Aktualitet

Islami: Personat që s’i njohin paratë bien pre e falsifikuesve

Islami: Personat që s’i njohin paratë bien pre e falsifikuesve, kamerat e sigurisë mund t’i identifikojnë kryerësit.

Published

on

Paratë e falsifikuara në tregun e Kosovës çdo ditë e më shumë po shtohen, duke bërë që pre e kartëmonedhave false të bien persona të cilët nuk e njohin dhe nuk e identifikojnë atë, raporton Ekonomia Online.

Kjo dukuri për ekspertin e sigurisë, Avni Islami nuk mund të shihet si faktor destabilizues në fushën e ekonomisë.

Islami për Ekonomia Online ka thënë se pika e parë ku duhet të fillojnë hetimet janë kur ato të bien në duart e qytetarëve, e më pastaj të zgjerohet hetimi.

“Falsifikimi i kartëmonedhave nuk është diçka e re. Jo vetëm në vendin tonë por edhe në vendet e tjera është problematikë, por që për fat të mirë në momentin kur bëhet lëshimi i kartëmonedhave të falsifikuara, logjistika dhe inteligjenca e bëjnë të mundur që të identifikohen ato. Nuk shohë ndonjë destabilizim në fushën ekonomike për shkak që lëshohen disa kartëmonedha sepse ato identifikohen shpejtë dhe nuk mendoj që është ndonjë problem i madh, për shkak që të gjithë janë të interesuar që mos të ketë qarkullim të atyre monedhave dhe të mos dëmtohet konsumatori, qytetari dhe bankat”, tha Islami.

“Zakonisht pre e kartëmonedhave false bien persona të cilët nuk e njohin dhe nuk e identifikojnë atë, pra qytetarët shumë shpejt mund të bien deri tek kartëmonedha false dhe ajo është pika e parë ku duhet të fillojnë hetimet dhe pastaj të vazhdojë tutje. Nuk duhet të shqetësohen qytetarët pse mund të bien viktimë e një kartëmonedhe false por uroj që kartëmonedha të jetë e vogël e jo 200 euro apo 500 euro të cilat zakonisht bëhen më rrallë. Edhe qytetari i rëndomtë mund ta identifikojë kartëmonedhën përmes formave të ndryshme, se a është false apo jo sepse dihen kartëmonedhat false , ku janë disa pjesë të strukturuara brenda kartëmonedhës që nuk mund të bëhen për shkak të materialit dhe densitetit që duket brenda kartëmonedhës”, ka thënë Islami për EO.

Ai shtoi se falë avancimit të teknologjisë dhe kamerave të sigurisë shumë shpejt identifikohen dhe eliminohen e pastaj fillon ndjekja e personave të cilët i kanë lëshuar para të tilla.

“Në momentin kur paratë identifikohen e sidomos kur vinë deri tek banka që bënë mbledhjen e tyre, shumë shpejt identifikohen dhe eliminohen pastaj fillon ndjekja e personave të cilët i kanë lëshuar ose përdorur çoftë me qëllim apo pa qëllim, ku njerëzit mund të bien në lajthitje me ato kartëmonedha, por që duke iu falënderuar kompjuterëve e kamerave të sigurisë në atë drejtim organet e sigurisë në shumicën e rasteve dhe shumë shpejt bëhet identifikimi i atyre që e kanë keqpërdor monedhën false”, tha Islami për Ekonomia Online.

Continue Reading

Lajmet

Ish-deputetët austriakë vizitojnë UBT-në

Published

on

Një grup i ish-deputetëve të Parlamentit Federal të Austrisë, bashkë me politikanë dhe ekspertë të angazhuar në fushën e arsimit dhe çështjeve sociale, vizituan Parkun Shkencor, Inovativ dhe Teknologjik të UBT-së.

Rektori i UBT-së, Prof. Dr. Edmond Hajrizi, e mirëpriti delegacionin dhe theksoi rëndësinë e vazhdimit të bashkëpunimit me universitetet austriake, duke u angazhuar për të forcuar edhe më tej lidhjet akademike dhe shkencore. Ai gjithashtu falënderoi për ndihmën dhe mbështetjen që Austria ka ofruar për zhvillimin e arsimit dhe kërkimit në Kosovë.

Delegacioni austriak ishte i udhëhequr nga prof. Josef Höchtl dhe përfshinte personalitete të rëndësishme si dr. Ernst Wurz, Stefanie Zobl, dhe Franz Fuchs, ndërsa takimi u zhvillua në praninë e drejtuesve të UBT-së, si dhe të stafit akademik dhe administrativ të universitetit.

Delegacioni u informua për sukseset dhe arritjet e UBT-së, si institucioni më inovativ në Kosovë, që ka një pozicion të fortë si lider në fushën e arsimit dhe kërkimit shkencor, si dhe për angazhimin e tij në zhvillimin e teknologjisë dhe bizneseve inovative.

Continue Reading

Lajmet

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Lajmet

Profesori i UBT-së, Gazmend Ejupi, i ftuar në pritjen mbretërore të Mbreti Charles III për ekonominë krijuese

Published

on

Më 21 tetor 2025, profesori i Fakultetit të Artit dhe Medias Digjitale në UBT, Gazmend Ejupi, mori pjesë në një ngjarje të veçantë, me ftesë të British Council, organizuar në nder të Ekonomisë Krijuese të Ballkanit Perëndimor. Pritja u zhvillua nga Madhëria e Tij, Mbreti Charles III, në një atmosferë solemne dhe prestigjioze, ku u promovuan iniciativat që mbështesin krijimtarinë, artin dhe inovacionin në rajon.

Për profesor Ejupin, ky moment kishte një domethënie të veçantë personale. Si ish-banues i Londrës për 20 vite, ai u ndje i lidhur ngushtë me qytetin dhe kulturën britanike, duke shijuar një përvojë që ndërthurte kreativitetin, rrjetëzimin profesional dhe njohjen ndërkombëtare. Pjesëmarrja e tij thekson edhe njëherë kontributin e Kosovës në fushën e ekonomisë krijuese dhe artit digjital.

Gjatë pritjes, përfaqësues të artit, medias, teknologjisë dhe sektorit krijues nga e gjithë Ballkani Perëndimor patën mundësinë të ndajnë eksperiencat e tyre, të diskutojnë sfidat dhe mundësitë e zhvillimit të ekonomisë krijuese dhe të ngrenë bashkëpunime të reja ndërkufitare.

Continue Reading

Lajmet nga UBT

Rindërtimi pas konfliktit: Ekspertët e UBT-së prezantojnë sukseset e Kosovës në Pragë

Published

on

Profesori Lulzim Beqiri dhe profesori Bekim Ceko nga Fakulteti i Arkitekturës dhe Planifikimit Hapësinor në UBT morën pjesë në konferencën ndërkombëtare “Towards Sustainable Reconstruction of Ukraine Cities”, të organizuar nën drejtimin e profesoreshës Vladimira Silhankova nga MIAS (Masaryk Institute for Advanced Studies) në kuadër të Czech Technical University në Pragë.

Konferenca kishte për qëllim identifikimin e sfidave të rindërtimit në Ukrainë pas përfundimit të konfliktit dhe hartimin e strategjive zhvillimore nga ekspertë ndërkombëtarë dhe vendore. Në këtë forum morën pjesë përfaqësues të universiteteve nga Çekia, Polonia, Sllovakia, Austria, Finlanda dhe Gjermania, si dhe universitete nga Ukraina, duke krijuar një platformë të rëndësishme për shkëmbimin e përvojave dhe ideve në fushën e rindërtimit urban dhe zhvillimit të qëndrueshëm.

Pjesëmarrja e Kosovës në këtë konferencë ishte veçanërisht e rëndësishme, pasi profesori Beqiri dhe profesori Ceko ndanë eksperiencat e vendit tonë në rindërtimin pas luftës. Ata prezantuan modele të strategjive të zhvillimit urban dhe praktika të suksesshme të projektimit dhe planifikimit hapësinor, të cilat mund të shërbejnë si shembull për Ukrainën në procesin e saj të rindërtimit.

Profesorët e UBT-së theksuan rëndësinë e bashkëpunimeve ndërkombëtare në fushën e urbanistikës dhe arkitekturës, duke vënë në pah se përvoja e Kosovës mund të ofrojë mësime të vlefshme për vendet që kalojnë periudha të vështira pas konflikteve. Konferenca gjithashtu shërbeu si një mundësi për rrjetëzim dhe zhvillimin e projekteve të përbashkëta akademike mes universiteteve të Evropës dhe Ukrainës.

Pjesëmarrja e profesorëve të UBT-së në këtë forum ndërkombëtar nënvizon angazhimin e institucionit për të kontribuar në diskutime globale mbi rindërtimin e qyteteve, zhvillimin urban të qëndrueshëm dhe bashkëpunimin shkencor ndërkufitar.

Continue Reading

Të kërkuara