Lajmet

Ushqimet e shëndetshme që ndihmojnë trurin

Memorie më e mirë, më shumë përqendrim e kthjelltësi si dhe më pak rrezik për t’u prekur nga sëmundjet e trurit.

Published

on

Jo vetëm për mirëqenien e organizmit, trupit apo bukurisë së jashtme, ushqimi i mirë ndikon edhe në shëndetin e trurit.

Memorie më e mirë, më shumë përqendrim e kthjelltësi si dhe më pak rrezik për t’u prekur nga sëmundjet e trurit.

Të gjitha këto promovohen nga ushqimi i mirë e i shëndetshëm.

Ndiqni disa prej tyre:

Salmon

Një nga burimet më të pasura të acideve yndyrore omega-3 të cilat kanë përfitime të jashtëzakonshme shëndetësore.

Omega-3 ndihmon në përmirësimin e shëndetit kardiovaskular, shëndetit të trurit, forcon imunitetin dhe zvogëlon inflamacionin.

Kështu salmoni jep një dozë të shëndetshme jo vetëm për zemrën, por edhe për sy, tru e kujtesë më të shëndetshme.

Ushqimet e fermentuara

Shumë studime të fundit tregojnë se ka një lidhje mes ushqimeve të fermentuara, rolit të tyre në sistemin tretës dhe shëndetin e trurit.

Kjo për shkak të probiotikëve të cilat ushqimet e fermentuara i përmbajnë me shumicë.

Ushqime të fermentuara si kimchi, lakër turshi apo kefiri janë mundësi të shkëlqyera për t’u kujdesur për trurin tuaj përmes zorrëve dhe sistemit të mirë tretës.

Frutat dhe perimet

Antioksidantët që përmbajnë frutat dhe perimet, luftojnë radikalet e lira brenda trupit dhe ulin inflamacionin.

Inflamacioni në tru mund të rrisë rrezikun e Alzheimerit dhe sëmundjes Parkinson dhe gjithashtu rrit rrezikun për depresion.

Kështu që AgroWeb sugjeron ta mbushni pjatën me fruta dhe perime në çdo vakt e përgjatë ditës për të promovuar shëndetin e mirë.

Çokollata

Përtej hormonit të lumturisë që çlirohet në tru sa herë konsumoni çokollatë, ajo ndihmon edhe me shëndetin e mirë të kujtesës.

Po flasim për çokollatën e zezë e cila përmban pak kafeinë dhe flavonoide të cilat ju mbajnë më të fokusuar dhe të mprehtë gjatë ditës.

Konsumoni një sasi të vogël çdo ditë për të përmirësuar memorien e për t’i dhënë pak shije ditës tuaj.

Turmeriku

Erëza e famshme e cila shpesh gjendet në formën e pluhurit portokalli mund të jetë një kurë e vërtetë për trurin.

Turmeriku ndihmon në përmirësimin e shumë funksioneve konjunktive të trurit.

Ndaj bëjeni gjithnjë e më shumë pjesë të recetave tuaja.

Ushqimet e detit

Konsumimi i ushqimeve të detit të paktën 2-3 herë në javë ul rrezikun e prekjes nga sëmundjet e zemrës dhe rrit shëndetin e trurit si tek të rriturit ashtu edhe tek fëmijët.

Këto ushqime përmbajnë Omega-3 dhe një sërë yndyrash të shëndetshme të cilat ulin stresin dhe ju ndihmojnë të parandaloni ankthin.

Qiqrat

Qiqrat përbëhen nga fibrat dhe karbohidrate të cilat janë të nevojshme për trurin.

Ato gjithashtu përmbajnë magnez i cili ndihmon në tejçimin e më shumë gjaku në të gjithë trupin e sidomos në tru.

Kështu do të ndiheni më të çlodhur dhe do e ndihmoni trurin të punojë më lehtë.

Vitamina C

Ushqimet e pasura me vitaminë C si portokalli, brokoli, luleshtrydhet apo specat e kuq janë një burim i mirë shëndeti për trurin.

Kjo vitaminë ju ndihmon të mbani larg sëmundje si Alzhaimer dhe ka efekt mbrojtës.

Barishtet jeshile

Të njohura për rolin e tyre në shëndet dhe shumë të pasura me vitaminë K dhe folate.

Çdo barishte e ngrënshme me gjethe jeshile është e mirë për të mbrojtur trurin tuaj nga sëmundjet e sidomos ato të kujtesës.

Kafe dhe çaj

Kafeina që përmban kafja dhe çaji ju ndihmon me përqendrimin dhe të qëndroni më të kthjellët gjatë ditës.

Sigurisht nëse e konsumoni në sasi të vogla 1-2 filxhanë në ditë për të mos vuajtur nga efektet e tyre anësore në organizëm dhe pagjumësinë.

Dieta mesdhetare

Njihet si një nga dietat më të mira në botë.

E pasur me të gjitha llojet e ushqimeve të freskëta dhe yndyra të shëndetshme, dieta mesdhetare mban larg sëmundjet që prekin trurin.

Konsumoni shumë arrorë, sardele, djathë të bardhë, agrume, ullinj, fribra dhe fruta e perime për të pasur një memorie më të mirë e tru më të shëndetshëm.

Lajmet

Përmes muralit “7 të rënët” kërkohet të jetë prioritet shëndeti dhe siguria në punë

Published

on

By

Në Ditën Ndërkombëtare të Sigurisë dhe Shëndetit në Punë në Prishtinë afër hapësirave të stacionit të trenit është shpalosur murali “7 të rënët”. Ky mural është përpjekje për të nderuar shtatë punëtorët e rënë në vendin e punës vitin e kaluar, dhe për të ngritur vetëdijen për rëndësinë  e kushteve të sigurta dhe të shëndetshme në punë.

Murali është realizuar në kuadër të projektit “përtej punësimit” nga Qendra për Politika dhe Avokim (QPA) dhe mbështetur nga Ambasada e Suedisë në Kosovë dhe Frederich Elbert Stiftung.

Ambasadori i Suedisë në Kosovë, Jonas Westerlund tha se ky mural është rikujtim për institucionet, punëdhënësit dhe punëtorët se shëndeti në punë është prioritet. Ai tha se edhe shteti suedez ka dhënë kontributin e tij për sigurinë në punë në Kosovë.

Drejtori i Qendrës për Politika dhe Avokim (QPA), Milaim Morina tha se referuar shifrave të këtij fillim viti gjendja është shqetësuese.

Sipas tij vetëm në tre muajt e parë të vitit 2025 në vendin e punës kanë vdekur 3 punëtorë, ndërsa janë lënduar afër 90.

Menaxheri i programit në Frederich Elbert Stiftung, Egzon Osmani theksoi se ky mural është thirrje për reagim dhe ofrim të sigurisë në vendin e punës.

Dita Botërore për Sigurinë dhe Shëndetin në Punë mbahet çdo vit më 28 prill.

Kjo ditë u iniciua për të promovuar dhe diskutuar rëndësinë e të pasurit një mjedis pune të sigurt dhe të shëndetshëm. Të dhënat tregojnë se vdekjet që kanë ndodhur si pasojë e aksidenteve në punë janë 19% globalisht.

Continue Reading

Lajmet

Kosova lëshon urdhërarrest ndaj Milan Radoçiqit dhe 19 tjerëve për krime lufte

Published

on

By

Gjykata Themelore në Prishtinë ka lëshuar urdhërarrest ndaj Millan Radoiçiqit dhe 19 serbëve të tjerë për veprën penale “Krime lufte kundër popullatës civile”.

Ata dyshohen se kanë vrarë rreth 106 civilë shqiptarë në Gjakovë, raporton “Betimi për Drejtësi“.

Këtë e ka konfirmuar për “Betimi për Drejtësi” prokurori special, Ilir Morina.

Ndryshe, Milan Radoiçiq akuzohet edhe për sulmin terrorist në Banjskë të Zveçanit, sulm për të cilin edhe e ka pranuar përgjegjësinë. Për këtë rast, Gjykata ka lëshuar letërreshtime ndërkombëtar për sigurimin e prezencës së Radoiçiqit dhe të pandehurve tjerë në procedurë.

Prokuroria Speciale e Republikës së Kosovës (PSRK) më 11 shtator 2024 ka ngritur aktakuzë kundër Milan Radoiçiqit dhe 44 të tjerëve për sulmin terrorist të 24 shtatorit 2023 në Banjskë të Zveçanit. Të akuzuarit ngarkohen se përmes përdorimit të dhunës me armatim të rëndë, tentuan ta shkëpusin pjesën veriore të territorit të Republikës së Kosovës e t’ia bashkojnë Republikës së Serbisë, me ç’rast si rezultat i dhunës së përdorur ka mbetur i vdekur zyrtari policor Afrim Bunjaku e u rrezikua jeta e zyrtarëve tjerë policorë dhe popullatës civile.

Aktakuza e Prokurorisë Speciale ngarkon 44 persona fizikë dhe një person juridik “RAD D.O.O”. Listës së të akuzuarve i prin Milan Radoiçiq. /BetimipërDrejtësi

 

Continue Reading

Lajmet

Punimet në sheshin “Xhorxh Bush”, reagon Policia

Published

on

By

Drejtoria Rajonale e Policisë së Kosovës në Prishtinë bëri të ditur se prezenca e zyrtarëve policorë në sheshin  “Xhorxh Bush” sot ishte në asistim të Drejtorisë së Inspektoratit të Komunës së Prishtinës, për aktivitete të planifikuara në kuadër të punës sekondare, aktivitete këto që nuk ndërlidhen me asistimin e kryerjes se punimeve në atë zonë.

Zyrtarët policorë veprojnë në bazë të parimeve të ligjshmërisë, proporcionalitetit dhe neutralitetit, duke respektuar në çdo rast ndarjen e pushteteve dhe kompetencat e institucioneve të tjera.

 Çdo pretendim që sugjeron tejkalim të kompetencave nga Policia e Kosovës është i pabazuar dhe bie ndesh me misionin tonë për të vepruar në mënyrë të paanshme dhe në përputhje me ligjin.​

Policia e Kosovës mbetet e përkushtuar për të ofruar mbështetje institucionale në përputhje me ligjin dhe për të garantuar sigurinë publike, duke respektuar gjithmonë kufijtë e kompetencave të saj”, thuhet në reagimin e Policisë.

Continue Reading

Lajmet

Kaq mallra të falsifikuara ka konfiskuar Dogana e Kosovës gjatë vitit 2024

Published

on

By

Ministria e Industrisë, Ndërmarrësisë dhe Tregtisë, përmes Agjencisë për Pronësi Industriale ka shënuar Ditën Botërore të Pronësisë Intelektuale.

Ministrja në detyrë e Industrisë, Ndërmarrësisë dhe Tregtisë, Rozeta Hajdari, tha se qeveria e ka kuptuar rëndësinë e pronësisë intelektuale, andaj atë e ka shndërruar në politikë publike konkrete.

Sipas saj, përmes markave tregtare kanë avancuar në ruajtjen e pronësisë intelektuale, derisa përmendi se janë zgjidhur 741 raste të shkeljeve ndër vite të markave tregtare.

Ajo theksoi se pronësia intelektuale është e rëndësishme në shekullin e teknologjisë dhe revolucionit industrial.

Në anën tjetër, përfaqësuesi i Doganës së Kosovës, Driton Azemi, tha se vitin 2024 kanë pasur 148 kërkesa për veprim doganor në fushën e pronësisë intelektuale.

Po ashtu ai tha se në vitin e kaluar kanë konfiskuar mbi 272 mijë artikuj si mallra të falsifikuara me një vlerë të përgjithshme 12.5 milionë euro.

Dogana e Kosovës që nga fillimi ka marrë përgjegjësitë dhe rolin e saj me qëllim të mbrojtjes së të drejtave të pronësisë intelektuale dhe i ka kryer të gjitha detyrat e saj. Këtu po e veçoj se vetëm gjatë vitit 2024 ne kemi shqyrtuar 148 kërkesa për veprim doganor në fushën e të drejtave pronësisë intelektuale, ndërkaq 601 kërkesa që kanë të bëjnë me marka tregtare si dhe 40 kërkesa për të drejtat e autorit. Si rezultat i këtij angazhimi dhe falë bashkërendimit të ngushtë me të gjithë akterët të  tjerë relevant gjatë vitit 2024 Dogana e Kosovës ka iniciuar 805 raste për verifikimin e mallrave me dyshim për shkelje të pronësisë intelektuale. Ka arritur të konfiskojë mbi 272 mijë artikuj të cilët pas verifikimit janë konstatuar si mallra të falsifikuara me një vlerë të përgjithshme prej 12.5 milionë euro”, theksoi ai.

Krahas kësaj në kuadër të shënimit të Ditës Botërore të Pronësisë Intelektuale, u diskutua edhe për “Muzika dhe Pronësia Intelektuale: Krijimtaria, Institucionet dhe Mbrojtja Ligjore.

Continue Reading

Të kërkuara