23 mars 1993

Lajmet kryesore:

Bukoshi shpreh shqetësim për aleancën mes komunistëve serbë dhe rusë;

Rektori dr.Ejup Statovci u dërgua në burg;

Kryesia e LDK-së kërkon lirimin e menjëhershëm të dr.Ejup Statovcit;

Kryesia e LASH “Naim Frashëri” reagon kundër burgosjes së rektorit dr.Ejup Statovci;

Nuk dihet asgjë për fatin e dr.Abdyl Krasniqit;

Subjektet politike kërkojnë konstituimin e Parlamentit të Republikës së Kosovës;

Serbia synon ndërprerjen e bisedimeve për arsimin në Kosovë;

Vendosmëria e hapi objektin shkollor;

U bastisën shumë familje në Junik të Deçanit;

Policia serbe konfiskoi ndihma humanitare në Pejë;

U hap ekspozita e fotografive “E bukura, e shëmtuara”;

Thirrje për “biseda informative”;

“Le Figaro”: Në Kosovë serbët bëjnë një luftë nervash;

Edhe të huajt mund të punojnë në policinë gjermane;

Kryeministri i Malit të Zi e vërtetoi faktin e vendosjes së emigrantëve në Kosovë.

 

 

23 mars 1994

Lajmet kryesore:

Legjislatorët amerikanë mbështesin planin trepikësh të dr.Bukoshit;

Kongresmenët Molinari dhe Engel kërkojnë kushtëzimin e sanksioneve ndaj Serbisë me çështjes së Kosovës;

Intervistë e dr.Bujar Bukoshit dhënë CNN;

Kosova për herë të dytë brenda një jave në “Euronews”;

Shkrimtarët e Kosovës protestojnë kundër burgosjes së Shaip Beqirit;

Një ushtarak i OKB-së bën thirrje për inkuadrimin e shqiptarëve në bisedime të barabarta;

Iu vazhdua paraburgimi për dy muaj katër të rinjve të akuzuar për kinse stërvitje ushtarake në Shqipëri;

Në Konferencën e Kretës mbi komunikacionin u aprovua korridori që lidh Durrësin me Varnën;

Manfred Verner: Kush nënshkroi “Partneritetin për paqe” është i sigurt 99 për qind;

Socialistët serbë nuk u besojnë “të fortëve të huaj”;

Enver Hoxha më 1946: Të kërkojmë Kosovën nuk është progresiste;

Shqiptarët në Lubjanë organizojnë tubim proteste;

Maqedonia nuk lejoi mbajtjen e kampionatit mbarëkombëtar të skive “Sharri ’94”.

 

 

Represioni i policisë serbe në Kosovë

Podujevë: Sot, në orën 8, policia serbe, me pretekst të kërkimit të armëve, bastisi familjen e Enver Hajdinit, kryetar i Aktivit të LDK-së në Mirofc të Podujevës. Gjatë bastisjes policia keqtrajtoi brutalisht në prani të anëtarëve të familjes Enverin dhe vëllanë e tij, Arsimin. Ndërkaq, pas bastisjes, policia mori me vete Enverin, i cili u lirua pas disa orësh, me kusht që sërish të lajmërohet në stacionin e policisë.

Sot në Podujevë policia serbe bastisi familjet e Salih Bilallit, Ibrahim Zekës, Bajram Rudarit dhe të Dibran Muçollit. Edhe në këto familje policia serbe kërkoi armë, si dhe ua la ftesat që të paraqiten nesër në stacionin e policisë në Podujevë.

Po ashtu sot, në orët e hershme të mëngjesit, në fshatin Llapashticë të Podujevës, një ekspeditë e policisë serbe bastisi familjet e Ali Poterës, kryetar i Aktivit të LDK-së në Llapashticë. Pas bastisjes policia mori me vete Aliun në stacionin e policisë në Podujevë.

Dje rreth orës 5 të mëngjesit, një ekspeditë e policisë serbe e pajisur me 2 picgauerë dhe disa automjete të tjera, nën pretekst të kërkimit të armëve bastisi familjen e Salih Softollit në fshatin Lladovc të Podujevës. Meqë në shtëpinë e Salihut nuk u gjet kurrfarë arme, policët në prani të anëtarëve të familjes keqtrajtuan brutalisht djalin e Salihut, Shemsi Softollin.

E njëjta ekspeditë e policisë serbe bastisi dje në fshatin Mirovc të Podujevës edhe familjet e Shaban, Hasan, dhe Brahim Ajetit, me ç’rast policia keqtrajtoi fizikisht Tafil dhe Abdullah Ajetin.

Dje policia serbe nën pretekst të kërkimit të armëve, bastisi edhe familjen e Islam Muçollit në fshatin Hërticë të Podujevës. Policia pas bastisjes mori me vete djalin e Islamit, Agim Muçollin në stacionin e policisë në Podujevë.

Dje, në fshatin Dobërdol, policia serbe bastisi familjet e Ali dhe Brahim Gashit, nga të cilët kërkuan që patjetër të dorëzojnë armë.

Policia serbe dje bastisi dhe arrestoi edhe Faik Qosen nga Obrança e Podujevës.

Mitrovicë: – Sot rreth orës 6 të mëngjesit, policia serbe bastisi familjen e Sadik Brahimit në fshatin Kqiq i Madh të Mitrovicës.

Ndërkaq dje, policia serbe, nën pretekst të kërkimit të armëve bastisi edhe familjen e Halit Tahirit në fshatin Selac të Mitrovicës. Gjatë bastisjes, policët në prani të anëtarëve të familjes rrahën brutalisht Halit Tahirin, si dhe e morën me vete në stacionin e policisë në Mitrovicë. Policët serbë më pas bastisën edhe familjet e djemëve të Halitit, ato të Idriz dhe Miftar Tahirit, të cilët gjenden përkohësisht të punësuar në Gjermani. Bëhet me dije se në shtëpinë e Miftar Tahirit, policët thyen dhe demoluan dyert e shtëpisë.

Dje, policia serbe mori në pyetje Asllan Istrefin, profesor i Gjuhës shqipe, i cili në stacionin e policisë në Stantërg u mbajt rreth dy orë. Policët nga Asllan Istrefi u interesuan të dinë rreth organizimit të procesit mësimor në këtë trevë.

Të njëjtit policë, pardje arrestuan edhe edhe prof.Naim Istrefin, i cili në stacionin e policisë në Stantërg u rrah brutalisht.

Gllogovc: – Pardje, rreth orës 12, policia serbe kërkoi për të tretën herë në shtëpinë e tij, Sefë Bytyçin nga fshati Arllat dhe Shefqet Krasniqin nga Negroci i Gllogovcit. Këtyre të rinjëve polica ua la ftesat që të paraqiten në stacionin e policisë në Gllogovc.

Dje rreth orës 10, policia serbe arrestoi Sylë Hotin nga fshati Tërstenik i Gllogovcit, si dhe bashskëfshatarin e tij Istref Cakiqin.

Shkaku i arrestimit të tyre, tash për tash nuk dihet.

Skënderaj: – Më 19 mars, Blerim Sejdiaj nga Runiku derisa po e priste autobusin së bashku me nënën e tij në Runikë, atë e legjitimoi dhe më pas edhe e arrestoi policia serbe. Bëhet me dije se Blerim Sejdiaj ende po mbahet në arrest.

Pas dhjetë ditësh, policia serbe shkoi në shtëpinë e tij për të kërkuar edhe vëllain e e tij Bashkim Sejdiajn, i cili para pak kohësh kishte marrë ftesën për të shkuar në ushtrinë serbe.

Më 18 mars, rreth orës 5 të mëngjesit, një ekspeditë e policisë serbe e pajisur me një autoblindë dhe automjete të tjera, nën pretekst të kërkimit të armëve bastisën familjet e vëllezërve Beqir e Rrahman Bejta në fshatin Klinë të Mesme të Skënderajt. Bëhet me dije se policët në prani të anëtarëve të familjes rrahën brutalisht Nezir Bejta. Pas bastisjes, policia mori me vete vëllezërit Beqir dhe Rrahman Bejtën, të cilët për disa orë u mbajtën në stacionin e policisë në Skënderaj.

Më 20 mars,rreth orës 7 të mëngjesit, policia serbe nën pretekst të kërkimit të armëve bastisën familjen e Bahri Dobrës nga Kryshevci i Skënderajt. Gjatë bastisjes policët morën një pushkë gjuetie. Pas bastisjes, Bahri Dobrës iu la ftesa që të paraqitet sot në stacionin e policisë në Skënderaj.

Viti: – Dje rreth orës 6 të mëgjesit, policia serbe bastisi familjen e Hajredin Aliut në Bisovik të Vitisë. Më pas policia mori me vete Hajredin Aliun në stacionin e policisë në Viti, të cilin e liruan pas keqtrajtimeve të shumta.

Dje sërish, policia serbe bastisi familjen e Qamil Qamilit në Buzovik të Vitisë, tek i cili u gjet një revole pa leje. Qamil Qamili në stacionon e policisë në Viti u mbajt deri rreth orës 11, nga i cili policët kërkuan të dorëzojë edhe një pushkë me të cilën ai nuk disponon.

Prizren: – Sot rreth orës 8 të mëngjesit, katër inspektorë të sigurimit serb, këruan për të arrestuar Ilir Zekën në Korishë të Prizrenit. Policët urdhëruan Ilir Zekën që çdo ditë të paraqitet në stacionin e policisë.

Inspektorët serbë morën në pyetje Ilir Zekën për gjoja shitblerje të armëve.

Rahovec: – Sot rreth orës 8 të mëngjesit, policia serbe mori drejtorin e gjimnazit “Ramiz Sadiku” në Rahovec, Xhemajl Hajrullaagën, zëvendës drejtorin Qerim Rexhepin dhe drejtorin e shkollës fillore “7 Shtatori”, Nexhat Durakun. Policia serbe ndërhyri në këto shkolla në momentin derisa po mbahej mësimi, me ç’rast urdhëruan nxënësit që t’i lirojnë lokalet e këtyre shkollave.

Njoftohet se të lartëpërmendurit po mbahen ende në stacionin e policisë në Rahovec.

(Kronika e represionit u sajua sipas njoftimeve të komisioneve për informim të degëve të LDK-së)

 

 

23 mars 1995

Lajmet kryesore:

Kryetari Rugova priti zyrtarët e organizatës humanitare “Bioforce”;

Përfaqësuesit e partive shqiptare biseduan me diplomatin italian;

Pritet pjesëmarrje masive në tubimet e mërgimtarëve tanë në Evropë;

Dosja e Kosovës në Gjyqin e Hagës;

Presidenti Berisha: Arritje të Shqipërisë në planin e brendshëm e të jashtëm;

Rektori Statovci priti përfaqësuesit e Ambasadës italiane në Beograd;

Unioni Evropian i dha Shqipërisë një ndihmë prej 15 milionë ECU (EKY);

Revista EIR për librin “Çështja e Kosovës”;

“Chicago tribung”: Shqiptarët etnikë punojnë nga nëntoka për të kundërshtuar sundimin serb;

Policia kërkon armë nga shkrimtari Vehap Shita;

Policia konfiskoi një kamionetë me libra shkollorë;

Policia ndërhyri në shkollën e mesme teknike të Vushtrrisë;

Një i ri u dërgua në burgun ushtarak të Nishit;

I plagosuri Nexhmedin Govori kërkon ndihmë;

Organet komunale të Fushë Kosovës rrëzuan ballkonin e shtëpisë së një shqiptari;

Ish-policët e Kosovës nga Peja nxirren në gjyq më 5 prill;

Shqiptarët kërkojnë të shtohet numri i nxënësve në shkollat e mesme në Maqedoni;

1. Zenku priti ambasadorin T. Milson;

Terror kundër fshatarëve të Grejkocit të Suharekës;

Fluturime të aeroplanëve mbi Prishtinë;

Greqia tërheq një diplomat nga Tirana për shkak të pamfleteve;

Burimet serbe njoftojnë për gjoja një sulm kundër patrollës së policisë serbe afër liqenit të Batllavës;

Në Gjilan u shty gjykimi kundër policëve serbë që para tre vjetësh vranë Zejnullah Rashitin ;

Shtypi serb njofton për fillimin e ndërtimit të 30 banesave për kolonistë në Kamenicë;

Shtypi serb për të drejtën etnike dhe historike mbi Kosovën;

Filloi xhirimi i videofilmit “Buka e hidhur”.

 

 

23 mars 1997

Lajmet kryesore:

SHBA-të përkrahin politikën paqësore të Kosovës

Takime të Demaçit me diplomatë dhe me kryetarët e Degëve të PPK-së

Takim i përbashkët i LDK-së, PSHK-së dhe KKF-së në Doblibare

Takime të rektorit të UP-së me diplomatë perëndimorë në Beograd

Gazeta serbe për thyrjen selektive të depove ushtarake në Shqipëri

Hollësi për plagosjen e policit serb në Podujevë

 

 

23 mars 1998

Edicioni i orës 09:30:

Dje në Suharekë u vranë 5 shqiptarë nga policia serbe

Pas një ndërhyrjeje brutale të policisë serbe, dje në Suharekë në mënyrë mizore u vranë pesë civilë shqiptarë: Naser Abdyl Bytyçi (33), nga Suhareka, (djalë i vetëm), Xhemajl Morina (rreth 45), Ramadan Nezir Morina, që të dy nga Reshtani, Emërllah Hoxha (plak) dhe të birin e tij Mehmetin nga Reçani. Dyshohet se numri i të vrarëve mund të jetë më i madh.

Të gjithë këta persona u vranë nga policia serbe në shenjë reprezaljeje për shkak se dje, rreth orës 14.00, në qendër të Suharekës u vra një serb. Pastaj plot dy orë në qytet kanë gjuajtur snajperët serbë.

Njoftohet se policia serbe ka arrestuar dhe keqtrajtuar shumë shqiptarë. Në mesin e të arrestuarve ishin edhe nënkryetari Degës së LDK në Suharekë Vitor Markaj, anëtari i kryesisë së NKMDLNJ Destan Berisha dhe veprimtari i LDK Agron Bajraktari, të cilët pasi u dërguan në Prizren dhe u mbajtën deri në orët e vona e pastaj u liruan.

Gjithashtu dje në Suharekë në qendër të qytetit është djegur një shtëpi e një shqiptari.

 

Mbrëmë në Prishtinë – tre shqiptarë të vrarë

Mbrëmë diçka pas orës 19.00, në qendër të Prishtinës, nga një bombë e hedhur në kafiterinë “Koha” (përballë Pallatit të Shtypit), u plagos për vdekje Arianit Kelmendi, kurse u plagosën rëndë Jasmin Jaha e Agim Balaj.

Në një sulm tejtër terrorist me armë zjarri në kafeterinë “Magjik”, mbrëmë rreth orës 20,00 u vra Leonora Lutolli, njoftojnë mediat serbe. Ndërkaq, “Koha ditore” shkruan se në këtë sulm është vrarë Adriana Abdullahu dhe janë plagosur Leonora Lutolli e Fadil Dragaj.

Po dje rreth orës 17,30 në Prishtinë, në lagjen Bregu i Diellit, u gjet trupi i pajetë i Kushtrim Gashit. Kushtrimi është vrarë me armë zjarri.

 Një shqiptar u vra dhe 6 të tjerë u plagosën nga granatimet e mbrëmshme në Graboc të Obiliqit

Mbrëmë pas orës 18.30, në Grabocin e Epërm të Obiliqit u vra Ilir Ademi (26) dhe gjashtë shqiptarë të tjerë u plagosën nga granatimet e forcave serbe të cilat gjuanin nga baza e tyre në Ferronikel të Gllogocit. Të plagosurit janë refugjatë nga fshati Dobrashefc. Njoftohet se dëmet materiale janë të mëdha.

Në hyrje të Vushtrrisë u gjet trupi i pajetë i një personi

Në rrugën magjistrale Prishtinë-Mitrovicë, në hyrje të Vushtrrisë te pompa e benzinës, në orët e sotme të mëngjesit u gjet trupi i pajetë i një personi, identiteti i të cilit ende nuk dihet. Trupi i tij ende qëndron në rrugën, njofton KI i LDK.

 

 

 

Edicioni i orës 11:00:

Vazhdon granatimi i fshatrave të Vushtrrisë;

Podujevë: Gjatë natës dhe sot po digjen shtëpitë shqiptare në Gllamnik;

Prishtinë: Policia serbe plagosi mbrëmë një të sëmurë mental;

Mijëra cilvilë në Qirez janë të rrezikuar nga katastrofa humanitare dhe nga sulmet e mundshme serbe;

Prishtinë: Tre fëmijë shqiptarë janë zhdukur pa gjurmë.

 

 

Edicioni i orës 13:00

Lajmet kryesore:

Shtime: Detonime mbi Petrovë;

Preshevë: Nuk ka indikacione për zhvendosjen e shqiptarëve nga vendbanimet e veta;

Tash për tash, asnjë rezultat nga takimi Hollbruk-Millosheviq;

Petriç: Millosheviqi duket i pandërgjegjshëm për rrethanat reale;

Anan: Beogradi duhet të ndalë ofensivat në Kosovë;

Serbia gjendet para dilemës hamletiane;

Paralajmërimet e fundit për Millosheviqin;

Sipas V.Koshtunicës, ka indicie se “diçka po ndryshon” në qëndrimet serbe;

Reagimet e partive serbe rreth Kosovës.

 

Një i vrarë gjatë granatimeve në Hade të Obiliqit

Dje nga ora 15 deri në orën 17 forcat serbe kanë granatuar në drejtim të fshatit Hade.

Siç njofton KI i Degës së LDK-së në Obiliq, gjatë granatimeve në këtë fshat është vrarë një shqiptar, emri i të cilit nuk është bërë i ditur.

Ky burim bën me dije se sot fshati Palaj, ku si edhe në Hade ka shumë të zhvendosur, po mbahet i bllokuar nga forcat serbe.

 

Granatat qëlluan dy shtëpi në lagjen e Visokëve në Sfeçël

Shtëpitë e Sylejman e Abdullah Visokës në fshatin Sfeçël janë qëlluar dje nga granatat e shprepura nga pozicionet e forcave serbe, njofton KI i Degës së LDK-së në Podujevë.

Granatat shkaktuan vetëm dëme materiale dhe për fat nuk pati viktima në njerëz. Pas kësaj banorët e disa lagjeve të këtij fshati, ku ishin të vendosur edhe shumë të ikur nga fshatrat e tyre, u larguan nga shtëpitë.

Banorët e shumtë që kanë ikur nga shtëpitë e tyre pas sulmeve të ditëve të fundit mbi fshatrat e Llapit, janë strehuar kryesisht në fshatrat e pjesës lindore të komunës, në Balloc, Lladoc, Herticë, Shajkoc e fshatra të tjera.

Subjektet politike të Podujevës kanë bërë apel sot për ndihma humanirate për banorët e zhvendosur të cilët janë në gjendje të rëndë.

 

 

 I vrari në Vushtrri është Skënder Bllaca

 U bë identifikimi i trupit pa jetë që u gjet sot në mëngjes afër pompës së benzinës, në hyrje të Vushtrrisë.

Ai është Skënder Bllaca (30) nga fshati Stanovc i Epërm, mësimdhënës i gjuhës angleze në gjimnazin “Muharrem Bekteshi” të Vushtrrisë, njofton Komisioni për Informim i Degës së LDK-së në Vushtrri.

 

 

Edicioni i orës 14:00:

Dëshmitarët flasin për mbi 15 shqiptarë të vrarë në afërsi të spitalit të Skënderajt;

Malishevë: 4 të plagosur, gjendje e rëndë humanitare;

Podujevë: Digjen disa shtëpi në lagjen afër tabeve të Llapashticës;

Mbrëmë në Prishtinë u plagos një i ri shqiptar;

Klinë: Një mjet shpërthyes u hodh në shtëpinë e Sabit Racit;

Rahovec: Të shtëna të forcave serbe në Bellacerkë;

Në Lipjan mbërriti një konvoj ushtarak serb;

Gjendje e rëndë humanitare në disa fshatra të Obiliqit;

Vazhdojnë kidnapimet, arrestimet dhe maltretimet e qytetarëve në komunën e Prizrenit.

 

 Dëshmitarët flasin për mbi 15 shqiptarë të vrarë në afërsi të spitalit të Skënderajt

KI i Degës së LDK-së në Mitrovicë, duke u bazuar në dëshmitarë okularë, sjell të dhëna mbi vrasjen e një grupi shqiptarësh të dielën në afërsi të spitalit të Skënderajt.

Sipas dëshmitarëve, dhjetë pjesëtarë të forcave serbe të veshur me uniforma të bardha i kanë dërguar një grup prej mbi 15 shqiptarësh në afërsi të pishave afër spitalit në Skenderaj dhe aty i kanë ekzukutuar. Të vrarëve pastaj pjesëtarët e forcave serbe ua kanë veshur uniformat e UÇK-së dhe ua kanë vendosur nga një automatik afër dhe pastaj i kanë fotografuar dhe i kanë xhiruar. Më vonë trupat e të vrarëve janë dërguar në drejtim të panjohur.

Duke i nisur nga ky rast, KI i Degës së LDK-së në Mitrovicë shpreh dyshimin se në qytezën e Skënderajt mund të ketë shumë shqiptarë të vrarë.

Po ky burim njofton për një numër qytetarësh të Skënderajt që janë liruar nga arresti. Ata kanë deklaruar se sa janë mbajtur në polici janë keqtrajtuar dhe janë plaçkitur.

Arrestimi i shqiptarëve po vazhdon edhe sot dhe po arrestohen kryesisht shqiptarët që po tentojnë të largohen nga Skënderaji dhe të mësyjnë në drejtim të Likocit e Gllogocit.

Njoftohet gjithashtu se dje në orën 13 një grup policësh serbë me të cilët ishte dhe një bashkëpunëtor i tyre shqiptar ndalën në rrugë Tafil A. Ilagjën (44) nga Zhabari i Poshtëm i Mitrovicës dhe pastaj e dërguan në polici dhe e keqtrajtuan fizikisht duke i shkaktuar lënfime trupore dhe pas tri orësh e liruan.

Bëhet e ditur gjithashtu se edhe gjatë ditës së sotme ka vazhduar shkuarja e forcave serbe në drejtim të Skënderajt, ndërkohë që rrugëve të Mitrovicës po lëvizin pjesëtarë të forcave serbe dhe civilë të armatosur serbë që po ndalin e keqtrajtojnë kalimtarët shqiptarë.

 

 

Edicioni i orës 14:30:

Vazhdon granatimi i fshatrave të Drenicës

Podujevë: U varrosën dy të vrarët në Kaçibeg, dy të plagosur në Sfeçël

Vazhdojnë sulmet drejt fshatrave të Vushtrrisë

Ferizaj: Lëvizje të shumta të forcave serbe

Apel i LDK-së së Ferizajt dërguar popullatës shqiptare

 

 

Edicioni i orës 14:450:

Kumtesë e Kryesisë së Lidhjes Demokratike të Kosovës

Prizren: U gjet i vrarë Ardian Nail Zurnaxhiu

 Prizren, 23 mars (QIK) – Ardian Nail Zurnaxhiu, i cili është kidnapuar mbrëmë nga persona të panjohur, u gjet sot i vrarë me një plumb në kokë në afërsi të Urës së Fshejtë, njofton KI i Degës së LDK-së në Prizren.

 

 

Një ngjarje e rëndë ka ndodhur në fshatin Majac të Podujevës, ku një person ka humbur jetën, ndërsa dy të tjerë kanë mbetur të plagosur, raporton Koha.net.

Rastin e ka konfirmuar zëdhënësja e Prokurorisë Themelore në Prishtinë, Kaltrina Shala, e cila bëri të ditur se menjëherë pas pranimit të informatës, prokurorja kujdestare nga Departamenti për Krime të Rënda ka dalë në vendin e ngjarjes për të ndërmarrë veprimet e nevojshme hetimore, raporton Koha.net.

Deri më tani nuk janë bërë të ditura rrethanat e plota të ngjarjes, ndërsa autoritetet kompetente janë duke zhvilluar hetime për zbardhjen e rastit.

Gara në armatim ekziston prej shekujsh, por pas Luftës së Dytë Botërore mori formë globale dhe sistematike, sidomos midis Shteteve të Bashkuara dhe Bashkimit Sovjetik gjatë Luftës së Ftohtë.

Armët bërthamore, raketat balistike dhe avionët luftarakë transformuan mënyrën e konceptimit të fuqisë në vitet që pasuan.

Sot, në rajonin e Ballkanit Perëndimor, lëvizjet e Serbisë dërgojnë paralajmërime serioze.

Ky vend – partner i NATO-s dhe kandidat për anëtarësim në Bashkimin Evropian – bleu raketa balistike supersonike nga Kina për forcën e tij ajrore. Kështu, u bë fuqia e parë në Evropë e pajisur me raketat ajër-tokë CM-400AKG, sipas presidentit serb, Aleksandar Vuçiq.

“E kemi bërë me sukses integrimin e raketave kineze në avionët rusë MiG-29 të gjeneratës së katërt. Këta janë sot ndër avionët më të mirë në Evropë – ndoshta edhe në botë. Raketat ajër-tokë nënkuptojnë goditjen e objektivave në tokë dhe kanë fuqi shkatërruese”, tha Vuçiq më 12 mars.

Reagimet ishin të shumta nga fqinjët që luftuan kundër Serbisë gjatë luftërave jugosllave të viteve 1990.

Kroacia – sot anëtare e NATO-s dhe Bashkimit Evropian – e konsideroi blerjen e raketave kineze si kërcënim për stabilitetin rajonal dhe shenjë të rritjes së garës së armatimit në Ballkan, ndërsa Kosova akuzoi Serbinë për tendenca hegjemoniste ndaj fqinjëve.

Këto dy vende, së bashku me Shqipërinë, nënshkruan në mars të vitit 2025 një marrëveshje për bashkëpunim në fushën e mbrojtjes dhe sigurisë, të cilën Vuçiq e sheh si kërcënim të drejtpërdrejtë për sigurinë e Serbisë – “nuk ekziston asnjë arsye tjetër për bashkimin e tyre, vetëm Serbia”.

“Ne po përgatitemi për sulmin e tyre. Ata nuk synojnë të mbrohen, por të sulmojnë. Po formojnë aleancë ushtarake për të na sulmuar”, tha Vuçiq teksa fliste për raketat kineze në Radio-Televizionin e Serbisë.

Ai nuk paraqiti asnjë provë për këto pretendime, të cilat Zagrebi, Prishtina dhe Tirana i hedhin vazhdimisht poshtë. Tha vetëm se forcat e armatosura serbe kanë në dispozicion edhe armë të tjera të sofistikuara, që nuk mund të bëhen publike.

Për njohësit e çështjeve ushtarake dhe të sigurisë, këto mesazhe dërgojnë sinjale frike dhe pasigurie në rajon, rrisin perceptimin e kërcënimit dhe shtyjnë vendet fqinje drejt forcimit të kapaciteteve mbrojtëse. Kjo dinamikë, sipas tyre, mund të shndërrohet lehtësisht në një spirale të re armatimi, ku çdo veprim prodhon kundërveprim dhe tensionet vetëm se rriten.

Redion Qirjazi, ekspert i sigurisë në Shqipëri – vend anëtar i NATO-s, thotë se raketat kineze i japin Serbisë mundësi të reja për të projektuar fuqinë dhe ndryshojnë balancën e sigurisë në rajon; ato nuk janë thjesht mbrojtje – siç pretendon blerësi – por zgjasin kapacitetet ushtarake në distanca të largëta.

“Raketat kineze janë shumë precize. Një veçori shqetësuese e tyre është edhe shpejtësia e lartë – rreth Mach 4 deri Mach 5, ose deri në 6 mijë km/orë – që i fut në kategorinë e raketave të vështira për t’u interceptuar”, thotë Qirjazi për programin Expose të Radios Evropa e Lirë.

Në Ballkan, Serbia mban tensione të hapura me Kosovën, ndaj së cilës ka pretendime territoriale, me Kroacinë dhe herë pas here me Malin e Zi. Marrëdhëniet e saj me Shqipërinë dhe Maqedoninë e Veriut janë më të qeta, ndërsa lidhja me Republikën Sërpska në Bosnje dhe Hercegovinë mbetet një rast i veçantë, që dallon nga pjesa tjetër e këtij shteti.

Blerjet e raketave kineze, sipas Kadri Kastratit, ekspert ushtarak nga Kosova, tregojnë qartë tendencën e Serbisë për t’u pozicionuar si aktori më i armatosur dhe më dominues në Ballkan dhe për ta mbajtur rajonin gjithmonë në teh të destabilizimit.

“Gjithë këtë armatim, Serbia është duke e blerë për të hyrë në garë, para së gjithash me Kroacinë. Pas furnizimit të Kroacisë me avionët Rafale nga Franca, Vuçiq bëri marrëveshje me presidentin e Francës, Emmanuel Macron, për blerjen e avionëve të tillë. Pra, është një garë mes tyre”, thotë Kastrati për Exposenë.

Edhe pse pretendon neutralitet ushtarak, Serbia është ushtria më e shtrenjtë në Ballkanin Perëndimor. Vetëm në vitin 2024, shpenzoi 2.2 miliardë dollarë – rreth pesë herë më shumë se Shqipëria, anëtare e NATO-s dhe vendi i dytë në rajon për shpenzime ushtarake, sipas të dhënave të Institutit të Stokholmit për Kërkime mbi Paqen (SIPRI).

Serbia shpenzon dukshëm më shumë edhe se Kroacia, e cila gjithashtu është anëtare e NATO-s. Sipas SIPRI-t, dallimi në shpenzimet e mbrojtjes midis këtyre dy vendeve arrin në qindra miliona euro çdo vit.

Pas pushtimit rus të Ukrainës, Serbia i ndryshoi burimet e saj të armatimit, duke iu drejtuar Kinës për dronë luftarakë dhe sistemin raketor anti-ajror FK-3, por nuk ndaloi as blerjet nga Perëndimi, si Shtetet e Bashkuara dhe Franca.

Në deklaratat e tij, Vuçiq i kushton vëmendje të veçantë sidomos forcës ushtarake të Kroacisë. Në vitin 2024, kur Serbia bleu avionë luftarakë shumëfunksionalë, Rafale, nga Franca, ai ironizoi duke thënë se kur Kroacia bën të njëjtën gjë, është “lajm i mirë për rajonin”, ndërsa kur Serbia i blen, bëhet “tragjedi”.

“Ne nuk krijojmë probleme askund, as nuk i planifikojmë, as nuk i synojmë. Ky është një sinjal i madh i besimit mes Francës dhe Serbisë. Ne vetëm duam ta ruajmë vendin tonë”, tha Vuçiq.

Katarina Gjokiq, hulumtuese në Institutin e Stokholmit për Kërkime mbi Paqen, thotë se krahasimet mes Serbisë dhe Kroacisë duhet parë me kujdes. Kroacia, si anëtare e NATO-s, planifikon kapacitetet e saj ushtarake brenda aleancës dhe ndjek detyrat përkatëse, ndërsa Serbia vepron jashtë këtij mekanizmi.

Gjokiq thotë se ekziston një tendencë e elitave politike që të shikojnë përtej kufirit dhe ta përdorin armatimin e fqinjëve si alibi për të justifikuar zgjerimin e fuqisë së tyre.

“Ajo që është shqetësuese – kur bëhet fjalë për Serbinë, Kosovën dhe Kroacinë – është fjalori i papërgjegjshëm i elitave politike, që rrit tensionet, në vend se të shfrytëzohen mekanizmat ekzistues rajonalë ose të krijohen të rinj për komunikim dhe zgjidhje të problemeve. Thjesht, ekziston një prirje për të shkuar drejt rritjes së tensioneve – gjë që mund të jetë e rrezikshme, sepse edhe te qytetarët krijohet ndjenja e pasigurisë dhe frika se çfarë mund të ndodhë”, thotë Gjokiq për Exposenë.

Qirjazi paralajmëron se një klimë e tillë tensionesh dhe mosbesimi mund të çojë në interpretime të gabuara nga pala tjetër, duke nxitur reagime të shpejta dhe të pakontrolluara.

Kjo rrit rrezikun e përshkallëzimit edhe pa një qëllim të drejtpërdrejtë për konflikt – një situatë të cilën Qirjazi e përkufizon si “keqllogaritje”.

“Këtë e kemi parë edhe në konfliktin e fundit midis Iranit, Izraelit dhe Shteteve të Bashkuara, ku argumenti ishte se kemi prova që Irani do të sulmonte i pari, ndaj ne goditëm. Apo – edhe në rastin e Irakut – u tha se Saddam Husseini do të krijonte armë bërthamore dhe do t’i përdorte kundër aleatëve në rajon, ndaj ne do të veprojmë. Kjo është ajo spiralja e sigurisë dhe përshkallëzimi”, shpjegon Qirjazi.

Në përgjigje të blerjes së raketave kineze, Bashkimi Evropian – ku Serbia synon të anëtarësohet – tha se vendi duhet të bëjë zgjedhje të qarta strategjike në rrugën e integrimit. Ndërkohë, NATO-ja, partnere e Serbisë, nuk iu përgjigj interesimit të Radios Evropa e Lirë për mënyrën se si e sheh bashkëpunimin e vazhdueshëm të Beogradit me Pekinin.

Në muajin maj, aleanca perëndimore do të mbajë stërvitje të përbashkëta ushtarake me Serbinë në poligonin Borovac, pranë kufirit me Kosovën.

Në një postim në rrjetet sociale, Komanda e Forcave të Përbashkëta të NATO-s në Napoli tha se stërvitja do të zhvillohet me ftesë të Serbisë. Sipas saj, ajo forcon bashkëpunimin praktik dhe mbështet stabilitetin në Ballkanin Perëndimor.

Për Qirjazin, kjo dëshmon se Serbia ndjek strategjinë e “lojës me disa porta”. Nga njëra anë i hap derën Kinës për të rritur ndikimin në rajon, dhe nga ana tjetër bashkëpunon me Perëndimin për të krijuar një lloj varësie të ndërsjellë.

“Kjo strategji ka qenë karakteristike edhe e ish-Jugosllavisë me Titon, pasi mbante partneritete dhe aleanca me shumë aktorë të ndryshëm strategjikë, në mënyrë që të krijonte një varësi të këtyre superfuqive ndaj këtij vendi”, thotë Qirjazi.

Sipas tij, kjo qasje i jep Serbisë më shumë hapësirë manovrimi dhe i vendos aktorët ndërkombëtarë në një pozitë më të ndërlikuar në rast të konfliktit të mundshëm. Gjokiq pajtohet, por vë në pah edhe një aspekt tjetër:

“Një nga arsyet pse shumë vende sigurojnë armë nga Kina është se ato janë më të lira. Rasti i Serbisë është pak më specifik në aspektin gjeografik, sepse ajo ndodhet në Evropë dhe prej saj ka pritje të tjera”.

“Unë, për shembull, merrem me Afrikën Perëndimore dhe e di se atje ka shumë vende që kanë marrëdhënie të shkëlqyera me BE-në dhe, në të njëjtën kohë, sigurojnë armatim nga Kina, sepse është më i lirë”, thotë Gjokiq.

Vuçiq nuk zbuloi çmimin e raketave kineze CM-400AKG, të cilat mund të bartin deri në 200 kg material shpërthyes, por i përshkroi si “shumë të shtrenjta”.

Sipas raportit të fundit të SIPRI-t, blerjet e armëve në Evropë janë rritur ndjeshëm, duke e bërë kontinentin rajonin më të madh importues – me një rritje prej 210% midis periudhave 2016-2020 dhe 2021-2025.

Shtetet e Bashkuara, në anën tjetër, kanë rritur dominimin në eksportet e armëve – me Kosovën një prej klientëve të shumtë të tyre.

Zyrtarët kosovarë të Mbrojtjes theksojnë se blerjet e armëve bëhen ekskluzivisht nga aleatët e NATO-s. / REL/

22 mars 1993

Lajmet kryesore:

Urim i dr.Ibrahim Rugovës për Ditën e Bajramit;

Kryetari Rugova bisedoi me delegacionin e PDP-së;

SHBA- të do të nisin me shpërndarjen e 6,5 milionë dollarë ndihma Kosovës;

Edhe një Rezolutë për Kosovën;

Dr.Shaqir Shaqiri – kryetar i Komitetit Olimpik të Republikës së Kosovës;

Kush po përgatit emigrimin masiv të mjekëve në Libi?;

Kumtesë e asociacioneve të Mjekësisë së Kosovës;

Reduktim i shëndetësisë në Kosovë;

Koncert për ta ndihmuar Kosovën;

Në Liezh u formua klubi “Faik Konica”;

Jusuf Zejnullahu u kthye në Kosovë;

Të dhëna të reja për bastisjet e familjeve Ilazi nga Torina e Lipjanit;

Të rinjtë shqiptarë dërgohen me dhunë në shërbim ushtarak;

Dyshim për helmimin e një burimi të ujit në Kçiç të Madh;

NATO-ja do ta ndihmojë ushtarakisht Shqipërinë.

 

 

Edhe një përpjekje për të mbyllur gjimnazin “Sami Frashëri”

 Autoritet serbe bënë edhe një përpjekje për të mbyllur gjimnazin “Sami Frashëri” të Prishtinës, i cili veprimtarinë mësimore e organizon në shtëpinë e Agim Aliut. Pasi është kërcënuar disa herë familja Aliu, “punëtorët” e “Elektrokosovës” sollën faturën për “punën e shkollës private” në një shumë rreth 4 mijë marka gjermane. Policët dhe “punëtorët” të premtën e kaluar kontrolluan lokalin, ku nxënësit po mbanin mësim.

 

 

22 mars 1994

 

Lajmet kryesore:

 Kryetari Rugova priti delegacionin e SHF “Pandeli Sotiri” të Obiliqit;

Konferencë e kryeministrit të Republikës së Kosovës dr.Bujar Bukoshi në OKB;

Dr.Bujar Bukoshi u takua me ambasadorin Marero në OKB;

Të shtëna të policisë gjatë një ekspedite në fshatin Mirofc të Podujevës;

Ish-eprorët ushtarakë shqiptarë torturohen në Burgun e Mitrovicës;

Represioni i policisë serbe në Kosovë;

Dy të rinjve nga Mitrovica iu vazhdua paraburgimi edhe për një muaj;

Bashkim Ismaili nga Millosheva u dërgua në burgun e Nishit;

Komunikatë për shtyp e Komitetit të Helsinkit për Norvegji;

Jehona e protestës së shqiptarëve në Bruksel në mediumet belge;

Amerikanët po ndërtojnë baza në Shqipëri.

 

 

Keqtrajtohen të burgosurit shqiptarë në Dubravë të Istogut

Eprorët serbë dhe disa të burgosur shqiptarë në Burgun e Dubravës në Istog po keqtrajtojnë në çdo rast të burgosurit e shumtë shqiptarë.

Disa persona që i kanë të afërmit e tyre në këtë burg dhe dëshmitarë të tjerë i thanë QIK-ut se ndaj të burgosurve po sillen keq sidomos dy komandirë serbë: njëri është Dragan Millunoviq, ndërsa tjetri quhet Lubisha.

Vetëm në javët e fundit këta komandirë kanë rrahur Nazmi Bajramin, Deli Haxhosajn, Xhafer Zenën e të tjerë.

Janë keqtrajtuar dhe ndëshkuar në mënyra të ndryshme të burgosurit që kanë reaguar ndaj plaçkitjes së ushqimit në restorantin e burgut. Thuhet se eprorët serbë, duke e plaçkitur ushqimin, kanë ndikuar që të burgosurit të ushqehen shumë dobët.

Të burgosurit që kanë reaguar ndaj këtyre veprimeve janë ndëshkuar. Për këtë shkak Xhevat Makolli është ndëshkuar me 15 ditë vetmi.

Në mesin e atyre që sillen shumë keq dhe që ndikojnë që t’u rëndohet jeta të burgosurve shqiptarë, përmendet edhe Abdyl Ndrecaj, i dënuar për shkak të një vrasjeje.

 

 

22 mars 1995

Kryetari Rugova priti të ngarkuarin me punë në Ambasadën e Italisë në Beograd;

Kryetari Rugova fton shqiptarët që të marrin pjesë masovisht në tubimet në Evropë, SHBA e Australi;

Presidenti Berisha amnistoi 40 të dënuar;

Alfred Serreçi përkrahu paktin për stabilitet në Evropë;

Përfundoi stërvitja ushtarake shqiptaro-amerikane;

Ministri hungarez i Mbrojtjes në Tiranë;

Në Bari të Italisë seminar kushtuar çështjeve sociale;

Sigurimi serb mori në pyetje anëtarin e Kryesisë së LDK-së Naip Zekën;

Policia arrestoi Dekanin e Fakultetit Xehetaro-Metalurgjik të Mitrovicës;

Represion i shtuar i policisë serbe në lagjen Kodra e Trimave me rrethinë;

Thirrje për stërvitje ushtarake në Obiliq;

Java evropiane e aksionit kundër racizmit;

Seminar ndërkombëtar për ish-Jugosllavinë në Bruksel;

Në kufirin hungarezo – sllovak vdiq Shemsi Topalli;

Nevzat Halilit i vazhdohet paraburgimi;

Persona të maskuar me uniformë ushtarake plaçkitën familjen Maloku në Ferizaj;

Dhuna e përditshme në Kosovë;

Arkani në krye të listës së kriminelëve të kërkuar nga Interpoli;

AT “Korabi” nga Vushtrria mashtroi 600 persona duke u premtuar punë në Libi;

Beogradi në letrën dërguar Galit mohon ekzistimin e çështjes shqiptare;

Administrata serbe e Prishtinës nxori vendimin për pagimin e taksës për ujë prej 300 dinarësh;

Serbët e pranojnë se ndërtimtaria në Kosovë është buzë shkatërrimit;

Raporti i qeverisë serbe për arrestimet dhe dënimet e shqiptarëve ;

Në secilin konflikt mes serbëve pësojnë shqiptarët;

Serbët në Maqedoni kërkojnë ushtrinë ruse.

 

 

Zvogëlim i numrit të nxënësve në Kosovë

Edukimi dhe arsimi fillor brenda këtyre 4 vjetëve shkollorë, karakterizohet me zvogëlimin e numrit të nxënësve, duke filluar prej klasës I e deri në klasën VIII. Mirëpo, krahasuar me vitin shkollor 1993-1994 numri i nxënësve në edukmin dhe arsimin fillor është shtuar për 158 nxënës. Në vitin shkollor 1988-1989 në edukimin dhe arsimin fillor ishin të përfshirë 305.439 nxënës, ndërsa në vitin shkollor 1994-1995 janë regjistruar gjithsej 273.187 nxënës ose 32.252 nxënës më pak.

Në vitin shkollor 1988-1989 ka qenë numri rekord i nxënësve shqiptarë të përfshirë në edukimin dhe arsimin fillor. Prej këtij viti shkollor mes tendenca e rënies së numrit të nxënësve për të arritur shkallën më të ulët të përfshirjes së nxënësve në vitin shkollor 1993-1994, njofton sot “Bujku”.

 

 

22 mars 1997

 

Plagosja e pasqaruar e një polici, pretekst për fushatë represioni në Podujevë

Mbrëmë, rreth orës 20 në një lokal tombolle në udhëkryqin që shpie nga Podujeva në drejtim të Kërpimehut është plagosur me armë zjarri një pjesëtar i policisë serbe.

Komisioni për Informim i Degës së LDK-së njofton se gjysmë ore pas të shtënave me armë, forcat e policisë e kanë bllokuar atë pjesë e qytetit. Është kontrolluar lokali, kalimtarët e rastit dhe veturat, ndërsa janë keqtrajtuar rëndë Muhamet Bllaca, pronar i lokalit “Bingo”, djali i tij Albani, Dardan Gërguri e Hamdi Lushaku.

U keqtrajtuan edhe Hamdi Rexhepi e i biri Bekimi, kryetar i Nëndegës së dytë të FR të LDK-së. Në shtëpinë e Hamdiut hynë 11 policë serbë dhe pasi e kontrolluan shtëpinë, i keqtrajtuan në prani të anëtarëve të familjes babë e bir dhe pastaj i dërguan në stacionin e policisë, ku janë mbajtur deri në orën O1 pas mesnate.

Dëshmitarët nga Podujeva thonë se gjatë natës ka pasur lëvizje të forcave serbe nëpër qytet. Sot më 22 mars, në orët e mëngjesit, u morën në polici në bisedë informative punëtorët e lokalit të tombollës Hamdi Lushaku, Muzafer Lushaku, Bujar Lushaku, Isak Mehmeti nga Podujeva dhe Burbuqe e Shkurte Musliu nga Prishtina.

Thuhet se te postblloku i policisë afër motelit “Besiana” në Podujevë janë ndaluar dhe keqtrajtuar disa kalimtarë të rastit.

Policia serbe ka maltretuar në kuadër të kësaj fushate të gjerë represive edhe Shaban Mehmetin me familje, Nuhi Ymerin, Isa Ymerin e Beshir Begollin.

Për plagosjen e një polici serb njoftojnë edhe radiostacionet serbe. Në emisionin e Radio Prishtinës thuhet se mbrëmë pas orës 20:00 një person i panjohur plagos me armë zjarri policin serb Branislav Milovanoviq. Duke iu referuar burimeve të policisë serbe në njoftim thuhej se në policin Milovanoviq ishin shkrepur pesë plumba nga revolveri 3,57 magnum derisa ai po qëndronte i ulur në një restorant.

Milovanoviqi u dërgua në klinikën e spitalit të Prishtinës me plagë të rënda në stomak, thuhej në njoftim.

Burimet e LDK-së në Podujevë thonë se gjendja në qytet e rrethinë është e rëndë dhe e tensionuar për shkak të kësaj fushate të represionit serb. Vetëm gjatë dy muajëve të parë të këtij viti 3 të rinj të kësaj komune u vranë ose u mbytën nga policia serbe. Ka drojë se për shkak të krizës në Shqipëri, regjimi serb mund të inicojë fushata të gjera represioni me qëllim të provokimit të konfrontimeve.

 

U ngrit aktpadia kundër 18 shqiptarëve

Gjykata serbe e qarkut në Prishtinë, të cilën e prezenton zëvendësprokurori i qarkut Jovica Jovanoviq, ka ngritur aktpadinë kundër 18 anëtarëve, siç thuhet, të ‘organizatës armiqësore ilegale shqiptare’ të cilën kjo prokurori e pagëzon me “Lëvizja Kombëtare për Çlirimin e Kosovës”, e cila ngarkohet për “vepër armiqësore kundër shkatërrimit të Serbisë dhe Jugosllavisë”, por edhe për, siç thuhet për “veprimtari terroriste”.

Aktpadia është ngritur kundër këtyre të paraburgosurve: Avni Klinaku, Mujë Prokupni, Liburn Aliu, Dylber Beka, Gani Baliu, Nebih Tahiri, Shaban Beka, Hajzer Bejtullahu, Enver Dugolli, Emin Salihu, Shukrie Rexha, Naser Tahiri, Dulah Salihu, Ragip Berisha, Burhan Hasani e Majlindë Sinani dhe kundër Agim Kuletës e Fatmir Humollit, të cilët gjendet në arrati.

Në një njoftim të botuar sot në gazetën serbe “Dnevni telegraf” theksohet se organet e instaluara serbe në Kosovë së shpejti do të ngrisin aktapadi edhe kundër 20 anëtarëve të tjerë të, siç thuhet, Organizatës terroriste “Ushtria për Çlirimin e Kosovës” të cilët po ashtu gjenden në paraburgim.

I njëjti burim konstatonte se kinse udhëheqja e kësaj organizate ilegale, e udhëhequr nga Avni Klinaku, paska formuar në Prishtinë njësinë guerile terroriste të ashtuquajtur “Njësia guerile e Prishtinës – Rexhep Mala”, të cilën e përbëjnë pesë njerëz: Liburn Aliu, Agron Rrahmani, Dilber Beka, Agim Kuleta e Njazi Gashi. Në fund të këtij shkrimi thuhej se ata janë përpjekur t’i kryejnë dy aksione terroriste në Prishtinë, ndërsa aksionin e tretë të planifikuar as që e kanë filluar.

Megjithëse i cilëson të arrestuarit si pjesëtarë të grupeve terroriste, shtypi serb sjell si argment për këtë vetëm gjetjen e disa numrave të revistës “Çlirimi”, e cila shpërndahet ilegalisht në Kosovë.

Partitë politike dhe institucionet e Kosovës, si edhe shumë organizata joqeveritare të vendeve ët ndryshme, e kanë dënuar fushatën më të re të arrestimeve të dhjetëra të rinjëve shqiptarë në fillim të këtij viti, e cila nën pretekst të gjurmimit të anëtarëve të organizatave ilagele përgjegjëse për disa incidente të pasqaruara në Kosovë, shkaktoi katër shqiptarë të vrarë. Gjatë hetuesisë kundër të arrestuarëve janë përdorur torturat më të egra, duke shkaktuar vdekjen e Besnik Restelicës nga Podujeva dhe lëndimin e shumë të tjerëve. Torturimi është bërë me qëllim të nxjerrjes së deklaratave vetakuzuese nga të arrestuarit dhe të konstruktimit të një procesi të ri të montuar politik.

 

Lajmet e tjera:

Kryetari Rugova priti diplomatë amerikanë;

Kriza në Shqipëri nuk imponon ndërrime në lëvizjen në Kosovë;

“AP” për Kosovën në kontekst të gjendjes në Shqipëri;

Gazeta “The Christian Science Monitor” për Shqipërinë dhe Kosovën;

Bon: Shqipëria – nga subjekti politik ballkanik në objekt humanitar;

Qarqet serbe konstatojnë dobësimin e pozicionit të Kosovës pas anarkisë në Shqipëri;

Berisha u takua me ambasadorin e Gjermanisë;

Pjetër Arbnori priti ambasadoren e SHBA-ve;

Italia përgatit trupa për në Shqipëri;

Italia vendos të dërgojë ndihma humanitare në Shqipëri;

Tiranë: 40 fëmijë të plagosur nga lëndë djegëse e shpërthyese;

Saranda jashtë kontrollit të policisë;

Gjendje e tensionuar në Berat;

Fier: Përpjekje për stabilizimin e situatës;

Turqia do ta mbrojë me forcë integritetin territorial të Shqipërisë;

Përmirësim i gjendjes së nxënëseve të lënduara nga shpërthimi te FF;

Në Vushtrri mbahen takimet e poeteshave shqiptare.

 

 

 

22 mars 1999

Edicioni i orës 11:00:

 

Mbrëmë në Prishtinë u vranë katër policë serbë

 Prishtinë, 22 mars (QIK) – Mbrëmë rreth orës 18:00 në Prishtinë, në rrugën Milladin Popoviq e cila shpie për në Gërmi, u vranë katër policë serbë, ndërsa një u plagos.

Siç njoftojnë mediat serbe janë vrarë këta policë: Vlladimir Jeftiq, Dejan Ivkoviq, Aleksandar Millojkoviq dhe Milovoje Niqiq.

Ndërsa lehtë është plagosur polici Nexhat Osmani.

Njoftohet se kundër një patrulle të policisë është hapur zjarr me armë automatike nga një veturë.

Policia serbe mbrëmë, pas kësaj ngjarjeje, bllokoi këtë pjesë të qytetit dhe keqtrajtoi fizikisht këndo që gjeti nëpër rrugë.

 

Lajmet e tjera:

Mbi 15 mijë të zhvendosur në fshatin Qirez – pa mbulojë, pa ushqim dhe pa ilaçe

Granatohen fshatrat Peçan e Sllapuzhan të Suharekës

Vazhdojnë të shtënat në fshatrat rrëzë Qyqavicës

Shkrehje armësh në Sllatinë dhe keqtrajtime të shumta në Fushë Kosovë

Në disa fshatra të Suharekës ndërpritet mësimi përkohësisht

 

Edicioni i orës 13:00:

NKMLDNJ në Skënderaj: Deri tash dihet për 16 të vrarë, dyshohet të jenë më shumë;

Vazhdojnë sulmet dhe djegiet e shtëpive në disa fshatra të Drenicës;

Të shtëna në fshatrat rrëzë Qyqavicës;

Rifilluan granatimet e disa fshatrave të komunës së Podujevës;

Të shtëna dhe djegie shtëpishë në Malishevë;

Forca të reja policore serbe erdhën nga Serbia në Kosovë;

Policët serbë keqtrajtuan dy punëtorë të Presidencës së Kosovës;

Persona të panjohur vranë Islam Gashin në Prishtinë;

Vushtrri: Tre persona të maskuar shtinë me armë në shtëpinë e Bedri Kostanicës;

Deçan: Fushatë e egër kundër popullatës shqiptare në Strellc të Poshtëm dhe në Isniq;

Janë përshpejtuar përgatitjet për sulmet ajrore të NATO-s mbi objektivat ushtarake në Serbi;

UNHCR do të vazhdojë me aktivitete në Kosovë;

Kuvendi i Serbisë nesër debaton për raportin e delegacionit serb në Rambuje e Paris;

V.Drashkoviq: Serbët në një luftë të pabarabartë me NATO-n do ta humbasin Kosovën.

 

 

Edicioni i orës 13:30:

Suharekë: Gjatë natës u granatuan fshatrat: Studençan, Peqan e Sllapuzhan;

Podujevë: Granata qëlloi dy shtëpi në Sfeçël;

Forcat serbe plaçkisin shtëpitë në disa fshatra të Hanit të Elezit;

Prishtinë: Ndërpritet mësimi në shkollat fillore e të mesme të komunës, deri me 31 mars;

Vazhdon fushata kundër gazetave shqipe;

Shaban Zeqiri vdiq në spitalin e Prishtinës;

KQS i LDK-së bën apel për strehimin e të ikurve nga lufta;

Hollbruk pritet të takohet sot me Millosheviqin;

Hill, Petriç e Majorski shkojnë sot në Beograd;

Petriç: “Nënshkrimi i marrëveshjes – e vetmja dalje nga kriza”;

Shrëder: “Vetëm Millosheviqi mund ta ndalë luftën”;

Kuk: “Kërcënimi NATO-s është i njëmendët”.

 

Edicioni i orës 14:30:

Në Paris u botua një libër për Ibrahim Rugovën;

Edita Tahiri: NATO duhet të veprojë tash;

KMDLNJ: Një i vrarë në Tërstenik të Gllogocit;

Në Reshtan të Suharekës është djegur shtëpia ku ishte i vendosur Misioni i OSBE-së;

Detonime të fuqishme në Rahovec;

Policia arrestoi një shqiptar nga Lugu i Baranit;

SHHB “Nëna Tereze” bën apel për strehimin e të ikurve;

Kaçanik: Policia serbe konfiskoi një sasi ndihmash të SHHB “Nëna Tereze”.

 

Edicioni i orës 15:00:

Në Kosovë mësimi në të gjitha nivelet ndërpritet deri më 31 mars;

Në Kabash të Prizrenit u gjet edhe i vrari i tretë të shtunën e kaluar

Vazhdojnë sulmet kundër fshatrave të Llapit.