuar një hotel, duke bllokuar shumë njerëz brenda tij. Operacionet e shpëtimit janë në vijim, por situata është shumë e vështirë për shkak të kushteve të kufizuara të informacionit nga ky vend i drejtuar nga një juntë ushtarake.

Përveç Mianmarit, në Bangkok të Tajlandës gjithashtu janë regjistruar dëme të mëdha. Një ndërtesë shumëkatëshe është shembur, duke lënë të bllokuar 43 punëtorë nën rrënoja. Për këtë arsye, kryeministri tajlandez shpalli gjendjen e jashtëzakonshme për qytetin e Bangkokut, ndërsa ekipet e shpëtimit po punojnë pa pushim për të nxjerrë të mbijetuarit.

Sipas të dhënave paraprake të Shërbimit Gjeologjik të SHBA-së dhe qendrës gjermane për shkenca gjeologjike (GFZ), tërmeti ka qenë i cekët, me një thellësi prej vetëm 10 kilometrash, dhe epiqendra e tij ndodhej në Mianmar, duke shtuar kështu rrezikun dhe pasojat për zonat e prekura.

Kjo tragjedi ka sjellë një kërkesë urgjente për ndihma ndërkombëtare, ndërsa autoritetet e të dyja shteteve po bëjnë thirrje për solidaritet dhe mbështetje për të përballuar pasojat e këtij tërmeti shkatërrues.

 

Continue Reading

Të kërkuara