Kulturë
Si ta kuptojmë që ka ardhur momenti për të ndryshuar punë?
Një person me aspirata për karrierën e tij, është gjithmonë në kërkim për të mësuar gjëra të reja.
Nëse je në fillimet e tua të karrierës, një punë e re, ashtu si çdo ekperiencë tjetër e re është gjithmonë sfiduese në fillimet e saj. Por, sfidat që hasim nuk duhet të na pengojnë në kërkimin e mundësive të reja rreth nesh. Madje, shpesh herë, këto mundësi mund t’i kemi shumë pranë, por ne nuk marrim mundimin as t’i vlerësojmë ato.
Ka disa arsye përse ndodh kjo. Të pasurit e një pune prej një kohe të gjatë nënkupton së pari stabilitet financiar dhe është e vërtetuar shkencërisht që stabiliteti financiar ndikon pozitivsht në shëndetin tonë fizik dhe mendor.
Përveç stabilitetit, janë edhe marrëdhëniet e mira shoqërore që krijohen në mjedisin e punës. Ndjesia se je me njerëz, të cilët i njeh prej kohësh të bën të ndihesh mirë, e në fund të fundit, kush nuk do ta dëshironte diçka të tillë.
Por jo vëtëm kaq. Qëndrimi në një vend pune të jep mundësinë të krijosh eksperiencë, të rritesh në pozicion e kështu të përvetësosh çdo detaj të punës.
Duhet ta përmendim gjithashtu faktin që tregu i punës sot karakterizohet nga një konkurrencë e lartë, pasi ka mjaft të rinj të talentuar, këmbëngulës dhe me dëshirë për të ecur sa më lartë në karrierën e tyre. Për këtë arsye, shumë prej tyre e ndjejnë veten me fat vetëm që kanë arritur të kenë një punë në profesionet përkatëse.
Janë këto arsye, por jo vetëm, që na bëjnë të “ngecim” në një punë e të mos kërkojmë mundësi të reja.
Por le të shohim dhe anën tjetër të medaljes.
Qëndrimi në një punë për një kohë të gjatë bën që në një mënyrë apo një tjetër, të krijojmë zonën tonë të rehatisë. Jemi në një punë ku njohim shumicën e detyrave, njohim të gjithë personat. Me pak fjalë, ndihemi rehat. Por, nëse do të shikonim më larg, do të kuptojmë që kjo punë në fakt është kthyer në diçka monotone. Monotonia është vrasësi kryesor i motivimit dhe produktivitetit.
Të mos ndjerit të motivuar për punën është shenja e parë që ka diçka që nuk shkon, pasi në një punë ku nuk ndihemi të motivuar, nuk mundemi as të japim maksimumin tonë. Në këtë mënyrë edhe produktiviteti do të jetë i ulët.
Monotonia dhe pakënaqësia në punë reflektohen gjithashtu në jetën e përditshme, duke u bërë shkaktarë të palumturisë dhe pasivitetit. Duke bërë të njëjtat gjëra çdo ditë, nuk kërkon më maksimumin nga vetja dhe nga ëndrrat.
Thamë gjithashtu që nëse qëndrojmë në një ambjent pune do të kemi mundësinë të mësojmë shumë aspekte e detyra, jo vetëm të profesionit tonë por edhe të kolegëve. Kjo është mjaft e mirë, por gjithmonë vjen një moment kur nuk kemi më gjëra të reja për të mësuar.
Një punë e re të bën të kalosh limitet, të jesh më aktiv dhe shpesh herë njerëzit të cilët kërkojnë këtë gjë, i bën të ndihen më mirë.
Një person me aspirata për karrierën e tij, është gjithmonë në kërkim për të mësuar gjëra të reja.
Nga ana tjetër dimë që janë dëshirat dhe synimet për t’u përmirësuar, faktorët që na shtyjnë përpara, por në një ambient që nuk na ofron mundësi për të mësuar, synimet tona personale nuk do të mund të përmbushen.
Pavarësisht se është e vështirë të dalësh nga zona e rehatisë, nëse puna juaj aktuale nuk ju ofron zhvillimin që dëshironi dhe prisni nga vetja, atëherë është koha të bëni ndryshime.
Mos humb asnjë minutë më shumë, ka mjaft portale që të ofrojnë informacion për vendet vakante të punës, ku shumë mirë mund të japësh kontributin tënd, të mësosh e të ndihesh i përmbushur!
Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.
Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:
1. Mont Blanc (Francë / Itali) – 500 vdekje
2. Matterhorn (Zvicër) – 342.9 vdekje
3. Rruga North Yungas (Bolivi) – 168 vdekje
4. Mali Kilimanjaro (Tanzani) – 20 vdekje
5. Mali Everest (Nepal) – 20 vdekje
6. Salar de Uyuni (Bolivi) – 6.2 vdekje
7. Deti i Vdekur (Izrael) – 5.6 vdekje
8. Ben Nevis (Mbretëria e Bashkuar) – 4.6 vdekje
9. Parku Kombëtar North Cascades (SHBA) – 3.3 vdekje
10. Pylli i Amazonës (Brazil) – 3.1 vdekje
11. Mali Fuji (Japoni) – 2.3 vdekje
12. Parku Kombëtar Komodo (Indonezi) – 1.8 vdekje
13. Picos de Europa (Spanjë) – 1.7 vdekje
14. Kanioni Colca (Peru) – 1.7 vdekje
15. Mali Washington (SHBA) – 1.6 vdekje
16. Blue Hole (Egjipt) – 1.6 vdekje
17. Liqeni Piru (SHBA) – 1.4 vdekje
18. Mali Snowdon (Mbretëria e Bashkuar) – 1.4 vdekje
19. Lumi Colorado (SHBA) – 1.1 vdekje
20. Parku Kombëtar Mount Aspiring (Zelanda e Re) – 1 vdekje
Burimi: Traveller’s Elixir
Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.
The Night Manager
Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.
Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.
Run Away
Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.
“Run Away” do të shfaqet premierë më 1 janar në Netflix ndërkombëtarisht.
The Pitt
Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.
Premiera e “The Pitt” do të shfaqet më 8 janar në HBO Max në SHBA.
His & Hers
Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.
“His & Hers” do të shfaqet premierë më 8 janar në Netflix ndërkombëtarisht.
Industry
Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.
Hijack
Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.
Hijack do të shfaqet premierë më 12 janar në Apple TV ndërkombëtarisht.
Agatha Christie’s Seven Dials
Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.
“Shtatë Dials” e Agatha Christie-s shfaqet premierë më 15 janar në Netflix ndërkombëtarisht
Ponies
Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.
Premiera e “Ponies” do të jetë më 15 janar në Peacock në SHBA.
A Knight of the Seven Kingdoms
Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.
Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.
The Beauty
Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.
Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.
Shrinking
Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.
Shrinking do të shfaqet premierë më 28 janar në Apple TV ndërkombëtarisht.
Bridgerton
Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.
Bridgerton do të shfaqet premierë më 29 janar në Netflix ndërkombëtarisht.
Më 15 janar do të ndizen qirinj për viktimat e gjenocidit në Kosovë
Pas 26 vjetësh, Peja nuk shënon asnjë vrasje në 2025-ën
Nëna e binjakëve të vrarë në Prizren kërkon burgim të përjetshëm për Millosh Pleskoviqin
Hasan Arat nderohet me medalje presidenciale për kontributin në afirmimin ndërkombëtar të sportit të Kosovës
DW: Ç’pamje mund të kenë trupat evropiane në Ukrainë?
REL: Dhjetëra kufoma para morgut në Teheran, mes protestave vdekjeprurëse në Iran
REL: Lidhjet e grupeve kriminale nga Ballkani me Venezuelën
REL: Ekonomia e Kosovës në dekadën e fundit: Rritje në shifra, ulje në jetën reale
Cilat janë 50 klubet më të vlefshme të futbollit në botë?
-
Aktualitet3 months agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Aktualitet2 months agoU mbajt Mbledhje Komemorative në nder të Prof. Dr. Faton Kabashit në UBT Prizren
-
Rajoni2 months agoProfesorët e UBT-së publikojnë studim shkencor mbi cilësinë e ujërave nëntokësore në Komunën e Suharekës
-
Lajmet3 months agoProfesoresha e UBT-së, Dr. Fatbardha Qehaja Osmani boton studim ndërkombëtar në revisten prestigjioze të Quartile-it 1- Reading Psychology, Taylor & Francis- Routledge