Kulturë

Udhëtoni drejt të panjohurës, nga Mozambiku në “Detin e Shenjtë” në Rusi

Për vitin e ardhshëm, “National Geographic” ka përzgjedhur 25 destinacione.

Published

4 years ago

November 22, 2021

Betim Gashi

Me pandeminë, fundi i së cilës duket ende shumë larg, kushdo shpreson që 2022-shi do të jetë viti i rikthimit drejt udhëtimeve, për të zbuluar pse jo, horizonte të reja.

Me listën e dëshirave përpara festave të fundvitit, secili ka bërë disa plane për vitin e ardhshëm, ndërsa “Lonely Planet” dhe National Geographic ju japin disa sugjerime, pasi kanë zbuluar tashmë ato që konsiderohen destinacionet që duhen vizituar patjetër gjatë 2022-shit.

“National Geographic”, me përzgjedhjet e çdo viti të destinacioneve që duhen zbuluar, bën një lloj edukimi të turistit që prej vitit 1888, për të udhëtuar edhe drejt vendeve pak të njohura, por kur vizitohen, kthehen në aventura të paharruara.

Për vitin e ardhshëm, “National Geographic” ka përzgjedhur 25 destinacione që duhen vizituar me patjetër, të ndara në 5 kategori kryesore: natyrë, aventurë, kuzhinë, kulturë dhe familje, të gjitha të fokusuara te parqet kombëtare dhe kafshët e egra, aktivitetet në natyrë dhe eksperiencat në hotele me 5 yje, si dhe udhëtimin e gjelbër.

Ekspertët e udhëtimit sugjerojnë një udhëtim ndryshe, të ri, frymëzues, nga Lumi Senë në Paris, në këmbë apo një xhiro me biçikletë te shëtitja në Parkun Kombëtar në Mozambik.

Bregu i Napolit konsiderohet si kryeqyteti italian i kulturës për 2022. Hokkaido, ishulli në veri të Japonisë, është kurorëzuar “Mbretëresha e bukurisë natyrore”, duke i mahnitur vizitorët me ujëvarat dhe natyrën e saj të pasur.

Në qoftë se dëshironi diell dhe aventurë, “National Geographic” rekomandon ujërat antikë të Liqenit Baikal apo njohur si “Deti i shenjtë” rus. Për një aventurë në familje, sugjerohet një shëtitje buzë Danubit apo një shëtitje në Granada të Spanjës.

Kulturë

Panairi “Gjergj Kastrioti Skënderbeu” sjell frymën shqiptare në Bronx

Published

1 hour ago

March 23, 2026

UBTNews

Komuniteti shqiptar në New York po përgatitet për një ngjarje të veçantë kulturore që premton të bashkojë traditën, artin dhe shpirtin komunitar. Panairi “Gjergj Kastrioti Skënderbeu” do të mbahet më 3 maj 2026 në Bronx, duke sjellë një atmosferë festive me muzikë, valle dhe shije autentike shqiptare.

Ky aktivitet synon të nderojë figurën historike të heroit kombëtar Gjergj Kastrioti Skënderbeu, duke e lidhur trashëgiminë e tij me identitetin dhe kulturën shqiptare në diasporë. Vizitorët do të kenë mundësi të shijojnë performanca live nga artistë shqiptarë, valle tradicionale, si dhe gatime tipike që pasqyrojnë pasurinë e kuzhinës shqiptare.

Panairi pritet të tërheqë familje, të rinj dhe dashamirës të kulturës, duke krijuar një hapësirë ku brezat lidhen përmes historisë dhe traditës. Organizatorët theksojnë rëndësinë e ruajtjes së identitetit kulturor dhe promovimit të vlerave shqiptare në një qytet multikulturor si New York.

Ky event është më shumë se një festë, është një rikujtim i rrënjëve, një bashkim komunitar dhe një mundësi për të ndarë kulturën shqiptare me botën.

Kulturë

Kryetari i Prishtinës nderon aktoren Fatlume Bunjaku për suksesin në Berlinale

Published

4 days ago

March 19, 2026

ubtnews

Kryetari i Prishtinës, Përparim Rama, ka vlerësuar aktoren dhe profesoreshën në Fakultetin e Arteve në UBT, Fatlume Bunjaku, për suksesin e saj ndërkombëtar, pasi është përzgjedhur “European Shooting Stars 2026” në kuadër të Berlinale, një nga platformat më prestigjioze evropiane për promovimin e aktorëve me potencial.

Në një takim të veçantë, Rama e nderoi aktoren për këtë arritje të rëndësishme, duke theksuar kontributin e saj në përfaqësimin dinjitoz të Kosovës në arenën ndërkombëtare.

Kulturë

“Zbardhje” i Kaltrina Krasniqit merr mbështetje nga Fondi Hubert Bals

Published

4 days ago

March 19, 2026

UBT News

Filmi i ri artistik i regjisores Kaltrina Krasniqi, “Zbardhje”, është përzgjedhur për mbështetje nga Fondi Hubert Bals i Festivalit Ndërkombëtar të Filmit në Roterdam përmes skemës HBF+EU Minority Co-Production. Filmi trajton mënyrat se si gjinia, klasa dhe vetëdija për trupin formësojnë marrëdhëniet e përditshme mes grave që jetojnë në Prishtinë, në rrethana të ndryshme sociale dhe ekonomike.

Skenari është nga Doruntina Basha, ndërsa prodhimi bëhet nga Ares Shporta për Vera Films, në bashkëprodhim me Portokal (Bullgari), Papadhimitri Productions (Shqipëri) dhe Code Blue Production (Mali i Zi). Xhirimet fillojnë këtë javë në Prishtinë.

Fondi Hubert Bals ka mbështetur mbi 1,400 projekte filmike ndër vite, shumë prej të cilave janë shfaqur në Festivalet e Kanës, Venecias dhe Berlinale. Skema HBF+EU Minority Co-Production ka për qëllim të tërheqë bashkëprodhues evropianë dhe të lidhë projekte me kinemanë arthouse ndërkombëtare.