Lajmet

Si ndikon regjimi ushqimor në funksionin imunitar?

Published

on

Imuniteti i lindur është linja e parë e mbrojtjes dhe përbëhet nga pengesa fizike, të tilla si lëkura dhe mukozat dhe mbrojtja kimike dhe qelizore.

Sistemi imunitar i lindur reagon në të njëjtën mënyrë për të gjithë pushtuesit e huaj. Por nëse sistemi ai nuk është efektiv ndaj një kërcënimi të mundshëm, sistemi imunitar adaptiv e merr përsipër këtë kërcënim.

Sistemi imunitar adaptiv përbëhet nga qeliza të specializuara të gjakut dhe proteina, që synojnë të gjejnë shkakun specifik të infeksionit.

Ai funksionon me anë të kujtesës, prandaj trupi i një personi bëhet imun ndaj sëmundjeve specifike pas ekspozimit fillestar.

Sëmundje të caktuara, ilaçet dhe mënyra e jetesës, mund të ndikojnë negativisht në funksionin imunitar.

Si ndikon regjimi ushqimor në fuksionimin e imunitetit?

Kërkimet të cilave AgroWeb.org iu referua, tregojnë se edhe regjimi ushqmior i një personi mund të ndikojë në funksionin imunitar.

Për shembull, ushqimi mund të ndikojë në mikrobiomën e zorrëve, proceset inflamatore dhe funksionin e qelizave të bardha të gjakut.  Të gjithë këto ndikojnë më pas në funksionin imunitar.

Kur një regjim ushqimor që ka tendencë të përmbajnë nivele të larta yndyrnash, ushqimesh të përpunuara, sheqer të shtuar, kripë dhe kalori, shoqërohet me një rrezik të shtuar të sëmundjeve kronike.

Në të kundërt, një regjim ushqimor i pasur me ushqime, të tilla si perimet, frutat, arrat, bishtajoret, prodhimet e detit dhe i ulët më ushqime të përpunuara, mund të zvogëlojnë rrezikun sëmundjeve kronike dhe të promovojë një funksion të shëndetshëm imunitar.

Megjithatë ndërveprimi midis regjimit ushqimor dhe shëndetit imunitar është shumë kompleks.

Shkencëtarët ende po mësojnë se si ushqimet që një person konsumon mund të ndihmojnë ose dëmtojnë funksionin imunitar.

Cilat ushqime janë të dëmshme për imunitetin?

Ushqimet dhe pijet me sheqer të shtuar ndikojnë ndjeshëm në rritjen e niveleve të sheqerit në gjak.

Një studim i vitit 2012, në të cilin AgroWeb.org u bazua, zbuloi se pjesëmarrësit që kishin nivele më të larta të sheqerit në gjak kishin përgjigje më të ulët të imunitetit.  Ata gjithashtu kishin edhe nivele më të larta të inflamacionit në trup.

Gjithashtu, ushqimet me shumë sheqer të shtuar dhe karbohidrate të rafinuara mund të ndryshojnë negativisht bakteret në zorrë. Duke çuar në shqetësime të tretjes, të tilla si fryrje të stomakut.

Një mikrobiomë e shëndetshme është thelbësore për funksionin imunitar sepse bakteret e zorrëve luajnë një rol kritik në zhvillimin dhe funksionimin e sistemit imunitar.

Studimet tregojnë se gjithashtu ushqimet me yndyrna të këqija mund të nxisin inflamacionin, modifikojnë bakteret mira të zorrës dhe të pengojnë funksionin e qelizave të bardha të gjakut.

Ndërsa ushqimet me kripë të shtuar lidhen me rritjen e inflamacionit në trup. Gjithashtu rrisin rrezikun e sëmundjeve të caktuara autoimune, të tilla si artriti reumatoid.

Një regjim ushqimor jo i shëndetshëm ka treguar se rrit rrezikun e zhvillimit të disa sëmundjeve kronike.  Këtu mund të përfshifet kanceri, sëmundjet e zemrës dhe diabeti i tipit 2.

Sidoqoftë, kërkimet vazhdojnë dhe shkencëtarët ende nuk e kuptojnë plotësisht këtë marrëdhënie komplekse./AgroWeb.org

Aktualitet

Regjistrohu tani në Gjuha Angleze në UBT dhe përfito bursë 20%

Published

on

UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.

Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.

UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.

Studentët e interesuar mund të aplikojnë online përmes platformës: APLIKO TANI ONLINE!

Continue Reading

Aktualitet

Në zyrën e Ivica Daçiqit mbërrin një zarf me tre plumba

Published

on

Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).

Sipas njoftimit, zarfi është vërejtur të enjten gjatë procesit të rregullt të ndarjes së postës.

“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.

Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.

Nuk është bërë i ditur identiteti i të dyshuarit.

Continue Reading

Aktualitet

U përurua çerdhja e re për 60 fëmijë në Fushë Kosovë

Published

on

Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.

Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.

Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.

“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.

Në përurim mori pjesë edhe ministrja në detyrë e Arsimit, Arbërie Nagavci.

Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.

Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.

Continue Reading

Aktualitet

Kurti për akuzat ndaj UÇK-së: Manipulohet një kapitull për të cilin Basha s’ka faj

Published

on

Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.

Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.

“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .

Kryeministri në detyrë tha se buja që bëri ky shkrim është keqinterpretim dhe deformim.

“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.

Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Continue Reading

Të kërkuara