

Lajmet
Tolaj: Në Kosovë është krijuar imunitet, varianti afrikan nuk dallon nga ai “origjinal”
Tolaj: Vaksinimi i gjithë popullatës duhet të bëhet sa më shpejt sepse është zgjidhja e vetme.
Published
4 years agoon
By
Betim GashiPersonat që e kanë kaluar virusin dhe kanë krijuar anti-trupa janë të mbrojtur nga varianti afrikan, tha në një prononcim për Ekonomia Online, infektologu Ilir Tolaj.
Tutje, ai tha se varianti afrikan nuk dallon nga të tjerët vetëm se përhapet më shpejt te njerëzit. Ky variant njihet si Beta nga Organizata Botërore e Shëndetësisë.
“Së pari ata që kanë kaluar virusin dhe kanë krijuar një imunitet janë të mbrojtur nga ky variant. Gjithashtu ata që janë të vaksinuar janë të mbrojtur edhe nga ky variant. Edhe në qoftë se dikush infektohet eventualisht do ta kalojë sëmundjen më lehtë. Në aspektin e ecurisë së sëmundjes ky variant nuk dallon prej ecurive të mëhershme por karakterizohet me një përhapje më të shpejt”.
“Prandaj në aspektin klinik nuk ka dallim, ndërsa në aspektin e rritjes së numrave të rasteve të reja do të varet shumë se sa njerëz e kanë kaluar në Kosovë Covidin. Në Kosovë është një përqindje e madhe që deri më tash kanë rënë në kontakt me virusin Sars Cov2, kanë krijuar një lloj të imunitetin i cili do ta mbrojë nga ndonjë valë pasuese”, tha Tolaj.
Sipas tij, vaksinimi i gjithë popullatës duhet të bëhet sa më shpejt sepse është zgjidhja e vetme.
Ai theksoi se tashmë në botë po bëhen studime edhe për vaksinimin e fëmijëve deri në moshën 12 vjeç.
“Vaksinat janë të domosdoshme dhe duhet të jetë masiv duke përfshirë jo vetëm grupet e rrezikuara por edhe tërë popullatën nga mosha 12 vjeç e tutje. Tani në botë po bëhen studime edhe për vaksinimin e fëmijëve deri në moshën 12 vjeç. Prandaj vaksinimi i gjithë popullatës sa më shpejt që të jetë e mundur është zgjidhja më fatlume dhe më e mirëpritur që mund t’i ndodhë këtij vendi për të dalë nga kjo pandemi vdekjeprurëse”, tha ai për EO.
Varianti Beta, i identifikuar për herë të parë në Afrikën e Jugut, është përhapur tashmë në së paku 20 vende të botës.
Nuk ka prova se ai shkakton sëmundje më të rëndë nga Coronavirusi se variantet e tjera, por ka shqetësime se ai mund të përhapet më shpejt.
You may like
Bota
Bashkimi Evropian jep mbi 3 miliardë euro shtesë në Ukrainë
Published
13 minutes agoon
April 2, 2025By
UBT NEWS
Ukraina ka marrë një ndihmë shtesë prej 3,5 miliardë euro (3,8 miliardë dollarë) nga Bashkimi Evropian, njoftoi qeveria e Kievit. Kjo mbështetje financiare është konsideruar thelbësore për ruajtjen e stabilitetit makroekonomik të vendit, në një periudhë të vështirë për shkak të luftës.
Kryeministri i Ukrainës, Denys Shmyhal, e quajti këtë ndihmë si një faktor të rëndësishëm në stabilizimin e ekonomisë, duke e vlerësuar atë si një mjet të nevojshëm për të mbajtur balancat financiare të vendit gjatë periudhës së luftës me Rusinë. Shmyhal shprehu mirënjohjen për mbështetje dhe theksoi se ky financim është i nevojshëm për të përballuar sfidat ekonomike dhe për të mbajtur operacionet e qeverisë në funksionim.
Paketa financiare përfshin 3,1 miliardë euro kredi me interes të ulët dhe 400 milionë euro grante, tha Ministria e Ekonomisë e Ukrainës. Këto fonde janë pjesë e programit të Bashkimit Evropian për “Ukraine Facility”, i cili ka si synim të sigurojë një mbështetje financiare prej 50 miliardë eurosh deri në vitin 2027.
Ukraina ka marrë tashmë 16 miliardë euro nga ky program vetëm këtë vit, duke theksuar angazhimin e BE-së për të mbështetur Ukrainën në mbrojtjen e saj kundër pushtimit të Rusisë, i cili ka vazhduar për më shumë se tre vjet.
Qeveria ukrainase ka deklaruar se që nga fillimi i luftës, Ukraina ka marrë afërsisht 110 miliardë euro në ndihma ndërkombëtare, duke përfshirë edhe kontributet nga shtetet dhe organizatat perëndimore, të cilat kanë qenë të domosdoshme për ruajtjen e stabilitetit të buxhetit të shtetit dhe financimin e shpenzimeve ushtarake.
Lajmet
Kurti nis konsultimet për qeverinë e re, takohet me Emilija Rexhepin
Published
21 minutes agoon
April 2, 2025By
UBT NEWS
Kryeministri në detyrë i Kosovës, Albin Kurti, ka njoftuar se ka filluar takimet konsultative me partitë politike të pakicave për formimin e qeverisë së re, pas certifikimit të rezultateve të zgjedhjeve të 9 shkurtit. Takimi i parë i kësaj serie u zhvillua me zëvendëskryeministren për Çështje të Pakicave dhe të Drejtat e Njeriut, njëherësh kryetaren e Partisë së Re Demokratike (NDS), Emilija Rexhepi.
Në një njoftim nga Kryeministria, thuhet se gjatë takimit, Rexhepi ka konfirmuar gatishmërinë e saj për të vazhduar bashkëpunimin me Lëvizjen VETËVENDOSJE!, duke mbështetur Kurtin në procesin e formimit të qeverisë së re. Kryeministri Kurti e falënderoi Rexhepin për bashkëpunimin e deritanishëm dhe për rezultatet e arritura gjatë mandatit të kaluar, duke theksuar rëndësinë e vazhdimit të punës në mandatin e ardhshëm.
Emilija Rexhepi ishte pjesë e Qeverisë Kurti gjatë mandatit të kaluar, duke mbajtur postin e zëvendëskryeministres dhe duke udhëhequr çështjet e pakicave dhe të drejtat e njeriut. Pjesëmarrja e saj në qeverinë e re do të pasqyrojë vazhdimin e angazhimit për të mbështetur e drejtat e pakicave dhe të drejtat e njeriut në Kosovë.
Seanca konstituive për Kuvendin e Kosovës është caktuar më 15 prill. Megjithatë, ende nuk është e qartë nëse në të njëjtën seancë do të mund të formohet edhe qeveria. Lëvizja Vetëvendosje, që fitoi 48 deputetë në zgjedhjet e fundit, është në kërkim të numrave të mjaftueshëm për të arritur shumicën e nevojshme prej 61 votash për të caktuar kryeministrin. Glauk Konjufca, një nga liderët e LVV-së, është shprehur i bindur se partia ka numrat e duhur për të siguruar formimin e qeverisë së re.
Lajmet
Policia arreston aktivistët që bllokuan dyert e ZRRE-së
Published
26 minutes agoon
April 2, 2025By
UBT NEWS
Policia e Kosovës ka arrestuar 12 aktivistë të enjten në mëngjes, pasi ata bllokuan dyert e Zyrës së Rregullatorit të Energjisë (ZRRE) në Prishtinë. Aktivistët, të cilët janë kundër shtrenjtimit të çmimit të energjisë, kishin zhvilluar një aktivitet të paparalajmëruar dhe kanë penguar hyrjen e zyrtarëve të ZRRE-së në zyrat e tyre.
Në pamjet e publikuara nga KosovaPress, duket se zyrtarët policorë kanë tërhequr aktivistët dhe ua kanë vendosur prangat, duke i shoqëruar në stacionin policor. Aktivistët, përmes një reagimi të dërguar më vonë, kanë konfirmuar se janë arrestuar 12 persona.
Policia ka bërë të ditur se arrestimet janë bërë në përputhje me autorizimet policore dhe në koordinim me Prokurorinë e Shtetit. Në një njoftim zyrtar, policia ka sqaruar se rreth orës 08:00, disa individë kanë zhvilluar një aktivitet të paparalajmëruar në rrugën “Bekim Fehmiu” në Prishtinë, dhe kanë shpërfillur urdhërat e zyrtarëve policorë, duke penguar zyrtarët të hynë në punë. Si rezultat, ata janë shoqëruar dhe aktualisht po procedohen në përputhje me ligjin.
Aktivistët, pjesë e nismës “Asnjëcentmëshumë”, kishin bllokuar hyrjen në ZRRE për të kundërshtuar propozimin për rritjen e çmimit të energjisë elektrike për 15%. Ata kanë kërkuar një angazhim të qartë nga ZRRE-ja që të mos miratohet ky shtrenjtim, dhe kanë paralajmëruar se bllokimi do të vazhdojë deri në një zotim publik nga ana e ZRRE-së.
Protesta e aktivistëve ka përshkuar një periudhë tensioni në prag të vendimmarrjes për çmimin e energjisë. Ata kanë theksuar se do të kthehen në punë vetëm nëse ZRRE-ja do të garantojë që çmimi i rrymës nuk do të rritet për 15%. Protesta e tyre ka qenë pjesë e një series aktivitetesh që synojnë të ndalojnë këtë rritje, përfshirë një aksion simbolik ku ata i ofruan një tortë me mbishkrimin “15%” kryetarit të ZRRE-së, Ymer Fejzullahut.
Zyra e Rregullatorit të Energjisë pritet të mbajë një mbledhje më 11 prill për të diskutuar propozimin e rritjes së çmimit të energjisë për 15%. Ky propozim ka shkaktuar reagime të shumta, duke përfshirë kundërshtimin e Presidencës dhe sugjerime nga Qeveria për rritjen e blloktarifave.
Bota
333 punonjës u larguan nga Radiotelevizioni Kroat, përfshirë 123 nga programi
Published
35 minutes agoon
April 2, 2025By
UBT NEWS
Deri më 31 mars 2025, 333 punonjës nga Radiotelevizioni Kroat (HRT) kanë nënshkruar një marrëveshje për ndërprerjen e kontratës së punës, si pjesë e një plani për optimizimin e funksionimit të këtij institucioni. Ky vendim, i lëshuar nga kryedrejtori i HRT-së, Robert Šveb, ka qenë i bazuar në kushtet dhe shumën e pagesës së largimit të miratuar në janar të vitit 2025.
Nga ky numër, 123 punonjës u larguan nga programi i njësisë së biznesit (PJ), ndërsa 122 punonjës të njësisë së teknologjisë gjithashtu pranuan ofertën për largim. Kjo masë ka përfshirë gjithashtu 56 punonjës të produkteve të Radios dhe Televizionit Kroat, ndër ta nëntë nga kori dhe orkestra e HRT. Shuma maksimale e pagesës së largimit është caktuar të jetë 90.000 euro bruto për punëtor.
Kriteret për përfitimin e pagesës për largim përfshijnë kërkesa si moszëvendësimi i punëtorit dhe një periudhë minimale shërbimi prej pesë vjetësh në HRT. Ndërkohë, Qeveria e Republikës së Kroacisë ka siguruar mjete financiare në vlerë prej 28 milionë euro për mbështetje të këtij procesi.
Sindikatat kundërshtojnë planin e konsolidimit të HRT-së
Pak ditë para përfundimit të afatit për largimin e punonjësve, sindikatat e HRT dhe degët e Shoqatës Kombëtare të Televizionit Kroat (HND) mbajtën një takim me punonjësit, ku shprehën kundërshtimin ndaj planit të konsolidimit të këtij institucioni. Ata theksuan se janë të gatshëm të qëndrojnë në mbrojtje të shërbimit publik të medias dhe kundërshtuan largimin masiv të punonjësve.
Maja Sever, gazetarja dhe presidente e Federatës Evropiane të Gazetarëve dhe Unionit Kroat (EFNH), theksoi se largimi i mbi 300 punonjësve nuk është rezultat i mundësive më të mira të punës, por i pasigurisë dhe mungesës së një vizioni të qartë për rolin e medias publike. Ajo u shpreh se Qeveria e Kroacisë ka miratuar një plan që përfshin pushimin nga puna të rreth 700 deri në 800 punonjës, ndërkohë që HRT, i cili ka pasur rreth 2700 punonjës, ka humbur rreth 12% të fuqisë punëtore.
Sever nënvizoi se ky plan i konsolidimit po ndjek një model që nuk është i përshtatshëm për funksionimin e një shërbimi mediatik publik dhe se sindikatat janë të gatshme të qëndrojnë dhe të kërkojnë mbështetje nga administrata, qeveria dhe Kuvendi për të mbrojtur shërbimin publik./UBTNews/

Konfirmohet data, Parashqevi Simaku do të mbajë koncert në Tiranë

Bashkimi Evropian jep mbi 3 miliardë euro shtesë në Ukrainë

Kurti nis konsultimet për qeverinë e re, takohet me Emilija Rexhepin

Policia arreston aktivistët që bllokuan dyert e ZRRE-së

Pse ndodhë tringëllima në vesh?

333 punonjës u larguan nga Radiotelevizioni Kroat, përfshirë 123 nga programi

Osmani pret sa më parë formimin e institucioneve: Globi nuk na pret

Meta AI, platforma më e re në Whatsapp

Aleanca EU4DUAL mbledh liderët e arsimit dhe industrisë në Francë, Rektori Hajrizi pjesëmarrës si anëtar i Bordit
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë