Lajmet

7 mite rreth sëmundjeve të zemrës që duhet të ndaloni së besuari

Për shkak se sëmundjet e zemrës zhvillohen me ngadalë, nuk është kurrë vonë për të bërë ndryshime.

Published

on

Sëmundja e zemrës është një term që përfshin për shumë lloje të problemeve shëndetësore që lidhen me zemrën.

Më e zakonshme është sëmundja e arterieve koronare, e cila shfaqet kur në arteriet që dërgojnë gjak në zemër krijohen pllaka.

Me kalimin e kohës, kjo mund të ngadalësojë ose bllokojë rrjedhën e gjakut në zemër dhe të çojë në një atak ose dështim të zemrës.

Për shkak se sëmundjet e zemrës zhvillohen me ngadalë, nuk është kurrë vonë për të bërë ndryshime që mund të mbështesin më së miri shëndetin e zemrës.

Më poshtë AgroWeb.org ju sjell një vështrim rreth disa prej miteve që ekzistojnë rreth sëmundjeve të zemrës, tek të cilat mund të mos mbështeteni më.

Ju do të vuani nga sëmundjet e zemrës nëse ato shfaqen në familjen tuaj

Është e vërtetë se nëse keni një histori familjare të sëmundjeve të zemrës, edhe ju vetë jeni në rrezik më të lartë. Megjithatë, kjo nuk do të thotë se jeni të destinuar të smëureni, thjesht do t’ju duhet të punoni më shumë për të mbrojtur shëndetin tuaj kardiovaskular.

Me fjalë të tjera, ngrënia e ushqimeve të shëndetshme për zemrën dhe ndjekja e një stërvitje, mund të mbajë zemrën taj të shëndetshme dhe të fortë.

Nuk duhet të shqetësoheni për sëmundjet e zemrës kur jeni të rinj

Shpesh, sëmundja e zemrës nuk shfaqet derisa një person është në të 50-at, 60-at ose më shumë. Por sëmundjet e zemrës mund të zhvillohen shumë më herët në jetë, dhe shumë të rritur në të 30-at dhe 40-at e tyre përjetojnë faktorë rreziku si mbipesha dhe presioni i lartë i gjakut.

Mjekimi i diabetit do t’ju mbrojë nga sëmundjet e zemrës

Edhe pse është e vërtetë që kur keni diabet gjasat për të pasur një atak në zemër ose goditje në tru dyfishohen, kjo nuk do të thotë se vetëm mjekimi që merrni për diabetin ju mbron nga ky rrezik.

Me kalimin e kohës, sheqeri i lartë në gjak mund të dëmtojë enët e gjakut dhe të ketë një efekt negativ në funksionin kardiovaskular. Medikamentet mund të ndihmojnë në mbajtjen nën kontroll të sheqerit në gjak, por do t’ju duhet të ndërmerrni hapa ekstra për të adresuar faktorët që shkaktuan zhvillimin e diabetit, si mbipesha dhe presioni i lartë i gjakut.

Duhet të shmangni ushtrimet fizike pas një ataku në zemër

Të ushtruarit përmirëson qëndrueshmërinë tuaj kardiovaskulare, kështu që sapo të keni marrë dritën jeshile nga mjeku juaj, duhet të filloni përsëri në aktivitetin e rregullt fizik. Puna me një ekspert të trajnuar mund t’ju ndihmojë të gjeni ekuilibrin e duhur.

Ju duhet të shmangni yndyrnat

Kur bëhet fjalë për shëndetin e zemrës, lloji i yndyrnave që merrni ka një rëndësi të veçantë.

Ekspertët këshillojnë të reduktoni yndyrat e ngopura, që gjenden në ushqime si mishi i kuq, gjalpi, djathi dhe disa vajra gatimi, pasi ato mund të rrisin kolesterolin tuaj dhe të rrisin rrezikun e sëmundjeve të zemrës.

Megjithatë, ju mund dhe duhet të hani ushqime të pasura me yndyra të pangopura, si vaj ulliri, arrorët, avokado dhe peshq si salmoni, për të ndihmuar në mbrojtjen e zemrës dhe për të mbështetur nivelet e shëndetshme të sheqerit në gjak.

Suplementet mund të ulin rrezikun për sëmundje të zemrës

Në shumë studime të kryera, suplementet e vitaminave, nuk kanë treguar se parandalojnë ose trajtojnë sëmundjet e zemrës. Këshilla më e mirë është që të fokusoheni në marrjen e lëndëve ushqyese duke ngrënë një shumëllojshmëri të gjerë ushqimesh shumëngjyrëshe.

Konsumi i duhanit mund të ketë një efekt negativ në shëndetin e zemrës tuaj, ndërsa lënia e duhanit ka një efekt pozitiv dhe ju nuk jeni kurrë vonë të zvogëluar dëmin që shkakton duhani.

Lënia e duhanit, në çdo moment të jetë tuaj, parandalon sulmet në zemër dhe goditjet në tru. /AgroWeb.org

Lajmet

Kushtetuesja publikon aktgjykimin e plotë

Published

on

By

Gjykata Kushtetuese e Kosovës ka publikuar aktgjykimin e plotë për konstituimin e Kuvendit të Kosovës.

Ajo ka konstatuar se seanca konstituive e Kuvendit, e filluar me 15 prill 2025 nuk ka përfunduar si rezultat i mos zgjedhjes së nënkryetarit të Kuvendit nga radhët e deputetëve të komunitetit serb, dhe Kuvendi nuk është konstituuar në pajtim me përcaktimet e paragrafit 1 të nenit 66 (Zgjedhja dhe mandati) dhe paragrafët 1 dhe 4 të nenit 67 (Zgjedhja e kryetarit dhe nënkryetarëve) të Kushtetutës së Republikës së Kosovës.

Gjykata ka urdhëruar që seanca konstituive e Kuvendit të përfundojë brenda afatit të mbetur prej 12 ditëve nga hyrja në fuqi e këtij Aktgjykimi.

Kushtetuesja ka urdhëruar të gjithë deputetët e zgjedhur të Kuvendit që gjatë procedurës së zgjedhjes së nënkryetarit të Kuvendit nga radhët e deputetëve të komunitetit serb, të ushtrojnë funksionin e tyre kushtetues në interesin më të mirë të Kosovës dhe në pajtim me Kushtetutën dhe rregulloren e Kuvendit./D.B/KP

Continue Reading

Lajmet

Në pritje të aktgjykimit të plotë, Ambasada gjermane bën thirrje për zbatimin e vendimeve Kushtetueses

Published

on

By

I ngarkuari me Punë në Ambasadën e Gjermanisë në Kosovë, Christian Böttcher, është takuar të mërkurën me kryetarin e Gjykatës Kushtetuese, Nexhmi Rexhepi.

Ambasada bënë të ditur se Böttcher ka vlerësuar punën e gjykatës dhe rikonfirmuar mbështetjen e plotë të Gjermanisë për punën e gjykatës, teksa ka bërë thirrje për zbatimin e vendimeve të Gjykatës Kushtetueses.

Ambasada Gjermane kërkon nga të gjithë aktorët politikë të zbatojnë vendimet e Gjykatës, pasi siç thuhet ky është një detyrim kushtetues për deputetët, për konstituimin e Kuvendit.

Të gjithë aktorët politikë duhet të zbatojnë vendimet e Gjykatës – ky është një detyrim kushtetues për deputetët. Mosveprimi jo vetëm që zgjat, por edhe thellon krizën politike, duke dëmtuar vendin. Siç u tha më parë: Është koha e duhur për ta vënë vendin në vend të parë, jo politikën partiake”, thuhet në njoftim.

Deputetët e Kuvendit të Kosovës janë në pritje të publikimit të aktgjykimit të plotë të Gjykatës Kushtetuese në lidhje me seancën konstituive.

Kushtetuesja më 30 shtator ka dalë me një njoftim ku ka thënë se seanca konstituive e Kuvendit të Kosovës, që ka nisur më 15 prill, nuk ka përfunduar, pasi që nuk është zgjedhur nënkryetari nga komuniteti serb.

Vendimi i Kushtetueses ka ardhur pas ankesës së Listës Serbe, partisë më të madhe të serbëve në Kosovë, lidhur me votimin ndaras të kandidatëve për nënkryetarë të Kuvendit nga radhët e komuniteteve jo shumicë.

Kushtetuesja ka urdhëruar deputetët e Kuvendit të konstituojnë legjislaturën e nëntë brenda afatit 12-ditor prej publikimit të aktgjykimit të plotë, por pa specifikuar pasojat juridike në rast se nuk kompletohen trupat e legjislativit./D.B/KP

Continue Reading

Lajmet

​Gërvalla merr pjesë në Takimin e Ministrave të Jashtëm në kuadër të Procesit të Berlinit

Published

on

By

Zëvendëskryeministrja dhe ministrja në detyrë e Punëve të Jashtme dhe Diasporës, Donika Gërvalla, po merr pjesë në Takimin e Ministrave të Jashtëm të Procesit të Berlinit, që zhvillohet më 8 dhe 9 tetor në Belfast të Irlandës së Veriut, me pjesëmarrjen edhe të sekretares së Shtetit për Punë të Jashtme të Britanisë së Madhe, Yvette Cooper.

Takimi bashkon ministrat e punëve të jashtme të vendeve të Ballkanit Perëndimor dhe të shteteve pjesëmarrëse në këtë proces.

Në fokus të diskutimeve të këtij viti janë temat e sigurisë dhe zhvillimit rajonal si dhe domosdoshmëria e bashkëpunimit përballë sfidave dhe kërcënimeve të përbashkëta në një botë gjithnjë e më të paqëndrueshme, raporton KosovaPress.

Gjatë punimeve të këtij procesi, Gërvalla do të zhvillojë një sërë takimesh bilaterale me homologë dhe përfaqësues të lartë të vendeve pjesëmarrëse.

Procesi i Berlinit, i nisur në vitin 2014, mbetet nisma qendrore për bashkëpunim politik, ekonomik dhe shoqëror mes vendeve të Ballkanit Perëndimor dhe partnerëve evropianë./D.B/KP

Continue Reading

Lajmet

Përurohet rruga që lidh zonën e dytë ekonomike të Gllavicës me magjistralen mes Shtimes dhe Ferizajt

Published

on

By

Në komunën e Shtimes sot është përuruar rruga që lidh Zonën e dytë Ekonomike të Gllavicës me rrugën magjistrale mes Shtimes dhe Ferizajt, investim ky që pritet të ndikojë drejtpërdrejt në zhvillimin ekonomik të komunës dhe më gjerë.

Kryetari i Komunës së Shtimes, Qemajl Aliu, tha se kjo rrugë është një hap i rëndësishëm drejt funksionalizimit të zonës ekonomike.

Jemi në përurimin e rrugës që të dërgon te zona e dytë ekonomike në Gllavicë, rrugë e cila këtë zonë ekonomike e lidh me rrugën magjistrale mes Shtimës dhe Ferizajt. Është investim mbi 600 mijë euro, rrugë me gjerësi shtatë metra, me kanale kulluese, kanalizim atmosferik për ujëra të zeza, trotuar, me ndriçim, me të gjitha normat e një rruge që i lidhë magjistralen mes dy qyteteve”, tha Aliu.

Ai shtoi se rruga është në shërbim të funksionalizimit të zonës ekonomike, ndërsa përveç saj, komuna ka bërë edhe investime të tjera në këtë zonë.

Kjo rrugë është në shërbim të funksionalizimit të zonës ekonomike dhe përveç kësaj rruge, ne kemi bërë afro gjysmë milioni euro investime në zonën ekonomike dhe presim që pranverën e ardhshme, siç edhe jemi zotuar me fillu funksionalizimin dhe vendosjen e bizneseve në këtë zonë, e cila do të ndihmojë dhe shërbejë në zhvillimin ekonomik të gjithëmbarshëm në Komunën e Shtimes, por edhe përreth. Kjo zonë ekonomike ka diku 37 hektarë dhe pritet me qenë një nga zonat më të mëdha me biznese”, tha Aliu.

Ky investim i ka kushtuar Komunës së Shtimës mbi 600 mijë euro./D.B/KP

Continue Reading

Të kërkuara