Lajmet nga UBT

Në UBT u mbajt një ngjarje në nder të 16 Ditëve të Aktivizmit kundër Dhunës me Bazë Gjinore

Hajrizi theksoi se grave përmes arsimimit u jepet më shumë mundësi për të siguruar dhe mbrojtur vetveten.

Publikuar

Në nder të 16 Ditëve të Aktivizmit kundër Dhunës me Bazë Gjinore, në Parkun Shkencor Inovativ të UBT-së, në Lipjan, u organizua një ngjarje, me prezencën e rektorit të UBT-së, Prof. Dr. Edmond Hajrizi, Ambasadorit të Suedisë në Kosovë, Jonas Westerlund, dhe ekspertes së politikave publike dhe gjinore, Blerinda Idrizi.

Duke konsideruar se edukimi është thelbi për drejtësinë dhe barazinë gjinore, rektori i UBT-së, Prof. Dr. Edmond Hajrizi theksoi se grave përmes arsimimit u jepet më shumë mundësi për të siguruar dhe mbrojtur vetveten.

“Edukimi është shumë i rëndësishëm në luftën kundër dhunës, veçanërisht kur bëhet fjalë për parandalimin. Kur gratë janë të arsimuara, ato kanë fuqinë të ndjekin ligjet që i mbrojnë ato. Kur ato arsimohen, do të kenë më shumë mundësi për të siguruar jetesën, për të kontribuar në të ardhurat e familjes dhe për të përhapur njohuritë e tyre në të gjithë familjen dhe komunitetin. Ekspertët e dhunës me bazë gjinore arrijnë në përfundim se arsimi është kundërhelmi më i mirë kundër dhunës në familje, veçanërisht dhunës ndaj grave”, ka thënë rektori Hajrizi.

Ambasadori i Suedisë në Kosovë, Jonas Westerlund, ka theksuar se dhuna ndaj grave dhe vajzave është e parandalueshme, dhe se Suedia synon të nxisë një ndjenjë përgjegjësie të papranueshmërisë të status quo-së.

“Dhuna ndaj grave dhe vajzave mbetet shkelja më e përhapur e të drejtave të njeriut në mbarë botën. Pavarësisht nga këto tendenca dekurajuese, ka më shumë prova se dhuna ndaj grave dhe vajzave është e parandalueshme. Format e ndryshme të dhunës ndaj grave dhe vajzave nuk janë të pashmangshme. Ato mund dhe duhet të parandalohen. Suedia synon të nxisë një ndjenjë përgjegjësie që nuk zbehet dhe një njohje të re të papranueshmërisë të status quo-së. Të parandalosh dhunën përpara se ajo të ndodhë ose të përsëritet do të thotë që puna jonë duhet të demonstrojë dhe të mësojë se çfarë është pabarazia dhe se si ekzistenca e saj e vazhdueshme po e pengon përparimin”, ka theksuar ambasadori Westerlund.

Ekspertja e politikave publike dhe gjinore, Blerinda Idrizi, potencoi se institucionet në Kosovë kanë mekanizma, të cilat luajnë një rol të veçantë në barazinë gjinore dhe janë një gjetje e dobishme shtetërore që shumë vende të tjera nuk i kanë.

“Kosova ka mekanizma gjinorë, si; komisioni parlamentar për të drejtat e njeriut dhe barazisë gjinore, ka agjencinë për barazi gjinore, ka avokatin e popullit që merret vetëm me çështjet e barazisë gjinore dhe është një gjetje shumë e dobishme dhe efektive. Në çdo komunë dhe ministri keni zyrtaren për barazi gjinore. Këto janë pikat e forta të Kosovës, që vendet e tjera nuk i kanë”, është shprehur Idrizi.

Kjo ngjarje vazhdoi me sesionin e diskutimit me studentët e UBT-së dhe eksperten e politikave publike dhe gjinore, Blerinda Idrizi, duke shtjelluar gjerësisht problematikat që shfaqen në realizimin e barazisë gjinore dhe praktikat më të mira për parandalimin dhe eliminimin e tyre.

Lajmet nga UBT

UBT i vetmi institucion në Kosovë që ofron ‘Double Degree’ me Sapienza University of Rome

Në një bashkëpunim të ndritur, UBT dhe Sapienza University of Rome sjellin një marrëveshje inovative që hap dyert e studimeve për studentët kosovarë.

Publikuar

nga

Cilësi, inovacion dhe ndërkombëtarizim, UBT shënon një hap të rëndësishëm drejt arsimit të lartë me një lajm të rëndësishëm për studentët e saj. Duke qenë zgjedhja e parë e studentëve, UBT bëhet institucioni i vetëm në Kosovë që ofron mundësinë e marrjes së një ‘Double Degree’ me një nga universitetet më prestigjioze në Evropë, Sapienza University of Rome.

Në një bashkëpunim të ndritur, UBT dhe Sapienza University of Rome sjellin një marrëveshje inovative që hap dyert e studimeve për studentët kosovarë. Me një histori të ndritur që fillon qysh në vitin 1303, Sapienza është një nga institucionet më të vjetra dhe më të mëdha në Evropë. Tani, studentët e UBT-së do të kenë mundësinë e një eksperience të studimit në këtë universitet të shquar me një kosto të përballueshme.

Me një reputacion të lartë në arenën ndërkombëtare, Sapienza University of Rome shquhet në top-listat e universiteteve më të mira në botë. Ajo renditet nën 150 universitetet më të mira sipas QS World University Rankings, #181 sipas Times Higher Education – World University Rankings, dhe në 101 universitetet e para sipas Academic Rankings of World Universities.

Në thelb të kësaj marrëveshjeje është mundësia e fituar për studentët e Inxhinierisë së Agrikulturës dhe Mjedisit për të marrë dy diplomat e njohura nga dy institucione të shquara. Regjistrimet janë në prag të hapjes, kështu që studentët janë ftuar të mos humbasin këtë mundësi të rrallë për të filluar rrugëtimin e tyre të arsimit të lartë në Romë!

Kjo përvojë e jashtëzakonshme ofron jo vetëm një rritje në njohuritë akademike, por edhe një ekspozim ndërkombëtar të pasur, duke hapur horizonte të reja për të ardhmen e studentëve të UBT-së. Së bashku me Sapienza University of Rome, UBT vazhdon të përforcojë qëllimin e saj për të siguruar një arsim të lartë të përshtatshëm me kërkesat dhe mundësitë e botës së sotme.

 

Vazhdo të lexosh

Lajmet nga UBT

UBT – model i inovacionit dhe transformimit të arsimit të lartë në Kosovë dhe rajon

UBT është më shumë se një institucion arsimor; është një mision, një vizion për të ardhmen e arsimit dhe shoqërisë në tërësi.

Publikuar

nga

Në një epokë ku inovacioni dhe qëndrueshmëria janë sfidat kryesore të shoqërisë globale, UBT në Kosovë po vazhdon të dëshmohet si një institucion udhëheqës në fushën e arsimit të lartë.

Me arritje të jashtëzakonshme në fushën e inovacionit, cilësisë dhe përkushtimit ndaj qëndrueshmërisë mjedisore, UBT është shndërruar në një model të transformimit dhe zhvillimit në Kosovë dhe rajon.

Një nga arritjet më të shquara të UBT-së është renditja në mesin e Top 200 universiteteve më të mira në botë për luftën ndaj Ndryshimeve Klimatike nga GreenMetric World University Ranking 2023. Kjo vërteton përkushtimin e UBT-së në promovimin e kampuseve të gjelbra dhe praktikave të qëndrueshme mjedisore, duke u bërë një model për institucionet e arsimit të lartë në nivel global.

Krahas universiteteve më prestigjioze në botë, UBT është ranguar për inovacion dhe për revolucionin e katërt industrial në WURI. Këtë vit, ranglista botërore e universiteteve prestigjioze, SCImago, ka ranguar UBT-në si institucionin më të mirë dhe të vetmin në arsimit e lartë privat në mbarë trojet shqiptare.

UBT është në vazhdimësi në kërkim të një inovacioni të qëndrueshëm, të cilin e përmirëson përmes investimeve në teknologji dhe përmes projekteve inovative të cilat ofrojnë zgjidhje për sfidat bashkëkohore.

Renditja e UBT-së si institucioni i dytë në Kosovë dhe i treti në trojet shqiptare për numrin e citimeve të publikimeve të stafit në platformën “Webometrics” dëshmon për cilësinë e lartë të kërkimit shkencor dhe kontributin e UBT-së në fushën e dijes dhe inovacionit. Përveç kësaj, ngritja prej 3 mijë vende në renditjen e Institucioneve të Arsimit të Lartë për vitin 2024 dhe renditja e UBT-së në mesin e nëntë kompanive më të mira në botë për cilësi nga EFQM tregon nivelin e lartë të performancës dhe cilësisë së institucionit.

Duke u krahasuar me kompanitë globale të njohura, UBT ka dëshmuar nivelin e saj të lartë të cilësisë dhe përkushtimit ndaj standardeve të larta. UBT është dëshmuar edhe në fushën e sipërmarrësisë dhe inovacionit, duke fituar çmimin “Europian Young Entrepreneurial University of the Year” nga Triple E Awards në Barcelona të Spanjës. Ky çmim vërteton përkushtimin e UBT-së në promovimin e sipërmarrësisë dhe inovacionit si pjesë integrale e përparimit të shoqërisë dhe zhvillimit të ekonomisë.

UBT është vlerësuar edhe për impaktin e saj pozitiv në shoqëri, duke u renditur në nivel të lartë në Edicionin e Vlerësimit të Ndikimit Pozitiv 2021 dhe duke u ranguar në mesin e universiteteve më të mira në botë nga Times Higher Education. Kjo tregon se UBT nuk është vetëm një institucion i arsimit të lartë, por një shtyllë kryesore e ndryshimit dhe inovacionit në shoqërinë kosovare dhe mbarë rajonin.

Me këto arritje të jashtëzakonshme dhe përkushtimin e vazhdueshëm ndaj inovacionit, cilësisë dhe qëndrueshmërisë, UBT vazhdon të shkëlqejë si një institucion i cili bën dallimin në botën e arsimit të lartë dhe është një burim frymëzimi për të gjithë bashkësitë e arsimit të lartë në Kosovë dhe mbarë rajonin.

UBT është më shumë se një institucion arsimor; është një mision, një vizion për të ardhmen e arsimit dhe shoqërisë në tërësi.

Vazhdo të lexosh

Lajmet nga UBT

Tryezë shkencore në UBT: Kabaja si simbol dhe identitet

Moderatori i kësaj tryeze shkencore do të jetë Krenar Doli, një personalitet i njohur në fushën e muzikologjisë dhe kulturës shqiptare.

Publikuar

nga

Në Universitetin e Biznesit dhe Teknologjisë (UBT) në Prishtinë, më datë 29 mars 2024, ora 11:00, do të zhvillohet tryeza shekncore me temë “Kabaja-Simbol dhe identitet i muzikës tradicionale shqiptare”.

Moderatori i kësaj tryeze shkencore do të jetë Krenar Doli, një personalitet i njohur në fushën e muzikologjisë dhe kulturës shqiptare. Fjala e hapjes do të mbahet nga Profesori Blerim Emerllahu, i cili jo vetëm është drejtor i Internacional Kosova Clarinet Festival, por gjithashtu është edhe profesor i njohur i klarinetës në UBT.

Programi i kësaj tryeze shkencore është i pasur me prezantime të rëndësishme nga ekspertë të fushës, duke përfshirë, Aleksandër Peçi, një mjeshtër i njohur për kontributin e tij në studimin e muzikës tradicionale shqiptare, do të shpalosë temën e kabajës, sazet dhe sazeologjisë.

Bekim Ramadani, përfaqësues nga Fakulteti i Muzikës në Universitetin e Tetovës, do të ofrojë një vështrim të thellë në rolin dhe trashëgiminë e klarinetistëve shqiptarë në Maqedoninë e Veriut dhe në kultivimin e formës muzikore. Fatos Qerimaj, nga Fakulteti i Muzikës në Universitetin e Arteve në Tiranë, do të analizojë fenomenin muzikor frymezues të kabajës dhe impaktin e saj në kulturën popullore shqiptare. Fatmir Lela, një emër i njohur në fushën e muzikës tradicionale, do të përqendrohet në përshkrimin e legjendës së klarinetës shqiptare, duke përfshirë edhe figurën e njohur të Remzi Lelës. Krenar Doli, nga Instituti Albanologjik në Prishtinë, do të paraqesë një analizë të thellë mbi laverin, çobanin dhe lulushin – tre kapedanët e klarinetës shqiptare, duke i shqyrtuar ato në kontekstin e trashëgimisë kulturore dhe artistike.

Pas prezantimeve, pritet të ketë një sesion diskutimesh ku pjesëmarrësit do të kenë mundësi të shprehin mendimet dhe pikëpamjet e tyre në lidhje me temat e paraqitura dhe të ndajnë përvojat e tyre në fushën e muzikologjisë dhe artit shqiptar.

Vazhdo të lexosh

Lajmet nga UBT

Studentët e UBT-së përfaqësojnë me sukses Kosovën në konkursin e arkitekturës në Barcelonë

Beniila Marevci, Hazbi Kryeziu, Altin Gojani, Dren Nishliu, Diana Deda, Anita Nika, dhe Edita Shukriu janë pjesë e ekipit triumfues që përfaqësoi Kosovën me krenari në këtë konkurs prestigjioz.

Publikuar

nga

Studentët e Fakultetit të Arkitekturës dhe Planifikimit Hapësinor në UBT, nën mentorimin e Prof. Dr. Mimoza Sylejmani dhe Prof. Dr. Lulzim Beqiri, kanë fituar vëmendjen e botës së arkitekturës duke u shpallur si një nga vendet më të suksesshme në konkursin vjetor të Young Talented Architects (YTA) në Barcelonë.

Beniila Marevci, Hazbi Kryeziu, Altin Gojani, Dren Nishliu, Diana Deda, Anita Nika, dhe Edita Shukriu janë pjesë e ekipit triumfues që përfaqësoi Kosovën me krenari në këtë konkurs prestigjioz.

Me projekte tërheqëse dhe inovative, studentët kosovarë treguan potencial të jashtëzakonshëm dhe njohuri të thella në fushën e arkitekturës. Në një konkurs me përfaqësues nga 27 shtete të ndryshme, ata u dalluan për aftësitë e tyre dhe për kontributin kyç në zgjidhjen e sfidave të paraqitura.

Ky sukses i paparë do të ndikojë në frymëzimin e të rinjve të Kosovës dhe në ngritjen e tyre akademike dhe profesionale. Përveçse paraqitjes tejet profesionale në skenën ndërkombëtare, ata po ndryshojnë stereotipet dhe po promovojnë potencialin e vendit tonë në skenën botërore.

Përmes kësaj përvoje të jashtëzakonshme, studentët treguan vlerën e arsimit të lartë në Kosovë dhe po bëjnë thirrje për më shumë investime dhe përkrahje për të rinjtë që ndërtojnë një të ardhme të ndritur për vendin tonë.

Vazhdo të lexosh

Të kërkuara