Magazinë

Turneu “Cowboy Carter”, Beyonce dhuron bileta falas për familjet në nevojë në Londër

Published

on

Beyonce thuhet se ka shpërndarë në heshtje bileta falas për turneun“Cowboy Carter” për familjet me të ardhura të ulëta në Londër, pasi një numër i madh vendesh mbeten të pashitura në Tottenham Hotspur.

Superylli global 43-vjeçar, së cilën e shoqërojnë në skenë vajzat e saj Blue Ivy, 13 vjeçare, dhe Rumi, shtatë vjeçe, ka marrë kritika entuziaste për listën e saj ambicioze prej 40 këngësh, me kritikët që vlerësojnë shkallën e prodhimit dhe performancën e fuqishme të krijueses së hitit “Texas Hold’Em”.

Por, pavarësisht vlerësimeve kritike, asnjë nga gjashtë shfaqjet e saj në Londrën Veriore nuk është shitur plotësisht, duke habitur shumë njerëz marrë parasysh numrin e madh të fansave të saj.

Disa familjeve që mbështeten në mensa për të varfrit e bankat e ushqimit të komunitetit u janë dhënë bileta, organizatorët përpiqen të shmangin sikletin e seksioneve dukshëm të zbrazëta në vendin me kapacitet prej 62,000 vendesh.

Publikimi raporton se që nga nata e së hënës, qindra vende mbetën të lira për koncertin e së martës, me seksione të hapura në më shumë se 70 pjesë të stadiumit. Fansat dhe njerëzit brenda kanë treguar disa arsye për shitjet më të ngadalta. Shumë veta e kanë përmendur koston e biletave si një faktor kryesor.

Kur ato dolën në shitje për herë të parë në shkurt, paketat e nivelit të lartë arritën në 1120 euro – më e larta e çdo turneu në Mbretërinë e Bashkuar këtë vit.

Disa bileta në shitje paraprake që fillimisht kushtonin 730 euro janë ulur që atëherë në vetëm 165 euro.

Magazinë

Hugh Jackman zbulon incidentin e papritur në skenë: ‘Nuk e prisja kurrë!’

Published

on

Aktori i njohur Hugh Jackman ka rrëfyer një nga episodet më të sikletshme të karrierës së tij, i cili ndodhi gjatë një shfaqjeje të “Beauty and the Beast”.

Teksa interpretonte rolin e Gastonit dhe këngën “Me”, ai humbi kontrollin për shkak të një problemi krejt të papritur.

Jackman tregon se atë periudhë vuante nga dhimbje të forta koke e një naturopat i kishte këshilluar të pinte shumë ujë për t’u hidratuar.

Ai e teproi me rekomandimin dhe përfundoi duke pirë rreth 7 litra ujë brenda ditës, gjë që i solli telashe në skenë.

Gjatë performancës së parë, ndërsa ngrinte dhe tërhiqte aktoren që luante Belle, atij iu shkëput pak urinim dhe për shkak të kostumit të ngushtë, momenti u bë edhe më i vështirë për t’u fshehur.

Në kulmin e këngës, Jackman u përball me dilemë të çuditshme: të këndonte notën e lartë F, duke rrezikuar që situata të përkeqësohej, apo të shmangte notën e të prishte pjesën muzikore. Ai vendosi ta këndonte dhe urina vazhdoi t’i rridhte poshtë kostumit gjatë gjithë skenës.

Aktori e përshkruan këtë si një nga momentet më të turpshme dhe të paharrueshme të jetës së tij në teatër. /A.Z/UBT News/

Continue Reading

Magazinë

Snoop Dogg bëhet trajneri i parë nderi i Ekipit Olimpik të SHBA-së

Published

on

Snoop Dogg është emëruar trajneri i parë nderi i Ekipit Olimpik dhe Paralimpik të SHBA-së për Lojërat Dimërore Milano Cortina 2026.

Roli, i krijuar nga USOPC, ka për qëllim të sjellë motivim, energji dhe humor për atletët jashtë garave.

Përmes LinkedIn, ai u prezantua si “Trajneri Snoop”, duke theksuar se dëshiron t’i mbështesë sportistët dhe t’u ngrejë moralin.

Ky pozicion vjen pas popullaritetit të tij në Lojërat e Parisit 2024, ku ishte korrespondent për NBC.

Snoop pritet të sjellë stilin e tij të veçantë sidomos në sportet me atmosferë dinamike si snowboarding dhe ski freestyle.

Me praninë e tij, Lojërat Dimërore 2026 premtojnë kombinim të sportit elitar me karizmën e tij unike. /A.Z/UBT News/

Continue Reading

Magazinë

Filmi britanik ‘A Gangster’s Life’ prezanton motrën e Dua Lipës në rol të krimineles

Published

on

Aktorja dhe modelja 24-vjeçare, e cila është motra e yllit të pop-it, Dua Lipa, do të luajë me Jonny Weldon nga filmi One Day dhe Tony Cook nga Dune: Part Two në filmin emocionues britanik kriminal A Gangster’s Life.

Për debutimin në ekranin e madh në janar, Rina do të interpretojë Scarlett, një personazh që jeton në botë të rrezikshme me mafiozë të çmendur, vrasje dhe tradhti.

Rina do të ndjekë hapat e motrës së saj të famshme, këngëtares dhe aktorës Dua Lipa, në A Gangster’s Life, ku drejtori dhe kameramani i shpërblyer, Zak Fenning, do të bëjë debutimin e tij regjisorial.

Filmi i ardhshëm i bën homazhe klasikëve të mëdhenj të filmave gangsterë, duke përfshirë Lock, Stock and Two Smoking Barrels dhe The Gentlemen të Guy Ritchie. Në film do të jenë Tomi May, Christina Gkioka, Bradley Turner dhe Sasha Latoya, ndërsa premierë digjitale në Mbretërinë e Bashkuar pritet më 19 janar, nga Miracle Media.

Filmi tregon historinë e mashtruesve të nivelit të ulët, Ant dhe Dick, të cilët përplasen me mafiozin mizor londinez, Emery (May). Pas këtij përplasjeje që ndryshon jetën e tyre, dy mashtruesit rekrutohen me ngurrim në botën e errët dhe të rrezikshme kriminale të Emery-t.

Personazhi i Rina-s, Scarlett, është një nga anëtarët e pa mëshirshëm të skuadrës së Emery-t, që përdorin Ant dhe Dick si pjata në aktivitetet e tyre kriminale. Megjithatë, dyshja detyrohet të ikë në Greqi kur një nga anëtarët e mafies humbet jetën.

Familja Lipa nuk është e panjohur për rolet filmike, pasi Dua më parë ka luajtur si Mermaid Barbie në Barbie të Greta Gerwig në 2023.

Vitin e kaluar, Dua u transformua në personazhin e rrezikshëm të spiunazhit, LaGrange, në filmin Argylle të Matthew Vaughn, i cili gjithashtu solli në ekran Henry Cavill, Bryce Dallas Howard, Sam Rockwell dhe Bryan Cranston.

Filmi A Gangster’s Life do të jetë në formë digjitale më 19 janar nga Miracle Media. /A.Z/UBT News/

Continue Reading

Magazinë

Nemo, fituesi i Eurovisionit, dorëzon trofeun në protestë ndaj përfshirjes së Izraelit

Published

on

Në një veprim të pazakontë, fituesi i Eurovisionit 2024, këngëtari zviceran Nemo, ka bërë të ditur se ka vendosur të kthejë trofeun e fituar, si formë proteste ndaj vendimit për të lejuar Izraelin të marrë pjesë në Eurovision 2026.

Artisti tha në deklaratën publike se Eurovisioni duhet të përfaqësojë unitet, përfshirje dhe dinjitet, vlera të cilat beson se nuk përputhen me vendimin për pjesëmarrjen e Izraelit.

“Sot nuk ndjej më se ky trofe i përket raftit tim,” u shpreh Nemo, duke theksuar se e vlerëson komunitetin e Eurovisionit, por nuk mund të qëndrojë i heshtur përballë situatës.

Ky hap vjen në një moment kur disa vende tashmë kanë paralajmëruar ose kanë konfirmuar tërheqjen nga edicioni 2026, në shenjë kundërshtimi ndaj përfshirjes së Izraelit, për shkak të konfliktit të vazhdueshëm në Lindjen e Mesme.

Gesti i Nemos ka shkaktuar diskutime të gjera në botën muzikore dhe kulturore, duke rihapur debatin mbi roli politik dhe përgjegjësia morale e Eurovisionit, festivalit më të madh muzikor në kontinentin evropian. /A.Z/UBT News/

Continue Reading

Të kërkuara