Aktualitet

​Gastronomët kërkojnë subvencionim në bazë të performancës

Published

on

Kryetari i Shoqatës së Gastronomëve, Petrit Kllokoqi, ka deklaruar se kanë qenë kundër pakos së Qeverisë Hoti me të cilën është bërë subvencionimi kolektiv, dhe se tani e tutje subvencionimi të bëhet në bazë të përformancës.

Kllokoqi tha se tani presin nga Qeveria e re të klasifikojë dhe kategorizojë me mirë bizneset që do të ndihmohen, pasi që për shkak të ndarjeve të gabuara nga Qeveria e kaluar i bie që bizneset e mbyllura tash e 430 ditë janë subvencionuar vetëm njëherë.

Ngritja e çmimeve me marrëveshje nga disa biznese të gastronomisë, Kllokoqi tha se nuk është hera e parë që ndodhë dhe se ata si shoqatë distancohen nga ky veprim.

Petrit Kllokoqi fajëson Qeverinë Hoti për ndarje të gabuar të pakos emergjente.

Ai tha se me subvencionimin kolektiv që u bë nga qeveria e kaluar, bizneset si klubet e natës dhe sallat e dasmave, i bie që janë subvencionuar vetëm një herë.

Pako e parë e ndarë e subvencionimit të pagave në Qeverinë Hoti, d.m.th në qeverinë e kaluar, ne kemi shprehur që jemi kundër çdo subvencionimi kolektiv në këtë rast kemi kërkuar që në bazë të përfomancës edhe të subvencionohen bizneset nëse një biznes një sallë e dasmash nuk ka punuar që 430 ditë nuk mund të krahasohet me një barnatore që ka pas një përformancë të mirë…1:14 kemi qenë kundër që të përfitojmë njëjtë se shkaku i këtyre ndarjeve të gabueshme ne mund të themi se ne jemi subvencionuar vetëm një herë e jemi që 430 ditë mbyllur me vendim të qeverisë, po flas si klubet e natës, si sallat e dasmave e ka edhe biznese të tjera, kështu që nuk ka qenë e drejtë dhe nuk duhet me qenë e drejtë e po shpresoj që kjo qeveri që është tash do t’i klasifikoj edhe do të kategorizoj më mirë këto lloje të bizneseve se si do të ndihmohen”, tha ai.

Kllokoqi shtoi se as subvencionimet e ndara tash nga qeveria Kurti nuk i përkrah.

Ai thotë së nuk do të ndalet te kjo pasi që janë subvencionime për 15 ditë dhe se me Ministrin e Financave duhet të shikojnë se si do të ndihmojnë bizneset që kanë qenë të mbyllura deri tash.

Ndërsa pastaj ndërroj në vendim dhe doli që maksimum do të jetë 500 euro subvencionimi, kështu që nuk jam për këtë i dakordum me ata, mirëpo prapë se prapë është një situatë e cila është mbyllje për 15 ditë subvencionim duhet të tejkalohen këto që të dalim në pika të tjera, duhet të shikojmë se si do të hapemi drejt verës dhe duhet të shikojmë së si do të i ndihmojmë bizneset të cilat kanë qenë deri tash totalisht të mbyllura. Po ashtu, nëse shkojmë duke vendos rregulla gastronomisë ose duke sanksionuar në veprimtarinë e saj”, tha ai./Gazeta Sinjali/

Continue Reading

Teknologji

Eksperti ndërkombëtar i harduerit open source, Jo Hinchliffe, mbajti ligjëratë në UBT

Published

on

Në Parkun Shkencor, Inovativ dhe Teknologjik të UBT-së, u zhvillua një ligjëratë e veçantë tematike nga eksperti ndërkombëtar në fushën e harduerit open source, Jo Hinchliffe, në kuadër të aktiviteteve para konferencës Software Freedom Kosova (SFK).

Ligjërata u organizua në bashkëpunim me FLOSSK dhe tërhoqi studentë, profesionistë dhe entuziastë të teknologjisë nga fusha e inxhinierisë dhe harduerit inovativ.

Jo Hinchliffe, i njohur për projektet e tij kreative dhe pasionin që përcjell tek audienca, ka kontribuar rregullisht në Raspberry Pi Magazine, ndërsa gjatë karrierës së tij ka punuar në projekte të ndryshme të harduerit, përfshirë ndërtimin e raketave dhe zhvillimin e sistemeve inovative harduerike.

Në kuadër të ligjëratës me temën “Certifikimi i një projekti harduerik open source”, Jo Hinchliffe demonstronte dizajnimin e një komponenti në KiCad dhe shpjegonte procesin e aplikimit për certifikim të një projekti open source. Studentët u njohën me standardet ndërkombëtare të dizajnimit dhe certifikimit të projekteve harduerike open source, duke marrë këshilla praktike për zhvillimin e projekteve të tyre inovative.

Ky aktivitet ishte veçanërisht i përshtatshëm për studentët e Fakultetit të Inxhinierisë Mekatronike dhe fushave të ngjashme, të cilët shprehën interes të madh për zhvillimin e sistemeve harduerike dhe teknologjive moderne. Pjesëmarrësit vlerësuan mundësinë e jashtëzakonshme për të mësuar direkt nga një ekspert ndërkombëtar dhe për të marrë njohuri të vlefshme mbi praktikat më të mira në fushën e harduerit open source.

Continue Reading

Lajmet

Profesori i UBT-së, Gazmend Ejupi, i ftuar në pritjen mbretërore të Mbreti Charles III për ekonominë krijuese

Published

on

Më 21 tetor 2025, profesori i Fakultetit të Artit dhe Medias Digjitale në UBT, Gazmend Ejupi, mori pjesë në një ngjarje të veçantë, me ftesë të British Council, organizuar në nder të Ekonomisë Krijuese të Ballkanit Perëndimor. Pritja u zhvillua nga Madhëria e Tij, Mbreti Charles III, në një atmosferë solemne dhe prestigjioze, ku u promovuan iniciativat që mbështesin krijimtarinë, artin dhe inovacionin në rajon.

Për profesor Ejupin, ky moment kishte një domethënie të veçantë personale. Si ish-banues i Londrës për 20 vite, ai u ndje i lidhur ngushtë me qytetin dhe kulturën britanike, duke shijuar një përvojë që ndërthurte kreativitetin, rrjetëzimin profesional dhe njohjen ndërkombëtare. Pjesëmarrja e tij thekson edhe njëherë kontributin e Kosovës në fushën e ekonomisë krijuese dhe artit digjital.

Gjatë pritjes, përfaqësues të artit, medias, teknologjisë dhe sektorit krijues nga e gjithë Ballkani Perëndimor patën mundësinë të ndajnë eksperiencat e tyre, të diskutojnë sfidat dhe mundësitë e zhvillimit të ekonomisë krijuese dhe të ngrenë bashkëpunime të reja ndërkufitare.

Continue Reading

Lajmet

Rindërtimi pas konfliktit: Ekspertët e UBT-së prezantojnë sukseset e Kosovës në Pragë

Published

on

Profesori Lulzim Beqiri dhe profesori Bekim Ceko nga Fakulteti i Arkitekturës dhe Planifikimit Hapësinor në UBT morën pjesë në konferencën ndërkombëtare “Towards Sustainable Reconstruction of Ukraine Cities”, të organizuar nën drejtimin e profesoreshës Vladimira Silhankova nga MIAS (Masaryk Institute for Advanced Studies) në kuadër të Czech Technical University në Pragë.

Konferenca kishte për qëllim identifikimin e sfidave të rindërtimit në Ukrainë pas përfundimit të konfliktit dhe hartimin e strategjive zhvillimore nga ekspertë ndërkombëtarë dhe vendore. Në këtë forum morën pjesë përfaqësues të universiteteve nga Çekia, Polonia, Sllovakia, Austria, Finlanda dhe Gjermania, si dhe universitete nga Ukraina, duke krijuar një platformë të rëndësishme për shkëmbimin e përvojave dhe ideve në fushën e rindërtimit urban dhe zhvillimit të qëndrueshëm.

Pjesëmarrja e Kosovës në këtë konferencë ishte veçanërisht e rëndësishme, pasi profesori Beqiri dhe profesori Ceko ndanë eksperiencat e vendit tonë në rindërtimin pas luftës. Ata prezantuan modele të strategjive të zhvillimit urban dhe praktika të suksesshme të projektimit dhe planifikimit hapësinor, të cilat mund të shërbejnë si shembull për Ukrainën në procesin e saj të rindërtimit.

Profesorët e UBT-së theksuan rëndësinë e bashkëpunimeve ndërkombëtare në fushën e urbanistikës dhe arkitekturës, duke vënë në pah se përvoja e Kosovës mund të ofrojë mësime të vlefshme për vendet që kalojnë periudha të vështira pas konflikteve. Konferenca gjithashtu shërbeu si një mundësi për rrjetëzim dhe zhvillimin e projekteve të përbashkëta akademike mes universiteteve të Evropës dhe Ukrainës.

Pjesëmarrja e profesorëve të UBT-së në këtë forum ndërkombëtar nënvizon angazhimin e institucionit për të kontribuar në diskutime globale mbi rindërtimin e qyteteve, zhvillimin urban të qëndrueshëm dhe bashkëpunimin shkencor ndërkufitar.

Continue Reading

Lajmet nga UBT

Ekipi përfaqësues i Kosovës niset për në Panama për garën ndërkombëtare të robotikës

Published

on

Ekipi përfaqësues i Kosovës, First Kosovo është nisur drejt Panamasë, ku do të marrë pjesë në garën ndërkombëtare të robotikës First Global Challenge 2025. Pas muajsh përgatitjesh në laboratorët e UBT-së, këta të rinj të talentuar janë gati të përfaqësojnë me krenari Kosovën në mesin e mbi 180 shteteve nga e gjithë bota.

Tema e First Global Challenge 2025 do të fokusohet në ruajtjen e biodiversitetit dhe luftën kundër ndryshimeve klimatike, duke inkurajuar të rinjtë të zhvillojnë zgjidhje teknologjike që kontribuojnë në mbrojtjen e mjedisit.

UBT, si institucioni që ka mbështetur këtë iniciativë që nga fillimi, është vlerësuar më herët me medalje të artë për kontributin e tij në promovimin e edukimit STEM dhe për angazhimin e vazhdueshëm në garat ndërkombëtare të robotikës.

Continue Reading

Të kërkuara