

Bota
Eshtrat e hipopotamëve provojnë se shkretëtira arabe dikur ishte e gjelbëruar
Published
4 years agoon
By
UBT newsShkencëtarët kanë zbuluar mbetjet fosile të një hipopotami në Gadishullin Arabik, duke vërtetuar se toka e thatë dikur ishte me gjelbërim dhe plot biodiversitet.
Mostrat e gjetura tregojnë mbetje nga një numër kafshësh trup mëdha që do të kishin nevojë për ujë dhe kullota në mënyrë që të mbijetonin.
Mbetjet u gjetën krahas veglave prej guri që u përdorën për herë të parë nga njerëzit deri në 400.000 vjet më parë në shkretëtirën Nefud, në veri të gadishullit.
Ku qëndron rëndësia e Gadishullit Arabik?
Gadishulli Arabik është më i madhi në botë, dhe shtrihet në mbi 3 milion kilometër. Ai përfshin Jemenin, Katarin, Arabinë Saudite, Emiratet e Bashkuara Arabe, Omanin, Kuvajtin dhe pjesë të Irakut dhe Jordanisë.
Deri sot nuk është eksploruar sa duhet në lidhje me rolin historik që Gadishulli Arabik luajti në migrimin e njerëzve dhe kafshëve më të hershme në botë.
Shkencëtarët e kanë konsideruar si “vend bosh” e rrjedhimisht jo të favorshëm për të kuptuar ekzistencën e jetës së hershme, por prej një periudhe 10-vjeçare në këtë zonë janë bërë gjetje të jashtëzakonshme.
Imazhet satelitore të ngjyrave në shkretëtirë nxitën besimin e ekipit të shkencëtarëve se kishte mbetje të rëndësishme arkeologjike.
Si përfundoi hipopotami në Gadishullin Arabik?
Tashmë është vërtetuar se rajonet e shkretëtirës arabe që dikur ishin të pasura me bimësi tërhiqnin kafshë të mëdha, si hipopotami.
Gjitari i tretë më i madh tokësor në botë ka të ngjarë të ketë shkuar në gjysmën e poshtme të kontinentit Afrikan përmes Sudanit dhe Egjiptit para se të arrinte te lumenjtë e rrjedhshëm dhe kullotat.
Kjo gjithashtu e bëri sipërfaqen e tokës tërheqëse për njerëzit e hershëm si një vendbanim historik.
Gjatë kësaj kohe kur klima ishte mikpritëse, njerëzit dhe kafshët e hershme u zhvendosën nga Afrika verilindore në Gadishullin Arabik, thonë studiuesit.
Kjo mund të shpjegojë zbulimet e tjera të hipopotamëve në Azinë e lashtë. Në vitin 2003, studiuesit në Universitetin Punjab, Indi, gjetën një dhëmb hipopotami përgjatë lumenjve të Madhya Pradesh në Indi.
Zbulimi i ri i hipopotamëve në Gadishullin Arabik hap rrugën për një mori kërkimesh të tjera rreth rrugëtimit të kafshëve nga Azia dhe arsyeve të largimit të tyre nga habitatet ku jetonin./euronews.al
Bota
Presidenti serb Vuçiq do të jetë pjesëmarrës në paradën ushtarake në Kinë
Published
1 hour agoon
August 28, 2025By
UBT News
Presidenti i Serbisë Aleksandar Vuçiq do të jetë pjesë e paradës ushtarake në Kinë, duke dëshmuar kështu lidhjet e ngushta të Beogradit zyrtar me regjimin komunist në Pekin.
Me ftesë të presidentit kinez Xi Jinping, 26 liderë të huaj do të marrin pjesë në përkujtimet e Ditës së Fitores në Pekin, njoftoi të enjten ndihmës ministri i Jashtëm Hong Lei.
Kina do të organizojë një paradë masive ushtarake më 3 shtator për të përkujtuar 80-vjetorin e fitores ndaj Japonisë dhe përfundimin zyrtar të Luftës së Dytë Botërore.
Në mesin e shumë liderëve që do të marrin pjesë janë edhe lideri rus Vladimir Putin, me të cilin regjimi në Beograd mban lidhje të ngushta, lideri veri-korean Kim Jong-Un dhe përfaqësues nga Vietnami, Laosi Mongolia, Nepali, Kazakistani, Uzbekistani, Irani, Kongo, Zimbabveja, Sllovakia, Kuba etj.
Aktualitet
Turqia merr sërish komandën e KFOR-it
Published
7 hours agoon
August 28, 2025By
UBT News
Ministria e Mbrojtjes e Turqisë ka njoftuar se vendi do të marrë përsëri komandën e misionit paqeruajtës të NATO-s në Kosovë (KFOR) në tetor 2025, për një mandat njëvjeçar. Ky do të jetë rikthimi i komandës turke pas drejtimit të suksesshëm të forcave gjatë periudhës 2023–2024, raporton TurkiyeToday.
Zëdhënësi i Ministrisë së Mbrojtjes, kontradmirali Zeki Akturk, konfirmoi se Turqia do të udhëheqë sërish misionin ndërkombëtar, duke theksuar angazhimin e Ankarasë për sigurinë dhe stabilitetin në rajonin euroatlantik.
“Vendi ynë, i cili ka dhënë kontribute të rëndësishme dhe vendimtare për sigurinë e NATO-s dhe rajonit euroatlantik, do të vazhdojë ta bëjë këtë edhe në të ardhmen”, deklaroi Akturk. “Detyra do të përmbushet në mënyrë neutrale dhe transparente, në përputhje me rezolutat e NATO-s dhe Kombeve të Bashkuara.”
Që nga themelimi i KFOR-it më 12 qershor 1999, në bazë të një rezolute të Këshillit të Sigurimit të OKB-së, Turqia ka qenë një ndër kontribuesit e pandërprerë me trupa në këtë mision. Aktualisht, KFOR përbëhet nga rreth 4,500 trupa nga 29 vende anëtare dhe joanëtare të NATO-s.
Një moment i rëndësishëm për sigurinë në Kosovë ishte në qershor 2023, kur ushtarët turq morën masa sigurie në rajonin e Zubin Potokut, në veri të Kosovës, me kërkesë të KFOR-it, për të ndihmuar në ruajtjen e qetësisë në zonë.
Udhëheqja e përsëritur e KFOR-it nga Turqia vjen në një kohë të ndjeshme për rajonin e Ballkanit Perëndimor. Që nga shpallja e njëanshme e pavarësisë së Kosovës në vitin 2008, Turqia ka mbështetur vazhdimisht përpjekjet për paqe dhe ka luajtur rolin e ndërmjetësit në raportet Kosovë–Serbi.
Pas pushtimit rus të Ukrainës në vitin 2022, pasiguritë në Ballkan janë thelluar, duke i dhënë më shumë peshë rolit të Turqisë si faktor stabiliteti. Komanda turke e KFOR-it në vitet 2023–2024 u vlerësua për ndikimin e saj në uljen e tensioneve në veri të Kosovës, dhe rikthimi në krye të misionit në 2025 shihet si vazhdimësi e këtij angazhimi stabilizues.
Zëdhënësi Akturk gjithashtu bëri të ditur se për herë të parë në historinë e NATO-s, një gjeneral turk është emëruar si Drejtor i Bashkëpunimit për Siguri në Komandën Ushtarake Ndërkombëtare të NATO-s në Bruksel një tjetër tregues i rolit në rritje të Turqisë në sigurinë e aleancës.
Në raportet e fundit strategjike, Turqia përmendet si një shtyllë kyçe e NATO-s. Vizita e paralajmëruar e Kancelarit gjerman Friedrich Merz në Ankara dhe deklaratat e zyrtarëve amerikanë që vlerësojnë kontributin e Turqisë në sigurinë euroatlantike, janë tregues të rëndësisë së saj në arkitekturën e mbrojtjes kolektive të Aleancës.
Aktualitet
Shtëpia e Bardhë shkarkon drejtoreshën e CDC-së
Published
7 hours agoon
August 28, 2025By
UBT News
Shtëpia e Bardhë thotë se ka shkarkuar drejtoreshën e Qendrave Amerikane për Kontrollin dhe Parandalimin e Sëmundjeve (CDC), Susan Monarez, pasi ajo refuzoi të jepte dorëheqjen.
Në një deklaratë, ajo tha se ajo nuk ishte në përputhje me axhendën e presidentit dhe se ishte shkarkuar nga pozicioni i saj në agjencinë shëndetësore, shkruan BBC.
Departamenti i shëndetësisë i SHBA-së njoftoi më parë largimin e saj, gjë që nxiti një deklaratë nga avokatët e Dr. Monarez, të cilët thanë se ajo nuk ishte njoftuar për shkarkimin e saj dhe se nuk do të jepte dorëheqjen.
Ata thanë se ajo po shënjestrohej për refuzimin të miratonte direktiva joshkencore dhe të pamatura dhe të shkarkonte ekspertë të përkushtuar shëndetësorë dhe akuzuan Sekretarin e Shëndetësisë Robert F. Kennedy Jr për armatosje të shëndetit publik.
Bota
Kim Jong Un dhe Putini do jenë pjesëmarrës në paradën ushtarake të Kinës në Pekin
Published
8 hours agoon
August 28, 2025By
UBT News
Udhëheqësi i Koresë së Veriut, Kim Jong Un, do të marrë pjesë në një paradë ushtarake në Pekin javën e ardhshme së bashku me Vladimir Putinin e Rusisë, tha ministria e jashtme e Kinës, në atë që do të jetë një vizitë historike.
Kjo vjen disa ditë pasi Presidenti i SHBA-së, Donald Trump, tha se donte të takohej me Kim-in, i cili rrallë bën vizita të huaja, dhe ndërsa Shtëpia e Bardhë përpiqet të ndërmjetësojë një marrëveshje për t’i dhënë fund luftës në Ukrainë, shkruan BBC.
Parada e Ditës së Fitores së Kinës më 3 shtator do të shënojë 80-vjetorin e dorëzimit zyrtar të Japonisë në Luftën e Dytë Botërore dhe fundin e konfliktit.
Ngjarja tani sinjalizon një fitore të rëndësishme diplomatike për udhëheqësin kinez Xi Jinping, i cili ka shtyrë për një rend të ri botëror të udhëhequr nga Pekini.

Nora Gjakova nis rrugëtimin si trajnere e xhudos

Presidenti serb Vuçiq do të jetë pjesëmarrës në paradën ushtarake në Kinë

Gjykata Supreme refuzon ankesën e Korab Mushkolajt për certifikim në zgjedhjet lokale

Aktakuzë ndaj një personi për nxitje të përçarjes mes grupeve të ndryshme politike në Klinë

Gjyqtari Avdullah Mecinaj gjendet pa shenja jete, Policia po e heton rastin

OVL e UÇK-së kërkon shkarkimin e kryetarit të Kuvendit, Dimal Basha

AAK: Adem Hoxha nuk është më pjesë e grupit tonë parlamentar

Lista Serbe do t’i drejtohet Gjykatës Kushtetuese

Presioni mbi Ruben Amorim rritet, Manchester United përgatit plan emergjent për trajnerin
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA