Lajmet

​Osmani: U bashkuam për të përkujtuar kontributin e jashtëzakonshëm të presidentit Rugova

Published

4 years ago

on

Presidentja e vendit, Vjosa Osmani, bashkë me ish-presidentët e tjerë të Kosovës, kanë vizituar muzeun “Shtëpia e Pavarësisë së Kosovës dr.Ibrahim Rugova”, në kuadër të aktiviteteve që janë mbajtur për të shënuar Ditën e Presidentit.

Aty, kryetarja e shtetit tha se janë bashkuar për të përkujtuar kontributin e presidentit historik, për çka tha se i njëjti duhet përcjellë gjeneratave të reja.

“Prandaj edhe sot më 24 maj siç po e shihni këtu kujtimet nga ajo ditë e vitit 1992 ku edhe votonte presidenti Rugova, u bashkuam serish për të përkujtuar këtë kontribut të jashtëzakonshëm për vendin tonë, për popullin tonë, dhe për tu siguruar që këtë mesazh për këtë punë, për këtë sakrificë të madhe, këtë kontribut të madh, t’i dërgohen edhe brezave të ardhshëm dhe gjeneratave të reja në mënyrë që ato mos të harrohen kurrë”, ka thënë Osmani.

E ish-presidenti Fatmir Sejdiu ka kërkuar që të ky muze të pasurohet edhe me fakte të tjera, që lidhen me njerëzit që kanë dhënë kontribut por janë vrarë nga policia e ushtria serbe.

“Ekspozitat vijnë dhe shkojnë, por mban kontinuitetin dhe korrektësinë ndaj njerëzve, unë e kisha nxjerrë edhe fotografinë e Mikel Markut, pse mos të jetë ajo fotografi, pse mos të jetë një fotografi e nxënësve dhe studentëve të helmuar në fazën e parë të krizës së madhe që e fillon Kosova dhe të tjerë, por nuk them se nuk e bëni herën tjetër. Keni shumë momente për të ecur në lëvizje të ekspozitës, në zhvillim, mos i harroni njerëzit”, ka thënë Sejdiu.

Ndërsa ish-presidenti Behgjet Pacolli ka theksuar nevojën e krijimit të një muzeu që do të shpaloste faktet për gjenocidin që Serbia ka kryer në Kosovë.

“Kisha dashur shumë që ne këtu në Kosovë mos të harrojmë, por të bëjmë çmos me donacione prej vullnetit të mirë, kemi mundësi të bëjmë një muze, vërtetë një muze për atë çka ka ndodhur në Kosovë, ka ndodhur një gjenocid i vërtetë dhe nuk guxojmë që kjo të shkojë në harresë”, ka thënë Pacolli.

Në Kosovë sot është shënuar Dita e Presidentit ku është nderuar presidenti i parë i Kosovës, Ibrahim Rugova.

24 maji ishte shpallur Dita e Presidentit nga presidenti Ibrahim Rugova. 

Related Topics:
Continue Reading

Aktualitet

Trajnime praktike dhe certifikime ndërkombëtare në UBT, nga shtatori deri në nëntor

Published

5 hours ago

on

August 26, 2025

By

UBT ka njoftuar nisjen e një cikli të gjerë trajnimesh profesionale dhe praktike për periudhën Shtator–Tetor–Nëntor 2025, të hapura për studentë, profesionistë dhe të gjithë të interesuarit për zhvillim të aftësive. Sipas njoftimit, çdo muaj do të hapen grupe të reja, duke ofruar fleksibilitet në orar dhe mundësi për t’iu përshtatur angazhimeve të pjesëmarrësve.

Programi mbulon fusha kyçe të menaxhimit të projekteve, IT-së, analizës së të dhënave dhe aftësive të buta, me fokus në standarde ndërkombëtare dhe punë praktike në laboratorë modernë të UBT-së.

Trajnimet e planifikuara:

  • PRINCE2 – 24 orë
  • ITIL Foundation – 24 orë
  • Analiza e të Dhënave me SPSS – 24 orë
  • MS Project – 18 orë
  • Hyrje në Programim – 30 orë
  • MS Excel i Avancuar – 24 orë
  • Marketingu Digjital – 24 orë
  • Shitja & Kujdesi ndaj Klientëve – 2 muaj
  • Instalues Elektrik – 3 muaj
  • Zhvillues i Aplikacioneve me AI – 2 vite

Trajnimet do të zhvillohen në kampuset e UBT-së në Prishtinë, Lipjan, Prizren, Ferizaj dhe Gjilan. Pjesëmarrësit përfitojnë nga ligjërues të certifikuar, mjedise laboratorike të avancuara, certifikatë pjesëmarrjeje dhe kompetence, si dhe mundësi certifikimi ndërkombëtar për programet PRINCE2 dhe ITIL.

Aplikimet kryhen online: APLIKO TANI!

Continue Reading

Aktualitet

Edhe pak vende të lira në programin Inxhinieri e Mekatronikës në UBT

Published

6 hours ago

on

August 26, 2025

By

UBT njofton se kanë mbetur edhe pak vende të lira për programin Inxhinieri e Mekatronikës, një nga drejtimet më inovative dhe të kërkuara nga të rinjtë në fushën e inxhinierisë.

Ky program ndërthur mekanikën, elektroniken dhe teknologjinë digjitale, duke përgatitur studentët për të qenë pjesë e transformimit teknologjik në fushat e automatizimit, robotikës dhe sistemeve të mençura.

Studentët e këtij programi përfitojnë nga laboratorë të avancuar, ligjërues me eksperiencë ndërkombëtare dhe projekte praktike, duke ndërtuar kompetenca të plota për tregun e punës. Përmes këtij kombinimi, ata përgatiten të udhëheqin zhvillimet më moderne në industri dhe teknologji.

Aplikimet janë ende të hapura dhe mund të bëhen online në linkun: APLIKO TANI ONLINE!

Continue Reading

Aktualitet

Gjendet pa shenja jete një person në një banesë pranë burgut në Mitrovicën e Veriut

Published

6 hours ago

on

August 26, 2025

By

Një person është gjetur pa shenja jete në një banesë në afërsi të Qendrës së Paraburgimit në Mitrovicën e Veriut. Lajmin e ka konfirmuar zëvendësdrejtori i policisë atje, Veton Elshani.

Siç tha ai, nuk dihet ende shkaku i vdekjes së këtij personi, mirëpo i ndjeri ka jetuar i vetëm dhe ishte përdorues i narkotikëve.

“Rreth orës 14:30, policia është njoftuar për një trup të pajetë që ndodhej në një banesë në afërsi të Qendrës së Paraburgimit në Mitrovicën e Veriut. Policia ka shkuar në vendin e ngjarjes dhe ka hasur në trupin e pajetë, ndërsa shkaqet e vdekjes do t’i mësojmë pasi që në vend të ngjarjes të vijë Mjekësia Ligjore. Personi ka jetuar i vetëm dhe ishte i njohur për policinë si përdorues narkotikësh”, tha Elshani

Continue Reading

Aktualitet

Kurti takon Komisionerin e Lartë të OSBE-së për Pakicat Kombëtare

Published

8 hours ago

on

August 26, 2025

By

Kryeministri në detyrë i Kosovës, Albin Kurti ka takuar Komisionerin e Lartë të OSBE-së për Pakicat Kombëtare të cilin e falënderoi për angazhimin e gjatë të OSBE-së në Kosovë dhe theksoi përparimin e arritur në fushat e të drejtave të njeriut, demokratizimit dhe sigurisë.

Ai theksoi zhvillimin e vendit si një nga demokracitë më të avancuara në Ballkanin Perëndimor dhe përkushtimin ndaj rritjes ekonomike dhe mirëqenies sociale dhe sigurisë.

Më tej, kryeministri në detyrë Kurti nënvizoi kornizën kushtetuese dhe ligjore të Republikës së Kosovës që garanton të drejta dhe përfaqësim për komunitetet, përtej standardeve ndërkombëtare, duke theksuar nevojën që këto të drejta të shfrytëzohen për integrim.

Ai shprehu gatishmërinë e Qeverisë së Republikës së Kosovës për të forcuar bashkëpunimin me OSBE-në.

Continue Reading

Të kërkuara