Aktualitet

Gratë afgane protestojnë në Kabul për të drejtat e tyre

Published

4 years ago

on

Ndërsa thuhet se punonjësve femra në Kabul iu tha të qëndrojnë në shtëpi, disa organizuan një protestë kundër kufizimeve të fundit ndaj grave nga qeveria e re talibane. Disa gra afgane u mblodhën në Kabul të dielën për të kërkuar të drejtën për të punuar dhe studiuar nën qeverinë e re.

Që nga kthimi i talibanëve në pushtet pas një lufte dy-dekadëshe, militantët fundamentalistë kanë nxjerrë rregulla kufizuese mbi edukimin e vajzave dhe pjesëmarrjen e tyre në jetën publike. Dhjetëra gra protestuan jashtë ambienteve të asaj që dikur ishte Ministria Afgane e Çështjeve të Grave, derisa talibanët e shndërruan atë në departamentin për përhapjen e virtytit dhe parandalimin e veseve.

“Një shoqëri në të cilën gratë nuk janë aktive është një shoqëri e vdekur,” shkruante në një tabelë ndërsa protestuesit thërrisnin, “të drejtat e grave dhe të drejtat e njeriut”.

Sipas agjencisë së lajmeve Associated Press, kryetari i përkohshëm i talibanëve në Kabul, Hamdullah Namony deklaroi të dielën se punonjëset femra janë urdhëruar të qëndrojnë në shtëpi, në pritje të një vendimi të tjetër. Namony tha se bëhen përjashtime për gratë që nuk mund të zëvendësohen nga burrat.

Grave në disa zona në Afganistan u është thënë të qëndrojnë në shtëpi nga punët e sektorit publik dhe privat. Por talebanët nuk kanë shpallur ende një politikë uniforme ndaj punës së grave, raporton DeutscheWelle, transmeton Klankosova.tv.

Deri më tani, ata i kanë ndaluar vajzat të ndjekin shkollën e mesme dhe kanë udhëzuar universitetet që të ndajnë klasat sipas gjinisë. Talibanët gjithashtu në kabinetin e ri afgan nuk emëruan gra në postet ministrore. Qindra gra kanë dalë në rrugë për të protestuar kundër këtyre kufizimeve gjatë muajit të kaluar. Demonstratat e tyre kryesisht janë përballur me forcë nga luftëtarët talibanë.

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

15 minutes ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Bota

Bombardimet e sotme në Gaza, vriten 11 persona, 20 rezultojnë të zhdukur

Published

15 minutes ago

on

September 9, 2025

By

Të paktën 11 persona janë vrarë dhe mbi 20 rezultojnë të zhdukur pas sulmeve ajrore izraelite në Rripin e Gazës që nga agimi i ditës së sotme.

Sipas Al Jazeera, sulmet kanë shkaktuar shkatërrime të mëdha dhe rritje të shqetësimeve për gjendjen humanitare në rajon./D.B/EO

Continue Reading

Lajmet

Kosova mposht Suedinë në stadiumin “Fadil Vokrri”

Published

18 minutes ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Bota

Humbin jetën të paktën 8 persona pasi Treni përplaset me autobusin në Meksikë

Published

2 hours ago

on

September 9, 2025

By

Të paktën 8 persona kanë vdekur kur një tren u përplas me një autobus pasagjerësh me dy kate në Meksikë duke lënë të plagosur të paktën edhe 45 të tjerë, tha Mbrojtja Civile e Shtetit të Meksikës.

Aksidenti ndodhi në një autostradë në komunën Atlacomulco, sipas autoriteteve shtetërore, shkruan CNN.

Trafiku është i mbyllur në të dyja drejtimet për të lejuar shërbimet e emergjencës të reagojnë.

Shkaku i përplasjes nuk dihet ende./S.K/KP/CNN/

Continue Reading

Të kërkuara