Lajmet
Kërkohet debat publik para rrënimit të tërësishëm të objektit të ish-gjykatës në Vushtrri
Published
4 years agoon
By
Betim GashiPërkundër që një pjesë e ish-objektit të gjykatës në Vushtrri është rrënuar, opozita dhe shoqëria civile po kërkojnë debat publik për rëndësinë kulturore të tij, para rrënimit të tërësishëm.
Ekskavatorëve të komunës të hënën iu është ndalur puna në gjysmë, përmes një vendimi të Ministrisë së Kulturës, Rinisë dhe Sportit, atyre iu është pamundësuar rrënimi i tërësishëm deri në një vendimmarrje tjetër, derisa objekti po ruhet edhe nga forcat e policisë. Ndërkohë, Komuna e Vushtrrisë përmes një komunikate për medie thanë se ky objekt nuk përbën trashëgimi kulturore.
Asamblisti i Lëvizjes Vetëvendosje, Hajriz Mustafa ngre dyshime se për rrënimin e këtij objekti fshehet ndonjë prapavijë për ndërtim të lartë në këtë zonë. Ai thotë për KosovaPress se zgjidhja e duhur duhet të jetë diskutimi publik me qytetarët dhe ekspertët për ndërtesën e ish-gjykatës.
“Dje në ditë vikendi kryetari e çon kompaninë këtu dhe dëmton objektin pa i bërë rrethojat rreth objektit, sigurinë rreth objektit rrezikon jetën e qytetarëve. Është një nguti e kryetarit Tahiri që të bëjë rrënimin e këtij objekti sa më shpejt dhe ta bëjë një shesh në pak metra katrorë dhe të ndërtohet, ndoshta prapa këtij sheshi ndërtesë e lartë që e ngulfatur tërësisht sheshin këtu… Objekti nuk ka dalë në diskutim publik dhe nuk është diskutuar me shoqërinë civile se a duhet të merret një vendim për rrënim të objektit, apo duhet që objekti të shfrytëzohet për muze, apo diçka tjetër”, tha Mustafa.
Kundër rrënimit të këtij objekti u shpreh për KosovaPress edhe kryetarja e Këshillit të Veprimit Rinor Lokal Vushtrri, Drita Dibrani.
“Rrënimi i këtij objekti është i paarsyeshëm, pasi nuk është dalë në dëgjim publik dhe të merret mendimi i qytetarëve. Ndoshta është mundësia për krijimin e një qendre historike, pasi dihet që ky objekt është periudhë e viteve 70-ta dhe mund të hyjë në funksion që të jetë një qendër historike”, tha Dibrani.
Qytetarët kanë mendime të ndryshme rreth kësaj çështjeje. Hysen Alili thotë për KosovaPres se objekti i ish-gjyqit në Vushtrri duhet të rrënohet, pasi nuk përfaqëson asgjë.
“Duhet të rrënohet sa më shpejt. Trashëgimi qe ku e kemi Kalanë, hamamin, kemi shumë. Ministria kurrë nuk investon, ato kanë mbetur në mëshirë vetëm të komunës. Kjo nuk është asgjë, gjykatë. Duhet të rrënohet të bëhet ndonjë shesh, por jo ndërtesa”, tha Alili.
Ndërsa, Afrim Pantina thotë se nëse pretendohet se ky objekt përfaqëson trashëgimi kulturore nuk duhet të rrënohet.
“Nëse pretendohet që është trashëgimi kulturore normalisht duhet të ruhet, ose me shfrytëzuar për diçka tjetër që ka nevojë ky vend”, tha Pantina.
Ndonëse ka banuar afër këtij objekti, Sysamendin Kera thotë se për të njëjtin nuk ka asnjë kujtim.
“Kurrfarë kujtimi s’ka, këtu e kam afër shtëpinë… gjykatë është, kanë për gjithçka, kadastra dhe krejt tjerat kanë qenë aty”, u shpreh Kera.
Ditë më parë MKRS përmes një komunikate për medie kërkoi që deri në finalizimin e procesit të vlerësimit në lidhje me vlerat e trashëgimisë kulturore të ndërtesës mos të ndërmerren hapat drejt shfrytëzimit apo rrënimit të saj.
Ndërsa në reagimin e sotëm, Komuna e Vushtrrisë, ndër të tjera tha se janë për mbrojtjen e trashëgimisë kulturore të qytetet, por ish-objekti i gjykatës nuk përbën një të tillë.
Lajmet
Paga minimale, Murati thërret në takim përfaqësuesit e bizneseve
Published
5 hours agoon
October 29, 2025By
UBTnews
Ministri në detyrë i Financave Punës dhe Transfereve, Hekuran Murati ka ftuar përfaqësuesit e komunitetit të bizneseve për të diskutuar çështjen e rritjes së pagës minimale.
Takimi është paraparë të mbahet të enjten prej orës 10:00 në objektin e Qeverisë së Kosovës.
“Në emër tê Ministrit të Financave, Punës dhe Transfereve, z. Hekuran Murati, ju ftojmë tê merrni pjesë nẽ takimin ku do tẽ diskutohet çështja e rritjes së pagës minimale”, thuhet në ftesën e Ministrisë së Financave drejtuar Dhomave dhe Odave Ekonomike në Kosovë.
Aktualisht paga minimale në vendin tonë është 350 euro bruto. Kjo rritje u bë në gusht të vitit të kaluar, disa ditë pasi hyri në fuqi Ligji për pagën minimale, i cili parashihte një rritje të pagës minimale në 264 euro bruto. Deri në fuqizimin e Ligjit të ri, paga minimale në Kosovë ishte 130 euro për punëtorët nën 35 vjeç dhe 170 euro për punëtorët deri në 65 vjeç.
Ndërsa, më 26 tetor kryeministri në detyrë Albin Kurti në seancën e jashtëzakonshme ku dështoi formimi i qeverisë së re, përmendi edhe rritjen e pagës minimale në 500 euro. /KP
Siria është shteti numër 120 që njeh pavarësinë e Kosovës, ka bërë të ditur presidentja Vjosa Osmani.
Me mbështetjen e Lartësisë së tij Mbretërore, Princit të Kurorës së Arabisë Saudite, Muhammed bin Salman Al Saud, sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës, shkruan Osmani në Facebook.
Osmani ka falënderuar presidentin Al Sharaa për vendimin për njohje të Kosovës si dhe për mbështetjen e tij për popullin tonë. Ajo ka falënderuar edhe Princin e Kurorës së Mbretërisë së Arabisë Saudite që e bëri të mundshëm këtë akt historik ndërmjet dy shteteve tona.
“Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë. Tani Kosova njihet nga 120 shtete. Republika jonë po ecë përpara dhe s’ka asgjë që mund ta ndalë”/KP
Lajmet
Transporti ajror, Shqipëria shënon rritje të numrit të pasagjerëve
Published
6 hours agoon
October 29, 2025By
UBTnews
Transporti ajror vijoi tendencën pozitive edhe gjatë tremujorit të tretë të vitit 2025, duke regjistruar rritje si në numrin e pasagjerëve ashtu edhe në volumin e mallrave të transportuara.
Sipas të dhënave zyrtare të INSTAT-it numri i pasagjerëve ka vijuar të rritet, duke arritur në 3.892.761 gjatë tremujorit të tretë të këtij viti, nga 3.534.751 që ishin në të njëjtën periudhë të vitit të kaluar, një rritje prej 10,1%, raporton ATSH.
Volumi i mallrave, përfshirë postën, që është trajtuar nëpërmjet transportit ajror, ka arritur në 714,3 tonë, prej të cilëve 78,5% janë mallra të hyrë dhe 21,5% mallra të dalë.
Ky tregues ka shënuar rritje 25,1% krahasuar me të njëjtin tremujor 2024, duke reflektuar zgjerimin e aktivitetit ekonomik dhe rritjen e kërkesës për transport ajror të mallrave. Në këtë periudhë kanë operuar gjithsej 31 shoqëri ajrore, nga të cilat 30 janë të huaja dhe vetëm një shqiptare.
Në hapësirën ajrore shqiptare janë realizuar gjithsej 139.923 fluturime, ku 83,6% e tyre përbëhen nga mbikalime./KP
Lajmet
Kurti i ftuar i nderit në darkën e shtruar nga Qarku Diplomatik i Parisit
Published
7 hours agoon
October 29, 2025By
UBTnews
Kryeministri në detyrë i Republikës së Kosovës, Albin Kurti, ishte mbrëmë i ftuar nderi në darkën e shtruar nga Qarku Diplomatik i Parisit, ku të pranishëm ishin personalitete të larta të hallkave diplomatike, politike dhe ekonomike të Francës, njoftojnë përmes komunikatës për media zyra e kryeministrisë.
Në adresimin e tij para të pranishmëve, Kurti thuhet të ketë folur për rëndësinë e solidaritetit dhe bashkëpunimit ndërmjet vendeve demokratike në avancimin e mëtejmë të shoqërive tona dhe në përballje me sfidat e përbashkëta. Ai theksoi nevojën, si dhe rëndësinë, që në rrugëtimin përpara të vendeve evropiane vlerat dhe interesat të ecin gjithmonë bashkë.
“Gjithashtu foli për angazhimin dhe vlerën e shtuar të anëtarësimit të Kosovës dhe gjithë Ballkanit Perëndimor në Bashkimin Evropian dhe NATO. Ai tha se anëtarësimi i Ballkanit Perëndimor në Bashkimin Evropian është në vetë interesin ekonomik dhe të sigurisë të Bashkimit Evropian dhe shteteve anëtare të tij. Në këtë drejtim, ai shtoi se u përket atyre që besojnë se zgjerimi i jashtëm i Bashkimit Evropian dhe reformat e brendshme të tij shkojnë krah për krah. Vetëm një Evropë që dëshiron të reformohet nga brenda mund të zgjerohet nga jashtë, dhe vetëm një Evropë që dëshiron të zgjerohet nga jashtë mund të reformohet suksesshëm nga brenda; zgjerimi i jashtëm dhe reformat e brendshme janë njëkohësisht mundësi dhe kushte të njëra-tjetrës”, citohet të ketë thënë Kurti.
Kurti sot merr pjesë në edicionin e tetë të Forumit të Paqes në Paris, me ftesë të Presidentit të Republikës së Francës, Emmanuel Macron./EO
Roli dhe rëndësia e vitaminës F në trup
Victoria Beckham: Një grua duhet të jetë budallaqe e vërtetë për të mos u marrë vesh me mua
Punë për dhjetë, e bërë nga një! Revolucioni i inteligjencës artificiale po vrapon pa e kuptuar fare
Paga minimale, Murati thërret në takim përfaqësuesit e bizneseve
Siria njeh Kosovën
Meghan dhe Harry surprizojnë tifozët, një mbrëmje mbretërore në ndeshjen e Dodgers
Si të zgjidhni mandarinat më të ëmbla dhe më të lëngshme?
Galeria Kombëtare fton publikun në një mbrëmje plot ngjyra dhe krijimtari
Uragani Melissa godet Kubën, skena të tmerrshme në Xhamajka
Të kërkuara
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën
-
Aktualitet6 days agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
