Aktualitet

Zbulohen restorantet më të mira në botë për vitin 2022

Restorantet lejohen të marrin çmimin kryesor vetëm një herë.

Published

3 years ago

July 30, 2022

UBT news

Është një tjetër vit i mirë për Kopenhagen, pasi, për të dytin vit radhazi, një restorant në kryeqytetin danez është shpallur më i miri në planet në çmimet e 50 restoranteve më të mira në botë.

Restoranti Geranium qëndron i hapur vetëm katër ditë në javë, një zgjedhje e bërë nga kryekuzhinieri Rasmus Kofoed dhe bashkëpronari Søren Ledet për të mbajtur një etikë të ekuilibrit mes punës dhe jetës.

Restorantet lejohen të marrin çmimin kryesor vetëm një herë, pas së cilës ato futen në një program të veçantë “Më të mirat nga më të mirat”.

Këtu keni listën e 50 restoranteve më të mira në botë:

Geranium (Kopenhagë, Danimarkë)
Central (Lima, Peru) Restoranti më i mirë në Amerikën e Jugut
Disfrutar (Barcelona, Spanjë)
Diverxo (Madrid, Spanjë)
Pujol (Mexico City, Mexico) Restoranti më i mirë në Amerikën e Veriut
Asador Etxebarri (Axpe, Spanjë)
A Casa do Porco (São Paulo, Brazil)
Lido 84 (Gardone Riviera, Itali)
Quintonil (Mexico City, Meksikë)
Le Calandre (Rubano, Itali)
Maido (Lima, Peru)
Uliassi (Senigallia, Itali)
Steirereck (Vjenë, Austri)
Don Julio (Buenos Aires, Argjentinë)
Reale (Castel di Sangro, Itali)
Elkano (Getaria, Spanjë)
Nobelhart & Schmutzig (Berlin, Gjermani)
Alchemist (Kopenhagë, Danimarkë)
Piazza Duomo (Alba, Itali)
Den (Tokio, Japoni) Restoranti më i mirë në Azi
Mugaritz (San Sebastian, Spanjë)
Septime (Paris, Francë)
The Jane (Antwerp, Belgjikë)
The Chairman (Hong Kong)
Frantzén (Stokholm, Suedi)
Restaurant Tim Raue (Berlin, Gjermani)
Hof van Cleve (Kruishoutem, Belgjikë)
The Clarence (Paris, Francë)
St. Hubertus (San Cassiano, Itali)
Florilege (Tokio, Japoni)
Arpège (Paris, Francë)
Mayta (Lima, Peru)
Atomix (Nju Jork)
Hiša Franko (Kobarid, Slloveni)
The Clove Club (Londër, MB)
Odette (Singapore)
Fyn (Cape Town, Afrika e Jugut)
Jordnær (Kopenhagë, Danimarkë)
Sorn (Bangkok, Tajlandë)
Schloss Schauenstein (Fürstenau, Zvicër)
La Cime (Osaka, Japoni)
Quique Dacosta (Dénia, Spanjë)
Boragó (Santiago, Kili)
Le Bernardin (Nju Jork)
Narisawa (Tokio, Japoni)
Belcanto (Lisbonë, Portugali)
Oteque (Rio de Zhaneiro, Brazil)
Leo (Bogota, Kolumbi)
Ikoyi (Londër, Angli)
SingleThread (Healdsburg, Kaliforni)/UBTNews/

Aktualitet

Aksident trafiku në Klinë të Ulët, një e vdekur dhe katër të lënduar

Published

11 hours ago

April 30, 2025

Albina Zeneli

Një aksident trafiku ndodhi sot në rrugën rajonale Mitrovicë – Skenderaj, pikërisht në fshatin Klinë e Ulët.

Policia e Kosovës njoftoi se në aksident u përfshinë dy vetura, ku si pasojë e lëndimeve të pësuara humbi jetën viktima një femër rreth 65 vjeçare, ndërsa u lënduan edhe katër persona të tjerë, të cilët u dërguan për mjekim në Spitalin Rajonal të Mitrovicës.

Aktualitet

Punëtorët e KEK-ut protestojnë më 1 maj

Published

16 hours ago

April 30, 2025

Albina Zeneli

Sindikata e Re e Korporatës së Energjisë së Kosovës njoftoi për organizimin e një proteste më 1 Maj, Ditën Ndërkombëtare të Punëtorëve, për të kërkuar paga më dinjitoze dhe kushte më të mira pune për punëtorët e sektorit energjetik.

Protesta do të mbahet të mërkurën, në ora 12:00, në sheshin “Skënderbeu” në Prishtinë.

Në njoftimin e bërë publik, Sindikata thekson se puna e tyre përmban lodhje ekstreme, rrezik të përhershëm dhe sakrificë të përditshme, duke theksuar se “kjo punë nuk ka para që mund ta paguajë”.

Për të ilustruar realitetin e vështirë, sindikata ka shpërndarë edhe një fotografi të një punëtori me fytyrë të mbuluar nga pluhuri i zi, simbol i kushteve të rënda në të cilat punojnë minatorët dhe teknikët e KEK-ut.

“Protestojmë për një pagë dinjitoze dhe respekt për punën tonë”, thuhet në thirrjen publike, ku organizatorët ftojnë qytetarët dhe përfaqësuesit sindikalë të solidarizohen me kërkesat e tyre.

Aktualitet

Zhduket një person në Shtime

Published

16 hours ago

April 30, 2025

Albina Zeneli

Një person është raportuar i zhdukur në Shtime tash e dy ditë.

Sipas njoftimit nga Policia, babai i viktimës ka raportuar në polici të hënën pasdite se djali i tij është larguar nga shtëpia dhe nuk është kthyer më.

Rasti vazhdon të hetohet.