Historia familjare dhe diabeti janë faktorët më të fortë rreziku për sëmundjet kardiovaskulare. Kështu thekson kardiologu invaziv nga United Hospital, Edis Demiri në episodin e podcastit “Shëndeti në rend të parë” në Telegrafi, ku flet si për shkaqet kryesore ashtu edhe për një rast të pazakontë klinik që i shpëtoi jetën një pacienti.

“Faktori më i rëndësishëm është historia familjare për sëmundjet e zemrës”, thotë Demiri, duke shtuar se nëse prindërit ose vëllezërit/motrat kanë pësuar infarkt apo ndërhyrje kardiake në moshë të re, “edhe ai person është i rrezikuar”.

Sipas tij, “diabeti është pothuajse po aq i rëndësishëm sa historia familjare”, ndërsa më pas vijnë faktorë të tjerë si duhani, hipertensioni dhe yndyrnat e larta në gjak.

Mesazhi i mjekut është i qartë: kontrolloni rregullisht shëndetin e zemrës, veçanërisht nëse keni histori familjare apo diabet; ndaloni duhanin, mbani tensionin dhe lipidet nën kontroll dhe kërkoni ndihmë mjekësore urgjentisht në shenja si dhimbje gjoksi, djersitje të ftohta, marramendje ose vështirësi në frymëmarrje.

Për bisedën e plotë me këshilla praktike dhe sqarime të mëtejshme, ndiqni episodin e ri të podcastit “Shëndeti në rend të parë” në Telegrafi.

Një prej programeve që ka gërshetuar parimet shkencore me aplikimin e tyre në praktikë në industrinë ushqimore të gjithë studentëve iu ofrohet edhe në nivelin master të studimeve.

Programi i nivelit master Shkencat dhe Teknologjia e Ushqimit në UBT, studentëve iu ofron mundësinë që të përfitojnë praktika profesionale dhe njohuri nga ekspertët më të mirë të kësaj fushe, duke u avancuar në tjetër nivel rreth mënyrës së mirëmbajtjes dhe përmirësimit të cilësisë dhe sigurisë së ushqimit.

Me specializime unike që ndërlidhen me fushën e bioteknologjisë dhe inxhinierisë ushqimore, ky program studimi përgatit profesionistë të ardhshëm të fushës së bioteknologjisë të cilët do t’i shërbejnë vendit me praktikat më të mira të marra nga UBT.

Laboratorët më të sofistikuar dhe special të kësaj fushe për të bërë hulumtime dhe për të kryer punën praktike, janë një ndihmesë shumë e mirë për studentët e këtij programi që duan të bëhen pjesë e një ekipi të suksesshëm e inovator që është në UBT.

APLIKO TANI ONLINE!

UBT angazhohet që çdo student i Fakultetit të Shkencave të Ushqimit dhe Bioteknologjisë të ketë rrugë të sigurta drejt punësimit. Falë bashkëpunimeve strategjike me kompani vendore dhe ndërkombëtare, rreth 98% e studentëve tanë janë të punësuar pas diplomimit, ndërsa një pjesë e tyre fillojnë karrierën profesionale edhe gjatë studimeve.

Një shembull i qartë i këtij suksesi është partneriteti me SACH Corporation, kompani lidere në gastronomi dhe prodhimin e ushqimit, e cila ka hapur dyert për studentët e UBT-së, duke u ofruar mundësi për praktika profesionale dhe punësim të drejtpërdrejtë.

Pesë studentë dhe të diplomuar të Fakultetit janë aktualisht pjesë e kësaj kompanie:

Argjenta Thaqi, e diplomuar në Shkencat e Ushqimit, prej tre vitesh udhëheq me profesionalizëm Departamentin e Kontrollit të Cilësisë në njësinë Gastronomix të SACH.

Femijona Shala, e sapodiplomuar, punon si teknologe ushqimore në sektorin e prodhimit.

Orinda Restelica dhe Tuana Shameti, studente të vitit të dytë, kanë kombinuar studimet me punën praktike në sektorin e prodhimit.

Bashkëpunimet me kompani si SACH Corporation garantojnë vendet e praktikës, përgatitjen profesionale në ambiente prodhuese dhe rrjedhimisht kontrata pune në pozicione të teknologjisë ushqimore, kontrollit të cilësisë dhe menaxhimit të prodhimit — elementë kyç të punësimit të qëndrueshëm dhe adaptimit profesional.

Vlera Lipa, ish-studente e Fakultetit të Farmacisë në UBT, ka hapur barnatoren “Lipa Pharm”. Rruga e saj nga studimet e deri te shërbimi shëndetësor është dëshmi praktike e vizionit të UBT-së: formimi i kuadrove profesionale që jo vetëm punësohen, por edhe krijojnë vende të reja pune dhe përmirësojnë kujdesin shëndetësor për komunitetin.

Aftësitë e fituara në lëndët e farmacisë klinike, teknologjisë farmaceutike, legjislacionit dhe menaxhimit të barnave i dhanë asaj bazën e nevojshme për të kuptuar të gjitha hallkat e zinxhirit të furnizimit dhe shërbimit farmacetik.

Praktikat profesionale, punët në laborator dhe angazhimet me partnerë të industrisë e ndihmuan që të transformonte njohuritë teorike në kompetenca të aplikuara.

Përveç shërbimeve të përditshme, “Lipa Pharm” ka vendosur standarde në zbatimin e procedurave të sigurisë, ruajtjes së medikamenteve dhe mekanizmave të sigurimit të cilësisë — elemente që pasqyrojnë qasjen profesionale që Vlera mori gjatë studimeve në UBT.

Historia e suksesit të Vlera Lipës dëshmon me fakte se modeli i UBT-së — i mbështetur te mësimdhënia praktike, bashkëpunimet me industrinë dhe fokusimi në zhvillimin e aftësive të duhura profesionale — prodhon jo vetëm farmacistë të kualifikuar, por edhe liderë që kontribuojnë në zhvillimin ekonomik dhe shëndetësor të komunitetit. Suksesi i Vlerës tregon se programet universitare mund të jenë katalizator për sipërmarrje, punësim dhe shërbim cilësor ndaj pacientit.