

Kulturë
Megan Fox ka hequr dorë nga alkooli pas intervistës së çuditshme në Golden Globes 2009
Published
4 years agoon
By
Betim GashiMegan Fox kuptoi që flet më shumë seç duhet kur është nën efektin e alkoolit, ndaj pas komenteve të çuditshme në Golden Globes 2009, nuk pi më.
Në një intervistë të fundit me Who What Wear, Fox përmendi edhe tapetin e kuq të Golden Globes dhe deklaratat e saj të diskutueshme të asaj nate.
“Unë isha ulur në një tavolinë me Blake Lively dhe tre vëllezërit Jonas. Në Golden Globes ata gjithmonë vendosnin shishe gjigante të shampanjës Moët në tryezë – unë piva shumë gota atë natë. Tani nuk pi dhe kjo është arsyeja pse, unë isha agresive dhe thashë broçkulla që nuk do t’i kisha thënë kurrë në tapetin e kuq në atë mënyrë. Unë mendoj se kam pasur shumë telashe për çdo gjë që kam thënë. Nuk e mbaj mend pse, por di që kam pasur.”


Në një video të marrë nga TMZ, Megan i referohet intervistës me ish-moderatoren e E!, Guliana Rancic. Pasi Rancic e quan Megan “të bukur”, ajo përgjigjet duke thënë, “Jam e sigurt që jam sozi e Alan Alda. Jam trans. Jam një burrë. Jo, jam e tmerruar nga pasiguria dhe jam gati për të vjellë tani. Jam kaq e tmerruar që jam këtu dhe jam në siklet dhe e frikësuar.”

Fox gjithashtu tha se “donte gjoksin e Salma Hayek” dhe shtoi se i dashuri i atëhershëm (ish-burri) Brian Austin Green nuk donte ta shoqëronte sepse “ai është burrë, ka ego”. “Nuk besoj se po e sheh eventin. Mendoj që po merret me muzikë. Atij nuk i intereson,” tha Megan.
Përpos kësaj, e pyetur për belin e hollë, ajo bëri shaka duke thënë se nuk ka ngrënë shumë për një muaj, pastaj theksoi se bën pilates intensive.
Shumë e qartë pse nuk pi më alkool!
You may like
Kulturë
Fitnete Rexha përkujtohet sot në 92 vjetorin e lindjes
Published
59 minutes agoon
April 3, 2025
Fitnete Rexha, “Artiste e Merituar” tiranase e lindur më 3 prill të vitit 1933. Një ndër këngëtaret më të shquara të muzikës popullore të Shqipërisë së mesme, kryesisht të muzikës popullore qytetare tiranase.
Fitnetja bie në kontakt me traditën e muzikës popullore qytetare tiranase në familjen e saj. Vajza më e vogël e Bab Rexh Delisë “Hero i Popullit”, familja krutane e të cilit njihet për vlerat e traditës, kultivonte prej shumë brezash këngën popullore.
Rreth moshës 15 vjeçare këndon dhe regjistron këngët e para popullore në Radio-Tirana nën shoqërinë e grupit orkestral të Shqipërisë së mesme të drejtuar nga Muharrem Gura ( 2000) dhe Skënder Reka.
Orkestrina përbëhej nga muziktarët Skënder Reka-fisarmonikë, Liu i Nushit dhe Çerçiz Mehmeti-violinë, Reshit Shehu-dajre, Mustafa Zyberi-klarinetë, Riza Selita-kontrabas, Emil Miloti dhe Fadili i Ansamblit të Ushtrisë në kitarë. Fillimisht fillon punë si këngëtare në Estradën e Tiranës, aktiviteti i saj si këngëtare u zhvillua pranë A.K.V.P-së në Tiranë deri në daljen në pension në vitin 1981.
Ka regjistruar rreth 200 këngë popullore të Shqipërisë së Mesme e gjenden kryesisht pranë Radio-Tiranës.
Akademik. Prof. Çesk Zadeja ka thënë se sa herë të dëgjohet kënga popullore e Shqipërisë së Mesme, gjithmonë do të kujtohet këngëtarja Fitnete Rexha. Është, e pamundur të gjesh një vend si Shqipëria e viset tjera etnike, ku të kenë mbetur kaq origjinale, kaq te dashura dhe të ruajtuara pastër, vlerat e vërteta të këngës, melodisë e valles popullore, shqipe.
Pasi, siç dihet gjatë asaj periudhe të egër degraduese për artin e muzikën, gati gjysëm shekulli të sundimit komunist në Shqiperi e në viset e tjera etnike shqiptare, pësoj ç’do këngë popullore, melodi e valle. Asgjë, nga kjo gjini nuk i shpëtoj realizmit socialist, ku në gjithçka do të “ngjyhej” pak ose shumë, me emrin e diktatorit, ose ‘parrullat’ dhe ‘vepra e partisë’.
Një ndër ato ishte edhe kënga e Fitnete Rexhës, e cila megjithatë thuhet se ruante të pastra e origjinale notat e melodinë mozikore tradicionale të Shqipërisë së Mesme.
Vite më parë në një lagje emigrantësh në Brooklyn, Bensonhurst, gazeta kombëtare Bota sot, mësoi se si mysafire e mergatës shqiptare, kishte ardhur tek djali i saj, Arben Rexha, për vizitë këngëtarja e Shqipërisë së Mesme.
Fitnete Rexha, vdiq nga një sëmundje e rëndë, në gusht të vitit 2003.

Aktorja e njohur Jennifer Lawrence ka sjellë në jetë fëmijën e saj të dytë me bashkëshortin Cooke Maroney.
Çifti, i cili u martua në tetor të vitit 2019, janë tashmë prindër edhe të një djali 3-vjeçar të quajtur Cy.
Lajmi u konfirmua pasi Lawrence dhe Maroney u panë duke shëtitur së bashku në New York City më 31 mars, pas lindjes së foshnjës së tyre.
Kulturë
Ikona e teatrit dhe kinematografisë shqiptare, Margarita Xhepa, ndërron jetë në moshën 91 vjeçare
Published
2 hours agoon
April 3, 2025By
UBT NEWS
U nda nga jeta aktorja e njohur, ikona e kinematografisë shqiptare, Margarita Xhepa. Vetëm një ditë më parë, Margarita Xhepa mbushi 91 vjeç. Me një karrierë që mbulon dekada të tëra dhe një trashëgimi të paharruar në botën e teatrit dhe kinemasë, ajo ka lënë një shenjë të thellë në historinë e artit shqiptar.
Nderi i Kombit, Margarita Xhepa ishte një artiste që i dha jetë dhe përjetësoi një sërë personazhesh, të cilat janë skalitur në kujtesën e miliona shqiptarëve, duke u bërë një simbol i vlerave artistike dhe shprehës i thellësisë emocionale të dramës shqiptare.
Margarita Xhepa, një nga zonjat më të mëdha të teatrit dhe filmit shqiptar, ka krijuar mbi 150 role në teatër dhe 32 role në kinematografi gjatë karrierës së saj të shkëlqyer. Karriera e saj ishte një udhëtim i pasur me sukses, ku ajo spikati jo vetëm për talentin e saj të jashtëzakonshëm, por edhe për pasionin dhe përkushtimin ndaj artit.
Aktorja lindi më 2 prill 1934 dhe filloi karrierën e saj artistike në Estradën e Shtetit, për të kaluar më pas në Teatrin Popullor, ku do të niste shpalosjen e aftësive të saj të jashtëzakonshme. Një prej roleve të saj më të njohura ishte ai i Ofelisë në tragjedinë shekspiriane “Hamleti”, e cila u vënën në skenë në vitin 1960 nga regjisori rus Bortko. Ky rol ishte një ndër më të spikaturit dhe e ngjiti aktoren në majat e suksesit.
Në vitin 2007, për rolin e saj të paharrueshëm si Nadjezhnë në monodramën “Kënga e mjellmës” të Çehovit, Margarita Xhepa u nderua me “Çmimin e Karrierës”, një vlerësim që pasqyronte nivelin e saj të lartë artistik dhe dedikimin e saj ndaj teatrit. Disa prej personazheve që ajo interpretoi me mjeshtri dhe profesionalizëm janë Zyraka te “Vitet e para” (1965), Shano te “Dimri i fundit” (1976), pianistja te “Koncert në vitin 1936” (1978) dhe Lena te “Tokë e përgjakur” (1976), secili prej tyre i paharruar për gjithë ata që e ndjekin teatrin dhe kinemanë shqiptare.
Në karrierën e saj, Margarita Xhepa ka marrë gjithashtu titullin “Artiste e Popullit”, një çmim që pasqyron kontributin e saj të jashtëzakonshëm në zhvillimin e artit teatral dhe kinematografik në Shqipëri.
Lamtumira e Margarita Xhepës është një humbje e madhe për artin shqiptar, por ajo do të mbetet përjetësisht e pranishme në kujtesën e publikut dhe në çdo shfaqje të pashlyeshme që ajo ka krijuar. Ikona e teatrit dhe kinemasë shqiptare, me talentin dhe pasionin e saj, do të jetë gjithmonë një shembull frymëzues për brezat që do të vijnë./UBTNews/
Magazinë
“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet
Published
4 hours agoon
April 3, 2025Këngëtarja shqiptare me famë botërore, Bebe Rexha, ka publikuar së fundmi disa fotografi në llogarinë e saj në Instagram, ku shfaqet elegante e veshur në të zeza, teksa festonte Bajramin me familjarët e saj në New York.
E ndodhur në shtëpinë e prindërve, artistja ka vendosur të shfletojë arkivat e fëmijërisë, duke zbuluar një ese të shkruar nga vetë ajo kur ishte vetëm nëntë vjeçe.
Me nostalgji, Bebe e ndau këtë dokument të veçantë me ndjekësit e saj, duke treguar sesi e shihte veten dhe pasionet e saj në atë kohë.
Në esenë e saj shkruhet:
“Emri im është Bleta Rexha. Jam nëntë vjeçe. Më pëlqejnë sportet. Sportet që më pëlqejnë janë hokej, bejsboll, basketboll, patinazh, futboll, volejboll, gjimnastikë. Më pëlqen të këndoj opera dhe këngë pop. Hobet e mia janë këndimi, pikturimi, vizatimi, leximi dhe luajtja e lojërave me letra. Sezoni im i preferuar është dimri. Më pëlqen Halloween-i, por jo shumë, sepse nëse ha shumë karamele, ndihesh keq. Ushqimet e mia të preferuara janë pizza, tacos, pure patatesh, patate të skuqura, copëza pule, makarona, veçanërisht mishi, orizi, lazanja dhe pierogit. Pija ime e preferuar është uji. Më pëlqen të dëgjoj muzikë nga radioja kudo që të jem! Kaq për mua”.

Kapet një grup shtetasish serbë duke kaluar ilegalisht kufirin në Dobrosin-Stublinë

Hapet thirrja për aplikim për subvencione në bujqësi

Numri i të vdekurve nga tërmeti në Mianmar kalon 3000

Mali i Zi mohon se ka lobuar në Interpol për Milorad Dodik

Apple mund të prezantojë iPad Pro dhe MacBook Pro me procesor M5

Nuk përmbahet Mourinho pas eliminimit, kap për hunde trajnerin kundërshtar

Kosova ngritet për dy pozita në renditjen e FIFA-s

Hungaria tërhiqet nga Gjykata Ndërkombëtare Penale pas vizitës së kryeministrit izraelit

Netanyahu viziton Hungarinë pavarësisht urdhërarrestit
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë