Lajmet

Dështon mbledhja e Komisionit për përzgjedhjen e kandidatëve për anëtarë të Bordit të RTK-së

Nga e hëna pritet të fillojë intervistimi i kandidatëve.

Published

4 years ago

on

Në mungesë të kuorumit e pas shumë debatesh ka dështuar të mbahet mbledhja e Komisionit Ad Hoc për përzgjedhjen e kandidatëve për anëtarë të Bordit të Radio Televizionit të Kosovës.

Komisioni nuk ka arritur që të shqyrtojë as listën e kandidatëve të propozuar për anëtarë të Bordit të RTK-së.

Me këtë rast deputetët nuk kanë rënë dakord për caktimin e datës së intervistimit për anëtarët e Bordit të RTK-së.

Kryetari i Komisionit, Armend Zemaj ka thënë se nga e hëna do të fillojë intervistimi i kandidatëve.

“Prej të hënës në mëngjes, në ora 09:00 të përgatiten, do të fillojë intervistimi i kandidatëve. Do të shkojmë me formën e intervistimit me gojë, e di që ka me pas zgjatje dhe na duhet kohë një javë, për minutazhin do të dakordohemi”, deklaroi ai.

Deputeti i VV-së Armend Muja ka propozuar që dita e premte të jetë ditë intervistimi, pasi që sipas tij, e hëna është shumë afër dhe nuk ka nevojë për nguti.

“Duhet të dakordohemi për mënyrën e intervistimit, jo të gjithë anëtarët janë prezent se për shkak të agjendës”, deklaroi ai.

Deputetja e PDK-së, Blerta Deliu-Kodra ka kërkuar që mazhoranca ta krijojë shumicën.

“Nëse nuk është opsion se e hëna, komisionet nuk shtyhen sepse anëtarët e tjerë që i bien ligjet në kuvend, të sigurohet mazhoranca dhe të jenë edhe deputetët këtu, nëse mundemi me filluar prej të hënës i lëmë pesë ditë angazhim”, ka deklaruar Deliu-Kodra.

Pas këtyre mospajtimeve, e para që ka dalë nga mbledhja e Komisionit, ka qenë deputetja e AAK-së, Albana Bytyçi, duke pamundësuar edhe kuorumin.

Related Topics:
Continue Reading

Lajmet

Përfundon dëshminë Christopher Hill: Ishte përvojë e veçantë

Published

3 minutes ago

on

November 12, 2025

By

Në Dhomat e Specializuara të Kosovës (DhSK) në Hagë, ka përfunduar dëshminë e tij ish-diplomati amerikan Christopher Hill, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Hill tha se ishte një përvojë e veçantë pjesëmarrja e tij në këtë proces gjyqësor, raporton “Betimi për Drejtësi“.

“Ishte një përvojë e veçantë doja të them”, tha Hill.

Ndërsa, kryetari i trupit gjykues, Charles Smith III i tha dëshmitarit se shpreson që kjo të mos jetë një përvojë e keqe.

“Shpresoj të mos ketë qenë një përvojë e keqe”, tha Smith III.

Ndërsa, Hill ia ktheu duke i thënë se “Kam pasur përvoja edhe më të këqija”.

Gjatë fundit të dëshmisë, për dëshmitarin pati disa pyetje edhe avokati i Kadri Veselit, Rodney Dixon. Për klientin e Dixon, dëshmitari tha se nuk e ka parë dhe nuk e di se ku ka qëndruar.

Seanca pritet të vazhdojë pas pushimit me dëshminë e dëshmitarit të radhës./EO

Continue Reading

Lajmet

KQZ mban mbledhjen e radhës – në rend dite themelimi i Komisionit për vlerësimin e fletëvotimeve

Published

4 minutes ago

on

November 12, 2025

By

Komisioni Qendror i Zgjedhjeve (KQZ) do të mbajë sot në ora 17:00 mbledhjen e radhës.

Në rendin e ditës është shqyrtimi dhe miratimi i rekomandimit për themelimin e Komisionit për vlerësimin e fletëvotimeve dhe përputhjes së numrit të tyre në vendvotime për Zgjedhjet e Raundit të Dytë për Kryetar Komune./EO

Continue Reading

Lajmet

Memli Krasniqi mban konferencë për media pas mbledhjes së Kryesisë së PDK-së

Published

8 minutes ago

on

November 12, 2025

By

Kryetari i Partisë Demokratike të Kosovës (PDK), Memli Krasniqi, do të mbajë sot konferencë për media pas mbledhjes së rregullt të Kryesisë së partisë.

Konferenca do të zhvillohet në orën 15:30, në Selinë Qendrore të PDK-së në Prishtinë./EO

Continue Reading

Lajmet

Përfundon procesi i numërimit në Qendrën Komunale të Numërimit në Mitrovicë të Jugut

Published

37 minutes ago

on

November 12, 2025

By

Në Qendrën Komunale të Numërimit në Mitrovicën e Jugut ka përfunduar procesi i verifikimit dhe numërimit të fletëvotimeve për raundin e dytë të zgjedhjeve për Kryetar të Komunës.

Procesi është zhvilluar gjatë ditës së sotme nën mbikëqyrjen e përfaqësuesve të subjekteve politike dhe dy hetuesve policorë të caktuar nga Prokuroria Themelore në Mitrovicë, pas vendimit për rifillimin e numërimit të ndërprerë të hënën për shkak të dyshimeve për manipulim me fletëvotime./EO

Continue Reading

Të kërkuara