Shëndeti

Si të kontrolloni varësinë nga ushqimi?

“Bright Side” liston disa këshilla nga nutricionistët dhe specialistët e ushqimit që mund të ju ndihmojnë.

Published

on

Ekzistojnë hormone të caktuara në trupin tonë që, siç është vërtetuar nga shkencëtarët, janë përgjegjës për varësinë nga ushqimi.

Shumë njerëz mund të kenë pak ose aspak kontroll mbi sasinë apo llojin e ushqimit që konsumojnë. Kjo jo vetëm që shton numrin e kilogramëve, por shkakton edhe çrregullime të caktuara mendore, siç është depresioni.

“Bright Side” liston disa këshilla nga nutricionistët dhe specialistët e ushqimit për t’ju ndihmuar të luftoni varësinë nga ushqimi.

Zëvendësoni ushqimet e përpunuara dhe ëmbëlsuesit me alternativa ushqyese. Shumë studiues thonë se produktet që përmbajnë nivele të larta sheqeri, ëmbëlsues artificialë dhe yndyrna, shkaktojnë varësi dhe reaksione kimike në trup. Prandaj është e rëndësishme të blini produkte më të shëndetshme. Për ta bërë më të lehtë, bëni një listë para se të bëni pazar, në mënyrë që t’i përmbaheni asaj dhe të mos bëni blerje të papritura.

Kontrolloni porcionet. Nëse nuk mund të përjashtoni plotësisht ushqimin e pashëndetshëm nga menuja, nutricionistët thonë se mund të zvogëloni varësinë ndaj tij duke ngrënë vetëm një sasi të caktuar. Për shembull, nëse doni të hani patate të skuqura, përgatisni pak dhe konsumojini një herë në javë. Gjithashtu, mësoni se cila pjesë e një produkti të caktuar është e sigurt për t’u ngrënë. Nëse jeni ende të uritur, prisni rreth 30 minuta para se të konsumoni diçka tjetër. Gjatë kësaj kohe dëshira juaj për të ngrënë ndoshta do të kalojë.

Konsumoni vakte të rregullta dhe të shëndetshme. Duhet t’i kënaqni nevojat tuaja ushqyese përmes vakteve të ekuilibruara. Të gjithë kemi dëgjuar se mëngjesi është vakti më i rëndësishëm i ditës. Për më tepër, disa profesionistë të shëndetit mendor thonë se nëse zgjidhni ushqim të shëndetshëm në fillim të ditës, ai në përgjithësi do të kontribuojë në përfshirjen e strategjive të shëndetshme në rutinën tuaj.

Kur uleni në një tryezë për të ngrënë përqendrohuni tek ushqimi dhe përtypeni ngadalë. Hormonet janë përgjegjëse për oreksin dhe marrjen e kalorive, dhe duhen rreth 20 minuta që ata të dërgojnë sinjale në tru se keni ngrënë dhe se jeni ngopur. Pra, ngadalësimi do të zvogëlojë shumë shanset për të shtuar peshë.

Kushtojini vëmendje ushqimit emocional. Shumë njerëz mendojnë se konsumojnë më shumë ushqim kur janë të mërzitur ose të stresuar. Por kjo nuk i zgjidh problemet tuaja. Së pari, ngrënia emocionale shoqërohet me zgjedhje të pashëndetshme si karamele, ëmbëlsira dhe pica, etj. Ju mund ta shmangni këtë duke gjetur mënyra të shëndetshme për të përballuar stresin. Meditimi, joga, stërvitja, biseda me një mik, madje edhe leximi dhe shikimi i serialeve televizive, nëse bëhen rregullisht, mund të ndihmojnë shumë në zvogëlimin e stresit, si dhe t’ju ndihmojnë të humbni peshë.

Shmangni kafeinën. Gjumi i mirë është shumë i rëndësishëm për të qëndruar të shëndetshëm dhe për t’u përballur me stresin e përditshëm, dhe kafeina, duke qenë një stimulues, mund t’ju largojë gjumin. Përveç kësaj, siç tregon hulumtimi, ekziston një lidhje midis mungesës së gjumit dhe shtimit të peshës.

Gatuaj ushqime në shtëpi. Ushqimi në shtëpi është më i shëndetshëm, sepse ju jep shumë më tepër kontroll, siç thonë ekspertët. Kur e dini saktësisht se sa kripë, sheqer ose yndyrë ka në pjatën tuaj, mund të keni një ide më të mirë se si të arrini qëllimet tuaja për t’u ushqyer shëndetshëm./Burimi:Panorama

Shëndeti

Boronica, fruta që ul rrezikun nga harresa

Published

on

Një studim i ri sugjeron se boronica, një frutë e zakonshme, por e fuqishme, mund të ndihmojë në mbrojtjen e trurit nga harresa, ka raportuar Getsurrey.

Shkencëtarët kanë zbuluar se boronicat, falë përbërësve të pasur me antocianinë, një lloj antioksidanti që u jep ngjyrën karakteristike të kaltër, ofrojnë mbrojtje kundër sëmundjes së demencës për personat në moshë të mesme.

Këto përbërje, që ndihmojnë frutën të mbrohet nga infeksionet, ka efekte të ngjashme mbrojtëse edhe për trurin e njeriut.

“Ne kemi vërejtur përmirësim të funksioneve të aftësive njohëse te të moshuarit që konsumojnë boronica dhe menduam se mund të jenë efektive edhe te personat më të rinj”, ka thënë profesori Krikorian.

Sipas tij, edhe sëmundja tjetër neurodegjenrative, Alzheimeri, ashtu si shumica e sëmundjeve kronike të pleqërisë, fillon të zhvillohet vite përpara se të shfaqen simptomat, që në moshë të mesme.

Profesori ka shpjeguar se vetitë që e ndihmojnë boronicën të mbijetojë, mund të reduktojnë inflamacionin, të përmirësojnë metabolizmin dhe të rrisin prodhimin e energjisë brenda qelizave të trupit të njeriut, përfshirë të trurit.

Studimi, i publikuar në revistën Nutrients, përfshiu 33 persona të moshës 50 deri në 65 vjeç, me mbipeshë dhe me nivele të larta të sheqerit në gjak, një grup i rrezikuar nga problemet e kujtesës dhe zhvillimi i demencës.

Të gjithë pjesëmarrësit kishin filluar të ndienin vështirësi me kujtesën për shkak të moshës.

Continue Reading

Shëndeti

Çdo ditë bëni këtë gabim derisa i lani dhëmbët, prandaj ju bëhen të verdhë!

Published

on

Higjiena orale dhe dentare është shumë me rëndësi për shëndetin e përgjithshëm.

Ka gabime te larja e dhëmbëve të cilat me siguri i bëni çdo ditë dhe nuk keni haber që po e rrezikoni shëndetin e dhëmbëve tuaj.

Të gjithë e dimë që dhëmbët është e nevojshme t’i lani së paku dy minuta dhe së paku dy herë në ditë. Atë që e bëjmë gabimisht është kur i lajmë dhëmbët në shpejtësi, prandaj në ta ende ekzistojnë mbetje të ushqimit, gjë që mundësojnë zhvillimin e baktereve në gavrën e gojës.

Gurëzit e dhëmbëve, kariesi, inflamacioni janë disa nga problemet me të cilat përballen dhe luftojnë ata që nuk kujdesen në mënyrë të drejtë për higjienën e gavrës së gojës. Shumica gabojnë edhe me sasinë e pastës së dhëmbëve të cilën e vënë në brushë.

Nuk është e nevojshme të vihet pasta në gjithë sipërfaqen e brushës, sepse mund t’i dëmtoni dhëmbët dhe ata me kalimin e kohës marrin ngjyrë të verdhë.

Zmalti në dhëmbë dëmtohet, njerëzit i lajnë dhëmbët me brushë me qëllim t’ua kthejnë bardhësinë dhe shkëlqimin, mirëpo ata bëhen gjithnjë e më të errët.

Prodhuesit e pastave të dhëmbëve rekomandojnë larjen me brushë me sasinë e pastës së madhësisë së kokrrës së bizeles, mirëpo njerëzit shpesh e injorojnë këtë informacion dhe e mbushin brushën me pastë.

Kini parasysh këtë këshillë herën tjetër kur i lani dhëmbët!

Continue Reading

Shëndeti

Sheqeri po dëmton seriozisht shëndetin tuaj, ja çfarë duhet të dini!

Published

on

Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.

Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.

Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.

Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.

“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”

Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.

Continue Reading

Shëndeti

Këto ushqime nuk duhet t’i hani gjatë ditëve të nxehta

Published

on

Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.

Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.

Nëse konsumoni shumë mish do të djersisni më shumë e do keni probleme me tretjen.

Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.

Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.

Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.

Continue Reading

Të kërkuara