Lajmet

Berisha: Integrimi i Kosovës në BE nuk mund të bëhet derisa vendi është me rezolutë 1244

Published

on

Deputeti i Partisë Demokratike të Kosovës, Hisen Berisha ka thënë se Kosova nuk mund të integrohet në Bashkimin Evropian përderisa është ende nën vlerën e rezolutës 1244 dhe pa u ratifikuar kufiri me Serbinë.

Ky proces, sipas Berishës nuk ndërlidhet më me plotësimin e kushteve dhe se një deklarim i tillë nga qeveria po bëhet për të mbuluar situatën aktuale në vend.

“Kosova i ka plotësuar kushtet me vite të tëra. Raportet për plotësimin e kushteve në Kosovë për integrimin ne Këshillin Evropian edhe pretendimet e kushtet për në Bashkimin Evropian, Kosova i ka raportuar në mënyrë të vazhdueshme nga të gjitha qeveritë e kaluara deri te kjo, mirëpo çështja e mos integrimit ose integrimit të Kosovës nuk ndërlidhet më me kushtet, ju lutem, na jemi në proces të dialogut me Serbinë, nuk kemi mbyllur ende procesin e shtetësisë në kuptimin e shkëputjes nga Serbia bazuar në dokumente ndërkombëtare rezolutën dhe pakon e kemi shpallur pavarësinë por i kemi mbi 300 kilometra kufijtë të pa definuar me Serbinë edhe pse ekziston ajo krahina në atë kohë por janë të pa ratifikuar. Prandaj të gjitha këto lojëra për integrime kërkesat për integrime, këto janë sa për të mbuluar situatën përndryshe të gjithë e dimë se Kosova dhe as Serbia do duhej, por Kosova nuk mund të integrohet derisa është me rezolutë 1244 dhe pjesën kufitare më të madhe e pandarë nga Serbia, pa ratifikuar kufiri, si do të pranohet?”, u shpreh Berisha.

Tutje, Berisha derisa përmendi raportet me ndërkombëtarët tha se çdo ditë prej kur ka ardhur qeveria aktuale në veçanti, zyra e UNMIK-ut është kthyer në kabinet të kryeministrit

“Ju lutem ne e kemi bërë një amendament 14 në Kushtetutë me të cilin e kalojmë e tejkalojmë rezolutën 1244, mirëpo çdo ditë prej kur ka ardhrur kjo qeveri në veçanti, Zyra  e UNMIK-ut është kthyer në kabinet kryeministrit dhe atje ka fuqi ndikimit i UNMIK-ut dhe atje raportoi kësaj radhe në këshillin e sigurimit edhe KFOR që është me mandat të asaj rezolute edhe EULEX-i prandaj për çfarë po flasim, për spekulime me qytetarët për mashtrim të qytetarëve”, ka thënë ai.

Berisha shtoi se me veprimet tek lëvizja e lirë, targat, pagesat e rrymës, Kosova i ka hapur dyert Serbisë drejt Bashkimit Evropian, duke thënë se ato që po fliten tashmë nga qeveria, janë reprizë e premtimeve të dështuara.

“Realiteti është krejt diçka tjetër, prandaj ne duhet ti lexojmë gjërat ashtu si janë se për ndryshe po e mashtruam vetën atëherë zhgënjehemi shumë kur dalin në shesh pengesat të cilat e ndalin Kosovën në këtë rrugëtim, Serbia e kishte tri kushte për integrime sepse ajo ka statusin e kandidatit që nga vitit 2012 e kishte njohjen e Kosovës, ndryshimin e kushtetutës, dhe infrastrukturës ligjore në të cilën e mban Kosovën si provincë jugore si krahinë të vetën dhe normalizimin e raporteve, me marrëveshjen e planit franko-gjerman këto dy kushtet e para u hoqën dhe normalizimi i raporteve është në interesin e Kosovës sa edhe të Serbisë, çështja e lëvizjes së lirë, targave ose pagesës së rrymës, pra Kosova vet i ka hap rrugën Serbisë drejt bashkimit evropian me marrëveshjen franko-gjermane dhe pranimin e kushteve që ajo të mos ketë më për 10 vite pengesa, e ki pikën 3 artikullin 35 në aneksin e Ohrit ku ri-konfirmohet detyrimi i BE-së edhe i joni ta shqyrtojmë pozicionin e  Serbisë për t’ia hequr kushtet prandaj të gjitha këto çka po bisedohen sot janë thjeshtë në nivelin e spekulimeve dhe për efekte elektorale te njerëzit që tani duhet ti mashtrojnë, dhe po bën reprizën e gjitha atyre premtimeve që ka dështuar t’i realizoj veç e kanë filluar këtë proces”, ka thënë ai.

Lajmet

KESCO: Mungesë e theksuar e prodhimit të energjisë, në rastin më ekstrem e gjithë sasia importohet

Published

on

By

Kompania “KESCO” ka njoftuar se, duke filluar nga nesër dhe në ditët në vijim, pritet një mungesë e theksuar të prodhimit vendor të energjisë elektrike dhe kjo në rastin më ekstrem nënkupton që e gjithë sasia e energjisë elektrike për konsumatorët do të duhet të mbulohet përmes importit.

Pavarësisht sfidave të mëdha logjistike dhe kostos së lartë të energjisë në tregjet ndërkombëtare, KESCO është duke ndërmarrë të gjitha përpjekjet për të siguruar furnizimin e nevojshëm dhe për të garantuar qëndrueshmëri në sistem”, thuhet në komunikatën për media të KESCO-s.

Megjithatë, importimi i një sasie kaq të madhe paraqet vështirësi të konsiderueshme si nga aspekti teknik, ashtu edhe ai financiar. Për të minimizuar ndikimin e kësaj situate, KESCO u bën thirrje të gjithë konsumatorëve që të aplikojnë masa të menjëhershme të kursimit të energjisë elektrike. Çdo kilovat-orë e kursyer ndihmon në ruajtjen e stabilitetit të furnizimit dhe në zvogëlimin e kostos së përgjithshme, që përndryshe do të rëndonte mbi të gjithë ne”, thuhte në këtë njoftim.

Continue Reading

Lajmet

Kryeministri Kurti u takua me ambasadorin Malaj, u diskutua edhe për konstituimin e Kuvendit

Published

on

By

Kryeministri në detyrë i Republikës së Kosovës, Albin Kurti, priti sot në takim Ambasadorin e Shqipërisë në Kosovë, Petrit Malaj.

Gjatë takimit, u diskutua mbi thellimin e bashkëpunimit ndërmjet dy vendeve në fusha të ndryshme, përfshirë ekonominë, infrastrukturën, sigurinë dhe fusha të tjera në kuadër të të cilave tashmë po zbatohen marrëveshjet e nënshkruara ndërmjet Qeverisë së Republikës së Kosovës dhe Qeverisë së Republikës së Shqipërisë.

Të dy palët shprehën përkushtimin për të avancuar marrëdhëniet dypalëshe, duke punuar ngushtë për projekte të përbashkëta që do të sjellin përfitime të drejtpërdrejta për qytetarët e të dy vendeve.

Gjatë këtij takimi u diskutua edhe për zhvillimet e fundit në vend, përfshirë procesin e konstituimit të Kuvendit dhe formimin e institucioneve të legjislaturës së nëntë.

Kryeministri Kurti falënderoi ambasadorin Malaj për angazhimin e tij të vazhdueshëm për shtimin e lidhjeve dhe rritjen e bashkëpunimit ndërmjet Kosovës dhe Shqipërisë’, njoftoi Zyra e kryeministrit.

Continue Reading

Lajmet

​Mbi një mijë fëmijë vrapuan në Prishtinë për Ditën Olimpike

Published

on

By

Mbi një mije fëmije te shkollave fillore të Prishtinës kanë realizuar sot vrapimin olimpik dhe kanë praktikuar disiplina te ndryshme sportive në kuadër të Ditës Olimpike.

Ky aktivitet i organizuar nga Komiteti Olimpik i Kosovës në kuadër të Javës Olimpik, vjen në moton “Le të lëvizim” që ka për qëllim ta tregojë rëndësinë e aktivitetit sportiv në shëndetin e fëmijëve.

Në hapje të DItës Olimpike, Presidenti i Komitetit Olimpik të Kosovës, Ismet Krasniqi, theksoi se lëvizja është shumë e rëndësishme për fëmijët pasi i bënë ata më të shëndetshëm.

“Është dita kur festojmë sportin, dita kur festojmë shëndetin dhe lumturinë tuaj…Ky vit ka qenë mjaftë masovik dhe kemi pasur përkrahje të jashtëzakonshme nga të gjitha komunat e Kosovës, pra nga 26 komuna…Dita olimpike dhe motoja e kësaj dite ‘Let’s move’, apo ‘Të lëvizim’ është shumë e rëndësishme për ju fëmijë të dashur sepse të lëvizim, na bënë të shëndetshëm, të merremi me sport. Besoj që shumica prej jush merreni me sport e disa të tjerë kanë synime që të merren me sport…Komiteti Olimpik do të jetë gjithmonë krahë jush, gjithmonë do ta keni përkrahjen tonë sepse ju jeni e ardhmja e Kosovës”, tha Krasniqi.

Ndërsa, kryetari i Federatës së Atletikës së Kosovës, Halil Sylejmani, deklaroi se përmes këtyre aktiviteteve, Kosova po i tregon botës që e ka prioritet marrjen em sport.

“Falemnderit të gjithë juve që keni ardhur sot bashkarisht që të vrapojmë, të bashkohemi, të tregojmë që jemi të shëndosh, të merremi me sport, e kryesisht me atletikë, sepse atletika është mbretëresha e sporteve…Kemi punuar për një muaj e gjysmë për këtë ditë që ta shënojmë dhe t’i tregojmë Federatës Botërore të Atletikës dhe Komitetit Olimpik Ndërkombëtar që ne kemi fëmijë, vajza dhe djem të cilët sot këtë ditë do ta shënojnë në paqe dhe në liri të gjithë së bashku”, tha Sylejmani.

Përveç Prishtinës, aktivitet të ngjashme janë shënuar gjatë kësaj jave edhe në 26 komuna të Kosovës.

Continue Reading

Lajmet

​Dita e Çlirimit në Istog, “triumf për liri dhe drejtësi”

Published

on

By

Kuvendi Komunal i Istogut me rastin e 26-vjetorit të çlirimit të kësaj komune nga okupatori serb ka mbajt seancë solemne dhe gjatë ditës janë paraparë aktivitete të shumta në këtë qytet. Në këtë seancë u tha se çlirimi i kësaj komune ishte triumf i popullit për liri dhe dinjitet.

Seanca solemne nisi me një minutë heshtje në nderim të të gjithë të rënëve për liri.

Kryetari i Komunës së Istogut, Ilir Ferati teksa uroi të gjithë qytetarët e kësaj komune për këtë ditë, tha se 20 qershor 1999 mbetet pikë me peshë shekullore për lirinë e vendit.

Ferati tha se tashmë për këtë komunë kanë vizion për zhvillim.

“Mbetet pikë referimi e lirisë dhe pikë me peshë shekullore e sakrificës. Ne tashmë kemi vizion të qartë se kemi motiv në piedestalin më të lartë të krenarisë qëndrojnë dëshmorët e rënë për liri…Kuptuan se atë ditë fitoi shpresa mbi frikën, e qëndresa e popullit vlejti, dhe Istogu i lirë kishte nevojën për angazhim e zhvillim e për ta sjell në ditën ku jemi sot. Liria nuk është mungesë e luftës, liria është drejtësi, liria është barazi, liria është arsim, është mundësi dhe thirrje për të dhënë më shumë të mos e privojmë vetën nga ajo që e fituam me plotë mund, sepse sot prej atyre që luftuan me dhe pa uniformë, prej atyre që ranë në derë të shtëpisë e në frontin ushtarak prej të gjallëve që nuk u dorëzuan kurrë ju uroj ditën e çlirimit të Istogut”, tha ai.

Kryesuesi i Kuvendit Komunal të Istogut, Enver Rugova tha se 20 qershori i vitit 1999 shënon fundin e një periudhe të errët dhe të dhimbshme për popullin tonë.

Rugova theksoi se çlirimi i Istogut ishte triumf i vullnetit të popullit për liri e drejtësi.

“Ky është një moment reflektimi, mirënjohje, angazhimi për të ruajtur dhe zhvilluar trashëgiminë e lavdishme që na është lënë nga ata që sakrifikuan gjithçka për lirinë tonë. 20 qershori i vitit 1999 shënon fundin e një periudhe të errët dhe të dhimbshme për popullin tonë, pas shumë vitesh vuajtje dhe persekutimesh Istogu u çliruara, ky çlirim nuk ishte vetëm një ngjarje ushtarake, por një triumf i vullnetit të popullit për liri, dinjitet dhe drejtësi”, tha ai.

Fjalë rasti në këtë seancë solemne për 26-vjetorin e çlirimit të Istogut mbajtën edhe përfaqësuesi i Partisë Demokratike të Kosovës, Lëvizjes Vetëvendosje dhe Aleancës për Ardhmërinë e Kosovës.

Në 26-vjetorin e çlirimit të komunës së Istogut do të bëhen homazhe tek shtatorja e presidentit, Ibrahim Rugova, bëhet përurimi i shtatores së heroit, Selman Kadria, si dhe përurimi i memorialit të dëshmorëve në Vrellë. Më 20 qershor 1999 Istogu u çlirua nga okupatori serb

Continue Reading

Të kërkuara